白宮咖啡室 (已結業)

雖然餐廳外面看起來細間，但原來有二樓環境座位舒適，適合與朋友閒聊聚會。我地叫左3款菜式，豬鞍架配薯條（$108）、BBQ豬肋骨配薯角（$118）及西冷牛扒配薯條（$158）。首先上餐湯先，味道還不錯。豬鞍架配薯條，醬汁唔好食又唔襯呢款豬鞍架....肉質一般般。BBQ豬肋骨配薯角，BBQ醬汁不錯，係三碟之中最好食...最難食就係牛扒，睇落去好大塊，但牛扒好硬又無味道而且無醬汁...我地要自己加鹽先食到一點😥雖然環境不錯，但對呢間餐廳食物真係好失望...😞______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️#一班大食女日記 foodies together

經過荃灣享和街，食肆眾多，「WHITE HOUSE白宮」主要用白同灰色作色調，放置不同裝飾品，十分Vintage感覺，相信食質素不錯，味道也該屬premium。餐廳用白色設計，WHITE HOUSE個名好奪目。餐桌放用乾花玻璃瓶，份外的心思。 餐牌以「White」為主題，簡單而清雅。 晚餐A La Carte，任君選擇。蒜香白酒煮蜆肉意粉$88，「白酒煮蜆」後再拌勻油粉足的意粉，香蒜十分惹味。用煎pan盛載德國香腸盤，熱度十足兼脆口。用三小時慢煮烤BBQ豬肋排，醬汁夠多夠sweet and sour，肉質軟腍，慢煮烹調十分入味，健康之選。White house手調飲品都盡在此板，方便不時推出期間限定Limited Edition。 冰凍焦糖朱古力，夠冰凍又不太甜，係另外一種嘅口味。師傅好用心，將熱榛子朱古力拉出一個美女來，真的很像啊

有日自己喺荃灣行完街，諗住食晚飯，經過呢間餐廳見個名叫白宮幾得意，於是就入左去試下.餐廳有兩層, 地面一層, 行到最入面, 有條小樓梯上第二層, 嗰晚樓下FULL左, 於是就上左第二層食.第二層最入有個FREE AREA, 放左好多咕臣同公仔, 可以坐喺入面影相同傾下計.我揀左ALL DAY BREAKFAST C (108蚊) 同一杯熱美式咖啡 (30蚊) 做晚餐, 客人可以自選舖喺咖啡面既朱古力粉圖案, 有幾十款卡通人物揀, 我最後揀左櫻木花道. 咖啡跟左塊餅仔, 味道正常, 睇住櫻木花道個樣嚟飲係開心啲既~講返個ALL DAY BREAKFAST先, 我揀呢款係最貴最大份的, 滑蛋唔係全熟, 搞埋黑松露醬一齊食都幾好味, 腸仔有三條, 唔同味道, 肉味都重, 腸皮脆脆哋都唔錯, 仲有既薯餅 薯角 牛角包 煙肉 粟米 茄汁豆 就正正常常.整體嚟講都OK的, 經開嗰頭可以試下~

今日同朋友去左荃灣一間cafe 見舖面細細但坐滿人。原來上面仲有位既。我哋叫左三文魚白汁意粉，估唔到可以煮到咁creamy ，但可能會比較濃味，啖啖都奶油味充滿整個口😂仲有好香濃既白酒煮蜆意粉，蜆既份量都唔少咖，但好似越食越開胃咁🙊所以加碼叫左小食拼盤同慢煮西冷。小食拼盤有蜜糖雞翼、薯角、薯餅、咖哩角同春卷，真係好耐無食過薯餅，啲童年回憶返曬黎😆最正係慢煮西冷，啖啖肉就必定咖啦！但係個牛肉味道真係齒夾留香，仲有係每一件都好冧身，仲保留到牛肉既鮮味！我朋友叫左「求其」但係一啲都唔求其，係藍蝶花梳打黎咖！我就要左杯薄荷朱古力，仲可以㨂唔同卡通人物花的👍🏼

繼續努力周圍搵好野食🐷今日lunch約左朋友去荃灣試下呢間白宮cafe。朋友兩點幾落堂，港島過得黎都就黎三點，由荃灣地鐵站沿住天橋行去，大約7分鐘左右，位置都算易搵。我地坐係樓下，主要都係白色，俾人清新同舒服既感覺。黎到呢度，梗係第一時間揀卡通飲品😍我揀左oreo朱古力，hellokitty圖案。朋友叫左榛子朱古力，炭屎鬼圖案😄兩款都好可愛，朱古力味道稍甜。主食叫左煙三文魚三文魚籽明太子意粉。煙三文魚擺碟幾靚，好似玫瑰花咁。亦都有好多粒三文魚籽。唔好睇佢好似好細碟，其實幾飽肚，我食左一半已經飽😂黑松露雜菌意粉。黑松露味好突出，成碟意粉都好香。黑松露薯條。薯條新鮮整出黎，熱辣辣。配黑松露醬好match😋呢個推介~

擺低部車喺享和街嘅相熟車房 check check，車房仔話兩粒鐘包搞掂。等待期間至好搵個地方坐低順便食埋飯。逛去街尾轉角位，就見到個大餐牌，原來有間 café 見做 White House。我哋唔想四圍兜，就入咗去。個靚女話樓下無位，安排咗我哋上樓上坐，行上一條小樓梯就到。原來樓上別有洞天，裝修幾特別，影相呃like都唔錯。似乎仲可以供客人包場來玩， Dinner set 有8款，還有些小食可以選擇。加$10 可以飲 Latte，最盞鬼係可以喺個 list 上面揀拉花公仔。我哋揀咗個小食【Honey Chicken Wings $40】、一個【明太子三文魚籽煙三文魚意粉 $108】、【3小時慢煮烤BBQ豬肋排 $118】、Rose Latte和 Hazelnut Latte。【Honey Chicken Wings】5隻燒雞翼，蘸上蜜糖，曬上番茜碎，用鐵鑊來上。燒雞翼食落多了一重蜜糖味，都唔錯。【明太子三文魚籽煙三文魚意粉】香濃的白汁裡面加咗明太子和三文魚籽，意粉軟硬度適中，燴入白汁之中，食到明太子特別的鹹香。朵花是用煙三文魚砌成，都幾靚㗎。【3小時慢煮烤BBQ豬肋排】豬肋排配了著條

My friend and I came here for dinner for the first time, but we were both dissatisfied with the spaghetti with chicken which was below average. In fact, the chicken still had the freezer taste to it, with no marinade, and the pasta was undercooked, trying to be "al dente." And lets not forget the pasta sauce, which tasted like it came from a jar. I have never tasted such a poorly cooked pasta dish! We told the waitress about this dish, but apparently nothing was done~ not even a simple apology!I

其實我一直都想去荃灣食LUNCH架，但每次去親都係夜晚☹️，今日終於”的”起心肝中午去荃灣覓食🤓~睇番自己個收藏LIST，荃灣選擇真係好多😮，係云云食肆中，我揀左呢間小CAFÉ店—白宮；一黎想食西餐，二黎覺得佢個名幾有趣。同朋友講完要去白宮食野，佢仲以為要去美國食添😆中午12:45到達，從外望入去覺得舖位好細，只有幾張枱而已😯，仲擔心要等位，但原來仲有二樓😏我地點左呢度既人氣意粉同一個炸魚薯條；另外配一杯蘋果綠茶同伯爵奶茶蘋果綠茶、伯爵奶茶呢度既綠茶原來係用茉莉綠茶，而且茉莉味仲幾濃下(我好怕食茉莉味既野😣，因為覺得好似食梗茉莉味Tempo紙巾)，好彩加入偏酸既蘋果糖漿，先無食紙巾既感覺😐；伯爵奶茶就同平時飲既珍珠奶茶味一樣，不過少飲甜野既我，就覺得甜得制😣三文魚籽櫻花蝦明太子意粉 ($60)呢個意粉個賣相真係一流!! 雖然價錢只係$60，但小店都仍然有花心思裝飾，令食客食慾大增~不得不讚呢個意粉真係好好味!! 除左creamy之外，三文魚籽、櫻花蝦、明太子呢三款食材非常夾，而且夾得黎又唔會蓋過其他味，即使撈埋都仍然可以分出每款料既味道；再加上有al dente既意粉，讚!! 如果要講佢

之前見過唔同朋友去過，見到好靚好得意嘅卡通人物拉花，一直心思思都好想去試吓，今日終於經過荃灣去試下😍😍。餐廳有兩層，上下嘅裝修都好精緻，環境寧靜，坐得又舒服，非常適合傾計。我同男朋友分別叫咗一個豬鞍，叫咗碟pasta ,同埋蜜糖雞翼。當然唔少得最出名嘅卡通人物拉花朱古力啦。我揀咗小丸子，像真度真係非常高，非常得意可愛，實在唔捨得飲。食物質素亦都非常之好，豬鞍我開頭都以為會好似出邊嘅豬扒咁冇乜特別，食落又幾特別，佢嘅醬汁調配得非常好，而且薯條都好鬆脆，我地口氣就食晒啦。pasta都非常唔錯，香得來唔會太油膩。蜜糖雞翼都非常滿意，我哋一碟得五隻，最後我哋都覺得唔係好夠喉。整體而言非常值得推介。

復活節加埋復活節，無節目，唯一想做就係食嘢，咁啱老友whatsapp 我問我食飯未，未就一齊，我嗱臨覆佢即到。 佢約我去荃灣近西鐵嗰邊，話食完飯會趕下場入元朗，所以快快趣趣就喺呢間餐廳仔食。餐廳實在太細，望落頂多坐到12人，食客多數係年青人。 無需加一，午餐選擇唔算多，加埋兩款 limited supply 都只有9款。 老友揀咗拿破倫蘑菇大蝦意粉 $56，加$10 飲cappuccino。我就揀下個 limited supply 慢煮美國prime 級肩肉眼扒配薯條 $75，可惜肉眼無貨，轉做西蘭，飲品揀咗凍飲茉莉奶綠。【茉莉奶綠】 好大杯 (瓶)，雖然淡淡地，都飲到茉莉味，Okay 嘅。【Cappuccino】有個好得意嘅拉花，係有三個唇印嘅鬆弛熊。加$10都係抵嘅。【拿破倫蘑菇大蝦意粉】其實係鮮茄汁燴意粉，加啲蘑菇同埋放4隻雪藏中蝦入去煮成。無錯，係食到鮮蕃茄味，但係啲蝦認真唔得，完全係無味，成碟嘢淨係得蕃茄味，呢勻老友自作孽，自作自受，應晒節 – 愚人節。哈哈!【慢煮西蘭】 我就唔同，識揀。件西蘭好大件，慢煮後煎香，肉仲好鮮嫩。薯條炸得香脆，俾多啲我都食得晒。呢個餐$75，包飲

舖面不大， 有三張四人枱，一張二人枱。( 我相信入面仲有檯)。 有四至五個女服務員，態度雖然ok，但好hea。 款式不多，慢煮的款式好快售罄。等餐時可接受。餐湯好鹹。雖然分量好足夠，但牛扒好韌，咬到牙骹軟。 豬肋骨個汁好酸。 伴菜薯條好淋 。茉香奶凍冇奶味。 相信唔會有第二次幫襯。

今日一行十人同同事食farewell lunch，去到見到舖面好細，大約坐左四枱客，大部份都係學生，仲諗緊點再坐得落十個人呢，原來舖入面另有乾坤，店員安排左我地上一樓，上到去就見到呢個充滿少女心既area 擾攘完一輪就開始點餐，我地多數都係叫all day breakfast , $60左右，用料充足，有哂所有all day breakfast 元素，非常抵食！大家最興奮就係叫飲品喇！只要叫咖啡/朱古力就可以免費揀自己鐘意既卡通公仔審上飲品上面，公仔既選擇非常多，效果仲好好tim!!

同男朋友打左電話book位，18:30就到左啦由地鐵站去都要行6-7分鐘一入到去就覺得好有feel, 我同男朋友安排上樓上坐, 樓上都好vintage, 好舒服☺️之後我點左一個 pasta 同 一杯Sailor moon月野兔既熱榛子朱古力忌廉粟米湯：好重粟米味，不錯月野兔榛子朱古力：當時個心大叫「好靚呀！」少女心！明太子三文魚籽煙三文魚pasta：幾好味！一d都唔腥，仲好有口感之後就到男朋友點既，佢點左一杯凍伯爵奶茶，紐西蘭西冷排配薯條🍟伯爵奶茶：唔會太甜，男朋友話岩岩好😆個牛排一上，同男朋友都好有驚喜，實在係太厚肉，又大塊！ 如果鐘意食牛排可以試下，大推！男朋友亦表示十分滿意！總括泥講，最驚喜係個牛扒成件事好滿意希望下次可以試下食美國天然豬鞍架

十年都唔去一次荃灣,今次因為做野經過特別叫地膽帶我食好西~呢間cafe成日都好多人,所以呢日我地都特登揀中午時段,但都要等...cafe選用白色做主調,雖然店面好細,但白色加埋透光玻璃,陽光打落黎gei時候真係好舒服~~好悠閒一向去cafe我都鐘意食all day breakfast,今次都唔例外,而且呢度gei all day 同出面係唔一樣佢係用牛角包而且仲有大大舊薯餅!真心豐富!我欣賞佢每樣野都好分明,好似咁茄汁豆同粟米就唔會撈埋D沙律菜都可以保持新鮮爽脆炒蛋炒得好好,濕潤唔多有,蛋味濃郁.老實講,係我食過咁多all day 之中最好食頭3位!朋友叫gei意粉擺盤精美,上台聞到陣陣白汁味~~白汁味道濃郁,意粉都吸收曬佢gei味道,不過又唔會好肥,意粉好彈牙,越食越開胃~我最欣賞係佢D菇真係超多,好多地方都係得幾條菇,但呢度gei意粉同菇比例可以佢到6:4,食玩大滿足!我強推呢間cafe gei主要原因,係佢D拉花真係要用"神之手"黎形容,好多熱飲都可以拉花,不限於咖啡類,大家唔使擔心自己唔飲咖啡無選擇.拉花佢有好多基本款色俾你揀,不過當日我好貪心,問店員有無得order拉某D款色

荃灣是一個我熟悉的地區，近年開了不少新的餐廳及小店，假如只顧行著走著路而沒有觀察細微，可能會忽略了一些新事物及新景象。今天同事補請我食生日午餐， 帶我到來一間叫white house的餐廳。 老實說，從店外看也看不到有什麼特別吸引之處，內裡坐滿的全是中學生，心在想同事為何帶我來學生飯堂呢？當侍應帶我們上到二樓後，我眼前一亮了。樓上的格局豁然不同，店主花了很多心思加入不同的元素作佈置， 除了有數張餐枱及櫈子外，也有一個數十呎的空間舖了仿草皮，放置一張長枱，擺了公仔玩具等裝飾，有如置身在郊外中，感覺舒服。午餐餐牌有多項選擇，包括我最愛的All Day Breakfast，就是喜歡它的什麼都有，包括鮮奶炒蛋、德國腸、煙肉、薯餅、粟米、茄汁豆、沙律菜及牛角包。 德國腸有豬肉及牛肉各一，由於我不吃牛的關係，廚師為我轉了兩豬肉腸，十分貼心。整體來說，這份全日早餐真的很吸引! 除了薯餅香脆又不油膩之外，牛乳炒蛋很香滑，配上茄汁豆及又暖又鬆化的牛角包一起吃很出色。 尤其是那較長身及大條的德國豬腸煎得皮脆肉嫩帶肉汁，相信成本比細條的牛肉腸高，但店子沒有為由牛肉轉豬肉腸而加收費用。 如吃得太多香口的食物，