影片
更多
2019-09-17
2388 浏览
作為半個潮州人，潮州菜係其中一款我好鐘意食而又對佢有D要求既菜式。細細個既時候，爸爸媽媽就會帶我去上環，去九龍城去尋求一D老字號既潮式餐廳，而今日我大個了，就希望可以搵一個坐得舒服一點既餐廳去孝敬一下兩老，今次我就揀佐呢間位於尖沙咀美麗華商場既潮式小館。餐廳裝潢新潮，設計都幾特別，有一D窩巢式設計既大圓枱，比人一種舒服既感覺。餐牌選擇夠多，除佐散叫，亦有多款套餐可供選擇。作為正宗潮州餐廳，一杯功夫茶當然唔少得，而呢度既功夫茶濃度好夠，飲完即刻醒一醒呀。五香炸芋絲卷 $60首先黎到既係炸芋絲卷，即叫即炸，上枱仍然可見油炸那份金黃，但大部份既油份都已然用油紙吸乾，所以食落唔會有油膩感。食落個皮好香脆，芋頭既份量好多，裡面再混入花生，口感很有層次。滷水鵝肉拼盤 $168鵝肉作為潮州菜既signature dishes，基本人係必點之選，而呢個拼盤就可以一次過有齊幾款滷水既食物。包括有滷水蛋，滷水墨魚，滷水腩肉，同埋滷水鵝肉。鵝肉既 「皮肉比例」我幾鐘意，唔係得皮得骨而無肉食，亦都唔會太薄皮，滷水浸入佐落D鵝肉，食落好夠味，當然，潮州酸醋汁係食滷水食物既絕配。明火煲靚湯 $148 (4位用)是
細細個既時候，爸爸媽媽就會帶我去上環，去九龍城去尋求一D老字號既潮式餐廳，而今日我大個了，就希望可以搵一個坐得舒服一點既餐廳去孝敬一下兩老，今次我就揀佐呢間位於尖沙咀美麗華商場既潮式小館。
餐廳裝潢新潮，設計都幾特別，有一D窩巢式設計既大圓枱，比人一種舒服既感覺。
餐牌選擇夠多，除佐散叫，亦有多款套餐可供選擇。
作為正宗潮州餐廳，一杯功夫茶當然唔少得，而呢度既功夫茶濃度好夠，飲完即刻醒一醒呀。
五香炸芋絲卷 $60
首先黎到既係炸芋絲卷，即叫即炸，上枱仍然可見油炸那份金黃，但大部份既油份都已然用油紙吸乾，所以食落唔會有油膩感。
食落個皮好香脆，芋頭既份量好多，裡面再混入花生，口感很有層次。
滷水鵝肉拼盤 $168
鵝肉作為潮州菜既signature dishes，基本人係必點之選，而呢個拼盤就可以一次過有齊幾款滷水既食物。
包括有滷水蛋，滷水墨魚，滷水腩肉，同埋滷水鵝肉。
鵝肉既 「皮肉比例」我幾鐘意，唔係得皮得骨而無肉食，亦都唔會太薄皮，滷水浸入佐落D鵝肉，食落好夠味，當然，潮州酸醋汁係食滷水食物既絕配。
明火煲靚湯 $148 (4位用)
是日既明火靚湯係蟲草花煲雞，火喉十足，味道夠哂濃得黎係無落味精既，飲完都唔會感到口乾，呢個價錢我覺得好抵飲。
黃金炸雙棗 $140 (各4粒)
另一款潮州菜既signature dishes ，炸雙棗有蝦棗 同埋蟹棗，圓身既係蝦，長條形既係蟹。
即叫即炸，所以都幾燙口，稍稍等幾分鐘後才可以正式開動，無論係蝦棗係蟹棗，都真係好足料，釀佐大量既蝦蟹，食落去真係會見到有一條條既蟹絲，好好味，而配備既甜醬真係同佢好夾。
百樂一品煲 $198
一品煲亦都係非常值得推介，裡面有蝦有帶子有西蘭花有冬菇有海參，而且個汁既杰度岩岩好，而且份量夠大，令人食得好滿足。
潮州糯米炒肉蟹 $498
主打菜出現啦，呢個潮州糯米炒肉蟹真係令人非常注目，連爸爸都忍住要相機食先，佢既蟹肉勁多，同個殼好似唔成比例咁，肉質食落好飽滿，口感鮮甜，配埋即炒糯米飯真係好好味，而佢既糯米飯亦唔係落得太多水，個飯質係少少淋既texture。
清心丸綠豆爽 $42
糖心當然係我既最愛清心丸綠豆爽啦，食完咁豐富既一餐有碗清清地滋潤既糖水真係好重要，而佢既清心丸既texture亦都做得好好，硬硬得黎富有Q彈口感，又唔會食落有粉團既質感，我非常滿意。
最後會再來一 round 功夫茶作為完美句號。
张贴
