白宮咖啡室 (已結業)

之前在面書上看見朋友分享一杯很漂亮的小丸子咖啡，好奇一問下原來是在荃灣！今晚很開心，事關朋友帶我去嘗試，小店隱身在荃灣廣場後面的車房街之尾尾！小店有兩層，環境舒適，播放的音樂亦頗適合我口味！飲品選擇眾多，不過一心想試試拉花的我當然離不開點選熱飲！明太子三文魚籽煙三文魚意粉 - 嘩！份量都幾多！意粉軟硬適中，每條均沾上醬汁，食落更顯美味！三文魚籽粒粒脹卜卜，夠光澤得黎又飽滿！😂😂😂三文魚捲成玫瑰花形狀，挺吸睛！味道帶微微鹹香，入口頗順滑，不錯！3小時慢煮烤BBQ豬肋排 - 份量毫不吝嗇！豬肋排容易切開。肉質軟稔之餘亦富有厚厚的汁，食落格外入味！另外伴上薯味濃郁的薯條，質地厚厚且不鹹，不錯！荔枝紅茶 - 大大杯，味道不太甜，挺易入口！又可以解到滯感！青瓜鮮奶咖啡 - 純粹想滿足一下好奇心所以才點！拉花選了兒時之回憶(月野兔)，很漂亮，實在不捨得去飲下它！咖啡味香濃的同時，青瓜味十分重！飲落清新不嗆喉！下次可以嘗試一下其他特別口味的咖啡。

今次黎到荃灣食晚餐，經過荃灣廣場附近，果邊有好多新食肆 其中見到呢間，有我鐘意食嘅西餐，價錢又合理就入咗去食了 ！入到去望咗眼以為佢冇位 因為見到枱枱都有人，估佢唔到原來仲有上層，好彩仲有一張枱冇人，就比我坐了 所以其實佢地幾full ！我去果日係星期五晚上～ BTW 星期一至五都唔洗收加一我叫咗— 3小時慢煮紐西蘭西冷牛扒（500g) 配薯條 佢包野飲 同埋餐湯 我叫咗 杯 凍荔枝紅茶凍荔枝紅茶都唔錯，冇咩冰又唔會覺得好甜而餐湯就係粟米湯，冇得選雜菜湯。但我個人比較喜歡飲雜菜湯。粟米湯就正常啦 同平時飲開果d冇咩分別，但冇咩粟米粒。有就會好dd 牛扒配薯條 要讚的 ！好大份而且幫我切好哂一件件，睇相都見到好厚！我最鐘意就係佢冇落其他醬係面 只係用少少鹽醃完然後煎 因為咁樣就會食得出佢塊牛扒嘅牛味，另外佢有比到芥茉醬，可以自己點幾好，不過有少少可惜嘅係 佢個牛扒有d位太熟有d位就紅紅地。熟果d 雖然唔會乾哂但肉質都偏粗糙。同埋佢地冇問我要幾成熟 🤔🤔 我覺得問一問會好d 之後薯條都係要讚的，因為 就算我放咗一陣先食都仲好脆 我個人鐘意食較粗嘅薯條佢旁邊都會有翻d 菜等我地食埋冇咁he

Cafe有分上、下層 下層裝潢一般，但你上左上層就會發現好靚好開心，仲有影相角比你影相  (一定要要求坐上層)我覺得都幾dump本，明明可以放多兩張四人枱，但佢就偏偏唔拎黎做生意為左比大家相機食先，佢有個可以自選圖案既咖啡 本人就叫左海賊王Luffy 唉~ 唔係唔cute 但我唔係想要咁  我想要好型既Luffy 呢個太cute，一D都唔似隔離枱叫左比卡超同無臉男，兩個都超靚，我後悔啦  (推薦：無臉男!!!  真係好正)但杯Mocha 唔好飲，真心唔好飲 巧克力味去左邊？同埋杯mocha唔係好滑(不過可能係因為我地影左太耐相 )呢個明太子三文魚籽煙三文魚意粉 ($108) 其實幾好食，唔差明太子、煙三文魚都份量好足夠個汁又好creamy但呢個價我覺得幾貴，比到呢個價，其實我不如去其他店食，因為呢度其實唔就腳只可以話意粉正常，但性價比唔高 (荃灣呢個價我覺得都算貴)呢個慢烤BBQ豬肋排 ($118) 大家真係唔好叫啦!!!!完全係對唔住慢烤呢個term低溫慢速烹煮係為左防止肉排變乾，但呢個豬肋排好乾，好老，仲要無咩肉然後可能因為塊排唔係咩貴既排，為左掩飾呢件事，佢用左好濃既汁去煮塊排個

前排同朋友行完花市之後就嚟咗呢間食下野，呢間嘅外表同埋入面嘅燈好似幾文清，咁所以吸引到我我哋上咗上層，上層佈置得好靚，好啱女仔去影相我叫左一個dinner set、一款小食小食係咖喱角，脆卜卜，幾香咖哩味！餐湯係粟米忌廉湯，超級濃郁嘅粟米湯呀！！好好飲！食到一粒粒粟米3小時慢煮紐西蘭西冷扒呢塊牛扒超厚，厚到我有點驚唔熟侍應話慢煮大概係5-6成熟，咁我都安心點！ 一切開 又ok喎！ 係5成熟的，不過太厚，切細少少慢慢食會好d! 薯角岩岩炸起，勁脆口呀！！呢度飲朱古力/ 咖啡，可以畫公仔的我揀左無臉男好可愛呀！榛子朱古力味道偏甜綜合來講呢間都幾適合女仔去

看到這間餐廳的口碑不錯，一直想來試試。平日午餐時間去，有不少人等位，可見質素不錯。進去時發現門面有點殘舊，不夠對我來說食物質素更重要，還是先試試再說。我選了三文魚子櫻花蝦明太子意粉（$60連飲品），這個意粉集三文魚子的鹹香、櫻花蝦的鮮味和明太子的微辣於一身，加上creamy的醬汁，很好吃。本來想加錢轉咖啡，但咖啡機壞了，結果點了伯爵奶茶，結果有驚喜！味道像台式飲品店的飲品，不錯整體來說這個質素配這個價錢，很抵食，絕對有下次！

原來除了美國，香港也有間白宮！美國的白宮氣氛莊重嚴肅，相反香港的白宮氣氛卻很輕鬆悠閒在荃灣享和街的一個角落，有間白宮餐廳有兩層，小清新的裝飾。期待已久的卡通Coffee&Chocolate無論是可愛卡通圖案，或是動漫、Marvel logo圖案都可選擇所以這杯可愛的熱飲不止是女孩子打卡的專利喔！先選一杯合心水的Hot Coffee或Hot Chocolate，再選一個心水圖案是蠟筆小新和Keroppi精緻又Cutecute!特別的還有星座特飲Dinner set menu三文魚籽份量豐富，而且大大顆，晶瑩飽滿，入口即有甘香魚油味道，與Creamy的意粉非常合拍，煙三文魚的份量也很豐富，大大片的白酒令蒜味更突出更香除了有椒鹽的惹味，也充滿甜蜜蜜的味道，因為外皮塗上了一層蜜糖滿足了少女心的一餐晚飯小清新的環境氣氛也讓我和朋友這晚能悠閒地談心

夜晚同朋友去咗荃灣食飯，佢話想靜靜地傾吓計但係唔想飲酒，我同佢去咗荃灣廣場附近，間餐廳係角位眼睇地方幾細，原來樓上仲有一層晚餐價錢都幾平民化，＄100左右就有個set dinner 上層嘅裝修佈置都好有心思燈光都用一啲偏黃嘅燈膽令到氣氛好柔和，係呢種氣氛底下傾計真係好舒服蜜糖雞翼大大隻，肉質嫩滑，唔會好乾又好香蜜糖味煙三文魚沙律酸酸甜甜，三文魚嘅份量都好多慢煮美國豬鞍，份量就咁見到都覺得好大份10分抵食豬鞍用慢煮嘅方式去製作，豬鞍嘅肉汁保持喺入面，而且肉質可以保持鮮嫩，蘋果蓉係豬鞍上邊可以調一調味，令到肉味更加突出如果飲朱古力/咖啡，就有好多款嘅自選圖案可以揀，我揀咗榛子朱古力，公仔係Winnie the poor, 味道好香濃，我同朋友就係喺度一路食住野一邊傾計飲住咁靚嘅朱古力，完全冇生活上嘅壓迫感

週六，天氣不錯，較前幾天回暖許多。聽人講 “與神同行” 幾好睇，便約了朋友去荃灣百老匯睇2:15pm。今朝無食早餐，買完飛我哋去了附近一次過食早、午餐，然後才去睇戲。餐廳位於荃灣享和街，細細間，有落地玻璃，望出外邊都好開揚，都幾舒服。價錢都幾平，又唔收加一。朋友揀咗【黑松露雜菌意粉 $58】配飲品【Earl Grey紅茶】，而我就揀咗【All Day Breakfast $60】配飲品【柚子蜜】。【All Day Breakfast】份量都OK，我哋一齊 share。有炒蛋、兩種香腸、薯餅、牛角包、煙肉、沙律菜、茄汁豆、粟米粒，好豐富。【黑松露雜菌意粉】意粉煮得軟硬度適中，被黑松露白汁包住，上面有好多菇菌，味道好好。【柚子蜜】、【Earl Grey 紅茶】兩杯飲品都太淡了，沒什麼味道。其實，本來是想叫熱咖啡，可惜，店員說咖啡機壞了，但真的沒有想到兩杯飲品甚為失色。整體而言，食物唔錯，飲品就尚可改善。

白宮一直未食過，今日第一次來，有兩層的，我們坐樓下，近門口好凍！！拿破倫大蝦意粉，大蝦大隻夠爽身，好味道。意粉也是彈牙的，蕃茄醬汁不太濃。松露什菌意粉，賣相ok，味道不是好濃，什菌份量都幾多，不過沒有想像中好味，意粉也算彈身的。飲品個杯幾靚，不過味道一般同事的焦糖朱古力，冇要求拉花圖案就拉了一個笑臉我叫的 榛子朱古力，要加20元，可以要求拉花圖案，我就拉左維尼，好可愛的呀。味道就不是好濃，有淡淡榛子味道，奶是凍的，所以杯朱古力也是暖身only

今日約左好耐無見既友人出嚟聚聚😚之前嚟過呢間食2次都覺得食物質素唔錯而且環境幾舒適樓上雅座既裝飾用嚟影相打卡更加無得輸於是決定帶佢去試下2個人嗌左咁多都係每人180，仲要食唔哂好飽！所以呢個份量3個人嚟食就應該啱啱好雞翼好香蜜糖甜味，夠肥夠大隻，啖啖肉不過天氣凍所以佢都好快凍哂！要食快啲唔好睇個碟好似好大以為啲麵好少！錯哂！啲麵搞匀啲汁先發現勁大碟，三文魚有2大塊，意粉喺未搞之前已經入哂味，好濃郁幾驚喜！我地食完呢碟基本上已經有6成飽好抵食賣相勁吸引，我地狂影完一輪先食，個薯條係裝到好滿好多，熱辣辣新鮮炸出嚟，黑松露炒蛋幾滑，如果黑松露可以多返少少就完美🙈沙律清新唔會偏苦！很不錯雖然話用餐時間90分鐘，我地最後係坐到10點幾人地收鋪先走，無人催，好好既環境俾我地詳談同品嘗美食

Happy Friday揾食打算荃灣揾個地方好好地傾下計, 仲要同友人慶生於是揀左white house, 佢有2層, 每次都揀樓上, 想靜d無咁多人出出入入叫左兩杯latte 兩杯都有圖案 好得意啊 完全被佢地吸引 正餐黎啦~~~ 叫左2個意粉 share 都幾好食有南瓜湯飲 都幾creamy加一一路傾都食左1個半鐘, 後面仲有個area比d客人玩下最尾店員拎左個蛋糕上黎小小既蛋糕 朱古力味 食完正餐加上個甜品 好完美既happy Friday

白宮真的是女生聚會的好地方，總可讓我們放鬆閒聊，當然還有可愛的咖啡拉花，也是吸引我們再三光顧的原因，昨晚我們又去白宮互相交收美戰與吃晚飯。蒜香雞翼絕對是深得友人的心，雞翼本身被甜香的蜜糖包覆著，加上酥脆的蒜粒調味，入口一整隻雞翼香氣四溢，熱騰騰的，雞肉嫩滑多汁，十分美味，讓人一口接一口。2小時慢煮無激素美國天然豬鞍架以慢煮的方式烹調，讓豬鞍架肉質保持軟嫩狀態，然後香煎一番，淋上甜滋滋的鮮蘋果蓉，風味迷人之餘，也讓飽滿的豬鞍架味道更添層次。豬鞍架旁的黑醋沙酸甜爽脆，薯角香脆無比，各有味美。溫泉蛋卡邦尼意粉以適當比例的芝士汁，蘑菇，煙肉烹調，匯入超級無敵滑溜的溫泉蛋，口感加倍也更為濃郁，呈現多方面的風味。意粉彈力十足，吸附溫泉蛋卡邦尼醬汁後，美味度破表。熱玫瑰鮮奶咖啡第一口喝下時有著玫瑰香與鮮奶味，再深喝一口，咖啡的濃醇苦而不澀，最後兩者均勻攪拌，兩者合二為一，口感滑順，芳香的玫瑰大大滿足我的味蕾，還有美麗的sailormoon拉花，一杯咖啡，四重享受，超值。熱oreo朱古力在9度低溫下可謂大勢飲品，綿密的熱朱古力拉上跳皮的比卡超拉花，愈看愈治癒。朱古力與oreo完美的融合，入口的朱古力甜

呢間餐廳已經係我第二次來，對上一次已經係好耐好耐之前，當時對面都仲未有吉列牛，今次再來，感覺依舊。餐廳位於享和街，位置就唔太起眼，但都有唔少人前來，相信有啊少人係因為睇過呢度嘅咖啡畫花，超多公仔，以被吸引到。佢地有兩層，不過我兩次來，都係坐地下，未有見過二樓嘅真身，聽講就話打卡一流。地下位置唔多，晚上時間都滿座，事後先知好多人經網上訂左位，有d好抵食嘅套餐。下次醒目啦晚市有dinner set，有意粉、沙律、全日早餐、豬肋排、慢煮天然豬鞍架、慢煮西冷扒等，價錢好抵食，包埋餐飲，都係九十零至百五蚊。難怪平日都滿座，邊個唔想食又平又好食嘅野呢。蜜糖雞翼一份有五隻，價錢合理，上菜速度滿意，起碼我地兩隻餓鬼都唔洗等太耐。雞翼細細隻，唔係好夠熱，面頭搽上蜜糖而非連蜜糖焗，質素可以。蒜香白酒蜆肉意粉意粉份量都幾多，意粉偏粗身，加左蒜片、香草炒成，面頭有八粒蜆肉，價錢唔貴。意粉煮得略腍，碟底都唔算好多油，可以接受。蜆肉唔係好大粒，但吐沙乾淨。3小時慢煮西冷扒配薯塊 係見到隔離枱塊西冷牛扒幾大塊幾吸引先點嘅，成份500g，都幾有份量西冷牛扒慢煮，唔似一般牛排可以揀熟成度，佢都幾條筋位，好彩都冇痴牙。扒

今日特登入左荃灣搵個朋友食飯，本身我好少去荃灣，所以選擇餐廳當然交比朋友決定啦，佢話有間小店做的西餐做得不錯，帶左我黎試呢間「白宮」。餐廳位於轉角位，不太起眼。入到黎得幾張枱，樓面一眼望晒，以為餐廳好細，原來樓上仲有一層㗎，側面仲有個corner位俾人傾計同玩小遊戲，十足十私人cafe咁。dinner set有$88至$158不等，價錢合理。最令我驚喜嘅係佢嘅飲品可以選擇卡通人物，竟然有科妮嘅好朋友姆明同阿美！真係好開心呢主菜方面我哋叫咗個蒜香白酒蜆肉意粉，成個意粉好香蒜頭味，蜆肉亦都好新鮮令一個主菜就叫咗2小時慢煮豬鞍架，個豬鞍架煮得好淋好入味！薯角亦炸得好香脆！熱辣辣勁好食真心有驚喜

話說今晚女友要去荃灣行街，佢就一早上openrice搵咗餐廳訂咗枱，佢話呢間有moomin拉花既野飲wor自問自己荃灣都算熟路，真係冇諗到喺車房街呢邊有間咁嘅西餐廳，見佢都係玩特別野都冇預佢嘅食物特別好食㗎啦點知有勁大驚喜喎...門面細細，原來2/F都係，都坐滿客價錢都算公道2/F放左d擺設，女仔實鍾意拉花好多選擇，幾乎你鍾意咩卡通人物都有 拉花都拉到好靚㗎蒜香白酒蜆肉意粉，我敢講我好耐冇食過咁好食既意粉兩小時慢煮豬鞍朳，同樣出色，肉質好柔嫩鴨胸沙律，好味！