百利冰室

营业中

休息中

百利聽我老豆講佢細個已經同幾個朋友一齊係到食野傾計...能夠係咁多餐廳o既西灣河站穩陣腳...自然有佢特別o既地方平時落到去例牌茶餐..無論煎蛋定炒蛋都唔錯...炒蛋仲有少少蛋汁.我覺得比煎蛋更好至於火腿通粉..湯自然好味..有別於一般o既清湯底至於野飲...華田我覺得唔夠濃味..叫多奶會好味d..奶茶佢其實有一個叫"原味凍奶茶"同太興果隻差唔多...沖定奶茶擺落雪櫃雪凍..唔單止唔會比冰沖淡茶味..甜味同奶味都好好各位未飲過真係值得一試至於午餐29蚊果d set我個人覺得其實每隻飯都唔錯...同埋真係好飽..小弟18歲人食落都覺得好飽..女士們怕太多食唔哂/肥就唔好點了而佢D公仔餅..講真睇落幾靚..但係我本人就唔太喜食呢d野..蛋球(沙翁)係一讚...值得注意o既係其實佢朝早7點幾(如果冇記錯)同下午會有2轉出蛋球..果兩段時間o既蛋球我相信比凍冰冰o既蛋球好味10倍!基於我地一家其實都係熟客仔..同士頭同士頭婆成日有講有笑...所以態度其實都好好

點了一客意粉常餐 $20(大約 忘了)包括:1.火腿意粉2.熱狗包3.熱奶茶火腿意粉湯底仍是忌廉湯底味道好!意粉軟硬適中熱狗包塗上薄薄的牛油和沙律醬令味道有層次 不錯不過若果熱狗烘得較熱更好 上枱只有微溫~熱奶茶熱奶茶是媽媽的 她一直很愛在這喝。後記食物上枱用餐具前發現叉上有一'撻'黑色污物 要求更換..更換不久 聽見後枱先生同樣發現餐具不淨要求更換.當然食物水準固然重要 但衛生更重要吧!希望衛生有所改善!

近年黎返工既時候, 總會係車程中見到好多西灣河的名食店雖然係港島區工作多年, 但係隨著放工既時間變晏左..已經好少放工後再係港島區出沒其實西灣河離工作既地點好近.. 可惜放工總沒有心思去覓食有一次係網上見到一d 樣子可愛既曲奇相片發現原來係出現係西灣河既百利冰室既作品.. 一直都好想放工後去試試..後來就同同事相議去尋覓可愛曲奇.. 點知住係該區同事話左一個不幸既消息俾我地知..就係e間店, 當我地放工再去已經關門... 咁唯有死心..點知數日後既早上, 收到同事既一份驚喜.. 就係佢la…XO樣既曲奇, 曲奇表面既唔係發霉, 更唔係XO既汗係芝麻所以XO充滿芝麻味..係港式既鬆化版( 唔計糖霜, 即係佢對眼同個咀幾硬下外)因為太早既原故, Hello Kitty、豬仔、Keropi曲奇都未有不過XO都相子趣怪, 實在也討人歡喜, 睇得出師傅的心機全靠同事才有機會食到, 真係好多謝佢~

中午去食, 很多人而且地方比較窄, hk特色吧~叫了常餐, 蛋是油了點, 要放係湯'洗一洗'~~ 但另一方面, 餐包沒有牛油...很愛華田, 夠濃味!沙翁很冰和油, 沒糖, 只有油味...早知去食雞蛋仔

一月八日來這裏吃了個早餐, 寫這篇食評的今天(31/1)也來吃一次, 叫同一樣的早餐, 感覺很不同. 上次在閒日星期五, 已接近上午十一點, 客人不太多. 茶餐配搭得基本, 火腿通粉, 煎雙蛋, 多士, 凍奶茶. 只要弄得好, 基本已經很好吃! 這裏的通粉湯底很特別, 黃黃地的忌亷雞湯好好味, 我從未試過吃早餐通粉會將湯全部喝光的! 真係好正! 太陽煎雙蛋煎到蛋邊微燶, 正合我意, 好怕茶餐廳煎蛋太馬虎的! 多士也烘得不錯, 奇就奇在無切開, 想不到是什麽因由... 凍奶茶依然很有水準! 滿足的一個早餐! 今天較上次晏了些, 已近一點的星期日, 來到門口, 嘩! 嚇我一跳, 門外竟企滿了等位的人, 還聽見店內call着咪叫號碼... 我連忙入內攞張號碼票排隊. 幸好我一個人來, 很快便有位了, 叫了跟上次同一樣的茶餐, 通粉比上次腍, 有點失準, 湯底依然咁好味, 飲哂! 煎蛋沒有燶邊了... 其他ok. 可以比較得到人多了就始終會失準, 今天的虛嵌場面真像澳州牛奶公司!

間o野本身都有好多好評bor咁請睇到呢篇食評o既人留意，我只係評佢呢件餅食……行過見到，$6 件，造型幾得意，又多款式，整件食o下哇，係幾有趣，但真係好難食只係一o的有疑似鹹味o既粉餅，究竟係咩o黎o架？面o個o的o野又唔甜喎服務4分係純感覺，因為個阿姐賣俾我時幾好人咁

一直都好愛食沙翁，但好沙翁難求。蛋撻做得好的地方，不代表沙翁做得好。全個香港都好似冇一間做得好的沙翁，實在令人費解。聽到依一度的沙翁全港數一數二的，咁啱喺依一帶，就決定唻拜一拜訪。唻到店前，即刻望入櫥窗尋找「它」。果然同平時見到嗰啲有啲不同，睇落去「實正」得多。入到去問，大大的沙翁原來只係賣四個半一個，很開心立刻的買了。可惜食的時候先發覺原來已經凍晒，表面的糖亦都唔係太多。好的係，入面係「真材實料」，唔係好似其他地方咁係空心的，而且有很香的蛋味。而最難得的係，咬落去一點也不油，應該係一件不容易做到的事。各方面都好好，只係唔係新鮮做出唻...只可惜沙翁唔同蛋撻，唔可以之後返熱唻食，否則表面的糖會溶晒。唔知有冇一個定左的出爐時間呢？若果有的話，下次一定嗰個時間再唻食個新鮮熱辣的沙翁﹗

筲箕灣食肆林立，出名的食店何其多，而百利冰室便是其中一間，可惜我和老公一直未有機會光顧過‧趁着今天老公放假，需要到筲箕灣一帶選購用品，我們才可鐵定百利冰室作為今天享受下午茶的地方‧ 雖然只是平日的下午茶時段，但百利冰室早已有不少茶客光顧，而我們亦都很幸運地找到卡位而坐‧ 一場來到，叫了一個此店出名的炸蛋，可惜炸蛋是涷的，在沒有足夠的沙糖鋪蓋下，這個炸蛋一點都不香口，感覺只是吃着一團炸麵粉‧相反，老公叫的一個餐，餐中的特色熱狗非常美味，因為熱狗本身內裏被烘過，而飽內又塗滿了牛油和熱狗汁，故此咬落十分鬆脆香口，討人歡喜‧至於火腿意粉雖然是大路的東西，但是那奶白色湯的味道卻提升了火腿意粉的味道‧最後，輪到熱奶茶了!一間好的茶記怎可以缺少靚奶茶，而這裡的奶茶卻做到有茶香和有奶味，份量調配得剛剛好‧ 今天真的不枉此行!

好開心終於喺附近搵到一間像樣嘅茶餐廳，環境無百好咁懷舊，但食物水準就好似佢哋嘅地舖位置咁，相差幾條街！亦係因為咁，所以百利成日客似雲來，而百好則小貓三四隻。最喜歡百利嘅特餐，做brunch啱啱好，跟餐啲包好軟熟，好多客食，貪心啲可以轉餐包做多士，另外再叫個餐包，咖啡又好味，咁就perfect喇！佢哋啲鮮牛出前一丁都好正。我唔食烏冬，不過我見好多人都叫鮮茄肥牛湯鳥冬，應該都有一定水準。午餐方面佢哋個蝦膏炒飯，炒得好香又乾身，反樸歸真可以叫雞脾煎雙蛋飯（蕃茄汁或豉油汁），好味！而且份量異常多，大大碟都係$29，跟餐有湯或飲品。Halloween 嘅時候見到有假手假牙等嘅鬼馬餅干賣，本來想買，好彩上嚟Openrice睇過食評，即時取消買餅計劃！聖誕節老闆又攪新意思，有幾款小型糖果聖誕樹，造形好cute，聽聞老闆細細個砌模型已經好叻，啲餅都係佢自己設計。生意好，人客轉流快，想食完多坐一會就比較難。最後讚咁多，要彈吓，個洗手間真係好唔得，老闆最好攪攪啦！

28-11-2009陪朋友到西灣河搞 d 嘢, 搞掂後搵地方飲杯茶食個 tea. 已去過「百好」(http://www.openrice.com/restaurant/commentdetail.htm?commentid=1931338), 金記 (http://www.openrice.com/restaurant/commentdetail.htm?commentid=2042423) 環境又太惡劣, 奶茶好飲都唔想再去了, 今次嚟到呢間「公仔曲奇餅」舊式茶記坐吓.奶茶: 吩咐了「少奶」, 飲落茶味好香, 茶 vs 奶比例約 7:3, 好在叫了「少奶」啫! 另要了一件「老虎狗」, 深啡4應該係朱古力味的, 不過咬落 10 級「乾涸」又粉粉的, 食落完全無味, 百分百好睇唔好食. 不過整餅師咁落力幫曲奇餅「裝身」, 係幾有心思的.朋友飲凍菜蜜, 賣相清澈, 試了一啖覺得好甜, 唔喜歡了.又試了點朋友叫的西多士, 賣相不錯, 牛油夠, 但軟撻撻又有點濕, 食落仲離奇帶點公仔麵的味道 (!!!), 落了糖膠仍然遮唔住嗰陣味道, 唔得喎 環境舊式, 衛生麻麻不過比金記好好多了

次次都食百好~今日帶左同學仔去食百利,我都係第一次食咋XD入到去,好多人,LUNCH TIME時間真係好滿座呀!我同另外既同學仔叫左個午餐~好鍾意個熱狗,烘左既豬仔包夾住小紅腸~太好味啦~如果多d醬就更好啦~另外同學仔盲 叫左個葡汁豬扒飯同白汁闊條麵,都好好食~葡汁豬扒飯個葡汁好有椰汁味~唔太咸,岩岩好~豬扒仲切開埋,好貼心呀!闊條麵既配料都好好味~真係冇得頂~我飲既凍奶茶都好滑~好夠茶味,可是同學仔杯凍檸水就一般,佢話篤爛晒d檸檬都冇味,唔知點解呢?總之...整體上都好好~我地仲話下次再黎食,試下其他野,我好想試蕃茄肥牛烏冬~~真係一個好滿足既lunch呀!!

等候座架安裝音響系統, 要粒幾鐘. 剛好正是下午茶時間, 那倒不如, 飲杯茶, 食個包吧! 想起左近就有間老牌冰室, 行到門口, 見到門口餅柜內放了些趣緻曲奇, 老翻得嚟又幾得意... 哈哈! 店內幾乎座無虛席, 多是老街坊在打牙鉸. 餐牌上的茶餐特餐頗便宜, 但我又不想食太飽... 就在毫無頭緒之際, 突然見到牆上貼了張推介寫着: 懷舊蝦多士$12.令我想起數星期前看過啊蘇介紹坪洲的美味蝦多士... 隨即二話不說就叫了一份+凍奶茶.稱得上冰室, 凍奶茶的水準當然不差, 奶和茶的份量配合得剛好, 慨有茶香, 也有奶味. 等了一會, 有位侍應面有歉意地跟我說: 蝦多士是雖要等較長時間的.... 招呼頗為週到! 終於主角出場了, 但竟然和我想像的有頗大出入!! 一個炸巨蛋型的蝦多士? 足足有一個上海粢飯般大, 用刀切開, 見內裏有頗多蝦仁, 火腿, 芝士等. 講真, 味道只係一般. 我記得幼兒時食過的蝦多士, 薄薄一片麵包, 上面鋪了蝦鮫及芝麻, 有條蝦尾添! 炸得金黃香口! 這個所謂懷舊蝦多士, 極其只可稱為炸蝦卷而已.... 我想下次還是食茶餐好d!

一日三餐之中我係最鐘意食早餐! 當人人寧願瞓到晏晝都唔願起身,我就好珍惜每個星期六日嘅朝頭早...因為平日返工食早餐選擇唔多又趕時間, 所以我就算放假, 都會7,8點就起身, 就係為咗一頓悠閒舒服嘅早餐...今日就決定去西灣河嘅百利冰室!!講起都真係有d唔好意思, 住咗太古咁多年, 成日出沒西灣河,竟然一次去未去過百利...今日終於去拜訪一下!!10點幾去到, 好多人, 好彩搵到卡位坐~望望餐牌, 早餐好似唔多選擇,不過睇埋d午餐茶餐特餐....全部都全日供應?! 再睇清楚...茶餐...咪係平時喺茶仔食嘅早餐A : 火腿通粉 / 西煎雙蛋 / 牛油餐包 / 咖啡或茶?!本來嚟食早餐變咗10點幾食"茶餐"...哈哈~ 牛油餐包+炒蛋 : 雙蛋轉炒蛋, 油多咗D...餐包都幾大個!! 火腿通粉 : 好鐘意滑嘟嘟嘅通粉配白色湯底, 都落幾多火腿, 好夠熱, 食完炒蛋同餐包先食通粉都仲係熱騰騰, 只係個湯咸咗少少~ 熱奶茶 : 味道都唔錯, 飲落口係有茶味, 奶味都夠, 但係就硬係少咗D香味...女仔成個餐食晒都幾夠飽~ $21/ SET另外臨走時望見玻璃櫃有好多款餅食, 見到件朱古力

百利雖然寫著有40年歷史但與我心目中的冰室相比其裝修則頗為年青抵埗時已經下午二時但全場仍然座無虛席實在誇張小小的店鋪就塞了超過三四十人就我坐的卡位雖然只有四人已經是三批不同客人迫爆程度可想而知點了特餐(餐肉通轉腿通、牛油餐飽、火腿奄烈及熱奶茶)再加一個蛋球餐飽比平常所吃的大一點點除此之外就沒有分別火腿奄烈煎得剛好雖沒蛋汁但又不會過老腿通則遜色了點雖然不是清水"湯底"值得一讚但通粉煮得太腍要扣分吃到這裡其實頗飽但又不想拿蛋球回家就硬著頭皮吃進去雖然不是新鮮的但仍有一點脆蛋味很香甜度也適中再配合那杯有質素奶茶作為一餐的終結上一輩的人大概就是這樣嘆他們的下午茶吧？如果這裡能更悠閒一點就更好了

向來我都是烏冬怪，今天又給我吃到一碗很正點的烏冬了~因為我想去海防博物館，男友早一天check定西灣河有什麼好食店，最後就找來了這冰室。到步已經是三點，不用等位，坐下了後花多眼亂不知點些什麼好，曲奇餅蝦多士也是心水之列，但這時發現牆壁上一張紙上寫著蕃茄肥牛湯烏冬，馬上就做了決定~蕃茄肥牛湯烏冬 - 很讚！湯底很濃，酸中帶甜，比起之前在蘭香園的還要好吃，肥牛也很正很新解，最正的還是烏冬，韌度適中，正正！咖喱雞扒飯 - 男友點了這個，他說也相當的辣，不過的確是很香很惹味凍奶茶+凍杏霜 - 因我閒到杏仁味會想吐，所以即使男友說杏霜很好喝我也無能為力凍奶茶味道正常，男友說凍杏霜非常好喝~最後吃得頗飽，只好對可愛的曲奇餅說「下次再會~」。