白宮咖啡室 (已結業)

之前見過唔同朋友去過，見到好靚好得意嘅卡通人物拉花，一直心思思都好想去試吓，今日終於經過荃灣去試下😍😍。餐廳有兩層，上下嘅裝修都好精緻，環境寧靜，坐得又舒服，非常適合傾計。我同男朋友分別叫咗一個豬鞍，叫咗碟pasta ,同埋蜜糖雞翼。當然唔少得最出名嘅卡通人物拉花朱古力啦。我揀咗小丸子，像真度真係非常高，非常得意可愛，實在唔捨得飲。食物質素亦都非常之好，豬鞍我開頭都以為會好似出邊嘅豬扒咁冇乜特別，食落又幾特別，佢嘅醬汁調配得非常好，而且薯條都好鬆脆，我地口氣就食晒啦。pasta都非常唔錯，香得來唔會太油膩。蜜糖雞翼都非常滿意，我哋一碟得五隻，最後我哋都覺得唔係好夠喉。整體而言非常值得推介。