百利冰室

营业中

休息中

吃掉八成Big Bite芝士薯條，飽肚與罪惡感都爆燈，唯有逼龍陪我由北角徙步行至西灣河。天氣仍是不穩，在雨粉再次橫粉避入地鐵前，有幸途經這家賣可愛曲奇的冰室，馬上買了4款曲奇!　　如圖所示，餅櫃中共有5款公仔，賣相可愛趣怪，我好不容易才選下4款。又即使是同一款公仔，曲奇的造型及變化都不盡相同，親和的阿姐(還是老闆娘)未因店內食客眾多而疏懶這單外賣生意，還會細意詢問：「有沒有想指定那一件餅呀?不如你先講定啦，因為我腰傷，不可以彎身太耐的!」回答她每件餅都很可愛，挑那一塊都可以，她又主動講解：「其實外賣5件餅先有盒，不過你揀的XO好易碎開的，今次我4件都俾盒你啦~」除了曲奇的可愛賣相，服務誠意與細心都值高分，實在令人動容! 　不過幾款KT、XO、豬仔、Keropi曲奇味道都是一樣，並無椰子、芝麻、蜜瓜香，色差只得人造色素的分別；而質感說鬆不鬆、說脆不脆，坦白說就是不好吃，味道無法不給低分。曲奇絕對是一次就夠，不過為著那份少有的人情味，有機會還會再來試試冰室的奶茶及食物的!

食野當然是味道行頭，不過賣相也佔有一定分數，就如這家茶記的曲奇，味道是很平凡，但得意的公仔，一盤裡面隻隻都不一樣的表情，實在討人歡喜，也顯示了師傅的心機，呢個笑面不可吝嗇。公事要到西灣河一趟，完事後到百利吃件曲奇。要了兩件，分別揀了青蛙和Hello Kitty兩款，再飲杯熱奶茶。先講件青蛙餅，味道平平，沒有牛油香，亦算不上鬆脆，糖霜的那個部份，更得過份；Hello Kitty那件相對要好一點點，起碼吃得到杏仁的味道，不過其實味道幾假的。奶茶比預期中好，香滑順喉，奶味和茶味平衡，水準不俗。有時中看不中吃也不一定太壞，唔打得都睇得。

其實百利基本上都已經成為我同大少0既飯堂咁上下, 多數假日去, 等一陣位就有, 不過可以說每次去不論什麼時候也很多人!不是誇大, 百利的食物普遍是有水準, 食set係指定動作, 雖然不外乎係快餐常餐通粉餐旦..不過我係好鍾意食佢個通粉0架~因為一啖通粉一啖湯(d湯好味!)係好滿足的~ 又抵又夠食~百利的咖喱都好好食, 不得不試又係紅豆冰, 飲落先發現係加左陳皮的~ 啊~ 好香呀! 又係成杯食哂~有次食咖喱炒飯, 眼闊肚窄, 濟左~ 不過係要讚的, 因為真的炒得很香很好味, 係可能我一下子吃得太多了~

之前有機會到西灣河，一直都想試呢間餐廳，但呢間冰室下午六點就關門，真係唔休做。上星期日下午剛巧到西灣河，終於有機會吃了。當時是一點三，我約了朋友兩點鐘到太古看戲，心想九個字茶餐廳點都食完吧。惡夢就此開始。首先是等檯，okay，等了10分鐘，可以接受。坐下來我問個侍應嬸嬸有乜好介紹，她竟然說：「我地呢度乜野都好食。」(真係講左等於沒講)我一個人，很快已經鎖定目標，蕃茄牛肉湯烏冬。點知，等了15分鐘，同檯的阿叔同時間叫的炒河粉已經吃完，但我的烏冬仲未到。我叫阿姐吹下廚房，然後我又等了10分鐘還沒有！我同阿姐講我唔要了，我趕時間，結果10秒之後個烏冬就出現了。當時已經是一點搭十。然後我用5分鐘的時間鰭吞烏冬，個胃超辛苦。呢度d野係幾好食，但我5分鐘完全享受唔到。而且呢d質素在很多地方都食都。係唔需要你等35分鐘在茶餐廳的一碗烏冬！總之是不愉快的經驗。

經友人介紹下，來了這間冰室，友人強烈推介茄底烏冬，可惜是日賣晒，無緣一嚐。改要了牛骨湯底的公仔麵、咖喱牛脷飯。牛骨湯底個人認為極像出前一丁的味精粉，冇乜特別；反而咖喱真係有驚喜，牛脷炆得好腍，咖喱香辣兼備，絕不是其他茶餐廳的徒有咖喱色，very tasty。下次一定要來試茄底烏冬和 cutie 卡通曲奇餅。

百利食了很多年了，最唔好的地方是個的六人枱，好多時都是一個人已經坐在一邊，枱又好窄，真是好想他們拆左六人枱，其實百利是好多元化，可以點的茶餐，快餐，特餐，但是唔會話有什麼特別，相比金記，百利唔可以話轉牛肉意粉呀咁，奶茶都只是好普通的，呢度最好的地方就是比較衛生！

I had 20 minutes.As an advanced person it never occurs to me that punctuality will be a problem. I usually head out early in case something happens...extended waiting times, traffic jams, weekend protests that blocked up half a street with no particular notice etc...This day was different, for a class in Shau Kei Wan I have arrived just in time, with 20 minutes before start, and a lunch to eat. On normal circumstances I could walk over to 東大街 for a bite. Not today, standing at the entrance of 百利

2008年10月24日,陽光普照o既星期五,同個friend去o左赤柱行一趟,下晝出返筲箕灣,食lunch時佢話想食茶餐廳,我話好呀~但可唔可以揀間唔食煙o既?佢話得! 咁去冰室啦!(乜冰室真係冇人食煙o架咩?)莫名其妙!跟住佢帶o左我o黎呢度醫肚!一去到門口,見到櫥窗d可愛曲奇,即刻諗o係openrice見過佢d食評!d曲奇真係好cute,不過我冇order到,因為我鍾意整,但唔多鍾意食~怕肥!!Order o野食喇!由於我唔多食肉o既,所以要o左茄蛋治+凍華田,個friend一定要有肉有飯落肚,所以叫o左馬來咖哩豬扒飯+凍檸茶!我個餐$23,有d貴,但份量ok woh!裝華田個杯都幾大,份三文治直覺都比以前食過o既茶餐廳大少少!味道都ok!不過如果加多少少蕃茄會好d!我個friend個餐$36,佢正想插把羹落去開餐時我即時叫停佢!問可唔可以影幅相先?d咖哩同碟飯分開,感覺份量多好多!我問佢辣唔辣?佢話有少少,但唔知點解見佢邊食邊流汗!佢話呢d只係港式咖哩,但味道ok!坦白講,我都唔知馬來咖哩同港式咖哩有咩分別?我個friend原來不時都會o黎開餐,佢話門口櫥窗d砂糖蛋球都好食!不過

琴日同BB訓醒覺就去左呢間成日經過但次次都唔會想入gei舊式冰室因為成日覺得舊式冰室好似好dirty>.<不過係open rice又睇到d人讚賞好味~ 決定一試!見到個menu已經覺得好鬼死特別~全因為3個餐→特餐、午餐、茶餐都係全日供應的~咁點解要分3個名呢？哈哈~叫左一個特餐同一個茶餐~同一般gei常餐其實無咩分別~ 都係火腿通粉+餐包+煎蛋~味道不是太特別~ 不過真係新式茶餐廳已經唔可以食到gei味道^^最好味係杯奶茶~ 真係好滑啊 住得近近地~ 有機會經過gei我都會再食

5/4(六) 7pm獨自登山後,會合男友到百貨公司走一轉.不約而同地我倆均為對方搜購戰利品-麵點.托其朋友到此冰室買了卡通曲奇$6件及炸蛋球$5.卡通曲奇--XO及Kitty各一件;曲奇很是鬆,鬆散的鬆,不折不扣的金玉其外,中看不中吃!炸蛋球--隔夜貨(自製)灑滿糖霜,吃一小口尚具蛋香,畢竟得保持中位態度;以親身赴店品嚐方可作實!

是日午餐有兩個小時~可以到遠一點的地方就來了西灣河本想到太安樓找吃的~畢竟在那裡根本不愁找不到吃的但同行的想喫一口有水準的熱奶茶~還是到冰室裡有信心一點第一次到西灣河~出站後走了5分鐘左右就到了~在地圖上看似很遠~原來走數個街口也不是太遠而已位置剛好在筲箕灣和西灣河中間在對面馬路已經被這個豐富的餅櫃吸引住~最吸引我的並不是那些'可愛'的曲奇~而是上方的大蛋球山~~haha為了一嚐這冰室~今天的早餐特地吃少一點~~哈哈一人叫了一個麵餐後~還是忍不住叫了一個大蛋波分吃~哈哈還記得小時候很很很喜歡吃沙翁的~但每一次也弄得整面砂糖人大了就怕失儀~結果也少吃了今天當然豁出去就是了!雖然不是新鮮滾熱辣~但還是十分吸引~好懷念這種小時候的味道不會過甜~這種甜甜的感覺實在太幸福了~~~~友人說道~奶茶倒是不錯~一隻厚瓷杯其實已經加了分~沙嗲牛麵與餐肉通~一般水準不過醉翁之意不在麵~~~始終目光都注視在蛋波身上~哈哈想叫件搞鬼曲奇的~但人大了~想多了還是相信''好睇唔好食''的這個道理~~下一趟有機會的時候~才外帶點給妹子見識一下吧~整餅的~真是有心思~整了那麼多款之餘~每塊曲奇的樣子也是不同的~買來小

在香港的冰室可說是買少見少, 百利可算是其中一家港島少有冰室。食物種類多元化, 由茶餐廳早餐, 特餐至炒粉麵一樣有供應。最值得讚是火腿通粉, 真是一絕, 但在人多時, 上湯"溝淡"就差一點。至於奶茶, "茶走"不錯, 原味奶茶亦值得一試。炒粉麵方面, 首推星洲炒米。星期日特別多人光顧, 街坊有, 散客亦有。

是日雖仍抱恙, 但見狀態好了不少, 便帶同媽媽和弟弟去此處用膳~~~去到都食0左唔少0野XD 在此只道深受我們一致讚賞之食品~!!第一位: 凍杏霜~~濃郁的杏霜味!!! 入口很RICH!! 即使放久了, 冰也融化了, 也不減卻杏霜的味道!!第二位: 通粉, 湯底不錯~!! 至少比平常吃到的好~湯是比平常吃到的奶白, 就此一點已經得到我們三人的歡心~ XD第三位: 餐包, 雖不是熱呼呼的, 但很軟綿綿, 外面更有一種叉燒餐包表層的甜味~很討好~第四位: 卷蛋, 那層CREAM有種難以言喻的甜香味道, 有人可以告訴我那是甚麼味道嗎?? 蛋糕也很軟熟~!!第五位: 炸脾, 炸得外皮夠脆之餘, 亦未見如其他餐廳的炸得脫了水一般, 幾JUICY!!第六位: 蛋白瑪寧(?), 雖然外表真的頗醜, 不過又真的幾好味~~外面脆脆的, 不太甜, 內裡的不失煙韌, 不錯!!!總括而言, 會為它的通粉等類食品回頭~也會試它的叉燒麥片和魚湯烏冬~~ 老闆都幾NICE呀~~~!!! ^^$110埋單食到勁多0野, 都算抵啦~ 至少食得飽我個大食細佬先

響外面已經聞到舊式茶餐廳的食物香味, 叫左:1)常餐–餐肉通、餐包及熱奶茶2)菠蘿包3)緑色COOKIE4)半圓蛋白餅5)朱古力BROWNIE1)通OK! 餐包麻麻, 奶茶勁正!2)菠蘿包, 勁正!3)COOKIE, 難食!4)蛋白餅, 普通至難食!5)朱力, 點解有酒味! 重好勁添, 合桃又唔新鮮, 難食!下次都係食番熱食加奶茶算了!

2Jul2007 1532再下一城到這裡飲杯奶茶，再食少少野，這裡其一樣幾特別的食物，就係黎討好正宗「港男港女」(指行為上) 的公仔餅，我係極之憎恨，不過唔會像戈師奶咁發「白日夢」，正如在自己國家/地區的食店中賣另一「極端」食物，係香港及內地(星巴克咖啡店在北京故宮開分店的風波) 先會有巿場。(預俾人係正/背面小到飛起)點了兩個沙翁(或叫蛋球)，加一杯熱奶茶，沙翁放了一段時間，要凍食，有好香蛋味，咬落去還有少少彈性，由於太大舊及有砂糖面上，食得比較狼狽。盛為9蚊的茶走沒有苦澀味，還有幾香的茶味，都不差。除公仔餅外，下次再來會試其他食物。