盛八日式燒肉放題店 (已結業)

昨日約o左個friend傾o野, 加上小弟快生日, so 選盛八, at least 無WaSanMei o禁貴(人o地請ma)Lunch Menu 有$138 (虎蝦x2); 牛肩肉; 雞肉; 尤魚; Wasabi 牛舌粒Compare with dinner, 質/量都有80-90%, 價錢便宜一半招呼Good and fast, 尤其我o地傾o野,飲好多茶, refill 快, good service (可能after 繁忙時間, 否則好多餐廳都唔OK la) 小插曲: 同朋友傾diff between 銅鑼灣& 旺角盛八, 問o下Waiter哥哥, 答唔倒,後面的老板娘出手(頗cool)....after 22:00 旺角20% Discount , 頗攪笑...haha

見到好多飲食雜誌介紹, 所以前日星期日同我老公兩個人去試下~~見到中銀信用卡有優惠, 即刻落order先大蝦什錦併盤$388!!真係幾好食喎, D肉好入味...另外再加左個和牛抄飯及盛八腸都好正!只可惜因續酒牌,未能出售酒類, 但可以自行買上去喎!

前幾日睇Ｕ雜誌，見到盛八燒肉排頭一名，所以即刻訂左張枱　　　　　　　　　　　　　　　　　　　　　上到去個環境都幾有居酒屋feel!幾舒服! 座低同Ｄfriend研究memu!之不過大家都唔知叫咩食! 於是叫個哥哥仔介紹牛助骨肉→超好食信州和牛→肉味重，油花都ok，佢話係Ａ4個wo~ 厚切牛舌→頭頭自己燒到好韌,so...叫左個哥仔幫手燒，果然要有技術,oh~好爽口! 之後仲有好多....唔記得左! 仲有哩到Ｄorder有好多味可以選擇!唔似其它燒肉店得幾款可以揀　　　　　　　　　　　　　　　　　　　最正嘅係～原黎中銀卡有９折＆有個＄３８８嘅拼盤（有海鮮＋和牛）好似都OK bo!下次在黎試過!

好多雜誌介紹，今日同朋友一行三人去試下，無book位，19:45上到去話full booking，要睇下20:00有無人取消先比得檯，敢未等啦！等到20:10，話有檯埋緊單，我地好有耐性敢等，等到20:30，佢又話要比左booking D客人先，再等一陣就有啦，然後等到20:45，都話未得，我忍唔住發爛搽啦，完全唔係做事，無誠意去安排，足足等左一個鐘，無晒mood食啦，最後走左去食韓國燒烤!日本餐廳應該出名服務好，從未見過禁差的服務!

唔知係星期日晚少人D，定係book左檯既關係，我地八點半去到，都full，不過就唔使等。雖然得果兩個人，但為左試多D野食，所以都叫左唔少野。D名唔係完全記得晒，不過應該相差唔遠。凍豆腐- OK滑，正常，冇乜特別溫室青瓜- 幾嫩，幾爽脆，加埋佢個濃味既汁幾好食蔥薄餅- 煎薄餅上加大量生蔥，十分香口一口牛肉- 幾多肉汁，一口一件，幾好食厚切牛舌- 如其他食評所講，燒完很香，很好味盛八腸- 都不錯，不過及不上牛舌信州和牛- 肉質及脂肪分佈不錯，食落都有"化"既感覺蜆- 雖然細細隻，但很鮮甜，正香草雞肉- 有驚喜，燒香草特別香，雞肉嫩及有肉汁番石榴Gelato - 食完咁多熱野，一個酸酸地既Gelato十分清新十分滿足的一餐，有少少尾中不足係---佢地未有酒牌，冇酒供應。不過可以自己帶去，佢會幫你用冰桶雪住，下次我都要自己帶去先得！

傍晚六點入席，得果兩抬客，都唔明點解要坐bar，個senior 話其他位reserved. 當然好唔接受哩個答案，唯有將個面部表情展示出黎。有個好鬼醒的junior問想唔想坐風口位細d的位置，咁就轉左位.落單時，個senior發緊夢, 指住個圖+ 講埋要乜野食物，佢覆單時係全部錯晒，再重複比佢聽，佢"係"左聲就走左。食物黎既時候當然有幾碟不對，又要再落過單。同埋，佢對食物都唔多了解，問果汁同燒汁有何分別，佢答：果汁有果汁味，燒汁有燒汁味。再問牛肋骨及牛胸腹持之分別，佢只可比較那樣較厚些! 問到這裡也沒興趣再問下去。食物質素算中上，上菜也很快，junior主動添茶+ 分好石頭飯給食客，希望下次個會senior醒少少

禽日自己生日, 見到呢到食評都幾OK, 所以一心諗住去試一試, 我老公重一個星期前已經book左位. 點知去到先發現我地被安排坐bar枱,真係呆左, 點解book位果時無同我地講過,到confirm booking 時亦都無人提過...最慘係, 我地問點解一個星期前book位都要坐bar枱,同埋點解無人同我地講過要坐bar枱. 佢地竟然答"其他枱係俾4人坐, 我地呢度2個人'係'要坐bar枱".Fine!! 佢不單連一句唔好意思都無講, 就好似"我呢度係咁架啦,你坐唔坐呀!!" 我地第一次去食, 點會知佢地有咁o既"規矩", 莫非佢地expect全港七百萬人已經幫襯過佢間鋪頭. 如果當時坐滿晒人, 我個心都好過o的,但係當時有8成枱係無人坐, 但係佢都要hold住o的枱俾"4"個人坐, 更唔介意為左hold枱得失個客人...而且佢地o既態度係"你咪走羅", 佢地完全無諗過方法去補救件事... 你有你不滿,佢地有佢地"唔出聲",當你透明, 原本唔"興"都俾佢地激到"興"!!!1. 係香港bar枱唔係個個都願意坐,點解佢地唔事先講清楚, 等客人有一個選擇,"o黎唔o黎;坐或唔坐".2.

第二次光顧, 三人行. 需然是星期二, 但頭段依然坐無虛席, 本來想訂8:30pm, 不果. 要9pm. 成! 用匯豐簽賬的話有套餐優惠, 就點了個半價套餐1份, 加盛八大腸1客及生啤1杯. 盛八腸: 用豬大腸加韓式的豆瓣醬撈混. 熟的, 但不是熱的. 在餐牌內有建議食法, 就是把大腸微微烤至金黃色便可享用. 韓式豆瓣醬是辣的, 大腸經烤過後肥油溢出. 口感柔軟, 夠惹味. 而且烤過後都不會韌. 值得一試. 套餐三個人都夠食, 有:沙律, 凍豆腐, 蟹腳, 牛舌薄切, 和牛, 香草雞, 鵝肝巻, 豬肉片, 牛肉炒飯, 雪糕. (如有錯漏, 請見諒!). 份量無問題, 用料實在, 無欺場. 但如果這個套餐不是半價的話, 本人就建議散點好了. 蟹腳夠大件, 吃時啖啖肉, 只是略咸. 牛舌薄切可以(之前試過一口牛舌, 還是一口牛舌比較好), 和牛甘香軟綿綿, 其他的香草雞, 鵝肝巻, 豬肉片, 牛肉炒飯, 雪糕等等都不過不失. 汁醬跟得足, 而且各自各精彩. 無重複, 但本人喜歡原汁原味, 只是淺嘗. 散點的食物的款式都很多, 任君選擇. 而份量則較適合2-4人分享. 點點小發現:

見大家都讚不絕口，某日我都去左試下呢間盛八。兩個人，叫左牛舌、黑豚肉同盛八腸。黑豚肉的味道ok，但又唔係好驚喜；牛舌就好好味，好滑，唔似我地一向食開的牛舌的感覺，食得過；盛八腸有dd辣既，可以放0係個爐上面燒多幾燒，熱熱地又香口d~除左肉，我地都叫左個菇pack，燒左之後的雞髀菇最好味~ 值得一提係盛八有個套餐，不過我地研究過，除非係食量比較大，否則就食唔落咁多好野喇~

尋晚同fd上去食飯，已經定左8:30，點知去到仲要等成個鐘！個reception又唔知做乜咁，見到門口全部都係人但竟然走左入去唔理我地。好喇，苦等一個鐘終於有得坐，但坐低左又無茶又無汁，要三催四請先有點汁，但想order時又無人理。嘩，今時今日咁服務態度，搵人幫襯啦。講真佢地食物唔差，以前去幾次亦都唔係咁服務，唔知點解而家會變成咁！？

Lunch 同同事去o左試, 環境幾好, 係可以傾計o既地方。有o的似韓國燒, 不過無咁煙, o的食物質素都好好多。比起海鮮同雞, 牛始終都係最好食, 燒焦o左都仲幾滑。唔知點解o的waiter唔多聽到我o地講o野, 係咪未o訓醒?每人$70, Lunch o黎講其實幾貴, 不過夜晚就好OK!

之前都去過旺角店2次今次第一次嚟CWB盛八.食物質素同旺角都一樣,幾好~雖然貴少少,但d牛肉真係好juicy~最鍾意食果度o既羊扒旺角店會嚮羊扒上面舖滿香草醃料我d friend就覺得咸咗dCWB店就無舖滿但都夠味個一口牛肉都好好味辣燶小小外面一口咬落d牛油味真係正service方面d侍應態度唔係差但真係無耳性囉d嘢要追幾次先有嗌埋單都嗌咗3次呀~不過可能星期六人多兼人手唔夠啦抽風就無旺角店做得咁好坐落都覺得熱

今日約左同事食LUNCH,見食友話幾好,便來試試...這兒的環境不錯,座位寬敞.因為懶揀,叫了2人SET LUNCH.前菜係沙律,沒有SAUCE,蔬菜沒有好FRESH的感覺.主菜有鹿兒島黑豚,香草雞腿肉,牛舌,鴨胸同日產信州牛肋骨.食材是好,醃料味也不錯,但由於要自己燒又要兼顧食(冷氣大,食物好快凍),有時會OVER COOK.是日D飯好硬,我愛吃硬飯,但我也覺得硬!麵豉湯較鹹...食友如想來試試,選1人SET比較好.要讚這兒的抽氣系統一流...食飽身上也沒有油煙味

M小姐之前食過覺得唔錯成日都話要請我來食, 但晚市來講價錢唔太化算, 上星期六難得各自有空就來個燒肉LUNCH卡位爆晒改選吧檯, 因一直隔離都無人坐所以都幾傾到計. 要了假日$138套餐另加沙律($48)黑豚肉- 佔八成都係肥膏, 只有邊邊有少少豬肉, 麻麻牛胸腹- 雪花分佈平均, 入口有牛味之餘仲幾多肉汁山葵牛舌- 出葵唔入味之餘, 仲點燒都係好韌, 唔得盛八腸- 幾辣, 同幾惹火(肥膏), 用來送酒唔錯雞腿肉- 普通鵝肝鴨胸卷- 肝同胸平時都鍾意食, 但兩者夾埋就無咩驚喜另有兩款醬汁加一舊檸檬, 個兩種醬味道都唔能帶起燒肉既味道, 最後都係點番檸檬汁比較對味

之前已試過嚟食dinner , 不過真係幾貴下, 幾個女仔一人二百幾都唔飽, 今次行過門口見倒有$78 set lunch就即刻衝上去試下, 上到去原來$78只係閒日及六供應, 星期日只得兩款set lunch,一個係$138, 一個係$158, 見$158有黑豚肉就選了. 唔夠5分鐘個waiter已經將成盤食物送到(注意: 真係一大盤), 上面有,黑豚,蜆,雞,法式牛舌,果汁牛腹,同埋兩隻大蝦, 隻蝦好大隻架, 好似我手版申直咁大..最後waiter仲遞上靚仔兩碗tim..隻蝦好新鮮仲有膏架, 果汁牛腹上面有好多雪花紋, 入口即溶,仲有仲有主角黑豚真係好好好滑又香. 最後埋單$185, 哈哈因為朋友話多碗白飯..ps.啱啱實施會員制,waitress姐姐叫我即刻填好張form再攞埋張咭.. 之後睇真d張咭..哈.哈哈我居然係0002號..