番茄濃湯專門店 (已結業)

****好食不在講，環境舒適，服務優質*****屯門區內少有出色食店，如吃湯麵的話，漢堡扒是本人必選的，配上粟米，時蔬等食材可以完全帶出蕃茄的鮮味，再加意粉湯底，味道簡直配合得天衣無縫。

放工約左住瓏門既舊同學搵嘢食，原本諗住喺V city食，點知間間都係連鎖店，想搵間小店食下。咁就食呢間響新墟好耐冇食嘅蕃茄專門店。以前同蕃茄精黎食，而家唔使點等位，非常好。諗住食番茄焗牛舌飯，點知佢話焗野全部都無🙈咁就食佢哋主打嘅番茄湯粉。舊同學都係食呢個咁我哋交換啲餸，炸魚柳對我來講就薄左啲，不過炸粉唔多幾好，都大塊嘅，雞扒煎得少少脆唔似炸唔錯，肉質唔老幾好味。番茄湯一流夠濃上面隻滑蛋好滑，識食湯粉當然係食通心粉，可以將啲湯汁同個粉一齊食。加左杯凍蘋果汁，飲品一向係呢間野既敗筆，希望佢地遲啲諗通請個好啲既水吧。食到尾隔離枱出現左焗飯⋯⋯埋單竟然唔使加一

去開附近睇戲，聽朋友講話有間出名特濃蕃茄湯底的食店，就走去一試點了雞扒通粉同埋細份煙肉車厘茄雞扒好吃，不過份量有點少，只有4件蕃茄湯底都很濃味，真的有鮮茄在裡面仲配有一舊炒滑蛋，質地都滑至於車厘茄，細份有2串，車厘茄多汁，不會很乾，配上煙肉很好吃下次去開附近也會再光臨

今天同朋友去屯門睇戲，諗食咩諗左好耐，最後去返戲院附近試呢間野..叫咗一個蕃茄濃湯雞翼螺絲粉同一個雞翼蕃茄意粉！蕃茄意粉買相不錯...充滿蕃茄味，蕃茄濃湯雞翼意粉，個蕃茄濃湯也不錯...有啲蕃茄肉係入面！整體來說不錯！

『花啓飲食誌之五』屯門新墟走來近V City的巷仔，好易就會錯過這間以蕃茄做主題的餐廳，不過既然此店能有兩層，應該生意還不錯吧。蕃茄濃湯通粉（中辣）選配麻辣肉丸，湯頭惹味，真的很惹味！估不到蕃茄湯加辣是這樣夾的呀！最驚喜的，是像把麻辣湯底濃縮為一粒肉丸的麻辣肉丸！真的能做到麻辣的刺激感，搞勻後湯底就成為麻辣湯底，過癮的。蕃茄煎龍利柳意粉，醬汁調得稍甜頗為杰身，意粉就煮耐了少少未能是al dente的口感，但基本水準已不俗呢！龍利柳有四大塊，慷慨！薄薄的蛋漿薰在龍利柳再煎香，熱辣辣的即食，何有不好吃之理？花花說這是兒時吃慣的蕃茄龍利柳味道呢。唯一要彈是環境。可能上一位食客跌過食物在椅子上，致使花花坐上去立即感到「癡立立」，是扣了不少分數的飲食體驗呀！

今次黎到tomato otamot，都係諗住叫非蕃茄既野食，始終呢度蕃茄菜色我成日都食唔少。最後叫左呢個蒜蓉汁豬扒飯，不過原來佢都維持番佢蕃茄style，蒜蓉汁mix蕃茄薯仔湯底，非常鮮味，酸微微得黎又香，亦強調出其蒜蓉濃香，醬汁拌飯食好正。豬扒薄得黎煎得外層香脆，內裡鬆軟，保持嚼勁感，食落亦唔油膩。一碟飯有三塊中size既豬扒，lunch份量黎講適中一啲都唔少，又有果汁做餐飲，學生或打工仔黎講都係唔錯既午市選擇。

再次前往新景點源區T Park，Shuttle Bus在V City上落客，浸完SPA就去V City附近覓食。在一條巷仔，見到很多人，適逢今天是農曆十五，所以店舖人很多。而我，就是去隔離的『Tomato Otamot蕃茄濃湯專門店』。店員帶我們到上層，當時人不多，可以任揀位置，選了梳化位，可以望到下層，也舒服，不過冷氣有點凍。後來人愈來愈多，十五分鐘後已經坐滿，我們真幸運可以坐到窗口位置。我們點了Set Dinner Menu A二人套餐 $178，但後來發現很多食客也會單點，才驚覺其實單點更化算。套餐有前菜、小食拼盆、蕃茄滑蛋濃湯系列、焗飯/意粉、甜品及飲品。前菜吃了胡麻蟹柳沙律，好吃，很清新，青瓜配胡麻醬無得輸。朋友本身不吃青瓜，也覺得好吃，青瓜味很淡。小食拼盆 (煙肉車厘茄串、惹味雞翼、薯角)，煙肉不會過硬，配以車厘茄，入口多汁，好吃；雞翼也如餐牌上寫，惹味；薯角正常。A類的蕃茄滑蛋濃湯系列，選了豬柳漢堡蕃茄滑蛋濃湯螺絲粉，賣相不錯，早、午、晚餐不分時限也適合吃的，不過對我而言味道一般，滑蛋好吃，豬柳漢堡和螺絲粉屬正常，蕃茄湯有點酸，太多茄膏的感覺，不是我喜歡那種味道。B類焗一

NICE WEEKEND 緊係要遊車河今日同朋友遊到去屯門, 因為我帶埋狗仔出去,搵左間可以係室外坐既餐廳, 而家天氣好舒服, 出面都唔會太熱二人dinner set 有2個小食同埋2個主食,仲包2杯飲品, 另外仲叫左個芥末牛舌小食都普通薯角, 雞翼同煙肉蕃茄串檸蜜脆豬好酸, 不過都幾脆, 奶油脆豬會好食D番茄味唔夠濃唔夠香, 好彩唔係好酸架姐, 口味大眾化,朋友盲食豬扒飯, 都係普普通通啦呢個芥末牛舌反而有D驚喜! 送飯一流如果唔係經呢頭都唔會再食呢一間, 不過未食過都可以試下店員好NICE 環境都幾舒服, 野食就普普通通啦

早已久仰大名，之前想去時又沒開門這天剛好看完電影後，就去看看有沒有開門時間是3點多，所以人不多，進去就有位置來這裡當然要試一下最招牌的食物原來還有很多其他的種類因為朋友說不餓，我就叫了一個麵加一個小吃，再配一個飲品(加6元)叫了麵，配漢堡扒，UM...湯真的不夠濃，能稱自己做濃湯專門店？蛋看起來很滑，怎料，蛋中間是冷的是預先弄好的嗎？大家都知我愛牛脷這個WASABI牛脷我有點期待看到賣相也不錯，可惜做得很一般牛脷表層很硬，內裡還好，尚軟價錢48，好吃的話是值的...現在感覺有點貴

幾個月沒去番茄濃湯吃早餐，原來餐廳的環境都有少少變化，近門的位置有部啤酒機，原來現在也有啤酒供應呢~ 我都想好飲呀!! 不過一朝早都是吃早餐較適合，選了很喜歡的番茄螺絲粉配多士&餐飲，承惠$30~ 麻辣肉丸子+香腸螺絲粉 如果想食辣，選這個麻辣肉丸就最適合不過了. 麻辣與番茄湯底都很夾，而且食到鼻水都流出來，辣度都幾勁，令人相當開胃. 至於螺絲粉都幾夠煙韌，很不錯. 多士 也是即烘的，外脆內軟，也很美味. 熱檸茶 再來一杯消膩的熱檸茶，味道正常. 至於媽媽則要了火腿煎蛋通粉 ($20)，雖然賣相平凡，但也是即叫即製，煎蛋熱辣辣的，她說雖然是普通食物，但也是煮得有心機. 如果住新墟附近，亦喜歡番茄湯底，也可以一試~ 屯門明藝街10號安全樓地下

今天去了屯門看電影，然後到處閒逛，午餐就選了這間以蕃茄為主題的餐廳。餐廳內里和餐牌均以蕃茄作裝飾，尤其喜歡牆上七彩繽紛的蕃茄圖畫。是日午餐有四款。我揀了Ｂ餐：洋蔥汁香酥雞球飯跟橙汁，再加$20叫了個蕃茄濃湯。不過之後再看清餐牌，飲品轉蕃茄濃湯會更抵，只需$8就可以了。雞球飯賣相吸引，洋蔥汁加上蕃茄醬﹑青豆粒﹑玉米粒，鮮艷奪目。雞球份量合理，炸至乾身，入口酥脆，洋蔥汁酸甜酸甜，十分開胃。蕃茄濃湯色澤深紅，加入香草，洋蔥烹調，未飲已有陣陣蕃茄味。不過個人覺得太酸了，用來配飯才比較好。

My friend suggested to go to this restaurant tonight because she really want to try the tomato soup again. We sat down and ordered straight away. We both got the famous egg tomato soup with pasta, the soup was very nice. It was quite thick and had strong flavour. The egg was so smooth and milky. The pork chop and chicken breast were juicy and tender. They were seasoned perfectly.

Tomato Otamot 去親大部份時間食佢啲招牌蕃茄，見lunch有4個餐可以揀，除左紅燒豬軟骨我未食過之外，其他我都未食過，於是就試下。醬汁香濃，豬軟骨佔去碟面積3份之1，份量絕對係多，但稍嫌豬軟骨太多肥肉，如果揀啲瘦既部份會健康啲。伴菜頗香蒜蓉味，唔係一段烚菜。每個午餐均送一杯蘋果汁或橙汁，今次揀左蘋果汁，不過橙汁會較好飲冇落冰。

星期日沒有下午茶餐，就只有這張menu~等既人好多，而且好熱~終於可以入去啦~原來有兩層樓，我們上了上層,上到去當下換來了失望，原來上層仲有好多位，為何要我們等這麼久??????兩人order了最出名的番茄湯粉，選了芝士腸和雞扒~芝士腸無特別，只有兩條，不過雞扒就煎得幾好味!番茄湯底濃郁，配上滑滑既炒蛋，味道真係好夾!如果餐廳座位安排可以改善下就好了!

剛看完戲，就準備去吃下午茶。想不到吃什麼好的我們，突然見到有人在派傳單，朋友說不如試一下吧！見到有很多人都是點番茄滑蛋羅絲粉，因為索價是比較合理一點的。不過比較想吃更濃的番茄味，就點了番茄磨菇意粉。*番茄磨菇意粉($50)一看到就已經知道番茄味很濃郁，味道偏酸一點，吃得出很真材實料，很開胃；不過意粉煮得軟身了一點，少了一種al dente 的口感；而且份量不算很多。雖然味道是不錯，但是索價$50，而且只有一種配料的意粉貴了一點。