番茄師兄

营业中

休息中

星期六出開深水埗, 同朋友行完去買皮買布, 搵下附近有咩好食, 見到話最近有間新開專食蕃茄既餐廳好好食, 我地梗係要去試下啦～估唔到2點去都要排一陣隊, 不過好彩好快有位!餐廳裝修都算簡約, 最重要係乾淨! ✨✨MENU都幾多野揀, 有麵有小食同炸物, 最後我地決定一人一個麵, 再加D小食🍤犇犇有禮配上海麵🍜入面有崩沙腩同牛坑腩, 同埋牛面頰, 個湯底係濃濃既茄湯🍅, 夾埋D麵有少少掛湯既效果! 至於配料方面, 份量都唔少, 賣相一流! 不過因為我食得太快喇, 分唔到崩沙腩同牛坑腩, 但係一句到尾就係兩種腩都牛味不足! 而且煮得夠淋, 易入口! 而最正既係牛面頰, 有少少少似牛舌咁, 不過又唔會太肥膩, 出面好少食到!滑一滑, 即係滑牛滑蛋, 配拉麵!我食左佢DD配料, 個滑牛好淋唔會好難咬, 牛味雖然冇腩位咁多不過都KEEP到一定水準! 而個滑蛋就更加係冇得輸, 依個份量起碼有3-4隻蛋, 而且真係唔鞋, 撈埋湯一齊食就好似食緊蕃茄炒滑蛋咁🍳小食方面, 我地叫左鮮炸紫菜墨魚丸、腐皮墨魚蝦條同慢煮麻辣瑞士汁雞翼🌶兩個既炸物味道有少少似, 真係好難分邊樣好食D, 一個香脆彈牙，一個香口帶

本人超級喜愛番茄湯，所以有任何蕃茄專門店新開都會想去試一下。見ig話有間深水埗新開的番茄湯專門店，今日就去試了。間店得5種番茄麵選擇，我揀咗最平嘅「滑一滑」，其實唔係因為佢最平所以揀佢XD，係因為想食茄牛麵，但係佢只得呢款同「犇犇有禮」係牛...本人好鐘意食滑牛但對牛腩冇興趣，所以就係佢喇！有四款麵揀，拉麵、烏冬、米線同埋上海麵，唔知揀咩麵好既時候啲姐姐會比意見你，同埋你碗麵太耐未到會幫你追單，超nice碗麵啲蛋係真係好滑，啲牛亦都幾有牛味。我聽咗服務員姐姐建議揀烏冬，啲烏冬係幾掛湯，同番茄味好夾，同埋碗湯真係好多蕃茄蓉，好足料好好飲，整體來講唔錯。（其實我仲嗌左一客炸墨魚蝦條，賣相普通但係幾彈牙好味，冇影到相XD）總括來講個麵係足料同幾好食，服務姐姐嘅態度又nice，不過唔少鋪頭新開張都係咁，希望佢哋以後都可以keep住呢個質素啦！

新鮮騸牯牛就是經過閹割過的牛牛，入口鮮嫩甘香而且不會太老太韌。無需透過後期製作都吃到那種牛肉的鮮味。炒滑蛋很滑、很香。有入口即溶的感覺。番茄濃湯就很濃郁，湯底口感剛剛好。不會感到很稀。至於78度慢煮沙爹豬腩肉，肉與脂肪比例平均，配上特製沙嗲醬及洋蔥都很惹味。爽口又彈牙，不會很膩的口感。炸腐皮墨魚蝦條鮮味彈牙，第一口咬下很香脆。桂圓紅棗桑寄生茶有媽媽煲的味道，加入桂圓很貼心。很合適秋涼的時份，添上一份暖意呢。

※本文以用餐當日的環境、服務和食物質素為準，口味亦因人而異，文章只作參考之用。-友人知道小妹愛吃蕃茄湯底，通常麵店有供應蕃茄湯底的都會試下，所以便推薦來試試位於深水埗的番茄師兄，餐廳既裝潢佈置都好醒神，還很貼心的提供小籃子讓客人放置書包手袋等，值得一讚！連紙巾同餐具都印上餐廳名稱，很認真的感覺。番茄師兄固然係主打蕃茄，以蕃茄濃郁主打的麵食有六款，另外仲有供應單一的蕃茄湯和小食等，貴精不貴多。信陽毛尖蜂蜜冷泡茶、凍檸檬雪梨露 各$18信陽毛尖屬綠茶既一款，味道帶回甘，加入蜂蜜後味道滋潤解渴、亦具有消滯作用；檸檬雪梨露，入口帶清幽檸檬香，加入雪梨，喉嚨更覺滋潤。（喜歡的更可加$5將小樽帶走）鮮炸腐皮墨魚蝦條、鮮炸紫菜墨魚丸 各$24叫左兩款小食，小妹特愛腐皮墨魚蝦條，咬落去質感爽彈，有食緊蝦滑既味道，不錯。犇犇有禮 $78（騸牯牛面頰、牛坑腩、崩沙腩）小妹揀左烏冬配蕃茄濃湯，這碗用上三款牛的不同部位，包括牛面頰（圖右）、牛坑腩及崩沙腩 （圖上）。餐廳用上脂肪比例較佳的騸牯牛，騸牯牛在大約一歲時便會閹割，經閹割後肉質更加細嫩、肉味濃郁；餐廳亦將其煮得夠腍，肉質完全無過老或乾柴的情況出現 (起

前兩日放工去鴨寮街買電話卡，買完就梗係睇吓附近有咩好食啦。行吓行吓就見到呢間蕃茄師兄，即刻比佢門口張大poster吸引住，見到都流晒口水。餐廳非常企理乾淨，約莫可以坐到40人左右。門口poster嗰個原來係叫犇犇有禮，侍應姐姐都話係依度必點嘅一款。之後我哋仲叫咗個一貝子，同幾款小食。犇犇有禮 - 阿姐真係冇介紹錯，個湯底好濃好有茄味，但又唔會係出面街好鹹落味精嗰款。啲牛腩真係超高質，全部勁淋勁入味，不愧為呢度嘅招牌菜！特別一提，枱面仲有「麻之一滴」同百里香任你落，個麻之一滴幾特別，完美地做到麻而不辣！一貝子 - 依個又係堅正，用咗北海道帶子，同大大隻嘅花甲，啲海鮮味會合埋個湯底度，令味道再一部昇華～!70度慢煮麻辣汁瑞士雞翼 - 麻辣汁唔算好勁，唔太食得辣嘅朋友都一定食得到。鮮炸魚片頭&鮮炸腐皮墨魚蝦條 - 佢依款魚片頭係我最鍾意嗰隻，大大粒，新鮮炸起熱辣辣勁好味，如果有得點買辣椒醬就更加好！平時食番茄麵多數都係喺food court 入面某品牌度食，兩者比較的話，發覺出嚟依度食簡直係完全唔同Level , 食材，湯底，麵質呢度都完勝！一定會番兜，下次嚟一定試埋佢個有鮮鮑魚同大蝦嘅「仙

同幾個朋友一齊食，入座後看完餐牌，很快，不用10分鐘我碗麵就送到台上，叫咗個犇犇有禮，個麵好好食，好彈牙好有咬口，而牛肉都唔錯。香港來講價錢唔算貴，份量亦都足夠。佢係食倒牛的3個不同的部位，可以話同其他牛肉麵無得比，個湯底係超高水準，從來未試過咁好食，連平時唔飲湯底的我，今次我同朋友都忍唔住口，全部連湯底都飲埋，真心推介。我地仲細細地食左幾種唔同嘅小食。慢煮沙嗲豬腩肉，有肉味，超淋，仲要同個沙嗲幾夾。慢煮麻辣瑞士汁雞翼，依個係必試之選，佢個瑞士汁整得好濃郁，係會有食完再想食嘅感覺。鮮炸魚片頭，呢個10分新鮮，啱啱炸完，佢嗰個熱力同埋軟硬都10分夾，仲有佢個隨口程度都10分好。嘢飲就叫咗桂圓紅棗桑寄生茶，呢一個對於女仔來講簡直係因物，同其他店舖比，如果有一杯依種野飲，就真係大滿足。另外一個我欣賞這店的地方是，服務態度十分好，有禮貌又細心，估你唔倒仲有埋濕紙巾，真係以客為先。

今日到訪呢間餐廳，門面設計簡潔鮮明，裡面環境闊落，冷氣充足，坐落唔會好迫餐牌相對其他食店而言，簡單直接，只做幾種主打菜刻有店名的木匙木筷、印有全店所有菜式的墊枱紙、帶有食店LOGO的餐碗及特飲玻璃樽，甚至中英對照嘅點餐紙，從各種細微處可以睇得出店主嘅心思店主亦十分好客熱情，向我哋一一講解各款菜式嘅特點今次點咗兩個小食兩杯飲品兩碗烏冬慢煮麻辣雞翼，生熟度剛好，入味又嫩滑，微微麻辣味慢慢滲出，惹味而不過辣，食唔到好辣嘅朋友都能一嚐麻辣滋味炸墨魚丸外層粉漿十分輕薄，肉質鮮味彈牙，趁熱食最好梨汁啖啖果肉，有果香，甜而不膩﹔蜂蜜冷泡茶有淡淡蜂蜜，更引出茶嘅清香，十分好味而主菜蕃茄湯烏冬，蕃茄湯非常有驚喜，濃郁有層次，香甜且帶肉類鮮味，令人欲罷不能﹔而烏冬麵身煙韌，沾上蕃茄濃湯後，更加叫人食慾大振！兩碗烏冬嘅配菜分別係鮑魚鮮蝦及牛肉海鮮唔會過老或太韌，新鮮而有彈性﹔牛肉十分有牛味，肉質柔軟，鍾意食牛嘅朋友必試！菜式品種雖然唔多，但絕不欺場，食物質量十分高，份量亦唔細，個人食到最後實在因為太飽而飲唔晒所有蕃茄湯，覺得可惜……食店方面亦好貼心，見客人想飲湯，會主動問客人要唔要加湯綜上所述，十分推薦呢間

蕃茄兄弟係一間以蕃茄湯做主題的餐廳湯麵有五款選擇： 犇犇有禮䐁䐁圓圓鮮氣迫人一貝子滑一滑我點左滑一滑配上海麵加芝士湯底做得好好，好濃郁嘅蕃茄，飲得出好足料滑蛋牛肉做得好出色 另外點左鮮氣迫人配烏冬，材料豐富有蝦、 飽魚同墨魚滑海鮮味道有少少蓋過蕃茄湯味烏冬有咬口，墨魚滑好彈味道不錯，蝦不夠新鮮點了兩款炸物，腐皮墨魚蝦條，紫菜墨魚丸特別喜歡腐皮墨魚蝦條，好好味老闆話兩款炸物都係精挑細選，係香港廠房制造，所以特別好味慢煮麻辣瑞士汁雞翼，其實唔辣，比較重瑞士汁味，怕辣都可以點慢煮沙嗲豬腩肉，肥瘦剛好，味道比較重咸菜味蜂蜜冷泡茶-茶味好清香，加堆清甜蜂蜜味道，好夾檸檬雪梨露-飲落好清甜好潤兩款飲品都推薦

一向對蕃茄味的食物有興趣，朋友告知在深水埗開左間食蕃茄濃湯麵的餐廳，就好吸引我去試。店家從7點開始爆滿，不過返卓率高，好快有枱。彩色椅子令到人心情開朗，播着Eason Chan 的歌，好啱channel。除左正常供應食物，仲有期間限定，牛筋肉碎、四寶丸蕃茄濃湯麵。自家製飲品都好吸引。一般店家都給炒的辣椒油，這裡的麻的一滴，要試下，真係唔錯，食咩都可以加下。師兄炸物鮮炸紫菜墨魚丸($24/4粒)，新鮮彈牙。店家用品都幾講究，估唔到碗碟和筷子都有logo。70度慢煮麻辣瑞士汁雞中翼($28/4隻)，秘製麻辣汁，不會很辣，有點花椒的味道，很入味，似吃瑞士雞翼的味道，食完一隻又一隻，停唔到，滿分！鮮氣逼人 ($88) 有新鮮鮑魚、大蝦、麻辣墨魚滑+番茄湯日式拉麵，鮑魚厚肉又彈牙，蝦都好大隻，茄湯有茄蓉，味道超濃郁，湯底真係美味，食到見底。如果加點配菜，賣相會更吸引。師兄飲品- 桂圓紅棗桑寄生茶 ($18/熱)，有2粒桂圓、1粒紅棗係入面，好滋潤，真材實料！78度慢煮沙爹豬腩肉 ($28/5塊)，先煎香豬腩肉，用上加了洋蔥的秘製沙嗲醬，肉質有肥瘦，很滑嫩，不會很油，也不會很柴。鮮炸魚片頭 ($2

最近友儕中有不少人提起這一間"番茄師兄"，說其出品不錯又夠真材實料。今天就由小弟親自來證實一下，看看是否屬實....店子正正開在人氣食店"蘇媽"的斜對面。蘇媽那裡人頭湧湧，而這一邊就只勉強坐了幾檯客....店內的兩大人氣之選，分別是她的茄湯底以及以新鮮的騸牯牛作主打的料頭。一場嚟到，當然就要試齊兩款了....在每一款湯麵之上，店都為它給了一個挺有趣的名字 ---- 甚麼 "鮮氣迫人"、"豚豚圓圓"等。而我今天選的，應就是最多人點的"犇犇有禮"....一睇番茄湯色，是如此的紅甚不自然。儘管有好幾件新鮮蕃茄存在，但也不能讓我減低對此湯含有太多後加原素的感覺....呷一口，果然不出所料，味道太酸了，酸得有點蓋過其他東西本應有的滋味....麵處理得還可以，入口不見太淰....所謂的"犇"，顧名思義是有著牛肉的三個部份存在 ---- 分別是牛面頰、崩砂以及坑腩....三樣材料之中，論軟熟度當是以面頰為首。至於後兩者，嚼入嘴後竟然有咬不動的感覺。其中的那好幾片崩砂，更是嚼過後忍不住吐了出來....至於有沒有牛味，或能否吃得出騸牯牛的鮮味，說真的我是對之極度迷惘，因為那湯的酸，已全掩蓋了一切....

呢日原本想食既餐廳因為太多人排行行下係排檔與排檔之間見到呢間裝修比較亮麗既小店加上個名咁特別就比佢吸引左過去喇雖然係午飯時間但都唔洗點等位佢既餐牌好有心思菜名都食晒字作為食肉獸既我叫左豚豚圓圓仲可以唔洗加錢轉烏冬添隔左一陣碗麵就到喇蕃茄湯底之中除左食到有茄肉之外仲有D D洋蔥似西式既蕃茄湯一碗豚豚圓圓入面都有好多肉有豬腩肉同豬頸肉夠晒飽肚!最近睇[]主持人食拉麵既時候話見到枱面有咩調味落晒落去就啱架喇所以食到中段特登試下落呢個麻之一滴中意食辣既呢一定食得好過癮!!有種慢慢辣出黎既感覺!

熊貓最鐘意食麵，日式拉麵，港式車仔麵，酸辣粉通通都係我既至愛！今次呢間專食番茄麵既，成為左我既新歡～午餐時間黎到食碗「豚豚圓圓」：慢煮豬腩肉及豬頸肉，湯底有大量番茄，啖啖都食到番茄蓉，好清無油應該冇味精，可以放心成碗湯飲哂！豬腩肉煮得好淋，好入味！今次叫左烏冬，烏冬係幼身既烏冬，仲做到掛湯既效果！特別要講講枱面呢個麻之一滴！少少辣，少少麻，落落碗麵食，令到個香味更加出，令全碗麵的味道提升！鐘意辣既朋友一定要試下～

好耐冇嚟過深水埗覓食，喺橫街窄巷之中發現一間小店，係一間專門以騸牯牛同番茄做湯底同主食嘅麵店，見到場內都幾滿座，羊群心理之下就入去試下啦犇犇有禮一碗麵有齊崩沙腩、坑腩同牛面頰，絕對係「牛魔王」不二之選蕃茄湯底相當濃郁，每一啖都食到番茄肉。騸牯牛面頰最爽口又唔會黐牙，崩沙腩同坑腩都煮得相當腍，仲有少少牛筋，口感十足。麵底揀咗烏冬， 麵質煙韌有彈性，係咁多款麵之中的首選慢煮沙嗲豬腩肉肉上面鋪滿沙嗲洋蔥，為豬腩肉增添一份風味。豬腩肉以慢煮方式烹調，唔會鞋颯颯反而軟熟好腍，好似食緊靚叉燒一樣慢煮麻辣瑞士汁雞翼聽個名覺得幾新鮮刺激，食落又覺得幾易入口原因係店主想呢個小食連小朋友都食到，所以用咗好少嘅麻辣配料黎慢煮雞翼，有好微弱嘅麻辣感覺，但就一點都唔辣，瑞士汁相當入味，肉質亦都好腍鮮炸魚片頭、鮮炸紫菜墨魚丸魚片頭同墨魚丸都十分之爽口彈牙，配埋酸甜醬就好似食緊串燒咁如果溫度再熱啲會更加好。檸檬雪梨露、桂圓紅棗桑寄生茶絕對推薦桂圓紅棗桑寄生茶甜得黎好易入口，完全唔似一般涼茶鋪飲到嘅涼茶味，大人細路男女老幼都適合飲。檸檬雪梨露呢個配搭幾特別，味道清新唔會太甜，夏天飲就最適合食完野之後老闆會親自走來客人

<超好食蕃茄 仲有騸牯牛食 >🍅🐮呢間喺深水埗既番茄師兄我想食好耐 ,.因為上網見到個蕃茄湯好正😃7點幾黎到勁多人 好彩剛有人走先可即入 入面座位唔多 餐牌 用 sidepen點落過膠紙度 夠哂環保 😃 menu上面唔多野食 主要係幾種麵 小食 炸物 各有特色😃🍴犇犇有禮米線78 蚊🍜🐮 呢個係蕃茄濃湯米線 佢既米線係比較粗身既米線黎😍 好煙靭彈牙 盡吸蕃茄濃湯 湯底用左勁多蕃茄🍅然後肉用左 養一兩年未<搞>過野就閹左既牛 d牛味勁香濃 🐂三個部位 軟滑既牛面頰🐮 肉味濃口感煙靭既牛坑腩🐮 同爽滑肥美既崩沙腩🐮 同蕃茄湯配合超好食 😍😍🍴一貝子烏冬 68 蚊🍜其實就係新鮮花甲加北海道帶子 蕃茄濃湯麵 首先 個湯堅濃 d蕃茄勁多 勁入味 🍅又夠香甜 帶子煙靭 彈牙 夠鮮 仲有四隻花甲 唔係細野黎 十分鮮甜😍 再加上爽口彈牙既烏冬同蕃茄湯配合無間 好正😍必試🍴70度慢煮麻辣瑞士汁雞中翼 28 蚊🌶🐤4 件雞翼 肉質嫩滑 皮夠爽 慢煮係唔同 d 💪🏻 佢既瑞士汁甜度適中 雞肉盡吸汁 而且咬落仲有 d麻辣香🌶入味好食🍴78 度慢煮沙嗲豬腩肉 28 蚊🐷睇相都睇到

深水埗好多地區小舖，隨便都可以發掘到地道美食。 基隆街既番茄師兄，門口以紅色為主調，夠晒Sharp醒。湯麵麵底有四款揀，餸料組合就有五個選擇，仲改晒靚名架！ 呢度以特濃番茄湯底取勝，別無他選架！ 深橙色既湯底，飲落係香濃番茄味，有幾件新鮮番茄喺面，唔會酸，亦唔會過甜，味道天然。犇犇(讀音:彬彬) 有禮就啱晒牛魔王，最特別係騸牯牛面頰。 騸牯係乜? 即係牛太監，一早閹左，牛味會特別濃，亦都會比較腍滑，大大塊，食起嚟有啲似牛舌。鮮氣逼人以「新鮮」為主，新鮮鮑魚同大蝦鮮甜又彈牙，用料十足； 而麻辣墨魚滑質感有啲腍又有咩鬆散，就有啲奇怪喇。飲品四款都幾特色，養生為主。 檸檬雪梨露酸酸甜甜幾開胃。 桂圓紅棗桑寄生茶就滋潤養顏，啱晒女士。 如果鍾意凍飲，可以加$5成樽攞走，個樽幾精美，夠晒環保添。紫菜墨魚丸同魚片頭呢啲炸物都係新鮮炸起，熱辣辣，爽口彈牙。慢煮小食既麻辣瑞士汁雞中翼肉質唔算嫩滑，但係麻辣加瑞士汁呢個配搭又幾新穎，麻味好香。沙嗲豬腩肉就做得比較滑，唔錯架！最後要一提呢度有支神物叫「麻の一滴」，真係落一兩滴已經好麻辣，蘸小食又得，加落湯底又得，好過癮！