百樂小館 (已結業)

好友飯局，今次揀咗呢間位於美麗華廣場一期食四方入面嘅《百樂小館》。餐廳裝修用上大量木條砌出多種流線形作裝飾，既美觀又舒適。滷水鵝肉拼盤 ($168) - 鵝肉肉質鮮嫩；墨魚爽口彈牙；五花肉夠晒軟腍再加上香滑的滷水豆腐，拼盤係我每次食潮州菜必點菜色之一。金沙炸魚皮涼瓜 ($68) - 鹹蛋黃味香氣撲鼻，魚皮相當香脆，涼瓜爽口回甘，一上枱已經畀我哋秒殺。特色海鮮冬瓜盅 ($268) - 賣相漂亮，冬瓜盅內加有：蝦仁、金華火腿、瑤柱、蓮子、螺肉、豬肉粒、夜香花……等等，用料豐富，滋味可想而知。蒜椒蒸老虎斑 ($498) - 老虎斑新鮮肉質彈牙，蒸時加上蒜蓉、辣椒粒、新鮮胡椒串……等配料，更添美味。糖醋伊麵 ($98) - 伊麵一面煎得香脆，另一面爽滑彈牙，伴以新鮮韭黃粒，食時加點醋及沙糖，食完一件再一件。蛋白杏仁茶 ($42) - 杏仁味濃郁，幼滑而有質感，再上爽滑蛋白，香甜好味！飯後飲埋呢杯解膩功夫茶，呢餐真係食得相當滿足。

作為半個潮州人，潮州菜係其中一款我好鐘意食而又對佢有D要求既菜式。細細個既時候，爸爸媽媽就會帶我去上環，去九龍城去尋求一D老字號既潮式餐廳，而今日我大個了，就希望可以搵一個坐得舒服一點既餐廳去孝敬一下兩老，今次我就揀佐呢間位於尖沙咀美麗華商場既潮式小館。餐廳裝潢新潮，設計都幾特別，有一D窩巢式設計既大圓枱，比人一種舒服既感覺。餐牌選擇夠多，除佐散叫，亦有多款套餐可供選擇。作為正宗潮州餐廳，一杯功夫茶當然唔少得，而呢度既功夫茶濃度好夠，飲完即刻醒一醒呀。五香炸芋絲卷 $60首先黎到既係炸芋絲卷，即叫即炸，上枱仍然可見油炸那份金黃，但大部份既油份都已然用油紙吸乾，所以食落唔會有油膩感。食落個皮好香脆，芋頭既份量好多，裡面再混入花生，口感很有層次。滷水鵝肉拼盤 $168鵝肉作為潮州菜既signature dishes，基本人係必點之選，而呢個拼盤就可以一次過有齊幾款滷水既食物。包括有滷水蛋，滷水墨魚，滷水腩肉，同埋滷水鵝肉。鵝肉既 「皮肉比例」我幾鐘意，唔係得皮得骨而無肉食，亦都唔會太薄皮，滷水浸入佐落D鵝肉，食落好夠味，當然，潮州酸醋汁係食滷水食物既絕配。明火煲靚湯 $148 (4位用)是

百樂小館好耐之前同屋企人黎過，上一次經驗已經非常好，時隔幾年，朋友生日再次提議黎呢度食，我即刻舉腳贊成百樂小館係美麗華廣場，地點夠曬就腳，餐廳地方闊落，岩曬大班人黎食飯呢排係中秋節，當然有唔少套餐，懶得諗食咩既朋友叫套餐就岩曬一坐低同用餐完畢都會飲杯功夫茶，茶味回甘，飲完個人醒曬滷水鵝肉拼盤 ($168)呢個拼盤有滷水鵝肉、燒腩仔、豆腐、魷魚、滷蛋，有齊曬我想食既野，滿足呀黃金炸雙棗 ($140)黎到呢度必食呢個炸雙棗，可以叫各兩粒就$70，食落好彈牙，味道又濃，強烈推介呀明火煲靚湯 ($148 - 4位用)呢煲靚湯係蟲草花煲雞，完全無味精，同屋企煲既湯一樣，缺湯水既人士記得叫啦潮州糯米炒肉蟹 ($498)肉蟹好大隻蟹鉗啖啖肉，糯米飯真係要多D人先食得曬呀，兩樣野加埋好襯反沙芋 呢度既甜品唔可以錯過，特別係反沙芋呢種咁考功夫既甜品，即叫即整，熱辣辣上檯

銅鑼灣百樂潮州呢間老店都常去，但原來尖沙咀都有間姊妹店叫百樂小館。今晚就在這間裝修較新嘅飯店為朋友慶生。先嚟一個五香炸芋絲卷，炸得香口鬆脆，又唔散，一條條粗芋頭，食得回味。第二碟滷水鵝肉拼盤，每款夾了一件，墨魚彈牙，豆腐香滑入味，鵝肉嫩滑冇渣，腩肉雖看落有層肥膏，但食落唔覺油膩，感覺似補充骨膠原。再來便是每次去銅鑼灣店都一定要點嘅蝦棗同蟹棗。相當有水準，香甜鮮味又鬆脆，還能見到蟹肉，真材實料。呢個虫草花群翅邊燉雞湯又係唔錯，湯料足，湯冇咩油，清甜好味，忍唔著飲咗2碗欖菜四季豆炒得相當有火候，欖菜甘甜香口，四季豆腍軟得來有咬口，送飯一流。重頭戲係 糯米炒肉蟹。肉蟹夠大隻，肉質鮮甜，墊底嘅糯米沾上蟹嘅鮮味，真美味。已經飽飽哋，焚化爐級朋友還要再來一個糖醋伊麵。麵餅煎得相當脆口，雖然有少少油，但加咗啲醋同糖去中和返，少咗D油膩，就少埋罪疚感。最驚喜嘅居然係壓軸甜品 = 杏汁蛋白芋泥。食開銀杏芋泥，用豬油搓，係好食，但好少朋友願意分享，所以通常我一個人食大半碗，好鬼罪咎。但今次加咗杏汁蛋白撈埋，成件事即刻唔同晒，唔會'溜'，杏汁淡香，蛋白好滑，中和晒芋泥嘅油膩，成件事好夾。真後悔分咗小半比人。

好耐無約班好朋友出黎食飯她們真好為我慶祝生日食返餐好的其中一位朋友係潮州人佢介紹呢間「百樂小館」大讚呢間食物質素高一入門口覺得佢地環境幾grand喎職員先遞上潮州功夫茶&前菜享用我地今晚一於食盡佢😂我地叫左:「滷水鵝肉拼盤 - $168」唔會太咸入哂味最底下仲有滷水豆腐頂呱呱「杏汁白肺湯 - $208（4位用）」女士至愛杏汁味濃郁到不得之了夠哂火喉真材實料超養顏超級推介👍🏻「潮式炸蝦餅 - $68」炸得超薄片薄到好似食緊蝦片咁脆配埋個甜辣汁食超好味食到停唔到口「雜菌炒牛仔粒 - $98」牛仔粒好嫩口香濃既牛味唔會騷唔會靭「梅子明爐烏魚 - $188」烏魚肉質鮮嫩清新既梅子令烏魚入哂味又鮮又滑又好味「豆醬清炒時蔬 - $98」炒得好爽脆清清地唔錯「沙茶牛肉炒河 - $128」河粉入哂味沙茶醬超濃郁汁份量又夠多好惹味食完一碗又一碗甜品我地叫左幾款share「杏汁桂花糕 - $42」杏汁超濃郁桂花又好清香配搭起來好特別好清新「清心丸綠豆爽 - $42」潮州出名甜品綠豆份量超多好足料平時出面食果d好稀比較淡呢度既綠豆爽超濃郁食完超滿足「潮州返沙芋條 - $78」潮州正宗甜品芋頭好香咬落去硬硬地

由於同行友人第二日需要返早為怕失眠侍應提議我們飲菊花菊花味濃郁 去到埋單仍然有色骨香鵝肉片:食潮州菜一定要食鵝肉 呢間店嘅鵝肉片唔會肥而且偏瘦 加上潮州醋 鹹香中帶酸 非常醒胃五行六合菜:呢道菜有好多種唔同蔬菜炒而成有荷蘭豆 鹹酸菜 百合 苦瓜等 別具特色鮮蠔仔泡粥:非常好吃 除了固有嘅鮮蠔仔外 更加入大地魚肥美鮮蠔配上脆卜卜魚乾加粥 富有口感推!

一入去已經俾鋪頭裝修吸引 茶除咗普洱鐵觀音外 仲有菊花提供選擇今次食咗:咸菜豬肚湯:一入口有濃濃嘅胡椒味而不嗆口一飲就成個人暖晒椒鹽九肚魚:九肚魚去骨而且外脆內軟 配搭喼汁更加配胃麻醬手撕雞:上網見到好多好評 而我個人覺得一般不過雞肉好鮮嫩

難得喺大型商場都搵到正宗潮州野食一坐低就比左功夫茶我地飲先~ 頭盤係「滷水鵝肉拼盤(例)」($168)，好大份，啲食材都好新鮮。最欣賞佢個碟野入味得嚟唔咸。 「明火煲靚湯」($148) 係出乎意料地好飲㗎！見到煲入面好多料，唔怪得個湯咁好味，清清甜甜又有豬肉嘅香味，另一誠意推介嘅餸菜！ 「家鄉乳香骨」 ($128) 係有南乳嘅，唔係好咸，味道啱啱好。啲肉都幾鬆軟，而且份量都幾大，唔錯。 「金沙炸魚皮涼瓜」($68) 係咸蛋黃炸魚皮啊！炸得好好食！咸蛋黃味好香，炸到金黃色咁啱啱好，炸漿薄薄地，真係好好食 啱哂鍾意食咸蛋黃嘅人！ 呢個「欖菜肉碎四季豆(例)」 ($98) 嘅肉碎同四季豆比例幾好，一半一半咁，欖菜都係，而且欖菜唔會太咸或者大陣味蓋過左主角，錦上添花。 「黃金炸雙棗」($70 各兩粒) 炸得好乾身唔會油冧冧，入面好紮實，同埋啲蝦同蟹肉都幾多下，感覺好足料，都幾飽肚下 「手打魚蛋煮津菜煲(例)」 ($140) 清清地，啲魚蛋同魚片都好鮮味同彈牙，入面有好多蔬菜，吸左個湯啲香味，好好食。 「糖醋伊麵(例)」($128) 外脆內軟，薄薄地咁，個底有啲韮菜墊住，好正宗 加埋啲砂糖同醋，

好耐冇見啲大學同學，難得約埋一敍就揀左大家都稍為就腳嘅尖沙咀，因為想坐耐啲傾下偈，所以偏向揀地方大少少嘅中式酒樓~見openrice評分都不俗，所以就訂左里度❤️晚上六點幾近七點黎到，人不算太多，見到兩個好似壽桃樣嘅陳設，內裡各放左一張大枱好有趣，不過有人坐緊，就冇影相了，哈哈，下次多人睇下可唔唔可以係壽桃裡面開番圍🤣我地坐左係餐廳嘅中心位置，地方幾寬敞，我地4人都offer左一張6人枱(定知我地會叫好多野食lol)餐牌見除左一般潮州野都有不少新派口味~ 沿正常潮州野嘅風格，一開始同最後都有serve功夫茶🍵入正題，先黎左頭盤😀 滷水鵝肉拼盤有鵝肉、五花腩(?)、豆腐、滷水蛋同墨魚😛滷得好入味，尤其鵝肉唔會過老，保有彈性😚個人最喜歡鵝肉同豆腐跟住好快黎左個湯~老黃瓜粟米煲唐排，估計日日唔同嘅，好濃同有黃瓜同粟米嘅甜，正🤤而家好追求湯水，要養下生~湯渣睇落都幾足料，飲完唔會覺得好口乾，就算有味精應該都只係少量~再黎就到主食啦，乳香骨，本身以為會係腐乳，不過食落又好似唔係🤔甜咸甜咸咁，都幾有趣朋友最近好迷咸蛋黃小食，所以見到金沙炸魚皮涼瓜就話要叫，估唔到超好食的！炸魚皮好香脆，沾上咸蛋黃醬(

朋友想食潮洲野，順便試下新野，就黎左百樂試下。一黎到就有功夫茶飲，開下胃，仲有d開胃菜同花生。首先叫左個滷味拼盤，小編好鍾意食滷味，好期待～個汁唔會咸，滷水味啱啱好，又唔油，好滿意誠意推介呢個湯，出乎意料地好飲！飲完一Ｄ都無口渴，好足料，真材實料咁煲出黎，拍得住屋企飲嗰Ｄ個湯好清甜，唔會太濃味，Ｄ豬肉同蔬菜都好新鮮。睇下幾多湯渣，真係好抵飲排骨薄薄地，肉質鬆軟，又唔會乾，炸過都仲保留到肉汁，唔錯。個炸魚皮好香好好食雖然小編唔好咸蛋黃，亦都係第一次試，但都覺得好好味。好新鮮，好脆，唔會好油，同埋唔係用萬年油炸，所以唔會大陣油億味。 小編好鍾意食欖菜，亦都幾鍾意四季豆肉鬆，所以就叫左黎食。 成碟野都唔會太油，好好～ 同埋所有食材都比得好多同足，又新鮮，欖菜好香口，唔咸，好滿意！ 黃金炸雙棗係蝦同蟹棗，好香口，好紮實，同埋蝦蟹肉都唔少，感覺好足料。 菜煲超好食！個湯超好飲，本身以為有味精，但飲完唔覺頸渴，早知飲多啲🤣個味有啲難形容，不過應該係魚湯黎，仲有咩其他料就唔太知🤣啲魚蛋同魚片都好新鮮好彈牙，個底都好多津菜，幾抵食！糖醋伊麵好香口，個底面好脆同乾身，中間都保持倒濕度，正！ 食甜品之前比

最近好想去大排檔打冷但男朋友就帶左我黎呢間食潮州菜同屋企人一齊食好彩早去食咋食完出黎時full house真係幾多人食環境好大幾闊落點好菜就先比茶我地店員話食飯前後都會飲杯茶先又學到野先黎一個咸菜豬肚湯勁中意飲，必叫既飲上口好香胡椒味小辣小辣咁連豬肚都入哂味又夠林飲多兩碗都得然後來個滷水骨香鵝片肉，鵝肉我就麻麻，但食左一舊都覺得唔錯，肉質夠嫩，醬汁甜，中意食鵝既應該會覺得好好味呢個又係我至愛-椒鹽九肚魚炸得剛剛好 外脆內軟點埋喼汁食真係食唔停口呀呢碟可能我一個已經食左六件潮州蠔烙呢個同係台灣食既唔一樣，台灣蠔仔煎就一pat pat，佢一件件咁好分得開，食落去口感煙韌可以咬好有蠔仔味，不過食一兩件都會飽了碧綠川椒雞球估唔到潮州菜都整到呢個川香味雞肉嫩滑夠香辣真係唔錯，送飯一流紅燒豆腐一睇個樣就知個醬汁幾好味我拎去送飯食左半碗呀豆腐好滑肉醬好香出乎意料之外味道真係唔錯小菜好食，甜品都唔差呀特別係個蛋白杏但山芋泥真係好好好味平時好中意食蛋白杏仁茶既我試下芋泥入杏汁入面咩感覺，一試就勁愛上甜上加甜，杏汁同芋泥既味道唔會互相蓋住，反而兩味都突出，一齊食又夾好食既一家人食飯都真係可以黎呢到環境味道

咁耐冇同同學仔見面，梗要搵個舒服地方聚下舊。其中一個介紹哩度，貪佢地點方便，可以慢慢歎住中菜，再等埋其他人到。我都認同呢度地方闊落得黎又坐得舒服。裝修時尚精美， 價錢又唔算貴喎，難怪都幾多人黎哩度食。滷水鵝肉拼盤鵝片滷得入味， 滑嫩唔會鞋口。併盤仲有魷魚片，鹵水豆腐。 最啱我哋三五知己，圍埋一齊吹水等食。潮式蘿蔔灌漿第一次食哩款潮式小食，外層包咗薄薄一層炸粉，內裏係滿滿的蘿蔔絲。雖然係炸，但唔會滿口油，味道清新。屬手工菜，好多工序先整到，係哩度招牌菜。金絲玉帶九肚魚烙外圍脆到有點似煎蠔餅，有好香的蛋味。中間係軟軟的九肚魚烙， 唔腥，又無骨， 有點似食蚵仔煎，啖啖魚肉，好正。時令燉靚湯足料燉湯，有花膠， 瘦肉，螺片等。 燉左咁多個鐘，味道自然好濃郁，飲完好正氣。正麻醬手撕雞半隻手撕雞再配我最愛嘅麻醬， 食到要轉圈圈了，好開心!粉絲雜菜煲食咗咁多肉，食番多啲菜中和下。呢個粉絲煲， 粉絲好入味，又多菜。正!最後食埋糖水，大滿足!

潮州菜要揾好嘅都唔算難，但要兼顧埋少油鹽嘅就唔太容易，今次同幾位朋友一齊食嘅就做得到，整體係正宗，好食，不失健康。餐廳門外睇都幾得意，位置唔少，驟眼睇大枱都集中喺近門口枱之間距離都幾好，所以唔會太嘈吵滷水鵝片併盤 （例） $168滷水汁唔係死咸，各種肉類入味得嚟帶少少清甜鵝肉帶好多膠質，正滷豬肉肥得嚟好香，魷魚片都好爽唔會韌侍應幫我地4人將是日老火湯分好，將湯汁從老黃瓜入面撳出嚟，夠晒味道雖然有唐排，但啖湯飲落唔肥膩，仲好清甜好似屋企咁嘅味道👏🏻👏🏻👏🏻湯渣都見到係足料，唐排好腍，點少少豉油食已經好好味黃金炸雙棗 (各4粒) $148球型係蝦棗、長型係蟹棗兩樣都好出色，表面唔會油淋淋，點埋潮州桔油食甜甜地真係好好味入面嘅蝦肉同蟹肉都幾多，而且味鮮馬蹄平均分佈喺成粒棗之中，爽口、增添層次又解膩金沙炸魚皮同涼瓜 $68近一兩年鹹蛋黃真係勢不可擋，嗰種獨特嘅咸香令人難以抗拒！呢個咸蛋炸魚片無論係味道同食感都好優秀，夠香夠脆，齒頰留香苦瓜都處理得幾好，苦味唔係好明顯但注意瓜類都會比較吸油，小心燙口家鄉乳香骨 $128肉質好軟腍，香口，餸飯就最好欖菜肉碎四季豆 $98肉碎係好鬆嘅免治豬肉，帶少量

潮州菜好多款式，有冷食熱食，今曰同朋友去尖沙咀試下呢間潮州茶，果然冇令我失望。滷水骨香鵝肉片頭盤來個冷盤，鵝肉肥美，啖啖肉再加脂肪黃金比例，再加上白醋，簡直係錦上添花。食完鵝肉下面仲有鹵水豆腐，一樣咁入味。椒鹽九肚魚呢個九肚魚連骨炸脆，加埋喼汁，唔會太熱氣又好香口好味。咸菜豬肚湯食完冷盤同小食黎個湯都唔錯，呢個咸菜豬肚湯夠哂料，再加上胡椒既味道飲完個人熱辣辣，而且好細心啲豬肚非常薄，食落口一啲都唔韌，好貼心。沙嗲牛肉介蘭呢個牛肉火候控制得好好，一啲都唔老唔軔，仲好滑好嫩，加上入哂沙嗲味，真係好好味，介蘭好甜好爽口。碧綠燒春雞呢個用左雞比肉同雞胸肉再加醬汁炒出黎，雞好滑好入味，完全唔老。紅燒豆腐豆腐再加上肉碎醬汁，紅燒而成，清啖得黎有肉碎去支撐返，2樣加埋好夾。羅漢齋煲食左咁多肉，整返個煲仔菜，齋又好味又健康潮州蠔烙潮州菜點小得蠔餅，呢個蠔餅用料十足，每一啖都食到蠔肉，再加上佢既牆汁，食完一塊接一塊都唔厭。紅棗糕點食完正餐仲有甜品食，我就揀左呢個紅棗榚點，佢唔會太甜，熱上，未放落水先聞到紅棗香味，食落去好鬆軟，唔會太甜，正呀。

很久沒跟家人來百樂小館了、今次人多可再多嘗幾款小菜。椒鹽九肚魚 $98 炸得剛好、酥脆内嫩、蘸些醋超好吃！！個人偏好咸菜豬肚湯、尤其是這裡的豬肚湯胡椒味好重、冬天喝十分暖胃。咸菜沒有過鹹、跟豬肚煲得好軟淋👍🏻沙爹牛肉芥蘭 除了沙爹牛肉醬汁出色外、牛肉切得較平常的厚、芥蘭非常新鮮、完全沒有偶爾吃到的草青味、而且較嫩爽脆。碧綠川椒雞球 又是另一惹味推介、雞肉滑溜、配上紫蘇葉 讓友人吃了整整一碗白飯。潮州蠔烙 外面脆脆的、蠔仔飽滿。吃完晚飯當然少不了甜點、點了較傳統的福果芋泥、好香芋頭味、配上杏仁茶、感覺滋潤。