百樂潮州酒家

营业中

休息中

整體食物一般ok, 無surprise 但整體服務態度就真係不知所爲！我1.5歲兒子不小心打破了一個碟子，我已馬上say sorry，但d waiter 同個manger 馬上黑面並且拒絕清理地上的碎片？！仲叫我地將d 碎片抹入枱底？！今時今日都仲有d咁慨服務態度~可能佢地真係對得太多自由行了。無話可說

是日，約了姑姐見面，去到圓方，男友已在百樂潮洲酒樓拿了位等我們，怎知姑姐家來了個小女孩客人，她必須陪家裏的兩個小女孩吃完飯才能下來，於是我們先叫了菜邊吃邊等。這家酒樓已吃過好幾次了，每次必叫的是豪仔粥，豪新鮮，不會太腥，粥裏還有香脆的肉脯，以及香菇絲，食起來味道更是多元化，吃過很多間餐廳酒樓的豪仔粥，這一家算得上是比較好吃的。鹵水鵝片，屬於鵝脾部份，肉質不老，但喜歡吃的反而是它的配角-------豆腐，墊在鵝片下面的豆腐，吸足了鹵水汁，確是美味。接下來的是一碟不知是什麽名的齋菜，清清淡淡，沒什麽特別。吃完這三個餐之後，姑姐才姍姍來遲，她也不想再吃，也就沒叫別的菜，只是向侍應追之前下單的“反沙竽”。也不知是不是“反沙竽”是不是特別難製造，等了好久好久才見端了來，其間正好讓我們聊聊天。“反沙竽”是我的至愛，炸過的竽頭好粉，加上外層的糖衣，吃起來香甜香甜的，別有滋味！買單$543，貴了點！

約媽咪去ELEMENT飲茶，有幾間酒樓選擇想帶媽咪爹d去間坐得舒服d嘅酒家我哋四人見到百樂環境幾舒服就入咗去正宗高級潮洲酒家，大部份點心都以潮式為主，亦有傳統點心款式 當老公睇到點心紙有d點心寫住【小碟，小份】,問侍應點為之『小份小碟』?答案：細細碟再問糖醋伊面係點嘅？答案：煎咗嘅面再睇MENU，覺得menu菜式值得試，點心紙嘅原隻鮑魚雞粒酥幾特別所以。。。。order~侍應亦話呢幾度係招牌菜！又其鹵水& 糖醋伊面！ 鹵水雜錦拼盤$158 菊花石榴雞$160 四位 韓江四寶蔬$88 糖醋伊面$98原隻鮑魚雞粒酥$98 兩件ｘ2 其間上菜時詢問侍應呢個係咩名?侍應完全唔識 糖醋伊面來到時，附上糖及醋，但沒解擇點食，再問侍應，答案：糖+醋+面一齊食 老公對餐廳感到唔專業！ 鴨舌，鵝片，雞蛋，豆腐，好入味而且夠腍，但份量少包得幾好，功夫唔錯，可惜餡太少而且普通 金華火腿good~入口已經開始溶化，材料新鮮煎功好，夠均勻，如果兩邊都煎香中間保留濕度perfect 非常精美，飽魚底有碎雞肉，唔錯 高級食府服務要改善，希望餐廳提高員工對菜式知識及解答案人問題水平

去飲茶，點心好貴，又唔係咁好食。十分不值。三個字＂好唔抵＂！點心拼盆有兩隻平平無奇的燒賣和蝦餃就收你$48大元，佐敦'金山'd好食好多仲平一大段！谷鬼氣，一旱起身同老婆及爸媽喝荼喝到一肚氣！

今年的母親節晨早已經跑了兩場,分別是早上9:30圓方的百樂潮洲酒家和11點尖沙咀Sheraton酒店內的天寶閣. 前者是為安排上海來的朋友,好讓她們用膳後在圓方購物. 後者則為男友母親慶祝母親節(家母已於年前已離開). 去電百樂訂座當天, 接聽訂座的小姐一再提醒,若walk in客人太多,訂了座的客人也可能需要等候,不明白這與我預先來電話訂座有何關連? 為了不想讓朋友等候, 當日我只好提早出門, 到達時,還好客人不多,被安排入座後, 等了好一陣子,才有一位身穿黑西裝的工作人員, 有點衣冠不整的(白襯衫鈕扣沒有扣好, 領帶還沒有打上)一臉矇鬆像剛睡醒似的面無表情,過來問我喝什麼茶? 開茶不久,友人也一一入座, 當看著送上來的點心紙,才知道有三份之一的點心被劃掉, 詢問之下原來要在11點後才正常供應, 女友想嘗試潮洲的咸菜豬肚湯, 也得等到11點廚房上班才有. 但訂座時有一再提及我們的用膳時間為9:30~11:00, 也就是說我們只能選擇點心紙上剩餘的三份之二點心, 在沒有選擇的情況之下,只好每款點心來兩碟,場面實在令我難堪,早知如此我會另作他選! 質疑接聽電話訂座的小姐是否有責任提醒客人

朋友知我藉貫潮州, 特意帶我到這裡食晚飯.預先訂檯.. 但其實我覺得唔需要我倆六點半入座.. 那時只有五分一的檯有客人一坐低先黎一盤功夫茶? 四隻小杯用一個盤盛著.. 沒有花紋.沒有花巧.前菜是甜甜的鹹菜.( 番外話""我家的媽媽經常買的是超鹹的鹹菜>w< )貼心的是茶壼用蠟燭烘著但侍應不太體貼. 把茶壼放得老遠但不會為客人添茶炸雙球(蟹肉 & 蝦肉)::蟹球很好吃! 雖然是炸點. 但內裡肉汁還在, 而且真的有蟹肉味! 唔乾身之餘又唔油! 相比之下蝦球就失色少少. 但都好味. 咬落去都有口感.. 值得推介!方魚肉碎粥::潮州粥係唔綿的.. 呢個事實我從媽媽身上睇得出.. 媽咪煲粥係唔綿. 米粒還米粒. 水還水.. 呢個粥都唔係綿粥. 但重點不在粥.. 而是方魚! 煎炸後的魚肉. 落到粥都不減絲毫口感! 讚! 香口之餘又開胃!雞燉翅::既然係魚翅酒家.. 點少得一碗翅~ 雖然真的很殘忍.. 但一生人總要食返碗正正式式的魚翅吧!! 份量好足! 雞燉翅勝在湯底夠清.. 味道亦能集中在主菜.. 即是魚翅.. 果然不是粉絲了~鵝片拼豬大腸::潮州野梗係要食打冷野啦.. MENU

繼續沒完沒了的週末茶局。光是吃點心及喝茶也吃喝得膩透了。第三站的落腳點便是Elements內的"百樂".....每當有人看顧着朋友仔的時候，總是可肆無忌憚的大叫特叫一番。事後肚子飽撐得要死，也是不怪得人的....吃點醃青瓜及鹹菜作開胃小吃。二者皆爽在嗦嗦聲，前者辣度甚足，後者則鹹鹹酸酸的甚能刺激味蕾。吃後的確令人口水分泌大增...味濃過後，掏一兩羹皮蛋瘦肉粥放入口。粥底甚綿也夠杰身，是小弟最愛的粥底風格。米當然煲至全然開花，這也甚重要的。皮蛋不算十分有溏心，但也不是死實實有怪味的劣貨；瘦肉帶鹹香，不俗。附送的油條及薄脆份量不吝嗇，亦是自己給它高分數之原因...意猶未盡，再來一碗蝦籽白粥。粥底的好處剛說過了，要提到的是蝦籽的水準也好 ---- 入口鹹味適中，夠鮮亦惹味。與清淡的白粥配合得天衣無縫...酥皮菠蘿义燒包一客三個。菠蘿皮香脆鬆化，上桌時雖略有少許甩皮情況出現，但倒也無傷大雅。义燒餡不光只是一堆醬而已，是還可以吃到少許义燒粒的....在普通的灼菜心上加上蠔油冬菇片及茶樹菇，突令原本清淡的菜蔬多了一份葷味。菜心有點過淰，但甜味倒有的。蠔油菇是一如所料的味濃。與味淡的菜心同吃，倒有相

夜晚飯時間，我地去咗百樂潮州酒樓開生日 party。嗰道D鹵水食物幾好食，但係就偏貴，同埋嘢食比較多油，所以只係試過1次禁多。環境方面可以讚一讚，因為坐位好闊，佈置好豪華。服務態度都好好!!!整體都係好好!!!

鹵水雜錦拼盤$138 有鵝片,鹵肉,豬腸,鵝肝,豆腐等，味道不錯，鵝片嫩滑，只是鵝肝比較硬，口感麻麻 潮州香煎蠔烙$58這個我是介紹大家試的，煎得夠香，夠蛋味。又因為一般做蠔餅、蠔烙都較多油，但這個似是半煎做成，所以入口不會油膩。雖味道略微淡，但配上魚露吃就剛好，而且又能帶出蠔仔的鮮味來韓江四寶蔬$78包含合掌瓜、紹菜、小棠菜、冬菇等材料做成，味道清甜胡椒咸菜豬肚湯$48/位有香濃胡椒味，飲完又不會口渴

新居搜購大致完成，兩口子終於可以抽空去看《Avator》；i-square爆場情況極誇張，幸而老公有辦法買到Grand Cinema的VIP場，就趁元旦假期最後一天去欣賞。　 幸得西鐵接駁，由元朗可以快捷舒適地抵達圓方，離開場尚有差不得一小時，就預先致電來留了檯；也是幸有此著，因雖收費較高且不分早午茶時段，地方不大的百樂卻是旺場非常，2點多仍要等位排起飛仔。　被安排領舒適清雅的半沙發位，急急剔起點心紙後，再開始細細品嚐所點的香片茶。高級茶樓的茶確是與眾不同，清香芳醇，值得$12位的收費；值$12的前菜也份外爽甜美味，是個不錯的開始。不過其後的四款點心，卻是催了又催，差不多半小時才上場：　西菜牛肉球-牛肉球極鮮又滑，不喜此味的我也不禁讚好；另墊底的腐皮以西洋菜取代，感覺較為健康。要挑剔的話，是香茜味較濃重，我食了半件已吃不消，其餘只得交老公清碟，美味下也是無難度的。　潮式糯米卷-在金網糯米飯與潮式糯米卷有過猶豫過一刻，慶幸最終選擇是它，除了因軟滑包皮緊扣香綿富口感的糯米飯，成品精緻好吃，也是因後來要趕睇戲打包，糯米卷也是方便之選!　古法千層糕-層次豐富質感實在，蛋香濃郁亦有怡人奶香，這甜

百樂老字號,不用多介紹了吧.這家百樂比老店乾淨舒適,不過幾次光顧,潮州粥都不及老店,沒有那股濃濃的米氣.今次點餐再加些點心,有保持水準的朝州翅,好吃的朝州粥,鮮味有口感的蟹棗,還有好吃的南非鮑....招呼不錯,吃得很滿意.

是次4 人食椒yim白反魚 - 一般豬肚湯 - 幾好，豬肚味和胡椒和鹹菜味balanced鵝片拼大腸 - 鵝片肥Ｄ濃Ｄ仲好，大腸肥美其實這裡老水野最好食是掌翼，但成日賣哂芋頭煲仔飯 - 算合乎情理，這裡其他炒反面都唔錯的羅白lok - 唔得，早知白反魚炒蛋好得多反沙芋 - 得wor整體算中上啦

We have been to this restaurant a couple of times before. (mainly due to the lack of choices in elements) Had bad experience a few months ago so we stopped going, and last night we decided to give it another shot. Food quality has improved, though service is worse than before. Hope it can the food quality up!

今晚同幾個姊妹食飯,就住小魔怪同小俊仔,所以決定留響Elements食.又唸住食清清地,所以去百樂潮州. 地方幾大體舒服.平曰都幾多人. 小魔怪鐘意佢有細份order,所以試多兩款.先叫左個滷水拼盤.有滷水鵝片,滷水鵝,大腸,豆腐.... 滷水鵝冇肉淨骨同肥. 鵝片,大腸,豆腐okay.只係佢地既滷水唔多夠味. 蠔仔煎賣相同味道還可以.算好多蠔仔.不過係d蛋油左d同有幾粒蠔仔好腥 (x_x) '楠'角四季豆 - 叫左細份.又真係超細囉!!不過味道唔錯.四季豆唔會太淋或太硬.'楠'角肉碎都幾多.送飯或淨食都幾好. 本來唸住叫乳香脆鱔但係成$40一件!!!都係唔好博.先.試下佢個甚麼蒸鱔.份量幾大.豉汁鱔好肥美.冇乜d頭同尾.所以係肉多.用汁送飯最o岩!! 叫左個潮州蠔仔粥.蠔仔好肥美.份量足夠我地五大一細每人一碗!! 仲叫左個潮州煎麵.個樣好靚仔,煎得o岩o岩好.一d都唔焦.但係裡面d麵就太太太淋~~ 又碎.都真係唔係好掂. overall食物味道係okay既. Service幾好.部長落菜幾老實中肯.唔會hardsell d貴野.差唔多夠食,就話夠,唔好叫太多食唔曬. 值得一讚!

其實今日係我第二次o黎, 今次同屋企人o黎, 叫o左多o的野(飽到痺)。本來想叫鹹檸檬鴨湯, 不過經理都係話無供應, 有o的失望, 雖知道此湯乃潮菜o既特色喔。以下係今次所點o既餸:杏汁白肺湯 - 湯呈漂亮o既奶白色, 杏汁味道香濃, 豬肺同埋豬肚等都落足料, 因為第一輪未能全部喝完, 侍應細心地以小爐熱住, 唔錯o既印象; 我覺得此湯乃係食潮菜時胡椒豬肚湯及鹹檸檬鴨湯以外o既另一佳選。滷水鵝片, 鵝掌亦 - 食潮菜通常都會點滷水食物, 百樂o既滷水做得唔錯, 有香濃o既花椒八角等香料o既香味, 吃罷亦不覺口渴。蠔仔粥 - 一碗都裝到3至4碗, 蠔仔算係足料, 湯底味道亦唔錯。鹽水脆炸豆腐 - 本人極力推介, 外皮脆而鬆化, 內裏柔軟; 不過今日似乎有o的失準, 同上次食明顯豆腐較為傑身, 欠o左上次清爽o既感覺, o係品質控制上要加倍努力啊。香酥鴨片 - 有o的似食炸豬手, 唔係太特別, 可以唔叫。其實此店比起好多其他潮州菜館o既另一特色係可以叫小碟o既份量(比例牌還要細), 咁少人或者想試多幾款就方便得多。順帶一提, 上次點o左蠔烙, 不過個人覺得沒有好o既蠔烙脆中煙韌o既質感,