盛八日式燒肉放題店 (已結業)

去盛八午餐，叫了一個鹿兒島黑豚二人前：有機野菜沙律：現今有機食物似乎巳成食肆的新潮流。不過去得盛八，巳將什麼“三低一高”暫忘，都豁出去了，是否有機都無所謂。鹿兒島黑豚：很好味，只有少少肥。燒汁牛肋骨肉：這個是我們最喜愛的，既容易燒又很有牛味，加上又不靱。鹽燒特上一口牛舌：牛舌好像是這裏的招牌菜之一，但因為厚，很難燒得好。香草汁雞腿肉：雞腿肉變成綠色的，樣子很嚇人，但食落又不覺香草味特別濃。盛八鴨胸：一般。套餐還有白飯，湯。除了白飯和沙律，所有肉類都偏鹹，但偶然想玩“煮飯仔”，還是會來的。

今日同個朋友黎左呢度食午飯叫左個二人SET有豬肉同牛肉..仲有蜆..同埋鴨胸..雞翼..仲有其他唔知乜肉要自己燒真係似足韓燒但係都幾好味呀價錢都OK..

琴晚同友人叫左個二人set...有和牛, 香草雞肉(唔知點解係version 2), 亞拉斯加蟹, 牛脷, 赤豚, 鴨胸鵝肝, 和牛炒飯, Gelato非常夠食...最中意牛脷呀...好香...服務都好好...食完又唔會成身油煙味, 幾好~~可以再去呀, 不過下次會試下散叫, 試下第二o的~

今晚友人為慶祝我的生日, 專登一星期前book 了卡位, 所以坐得好舒服, 雖然坐了差不多兩小時, 經理要求我地讓枱給一班人, 不過都好好禮貌..服務態度確實不錯,不斷幫我地refill茶, 又幫我地換新的醬汁.. 又好細心介紹點樣食法會較好味..兩個人點了成枱食物, 和牛一般啦,梅子雞肶肉好好食, 有個溫泉蛋沙津幾好食, 雜菌都唔錯, 黑豚肉一般, 和牛炒飯都唔錯, 牛肋骨都幾好, 芝士蕃茄一般, 鮮橙西柚汽酒幾好, 值得一試..兩個人埋單差不多$700.. 都算唔平..

由於我們今次是帶隊前來香港第二次考察香港食肆服務的評估來作澳門旅遊業統計，最初在網上看見香港盛八燒肉店顧客的評語，看見經理態度的一頁，都有些擔心會影響本店的評估，但是作於本會要進行服務統計及要加強瞭解並非事實，因此我們便致電訂座，當我們在29-05-2007前來盛八(銅鑼灣)分店，我們便安排座了卡位，之後我們便特登地提手示意叫經理Anthony過來介紹飲品及前菜，這位經理便細心地介紹了燒酌綠茶、檸檸汽酒以及盛八特色沙律、十勝和牛拖羅刺身，之後我們食到差不多，Anthony又再一次過來傾喝食品意見及介紹主菜，他介紹了好幾款食品，信州和牛、燒汁牛肋骨肉、果味牛胸腹、生薑黑豚肉、特選厚切鹽燒牛舌、海鮮拼盤等等：況且當每一樣食品送出來的時候也會講解一次食品名稱及汁醬的食法，還有位侍應Maggie feel茶的時間也很適當及有禮貌，此外當我們開始燒食品的時候，還有一位侍應Sue來講解燒法，真係又一點服務細心的感覺呈現出來，而到最後還清潔檯面，再由侍應King介紹了盛八奇兵、開心果雪糕給我們，有時真係覺得一頁的評論是不可取的，始終都要實地瞭解及感受方可作出評價，最後本會也會發出訊息傳遞香港旅遊協會

以為HSBC 星期二有什麼特別優惠﹐原來指定菜式半價只有兩種指定菜式﹐其中一種更平時都有6 折優惠﹐有點被搵笨的感覺﹐不過既然來到﹐那就安然試試這裡的燒烤吧。不過有一樣更不高興的是我已經是兩個多星期前訂位﹐居然被安排坐在長檯的中間﹐都幾逼夾﹐實在有點不快。以為卡位要4 個人才可安排﹐不過當日見大部份都是2 個人的﹐心想這樣的服務﹐來一次夠了。食物卻是可以的﹐當然不是什麼頂級的食材﹐不過醃料味道既多元化又新鮮﹐可見是下過一點功夫的。這裡看價錢像是很合理﹐不過碟頭偏細﹐所以最後埋單都不便宜﹐兩個人(其中一人說不飽﹐回家還要吃公仔麵) 連兩杯啤酒都食了$635﹐在這種環境吃﹐我覺得都幾貴。HSBC 套餐應該比較抵食﹐可惜我不想吃豬肉。兩個人點了6 個菜都有人不飽﹐可見碟頭有幾細﹗特上一口牛舌($63) - 切成粒狀上﹐大約有十粒左右﹐一口一件﹐燒起來都甘香可口﹐送啤酒一流。信州和牛($125) - 一片大約1cm 厚的牛扒﹐切成6 小件﹐但見脂肪分佈不太平均﹐牛味也不足﹐更加沒有入口即溶的感覺﹐不過當日喇﹐一分錢一分貨嘛。我只當是普通牛扒來吃﹐還是幾enjoy 的。嚴選帶骨牛肋骨($88)

前幾日我上網看到盛八日式燒肉店好似好多野食咁,所以約左三五知己去試下啦!!點知...我地想加荼個男經理行過黎咁我地叫佢啦!佢一次又一次咁唔應我地,一個字火呀...因為佢望到我地叫佢點知佢立即唔望,我知佢係經理唔洗加茶不過都可以應下呀....唔知咩態度...我對這公司服務態度無信心因為一個經理都可以咁既態度....之後好在有個四眼員工幫我地加茶如果唔係我一定走....

我同班舊同事不嬲都有固定的gathering, 當日有好朋友考試成功請食飯, 我地就老實不客氣地book 左去盛八食燒烤~ 最衰我當日忙到死, 遲左去, book 左八點點知九點先去到, 要2個Bonnie 等到頸都長...好喇, 都係入正題了, 我地6 個人食, 點左勁多野食...都係各種肉類啦, 同埋佢地個盛八沙律(沙律汁勁得), 仲有湯飯及飲品...佢地d 肉都好好味, 本身已經好有味道, 而且再加上勁鍾意佢地d 調味汁, 好正...食下食下, 真係好有一種似曾相識0既感覺, 就係自己好似身在日本東京0既牛角咁呀!!!! 舊年去左2次日本, 食左一次牛角之後真係勁正呀覺得, 第二次去係一放低野0係酒店就即係去牛角...嘻嘻, 依家唔駛去日本都有好正的燒肉食了~ yoyoyoyoyoyoyo~ 至於個環境同各服務員的表現呢, 都ok 啦, 印象中d 服務員都係麻麻地, 可能0個日係星期五晚上, 比較忙啦~

湊熱鬧，也來這裡。當然不會點HSBC那個套餐，怎麼說，老是覺放得牛肉上個爐到豚肉都不應該放上去。店裡推介信州牛肉，$250@100g，上桌覺得切得太薄，味道叫做點都好過澳洲和牛，但一和附近雪村主打那個佐賀A5牛當然冇得比，更遑論在日本吃過的神戶牛米澤牛飛彈牛；牛舌厚切，味道不錯也有嚼勁；牛肉刺身不敢恭維，上桌太遲，吃完信州牛已覺刺兒無味，又近火爐，匆匆吃還是見到血水，又散，想燒也無辦法，叫了大根沙津，是冷盤，味道一般，上回吃過燒露筍和磨菇很不錯，今回只叫露筍因為磨菇只有一小顆收$28覺得不值。牛排骨選了黑椒味，有得揀當然不想要醬汁，醃過的醬汁沾到鍋上之後再燒肉就有味了。海鮮煎餅是廚房弄好上桌的，樣子有九成似蔥油餅。上回吃的奶凍有怪味今次吃Gelato，唔錯，如果不嫌貴值得一試。論環境氣氛味道還是喜歡和宴，論招呼這裡卻比較主動熱心。香港太少像樣的日式燒肉店，這裡算是食得過，不過有些食物還是避免叫好點。

昨晚(16-May-07) 和一個朋友慶祝生日，朋友揀咗這間日式燒肉店。由於末食過，所以都冇expectation。我們點咗一個滙豐咭優惠套餐，有盛八特式野菜沙律• 盛八冷奴• 日本產信州和牛• 阿拉斯加長蟹腳• 鹽燒依達赤豚肉• 鵝肝鴨胸卷伴藍莓汁• 法式芥苿芓牛舌• 意大利香草雞腿肉ver.2.0 • 特上和牛炒飯• 意大利天然低脂雪糕。初初以為會食晤完，但來到後發覺都係剛夠二人份量。盛八似韓國燒烤店，但份量不會太大，適合二至四人來吃！食物幾好味，下次會再來，但會散叫！今次優惠套餐$484，再加10% service charge!

12.05.07因為想試下燒肉, 唔係燒味檔的, 係日式燒肉, 所以便到這裡一試. 點了假日二人午餐, 很豐富, 有:1.黑椒牛舌: 方形細細粒, 好有口感, 辣辣地, 正!2.梅子雞腿肉: 幾滑, 唔錯! 但好似有甜味, 無梅味喎. 似蜜糖多d!3.豬肋骨: 估唔到呢個都幾好, 仲以為個樣好似排骨咁, 會鞋鞋地, 唔好食. 但又唔係喎. 4.牛肉: 原本係盛八腸, 但侍應話可以改喎, 咪改牛肉囉, OK.5.盛八腸: 哈哈, 本來改咗做牛肉, 但廚房又忘記咗, 我們燒咗兩件, 侍應才發現, 馬上主動替我們更換, 服務態度值得一讚! 原來這盛八腸都好好味, 係肥咗少少, 但係一層層的好有咬口. 醃得入味, 很不錯!6.牛油燒大蝦: 真係無扼你, 開了邊, 放了牛油, 邊燒邊看著牛油溶掉, 口水都流埋. 味道不俗. 這裡的服務的確值得一讚, 除了主動替我們更換錯上的燒物外, 更不時替我們加茶. 相當勤快! 抵讚! 下次要試試晚市!

牛肉很多算擇﹐燒汁和果味牛肋骨肉是吾之所愛!!! 牛舌更係必吃~!! 和牛炒飯夠乾身﹐好吃! 好欣賞拒地果個酸酸地﹐白色既汁﹐令肉唔會太膩﹐中和左...服務generally很好﹐尤其是阿Sue(黑膠框眼鏡女仔)好抵讚!! 有笑容又熱心!! 同一眾男侍應﹐細心介紹添茶又密- 奈可...一位叫Kinki既女侍應實在好過份! 十問九唔應﹐問有無多春魚﹐因為好想食﹐又聽到後面檯人係度講﹐又見個menu有種叫多寶魚﹐咪問下囉..想食丫嘛..叫左拒幾次﹐終於捨得過黎﹐根住拒問"要咩呀",我地咪問"請問有無多春魚架?" 拒碌大隻眼好唔耐煩噤話"咩魚呀﹐我地呢度都無魚既~" 跟住施施然行走左???真係團火升到上心口! 好聲好氣好禮貌噤問一句﹐唔係好過份jeh? 係唔係想叫野食都煩到拒?食物雖然係好抵好好食﹐但係因為一位侍應﹐令到呢餐好唔愉快。希望餐廳能夠對某d唔專業既員工提供一下培訓!!!

的確不錯．．．$45一set!!!份量剛剛好!環境很好!服務不俗勤加茶,又會主動收野...真是不錯地方..地方位置很方便123樓上..

Just say a word 'GOOD' ! It's worth to eat the dinner set for 2 persons only $484. Satisfaction for both of us.^_^

2-5-07(三) 2:00pm 2人朋友仔helen介紹我黎食,即刻上openrice昅昅,見咁多好評,lunch仲咁平tim,即刻搵人陪我黎試下,我地坐卡位,幾舒服,不過燒燒下,個爐好近,都有點熱,叫左兩個set lunch,有幾款選擇的,我同朋友都選同一款餐,因為我地都幾like食牛..燒汁牛肋骨肉,有牛味,肥瘦均衡,好可口美味,e+一邊寫食評一邊流緊口水。鹽燒一口牛舌:有少許胡椒,真係好好食,朋友都不停讚又好食又抵食。我較喜歡燒汁牛肋骨肉,朋友較喜歡牛舌,但其實兩者都好好食,但份量較少,女人份量都ok,男人應該唔夠飽,餐有兩件餃子(都幾好食,有d似雞軟骨餃子),蛋花湯(都幾好飲),白飯(珍珠米),見到樓下招牌話餐係有埋沙律,但上到餐廳餐牌又冇寫,唔知點解,午餐至到2:30pm..每個set$45,仲唔洗加一,好鬼死抵,下次要試下晚上,不過貴好多..