百利冰室

营业中

休息中

d曲奇好得意架,買黎哄下女朋友真係幾好架,6蚊大大塊,而且係卡通公仔樣個個唔同表情,真係好有心機架味道一般,但係心意真係一流賣曲奇果個叔叔超好人,佢直情羅哂成個盤上台比我選曲奇,我都唔好意思話唔洗,真係服務一流

已有多年沒有光顧『百利冰室』，今次主人與奴隸獸途經，發現已煥然一新，比以前光猛舒適。亦發現有些新的餅食，及造型趣緻的卡通餅，所以買了兩件試試：1. 卡通貓曲奇（HK$6.0）：其實是杏仁味曲奇，但口感就不像曲奇。用糖霜造成的裝飾，又硬又甜，有D 懷舊味道。主人話：『齋睇都開心。』2. 朱古力合桃餅（HK$6.0）：餅看似硬身，食落竟是另一回事，頗鬆化，有牛奶味及朱古力味，合桃頗多，新鮮。抵食。當天我們亦遇見了女餅師，滿面笑容端出新出爐曲奇，感覺到她對製作餅食的熱誠。

做了這麼多年街坊, 百好, 金記甚少去, 呢間都唔例外.是日要在家打躉作文, 早餐吃得甚豐, 午餐冇食就過左黎食茶餐.可能是有水準的關係, 加上門面靚靚曲奇的關係, 兩三點, 竟然係坐滿人, 特登過隔離望望卻是水靜河飛.好不易才坐到位, 要了個茶餐: 火腿通粉+牛油餐包+煎雙蛋+熱奶茶等左一陣食物陸續送上, 熱奶茶係唔錯, 厚身白杯, 衰極有個譜.火腿通粉, 火腿和通粉都是水準之內, 不過一提是食完唔口喝, 所以都吃得過.煎雙蛋滑一滑, 是太陽蛋, 不過逃不了油油的, 牛油餐包, 這個幾軟身, 牛油適可而止, 又可以用黎醮漏出來的蛋汁, 不錯.行到counter, 見曲奇又多款又幾得意, 買左芝麻, 杏仁各一; 沙翁大大個$4.5, 色水幾靚, 又買一個試試.返到屋企食曲奇先, 杏仁味既KT 唔係好得, 杏仁味假假地; 其他味食唔到, 芝麻味好少少, 冇咁假; 不過買俾小朋友都應該幾開心的.沙翁表皮脆脆的, 入到好香, 而且不是乾爭爭的, 糖粉也是適量, 是眾多最好的.阿叔送餐快手, 事頭婆幾好人, 買左少少外賣, 都問我拎唔拎到.得閒可以再黎.

路過西灣河,來這間百利冰室歇一歇,看看馬經.雖然是舊式冰室,不過也有一些"新奇"出品,就是放在櫥窗前的Hello Kitty等公仔型曲奇.小弟身邊有不少人對這隻公仔情有獨鍾,個人而言就對其恨之入骨,大家喜好就是不同,不曾楸心.沒有可能恨極也要吞下肚,叫杯奶茶加菠蘿包,典型到極的港仔下午茶.菠蘿包微暖,面頭的皮不夠酥化,沒有一種吃落有種"龜裂"感的鬆化.可幸奶茶的水準也不錯,奶茶味均等,嗒落也有回甘的味道.很佩服其破舊立新的勇氣,可惜小弟並不欣賞.

有時吃東西，味道是重要，但如賣相做得好，也有分加。這個的「公仔」曲奇，味道不過爾爾，但外形真的做得很趣緻，同一盤餅，可以隻隻表情也不同的，可以直接感受到製餅師那股熱誠，很不錯的。再來選了那個外表看起來像真度很高的Hello Kitty，賣相值滿分。吃落其實是杏仁味曲奇，香精下得太重手，吃落味道有點兒假，下次都是吃回朱古力味﹝即黑色那些﹞會穩當一點；是日的另一選擇是杏仁蛋白酥。這一款用蛋白加糖再加杏仁粒的餅食，小時很多茶餐廳也有得供應，現在就真的少見了。早前在嘉麗園吃過，想不到是日又重遇。這裡的一條過，賣相幾「騎呢」。口感脆脆的，味道照例甜得掉牙齒，配上黑咖啡，就真的剛剛好。味道雖然沒有什麼特別，但如食店都有這裡做曲奇般的熱誠，食客有福了。

　　小時候常常在西灣河出沒，雖然現在已年紀唔細，但成日都會特登過黎食，為的不是卡通曲奇，而是常餐，又即係午餐，又即係特餐．．．．　　轉炒蛋是最好味的，蛋超滑的，又香，不過為了身體好，多數還是吃普通太陽蛋。火腿通粉夠彈，最重要是個湯。現在好多所謂的茶餐廳，個通粉湯是公仔麵的味精湯，又或只得咸味，所以我是很珍愛百利的通粉。　　奶茶當然好味，不用加太多糖，因為奶本身有淡淡的甜香味。　　在下一定會轉多士，自己怎麼也做不到那種一整塊都淡啡色加上濃香的牛油。　　反而咁多年都沒有試過卡通公仔曲奇，也許下次試試。

百利仔開左好多年喇,我仲讀緊幼稚園果陣已經幫襯,以前呢度都係賣一般茶餐,後來埋飯牌,就賣埋飯,想不到而家連卡通曲奇都有呢!黎親呢度,都係獨沽一味食茶餐, 很同意網友說餐包香甜,但炒蛋就真係幾油囉。幫襯百利仔純粹係感情關係,有我好多兒時回憶,所以食物水準已經不太重要了(如果要搵好食茶記,點都唔夠澳洲牛奶啦)有歷史又肯創新的茶記真係唔多,百利仔係值得推介的!!

午餐的熱狗在阿姐送上時，是如圖所示攤開的坦蕩蕩模樣，心想冰室果然不拘小節。好吃的熱狗並不一定要材料高級又要多，簡簡單單烘過的面包，加條煎得香口的腸仔和沙律醬，就已經令人滿意，亦勾起我不少學生時代的回憶。至於生炒雞絲飯則並不理想，炒得幾濕，未達基本要求。離開時才見到外表頗吸引的蛋球，不知此店是否面包、小食得，正餐唔多得？！

去完太安樓食嘢,行開呢頭見到有間冰室有啲好得意o既曲奇賣,即刻買o黎試吓,有好多款式選擇,仲係每個都唔同表情,我就要了青蛙曲奇.味道方面我就覺得似合桃酥,但口感就硬啲,有陣青檸味,食落一般,但就夠賞心悅目呢!

(8/4/07)山長水遠,為的是卡通曲奇。來到冰室,一定點都食o的野。蕃茄豬排包,法式豬仔包,很脆,蕃茄肥大,甜甜的,豬排亦軟熟。奶茶,奶太多。油占多仍要等,厚度一般,多士勁內脆外軟!咁新鮮,很難遇到啊。選擇買走曲奇時,店員友善的介紹,說各款是不同味@$6,所以選了幾款:青蛙曲奇、豬頭曲奇、芝麻"xo"曲奇、兩片朱古力"xo"曲奇。唉....頭兩味道差唔多,正式d講其實,無乜味,實實的,像吃粉團。後者兩款,芝麻名朱古力味道搭夠,ok。朱古力餅brownie內的合桃益益地味,朱古力相當濃!口感似蛋糕。芒果克戟,少許濕的雞蛋糕,底下幾粒芒果肉,沒驚喜,可以不試。買買下買左$42蚊wor......味道麻麻堂食既good o羅

沉日終於達成食卡通曲奇心願喇! 共有四款... 其實心目中好想試XO芝麻曲奇, 可惜冇啦!Order左一個茶餐及快餐:牛油甜餐包- 好香及鬆軟.火腿奄烈- 一般啦! 比較多油.餐肉通粉& 火腿通粉- 通粉好有口感, 唔錯!奶茶- 好香茶味, 而且夠濃.卡通曲奇- 一塊豬仔. 另一塊青蛙. 兩個都好可愛, 真係唔捨得食... 先食豬仔, 唔夠鬆脆, 而且有D鬆散, 味道真係有D似合桃酥. 而青蛙及口感都係一樣, 整體味道麻麻, 不過茶餐廳有呢D曲奇食都係第一次.

在西灣河幫襯茶記，一向只去金記，雖然這裡開了很久，是一次也未來過，是日來吃，純因為奉命要帶回青蛙樣子的曲奇。要了幾個青蛙，一個芝麻。曲奇的賣相做得幾得意，不論味道，是有心思的。吃了芝麻味的，不算香脆鬆代，牛油味不太重，但都有芝麻香。在茶餐廳吃得到這個，也算不錯的了。埋單時看見有燒火雞，還有一盤金黃色的蛋球，跟主理人談了幾句，原來不單止燒火雞，平時連燒羊腿也可以預訂，真不要看這裡只是一間尋常賣多士公仔麵的地方。曲奇6蚊一個，熱咖哩10蚊。有時食物不一定要好吃才行，好看也幾開心的。

這間茶餐廳之前雜誌有介紹，其中自製的卡通餅真是幾有趣，但至於食用，興趣就不大了。早幾天試了這兒的熱奶茶、蝦多士、菠蘿油，菠蘿油真是幾失望，個飽形狀是方形，不太新鮮，薄薄的牛油，很普通。至於蝦多士，即叫即做，而味道都是一般啦。

上星期雜誌介紹,又湊巧經過,所以買了一隻芝麻xo和家姐至愛的keropi,滿心歡喜給姐姐食,點知換來一陣劣評,試過後,才發覺真係好難食,味道就像中式合桃酥,怎也說不上是曲奇!!!是變種中式糖餅才對...

見Brother cheap食唔到曲奇，我就達成佢心願啦，嘻嘻!室內好光猛及乾淨，一點不似舊式茶記。係門口已見到各式各樣的公仔曲奇，查實買相不太吸引，只是滿足下好奇心理。最後食o左個XO仔芝麻曲奇，雖然係芝麻味好香，但質感唔得，好鬆散，食落口感有點似中式合桃酥。另外茶餐有好多擇選，而且價錢好經濟。牛油餐包好食，絕對不是熱辣辣剛出爐，但仍然鬆軟，有麵包香。不時新鮮出爐，仍然好食，證明佢出品的是有水準的。通粉唔會腍腍的，好有咬口，而且學LI兄話齋，湯底是清雞湯，不會濃濃的，過後使人非常口喝。炒蛋一般，唔夠滑又多油。奶茶算有水準，又是夠香濃。可惜路程太遠，短時期未必再來。