發達叉燒

营业中

休息中

出餐慢又亂，管理不善。很失望。不啱打工仔幫襯。後果自負。我中午12點40分落了order,到1點10分都拿唔到一個燒味飯。那如何食午餐？我lunch time得1個鐘。

食完呢間 發達叉燒應該可以去買個六合彩金多寶喺車水馬龍嘅灣仔發現又開咗新餐廳係知名粵菜館「鋒膳」嘅姐妹店店內裝修簡潔俐落正中當眼處有張配目書法大字寫住「發達叉燒」毛筆字感覺剛勁有力同飯燒味嘅vibe一樣好夠豪邁乜都未點店員就筅奉上碗熱湯紅蘿蔔煲瘦肉飲湯好家常唔重味精嚟到重點燒味環節#茅台醬油雞燒鵝飯加+30轉鵝脾建議大家真心要加呢30蚊真為係嗚啊真心好好好好好好食～·係食神電影嗰句好～好～好～好好味～啊～啊～啊～打卡影咗十幾份鐘係凍咗少少但一咬個皮仲係「咔嚓」咁脆內裏嘅肉嫩juicy到一個點鵝油啖啖都爆汁撈飯食一流！#蔥油煎蛋肉餅飯好classic 嘅組合肉餅走嫩滑派路線唔係煎到燶邊乾身嗰種撈埋蔥油同蛋一齊食係好治癒#茅台醬油雞酒香味好濃特別係雞皮一入口就絲絲甜連埋勁入味嘅醬油味香雞肉滑嫩都幾乎係夾唔起嗰種超滑漏～仲有個 #鵝汁時蔬 🥬唔會成到成口油有淡淡嘅鵝油香做襯托大fit連我都食到忍唔到口

聽聞蘭杜街新開咗間高質燒味，大愛叉燒燒鵝嘅我點會唔嚟試燒鵝油雞飯，燒鵝皮脆肉嫩，鵝肉味香濃突出，油雞又滑又入味，啖啖肉咁勁滋味叉燒雙蛋飯，蜜汁叉燒甜甜地好開胃，略帶酒香，幾特別，肥瘦比例好好，口感軟腍，少少燶邊食落更香口，煎蛋亦煎到脆邊，睇得出店家嘅用心時菜嫩綠新鮮，大大碟好抵食，自家湯好足料，飲落感覺好滋補，同平時屋企煲嘅一樣食完就明點解開喺商業區但放工時間都大排長龍，燒味真係高質，份量十足，性價比十足，的確抵食，鋪面又乾淨，侍應又快手又有禮貌，餐牌選擇都唔少，真係唔錯

最近有間由粵菜館鋒膳大廚主理嘅小店正式登陸灣仔蘭杜街，主打叉燒、茅台醬油雞同燒鵝，希望將傳統燒味文化融入美食中，為食客帶嚟難忘嘅體驗。單/雙拼飯同燒味單點係全日供應，而煲、柿餅黃金皮蛋同鴛鴦腸下午六點後先有。私心推介明爐燒鵝，賣相一流，皮薄香脆，肉味濃香，軟身，唔肥膩，果然係招牌。發達雞鴨一品煲有鴨血、滷水鴨肉、雞雜等，滷水汁底入味且濃郁，肉品新鮮唔嚡。見唔少食客叫外賣返去食，當加餸都唔錯。份量唔算好多，可加白飯。

環境5分：燒味店都算好光線企理，卡位舒服冇野可以嘈，廚房落地玻璃，可以睇住大廚斬大舊叉燒同斬燒鵝，好有快感，食慾大增，可以畀滿分。衛生5分：枱面乾淨，枱上有筷子，匙羮，紙巾，牙籤，調味料任用，不經人手，自助形式，非常乾淨，滿分。服務5分：服務員爽手唔囉唆，落單上菜非常快手，都畀滿分！味道5分：1)     叫餐即送老火例湯一碗，青蘿蔔紅蘿蔔煲豬肉，清甜無味精，真材實料。2)     叉燒雙蛋飯有六大舊叉燒配兩隻太陽蛋，將啲蛋黃撈埋一齊食，非常惹味，叉燒厚身同好爽嫩，碗飯仲配埋油菜中和一下味道同口腔。3)     明爐燒鵝1/4隻下莊皮脆肉鬆非常有油香。4)     豬油撈飯以為好肥膩但食落好香口。抵食5分：百幾蚊有靚叉又有四份一隻下莊連燒鵝肶，非常豐富飽肚，真係同餐廳名一樣咁發達，抵食滿分。

四寶飯唔係鹹蛋。本來以為係煎蛋，點知原來係煮蛋，買外賣果陣職員都唔會問蛋要邊款，我諗應該只有叉燒雙蛋飯先有太陽蛋，有的失望。四寶飯比叉燒飯小好多肉，重要燒鵝好好好難食，外賣都唔比酸甜醬。叉燒得3片，都幾瘦同硬，同鋒饍無得比。鼓油雞幾好，就算雞胸肉都係滑，全部都已經去骨，食得好方便。80幾一個燒臘飯盒，應該會食翻名都。鼓油比較淺色，但都夠味。題外話，比完錢店員叫我地坐下先要等一陣。本來以為係因為煎蛋所以要等，但打開左飯盒果陣見到係預煮蛋就唔知邊份餸要現煮。。。。。我買果陣都未到1800，完全唔忙

發達雞鴨一品煲好好食菜心好鮮甜冇渣❤️叉燒我自己覺得太甜但係我見其他人食得好開心。一定會再嚟因為我見到隔籬枱食燒鵝好似好好食好想試吓。大家有冇食過呢度嘅燒鵝？好唔好味？分享吓資訊？多謝大家！Love this restaurant will come back for sure! ❤️I highly recommend the chicken giblet and duck meat pot that’s actually really good ❤️

今晚同朋友去咗發達叉燒餐廳食四寶飯同蔥油肉餅煎蛋飯，這兩碗飯真係令人垂涎欲滴，這間餐廳位於灣仔蘭杜街2號地下2號舖，港鐵灣仔站B1出口，行幾分鐘就到，非常方便。🫡四寶飯首先叫咗四寶飯，這碗飯真係一個完美嘅組合，有叉燒、油雞、燒鵝、雞蛋，仲有清脆嘅菜心同鹹菜，配上白飯，簡直係一碗滿足感爆棚嘅美食，發達叉燒嘅甜味同煙燻香味令人回味無窮，而油雞則保持住肉質嘅嫩滑，燒鵝外皮酥脆，肉質鮮嫩，每一口都好享受，雞蛋蒸得剛剛好，蛋黃同白飯混合，滋味無窮，菜心帶來清新感，鹹菜則增加咗一點點鹹香辣，非常平衡。🫡蔥油肉餅煎蛋飯接住嚟就叫蔥油肉餅煎蛋飯，這道菜式用上咗香濃嘅蔥油醬，搭配煎得金黃酥脆嘅肉餅同埋一隻完美嘅煎蛋，肉餅外脆內嫩，肉質鮮美，加上蔥油醬嘅香氣，簡直令人食指大動，煎蛋的流心效果更添一份豐富口感，每一口都充滿驚喜，再加上清爽嘅菜心同白飯，整體味道非常和諧。🫡老火例湯老火例湯以紅蘿蔔、豬肉同南北杏為主料，經過長時間慢火熬煮，湯底鮮甜濃郁，紅蘿蔔釋放出甜味，而豬肉則令湯頭更加醇厚，南北杏增添咗一絲清香，每一口都令人感受到溫暖同滿足，這款老火例湯不單止滋味，更係健康之選，非常適合寒冷的日子飲用。🫡西

港式燒味我好鍾意食😎 灣仔呢間發達叉燒新開冇幾耐我已經食過一次😬 佢啲叉燒真係唔錯🫶🏻今次就嚟試吓佢嘅其他嘢啦😗 發達叉燒係城中著名粵菜館鋒膳嘅姐妹店，出品有返咁上下😎 🌟 茅台醬油雞燒鵝雙拼飯 $80 （另+30轉燒鵝髀） 加$30轉隻咁靚嘅燒鵝髀真係好抵😍睇隻燒鵝髀嘅色澤都知有幾好食啦🤩🤩 皮脆肉嫩😍 我影相都花咗一段時間，但係隻鵝髀啲皮仲係脹卜卜，一啲皺皮都冇，咬落香脆😍 鵝肉嫩滑細緻又多汁，鵝油撈白飯真係一百分😎 茅台醬油雞同樣出色，加咗茅台嘅醬油，酒香醬香俱備，好特別👍 雞肉嫩滑，皮薄唔會太肥，啱曬我😎 配蔥油食真係冇得輸😗所有飯都會跟老火湯一大碗，非常足料啊，會連埋足料湯渣一齊上，鍾意食埋湯渣嘅朋友一定話正😆 呢度嘅環境好舒適乾淨，招呼都好好，燒味部同樓面嘅職員都好Nice🫶🏻 下次係灣仔想食燒味，一定會再嚟食🫶🏻

灣仔呢頭卧虎藏龍，最近試咗間新開嘅燒味舖「發達叉燒」，原來係鋒膳旗下嘅出品，一試之下，果然名不虛傳！叉燒茅台醬油雞飯 🐔🍚🥢呢個飯雙拼叉燒同茅台醬油雞，份量十足！叉燒半肥瘦，燒得啱啱好，外層帶少少燶邊，咬落去肉質鬆軟，充滿蜜汁嘅香味，唔會太甜膩。至於個茅台醬油雞，雞肉滑嫩，醬油味香濃，帶有淡淡嘅酒香，非常獨特，同平時食開嘅醬油雞好唔同！個飯用嘅係靚絲苗米，粒粒分明，索晒啲醬汁，真係食到舔舔脷！😋燒鵝飯 🦢🍚燒鵝皮脆肉嫩，油脂分佈平均，咬落去啖啖肉汁，鵝皮嘅脆卜卜口感真係一流！燒鵝嘅調味恰到好處，鹹香味十足，唔會太鹹，配埋白飯簡直係完美組合！唯一美中不足嘅係，今次食嘅燒鵝略嫌肥咗少少，如果可以瘦啲就更加好喇。🤔鵝汁時蔬 🥬🥦叫咗個鵝汁時蔬，今次係用芥蘭炒，鵝汁濃郁，帶有少少油香，撈埋啲菜食真係好惹味！芥蘭爽口，炒得啱啱好，唔會太老，整體嚟講都唔錯！👍

 If there’s one dish that defines Cantonese comfort food, it’s char siu (BBQ pork) over fluffy steamed rice—and 發達叉燒 (Fat J Char Siu) in Wan Chai has absolutely mastered it. I’m still dreaming about the melt-in-your-mouth experience I had here, and trust me, this spot deserves a spot on your culinary bucket list! The Star: BBQ Pork with Rice 🍚🔥 Let’s talk about the char siu. Imagine tender, succulent pork glazed with that perfect balance of sweet and smoky, caramelized just enough to create a sl

🥢茅台醬油雞：酒香撲鼻，嫩滑多汁茅台醬油雞真係一試難忘！雞肉煮得啱啱好，皮滑肉嫩，完全冇過火嘅感覺。最特別嘅係用咗茅台酒嚟調味，酒香非常突出，但又唔會搶晒雞本身嘅鮮味。嗰陣陣醬香同酒香融合得好自然，每一啖都係享受。雞皮仲有少少微微嘅甘甜，加埋醬油嘅鹹香，真係令人停唔到口。如果有啲蔥油或者蒜蓉醬配埋一齊食，嗰種滋味真係無敵！🥢蜜汁叉燒飯：甜鹹平衡，飯香四溢講到叉燒飯，呢道菜可以話係廣東人日常生活中最親切嘅美食之一。呢度嘅蜜汁叉燒飯真係做得好出色！叉燒表面刷咗一層蜜糖，烤到微微焦香，但又唔會太乾。入口有少少焦邊嘅脆感，再咬落去就係嫩滑多汁嘅肉質。肥瘦比例掌握得啱啱好，完全冇嗰種膩滯感。蜜汁帶出咗叉燒嘅甜味，但又唔會過甜，鹹甜平衡得非常好。🍚至於飯方面，用咗靚米煮成，每粒飯都晶瑩剔透，而且粒粒分明。最正係叉燒汁滲入飯度，每一口都充滿濃郁嘅肉香同蜜汁味道。配埋幾條青菜既清新又解膩，一碟飯食到尾都唔會覺得悶。🍲老火湯湯底清澈但充滿濃郁嘅鮮甜味，一飲落去就知道熬足幾個鐘頭。材料煲到出晒味，但又冇渣滓或者過重嘅油膩感，飲完之後覺得成個人都暖笠笠，好舒服

今日收工一個人去搵食，就去咗蘭杜街行下，睇下有乜心水。見到新開間發達叉燒，就去試下啲叉燒水準如何。見到滑蛋叉燒飯$70蚊，金鐘收費算係咁啦，加上好叉燒而家難搵。再加咗$10轉做豬油撈飯，畢竟而家好少見。而且我同職員講想要肥啲嘅叉燒，職員都好有禮貌咁話會儘量安排，唔一定有。咁我見個職員都咁有禮貌咁提我，我都做好心理準備，希望師傅心情好，幫我安排到肥少少嘅叉燒～到一上桌，先嚟碗湯，無乜味精，少鹽清湯，暖下位熱下身相當合適。主菜一上，豬油撈飯非常香，我半攪拌後食得相當過癮。滑蛋相當香滑，唔會太油唔會太濕，師傅手勢相當好！叉燒雖然全瘦，但份量多，師傅為咗配合瘦叉，將佢切得非常薄，雖然乾，但都咬得爛，配合滑蛋同豬油，完美平衡！唯一美中不足係叉燒表面無乜焦糖味同炭香，有少少似食緊煲湯湯渣，不過有滑蛋同豬油配合，完美平衡！總括嚟講，服務態度同環境非常好，一個人坐得非常舒服，職員都提我要撈勻豬油先好食個飯，非常親切同好笑容。作為一間叉燒專門店，如果為咗食叉燒而去嘅人，可能要有心理準備，試多幾次，撞下手神先食到想食嘅肥瘦度！或者有食過嘅人可以分享下點先食到肥叉燒～我個人而言唔會再去，因為我肯定有其他鋪頭

路經灣仔區見到呢間店人頭湧湧，見到個店名好似幾得意，門面幾新就入去試一下。小店格局坐位不多，一眼看哂！佈局簡潔，可以看到燒味部櫥窗，主打嘅叉燒、燒鵝同油雞看落都幾靚。叫左個叉燒燒鵝雙拼飯，隨餐免費附送中式老火湯一碗。湯係粟米蘿蔔煲豬肉，味道不錯，湯底都清，應該無用味精，如果溫度能夠再熱一點就更好！主角雙拼飯好快送上，叉燒的味道不錯，調味適中，肉質軟身，邊位亦有焦香，至於燒鵝味道同樣不錯，皮很薄身，但不是脆又不至於很肥膩，肉的部份不算太多，骨都偏大嚿，還是叉燒比較出色！埋單盛惠80元店員招呼有效率、態度不錯，跟食客都有交流，有求必應！以商業區來說質素都屬中上，趕時間之選，喜歡食燒臘的朋友都可以試一試！