白宮咖啡室 (已結業)

本身同朋友想搵間靚靚cafe傾下計，見呢間d 相唔錯又咁啱有位就嚟咗。結果d 嘢食同環境都幾失望😞首先無論樓上樓下d 位都好窄，而且一開始坐樓下廚房隔離，真係一直都有一大班staff 係隔離，好尷尬。後嚟話調上樓上，樓上靚好多，有影相位，但係只有一個打卡位光線ok，其他位都好暗影相好難睇，全部食物相都係我自己打燈影。同埋樓底低，所以就好應聲好嘈😂😂都好嘅，傾計冇咁尷尬，最多講大聲d。食物嚟講，碟櫻花蝦意粉真係好膩好難食，我地好餓都食唔落，食左1/4 真係停曬手。我見隔離幾台都係食剩好多意粉。all day breakfast 就好好多，起碼味道正常，中規中矩，份量唔算多，一個人食得曬～薯餅都幾脆～飲品真係打下卡就好，碟豆花有個針筒擠d檸檬汁落去會變色，但味道就真係唔係個個ok。飲品都好甜又冇咩特色，望落ok，唔係幾好飲。幫襯一次就好夠啦😂😂又唔係平，打卡位都係一般。

   　　週末要和老公拍下拖，上次路過這一間食店，覺得名字蠻特別，再加上看到食評說這裏是以卡通人物為主題，又設拍照區，看來蠻特別，就想和老公一起來試試。。　　進去時地下的一層已坐滿人了，我們以為店子裏只有地下的一層空間，原來樓上還有一層，店員帶我們到樓上去。原來樓上人也幾乎坐滿了。　　地方稍嫌有點狹窄，別人在說甚麼話都幾乎聽到，二樓設拍攝專區，但我看沒甚麼人在那裏拍照，都只是聊天。顧客多是情侶或三倆友人。　　因為中午吃得有點飽，而這裏主要是吃環境吧，我就點了個全日早餐A，有明治牛乳炒滑蛋、牛角包、煙肉、德國腸、粟米粒、茄汁豆和沙律，其實份量不多，不包括飲品，是散餐。　　食物其實相當一般，其實真的不值這個價錢的，因為我今早已喝了奶茶，晚上就不喝咖啡了，要不然可見識一下他們的卡通拉花的手藝。　　老公則點了意大利香草肉丸意粉，他點的這個也是散餐，因為他也看沒甚麼合適的選擇。但他的肉丸意粉的汁很豐富，不會很乾，而且鹹甜適中，味道比較理想。　　但不包括飲品，週末及公眾假期要加一，我就覺得以這個價錢比較難接受。　　老公不太喜歡這樣狹窄的環境，好像動彈不得似的，鄰桌的食客想多要一張椅子來放東西，侍應

週末去了荃灣工廠區那邊做義工，做完義工後想吃點東西，但工廠區附近大部分都是佬味餐廳，逛了一會兒後找到了一間有All day breakfast的cafe。份量超大的，有薯餅、香腸、煙肉、牛角包、栗米、茄汁豆、炒蛋和沙拉。栗米是普通的罐頭栗米粒，而牛角包也太乾太硬了，感覺是在吃餅乾，而不是牛角包。但炒蛋做得挺好的，我最喜歡吃炒滑蛋，而不喜歡全熟的炒蛋，這個值得加分。飲料點了latte，上來的時候意外的用巧克力粉加了柯南的樣子在上面，作為柯南的小粉絲，這也必須要加分！整體而言，一個豐富的All day breakfast加上一杯可愛的Latte才$100不用，很抵食！

去到門口已經覺得餐廳陳陳舊舊，燈光又暗，但諗住好咁多好評都照入啦。1. 入到去見到個開放式廚房勁污糟2. 安排上層坐，樓底矮仲要因爲地方細，每一排都有冷氣吹住，所以之後食嘅野變哂冷盤。3. 選擇好少，7點幾黎到話已經冇哂豬4. 最後點左個意粉同牛扒，兩樣都係勁乾冇汁，本身都唔算重口味，食落個意粉係完全冇味，完全係feel到只係落左少少鹽就算，冇香草味都唔好妄想有蜆味5. 到塊牛扒，話500g實情係兩塊平價既薄牛，ok 你可以用低質牛排，我都唔算食得好有要求，但佢又當正自己煮緊美國肉眼扒咁，淨係用鹽同黑椒調味。本身塊扒已經冇味，所以食落係得鹽味同黑椒粒味其實食物質素唔掂都算，煮得唔好都算，我當自己食緊健康無添加晚餐，但你收百幾蚊一個餐我就好自然期待你有返果個價錢嘅質素，明明係平價野改個好聽d嘅名就扮係上菜收貴一倍，咁做法就真係唔係咁好囉。成餐飯最好食係個薯條，食完呢餐真心覺得大xx其實好有質素，呢度d食評真係唔好太信，有勇氣又有閒錢又想食啖口野既朋友就黎呢度試試啦。

呢間公司，入到去門面同原本上網睇人影嘅相完全唔一樣，黎到就冒死入去一次啦！入到去，明明有位，但放滿左雜物，啲員工有另外啲嘢搞到明明有三張枱係吉嘅都要客人喺外面等。餐廳環境，非常之不清潔(裝置、枱同櫈），唔知幾耐先會有人清潔一次。先來個沙律，完全係汁多個餸，而個汁比較酸，唔係太好食。之後黎個飲品，超甜冇茶味，最衰過糖+紅茶。黎左個主菜，慢煮豬鞍。豬鞍上面有啲萍果蓉，但個甜度覆蓋左個豬鞍本身嘅調味。雖然咁樣可以減低油膩感，但個人而言，唔落好過囉！個豬鞍唔算好”鞋”，所以可以比合格嘅分數。

晚上約左朋友食飯，但又唔係好想食大餐，想食得輕盈少少，於是位於荃灣呢頭的白宮就好岩我地食啦！環境好有少女味，真係好岩姊妹們黎打卡...食物方面，價錢相宜，味道ok!首先黎左白湯同野飲，基本上都落單完好快都上菜。小食拼盆一定係最熱氣又最好食架啦！特別係雞翼，真係搶住食呀！我叫左all day breakfast, 好大路既擺盆同味道。不過滑蛋好好食。兩位朋友叫的意大利面，一紅一白，紅的鐘意食蕃茄就會覺得好食；白的聽朋友講就比較淡味，如果可以再濃味些就更好啦！

係附近搵野食，上openrice見到呢間餐廳有唔少人like，貌似唔錯，就諗住試下，支持小店。叫了一碟明太子意粉，一碟慢煮西冷牛加薯條。1. 明太子意粉好咸，咸到完全食唔到。要換過第二碟先食到。佢地解釋話係明太子本身咸，所以意粉就偏咸。但其實成碟意粉明太子的份量只係佔好少。值得讚既係，同店主反映完好咸食唔到，可唔可以換過碟既時候，佢都願意換過碟。服務唔錯2.牛扒好硬好韌，基本上係無咬過就吞。成餐飯最好味就係薯條。總括黎講，係唔會有下次再幫襯。因為個人口味唔岩，所以性價比好低，唔抵食。

小妹我係一個卡通迷，之前同家姐講話左one piece餐廳，都幾正，家姐就話搵日帶我去一間我應該鐘意既café。嚟到見裝修都係好普通，唔覺有乜特別。家姐話all day breakfast好食，望左下都唔錯，就跟佢叫。平時好懶簡野，好鐘意講是旦，家姐笑我唔講得喇今日，因為『是旦』真係一款飲品名sosad哈哈。落單先知特別在有得簡飲品上要咩卡通圖案，家姐簡左我既chopper，咁我就簡我第二最愛cinnamoroll啦。All day breakfast入面有明治鮮奶炒蛋，德國腸，煙肉，薯餅，牛角包，仲有焗豆，粟米同沙律，拉番勻健康少少。唔係樣樣都鍾意食，兼太豐富食唔完，想比ｄ家姐，但家姐都好飽，份量真係幾誇張。至於飲品，真係好可愛呀，抹茶味可以再濃ｄ。值得一讚，可以簡既卡通好多，應該係準備左好多圖案既模，幾有誠意。味道同價錢亦都唔錯，打卡影相都抵，值得一試。

去開荃灣知道有好多好野食最後幾間餐廳入面揀左呢間原因係比佢嘅卡通咖啡吸引左🤣當晚星期日都驚多人所以打左去訂位但去到都有幾張吉枱加上原來有樓上一層嘅我地四個人叫左四個晚餐再加個小食拼盤我叫左個蒜香白酒蜆肉意粉蒜味好夠而且都有好多蜆肉但係有少少乾如果份量可以多少少就好喇兩個朋友叫左香草鮮茄烤雞意粉不過不失雞肉都夠滑同埋好濃蕃茄味都係嫌份量少左啲啫另外個朋友就再叫左一個豬鞍架雖然係話慢煮兩小時但係都唔算好'林'同入味係靠面頭醬汁調味我地四個人share 個小食拼盤有雞翼 薯條 薯餅 咖哩角 春卷份量啱啱好雞翼幾出色夠juicy味道又唔錯飲品方面叫左熱情果紅茶 蘋果綠茶 伯爵奶茶同埋為左佢而黎嘅卡通朱古力初初以為淨係得咖啡但原來有朱古力咁我就揀左超可愛嘅小丸子飲品方便okay啦 因為我地嗌呢啲種類都唔會有咩驚喜😅總括黎講食物係中等但勝在環境唔錯可以比你坐低慢慢傾下計樓上仲有個帳幕可以影下相

放假想好好享受早晨,於是去附近餐廳試下先要左個all day breakfast等左一陣 主角出場.......我覺得抄蛋比想中有心思, 質感好滑* 薯餅就好似窿左少少最後好似食左70蚊左右,真係好抵食👍👍👍

成日都去荃灣，星期六日周圍都係人想揾反個好地方過個Chill Lunch 就揾下邊樹有All Day Breakfast 食。。。就揾到白宮睇到相都唔錯就來到試試我地差不多Tea Time 先來到，好彩都仲有Lunch 我地坐近玻璃窗旁，一坐低就即刻落單我order 左一個All Day 加熱Latte我先生就order 左一個忌廉蘑菇烤雞意粉加凍Latte飲品好快就先到，有小白圖案之後嘢食都好快到-難得先生本來以為唔夠飽，其實份量剛剛好的味道都是很不錯的！賣相已經夠哂打卡用啦

同好耐無見既朋友暢聚，想搵個靜靜地可以傾下計的地方，突然醒起—白宮White House一間想試好耐，但一直未有時間去既餐廳，上網見好多好評，卡通咖啡精緻，環境都好可愛就一於去試試啦！一到達原來細心既朋友已訂左檯，店員帶我地到閣樓，好多影相位啊！仲提供埋小腳架，好貼心。我地點左All day breakfast 同 黑松露雜菌意粉；全日早餐擺盤好精美，滑蛋又香又滑，全部都熱辣辣，薯餅好脆；而黑露雜菌意粉，松露忌廉汁勁creamy，最欣賞係好多菇菌，食曬意粉碟底都仲有一堆菇菇控一定一定要點呀！飲品當然要試試咖啡啦，我們沒有指定要咩卡通人物，到上菜時，見到係熊大，好驚喜而另外點左杯蝶豆花菠蘿特飲，好香菠蘿味，顏色仲好有層次，好夢幻呀！

白宮餐廳一向full,係冇預約情況下去碰下運氣。當日落好大雨，好彩唔洗等。樓下個層大概有4-5張檯，全部full哂。於是，被安排到樓上坐。樓上大概有10張檯，環境有少少迫，檯與檯之間既空間好少，如果要傾密計就似乎要諗諗🤔食客入座或離開個時，都要小心翼翼，好驚撞到隔離檯。不過，樓上既裝修，就岩哂鐘意影文青相既人。黎左幾次，最鐘意食呢到既 「黑松露雜菌意粉」，佢既忌廉汁整得唔錯，幾creamy 。😋而且係繁忙時間，上菜速度都算快，下單以後，等大概15分鐘就有得食。服務生態度都幾nice，值得再次光顧。

位於荃灣西鐡站附近的White House, 對路癡的我有少許難搵😅😅去到竟然已經滿位有些失落，但店長説可以上2樓。2樓完全是另一風格，最適合一些三五好友聚會，又可以影到cafe 風的照片，正👍🏻👍🏻這個 All day breakfast 不過不失，沒有太大驚喜，只是煙肉有少許太乾，徧硬，連一杯綠茶$65 價格比不錯。

環境優美，可以相機食先的咖啡店！而且食物整體來說都不錯！主要為西餐，我叫左意粉！另外到咗重頭戲，咖啡！你可以隨意選擇你喜歡的卡通人物～大部份都應有盡有！我就揀左Line的Brown and Cony旁邊仲有小道具俾你影相添！