畢打奧餐廳

营业中

休息中

朋友推介上水一間酒吧餐廳-適雅餐廳，招牌大大隻遠處都可以見到，而且門口有位泊車，非常方便。酒吧餐廳富有情調，位置寬躺，坐四人枱坐得舒適。餐牌多款食物選擇，店員推介田螺牛扒套餐，只需要$99，真係好抵食！餐湯的龍蝦湯好香濃，食到好多龍蝦肉！餐包也是新鮮出爐熱辣辣的。前菜不得不推介這裏的焗法國田螺，田螺質感好林，薯蓉非常入味，可以話好好食嚟形容，大愛！主菜的5安士新西蘭西冷牛扒，叫了七成熟，賣相非常有份量，牛扒都幾大塊，切落去中間呈現粉紅色，肉質鮮嫩，味道濃郁，配以白飯、黑椒汁一齊食更加滋味。朋友點了鐵板香草羊扒餐也很吸引，試了一小塊羊肉一啲都唔騷，反而好惹味。凍奶茶味道不錯，質感香滑。還有限量甜品，只需要加$29就有香滑的焦糖燉蛋🍮。最後埋單都只係$450左右，這個價錢感覺值回票價。

適雅係一間開在好耐好耐既餐廳...由我兒時開始已經都有Lu..以前兒時以為係一間酒吧...大在先知道原來係一間酒吧西餐廳🤣....很攪笑吧！同埋呢度價錢一點都唔貴...我地見到餐牌有款田螺牛扒套餐$99 咁抵食...咁當然要試下啦！另外就叫在一個牛扒套餐....餐湯我地叫在龍蝦酥皮湯...味道唔錯有濃濃既龍蝦味沙律就揀在煙三文魚什菜沙律主菜西冷牛扒再升級在$26 拼魚柳...配埋薯菜、食晒都已經好飽啦！另一款鐵板牛柳....肉質juicy....配上黑椒汁、正！最後我地叫在兩杯啤酒🍻...傾吓計...咁就過在一晚....

這間Butter Ole 我媽咪講是她讀中學時已有(由1947 開始經營， 有70 年歷史了), 至今屹立不倒，當然是有一定的水準。 我今日品嘗了這間老字號的2人下午茶餐，有法國田螺，煙三文魚什菜沙律，焗白菌芝士火腿飯，焗肉醬意粉，小食和甜品，加埋2杯tea, 都是百多蚊，真是超值。Main course -焗白菌芝士火腿飯，焗肉醬意粉嗰啲芝士不是全部溶哂落d 飯裡，是一條條絲咁舖在每一羹飯上面，芝士入口即溶，加上火腿🍖和什菇，是天作之合。焗肉醬意粉，色香味俱全，厚厚的肉醬，份量十足，加埋d煙韌的意大利粉🍜，十分惹味😋。煙三文魚沙律小食，三文魚同啲蔬菜非常之夾，這個沙律有蕃茄🍅啦，青瓜🥒和沙律菜🥬，食落去有啲酸酸甜甜㗎味道，因為佢加咗啲沙律醬，食完後，有一種清新的感覺，好醒神。焗田螺好惹味，嗰d螺肉好甜，有少許牛油，唔會蓋過嗰啲田螺肉味，仲加埋d 薯蓉伴碟，味道恰到好處👍🏻。還有個炸魚柳🐟薯條🍟,魚柳大大塊，薯條好脆，加埋啲沙律醬，一d都無肥膩感覺，真是😋. 仲有2杯餐飲☕🥃。最後是我的至愛，焦糖燉蛋，焦糖咬落脆卜卜，咯咯聲，燉蛋🥚軟軟滑滑，又唔係好甜，真是極佳的飯後甜品，吃完整個人

推薦指數：🤩🤩🤩🤩今日係上水搵好野食，聽好多人推薦呢到有間地道西餐廳酒吧，好高cp值！一於一試💪🏻入到餐廳環境好有feel, 左邊酒吧，右邊餐廳，最勁仲有爆谷機現場即制爆谷，呢個小食無得頂。😜呢到晚餐set 多款式，而家價位非常合理！晚餐set前菜可以選三文魚沙律/田螺，主菜之外再可以選薯菜/意粉/飯👌🏼餐包熱辣辣，幾鬆軟，西餐餐食小食必備。我地升級加左HK$29要酥皮龍蝦忌廉湯🦞十分推介！龍蝦湯好濃好香，淡淡忌廉湯唔會太搶味道，加埋焗好的酥皮，金黃色成個賣相好食好睇！另一重點必食牛油薯蓉焗田螺！一客6粒🐚抵食，重點焗得岩岩好 田螺汁同牛油蒜蓉香混合得perfect!底層有薯蓉，絕對係高質水準🤩加埋大大杯新鮮水果茶，跟餐每杯只係另加HK$19! 有多款水果配料，茶底唔錯亦唔會過甜🥳主菜黎啦！😋🧡碳燒肉眼扒配薯菜！HK$156五成熟的牛扒煎到剛好，外脆內軟，唔會過熟太韌😎而且十安士超足料！另一主菜：🧡田螺牛扒餐HK$99牛扒五安士配一客田螺，自選薯菜🥦🍅🍠仲可以選擇要咩汁，黑椒同蒜蓉汁兩個都超香口😃

呢間開左好多年，入便裝修過， 多咗一個open kitchen，有個小焗爐即焗麵包， 餐廳好有外國風，木製餐桌椅，另一邊仲有高身吧枱， 柔和燈光，氣氛幾好。我地入黎食$100特價套餐，選擇左龍蝦湯， 田螺，主菜係5安士西冷配意粉（當然仲可以選擇飯或薯菜啦）。 先講龍蝦湯，感覺同出便有啲唔同，多左啲粒粒口感同濃濃既海鮮味，傾開佢地店長話個龍蝦湯係佢哋嘅signature，用左龍蝦連龍蝦殼及魚一齊煮成，配埋現場即焗餐包。西冷本身我地叫7成，但店員建議我地轉5成熟，會比較 juicy，咁就聽佢建議啦，5成熟真係juicy 啲，配上少少燒汁，good, 另外佢套餐仲有餐飲，田螺就正常但伴碟既薯蓉有少少過濃味。另外我地叫左一份青口（$69）， wasabi豬手，同紅酒燴羊膝，青口呢個一定要推介，佢係空運新鮮青口，大隻，一份都有8至9隻，蒜香加上清甜，仲唔算貴，呢個必食。另外 wasabi豬手第一啖食皮以為唔係好重味，點知啲豬手肉先真🤣食之前要有心理準備。 紅酒燴羊膝好大隻， 用上番茄做調味酸酸甜甜咁都幾開胃。呢餐連加一兩人食共4百。

行過上水見到呢間鋪頭，一邊係酒吧，一邊係餐廳，好有特色，所以就入咗去。啲員工服務態度都好好，我哋叫咗一個忌廉芝士意粉，味道唔錯，有好多芝士同埋火腿。啲麵軟硬度適中，份量啱啱好一個人食得飽。另外叫咗個番茄焗飯， 啲飯粒粒分明，但系冇乜配料，得好多茄醬同芝士。仲叫咗個二人下午茶套餐，好似英式下午茶咁有兩層。下面果層有焗田螺配薯蓉同炸魚薯條， 但個薯條竟然唔配番茄醬，啲魚柳大大塊啖啖肉。個焗田螺就好有蒜蓉牛油味。上面嗰層有三文魚沙律水果同埋焦糖布丁。沙律有三大份三文魚，啱晒鍾意食三文魚嘅你。至於焦糖布甸啲焦糖好脆，甜度都岩岩好。

小學喺粉嶺讀書嘅A姐，佢成日同我話說當年。當年聯和墟街市仲未搬，呢個墟市車水馬龍，而適雅餐廳就有好多佢嘅回憶。當時嘅適雅餐廳喺北區絕對係名店，價錢一啲都唔平，只有考得好成績，A媽先會帶佢去食個lunch，慶祝一吓。時移世易，聯和墟嘅適雅餐廳搬咗去上水石湖墟，價錢仲好大眾化，今日就同佢回味一吓啦。餐廳分為兩部份，一邊係酒吧，另一邊就係西餐廳，餐廳嘅燈光好柔和，氣氛一流，而設計仲好懷舊，甚有平行時空嘅感覺。焗法國田螺A姐話焗法國田螺係適雅餐廳嘅必點項目，仲話佢由細食到大！半打嘅有殼田螺（有殼真係重點嚟）加入蒜蓉調味，好香呀！而墊底嘅薯蓉索晒味，微焦，好好味！煙三文魚沙律一碗嘅沙律都有兩塊煙三文魚，好抵食！沙律菜份量唔少，人夠晒爽脆新鮮。酥皮龍蝦湯酥皮焗到好香脆，但如果可以再燶少少就更完美。龍蝦湯好多龍蝦肉，足料夠香濃！出爐麵包同出面其他餐廳唔同，麵包即叫即焗，顯得餐廳好有誠意！16安士安格斯T骨牛扒我哋叫咗個2人餐，一大塊T骨扒成16安士，上枱一刻真係嘩嘩聲！店員提議5成熟，更能品嘗到佢嘅鮮嫩多汁。T骨嘅一邊係西冷，另一邊係牛柳，牛肉味好香濃，肉質鮮嫩，夠軟腍！碟上仲有兩款汁醬邏擇，味道層

可以用由細食到大 或 歷史悠久黎形容呢間餐廳近幾年耐唔時星期六日都會夜晚過黎邊食邊睇波雖然聽日仲要返工 但今晚難得早少少收工 一於食埋先返 的確係幾多選擇 我地各自叫左兩個set作為龍蝦湯愛好者 當然會加少少 轉黎試試喇穌皮熱辣辣 飲落味道濃郁淡淡龍蝦肉另外跟set 可以再加法式焗田螺 保持到過往水準 熱辣辣送上 仲可以配埋薯蓉食我地分別叫左一個美國肉眼扒（Medium Rare)同埋厚砌牛仔骨（Medium) 可自由搭配黑椒/蒜蓉/燒汁 飯/意粉/薯菜的確食得出兩者各自分別 不過我都係忠於我塊肉眼扒 肉質鮮嫩 牛味濃 唔一定下下都要點蒜蓉汁都已經好好味埋單大約每人250 價錢唔貴 環境唔錯架

係上水食西餐真心選擇不多, 因為上水的地方都是用來購物的,但適雅餐廳係上水大大話話我知道既都做左成20年(我希望我冇記錯, 但真心係好耐以前的餐廳), LEE D所以野都保持住原有的樣貌,令到我好似返返去中學個時咁, 講返野食, 我地叫左田螺牛排餐, 真心勁底食, 有湯、餐包、前菜、牛排、飲品先個$99, 有時食個午餐都食唔到, 我叫左龍蝦湯, 真係勁濃好好飲, 個餐包一D都唔HEA, 係熱騰騰的香草餐包, 前菜係焗法國田螺, 唔洗講啦, 來得食係一定會叫既, 因為真心第二到食唔到咁好味, 牛排我叫左5成, 來到剛剛好, 牛味好濃。另外, 我地都叫左D青口、凱薩沙拉同來LEE到必叫的畢打奧焗豬扒飯

適雅餐廳又叫畢打奧, 由細到大都係咁叫, 其實我都到中學既時候先知原來叫適雅餐廳, 但點解有兩個名, 我就真係唔知啦。我今日約左個識左20年既上水朋友, 去食返以前中學成日去食的西餐, 不二之選當然係畢打奧啦, 我地去到一定會食扒架, 因為畢打奧鐵板美式什排真係好出名同好低食, 兩個人分都可以, 什排有雞扒、牛扒、豬扒、煙肉、大腸仔仲要配埋個薯菜, 樣樣野都好好味, 佢LEE到既薯菜唔係薯條來架, 係新鮮細薯仔, 仲要好好味, 所以來到一下就俾我地食哂啦,另外我地仲叫左餐廳介紹的青口, 青口好新鮮, 係甜架, 我平時唔太食青口都食左兩隻, 仲叫左個凱薩沙拉, 個面放左隻半熟蛋, 成個味都提升哂, 食完成餐飯個人勁滿足呀, 真係要多D來, 出左來做野, 都好少留係上水食飯, 真心要俾多D時間自己成長既地方

每次心血來潮想鋸扒都一定要黎《適雅餐廳》每次我都會飲必點嘅羅宋湯🤤因為每一次佢嘅羅宋湯都係咁足料㗎👍🏻仲有而家好少有地方仲做緊嘅焗有殼既法國田螺🐌 加埋佢嗰個牛油底嘅薯蓉真係無得輸🤤完美清碟指定動作必點嘅牛扒set(Ps 佢個薯仔都好正囉👍🏻)我呢就點我最鍾意嘅豬手🤤外皮炸過脆口 😋口感一流 另外我哋見餐飲而家出左d新嘢加$19 轉左個水果茶同青檸梳打味道都算唔錯 值回票價😌水果茶入邊仲要係鮮果 一啲都唔馬虎👍🏻如果想同朋友飲返兩杯傾吓計呢度環境都唔錯 係上水一個好選擇

朋友住上水又適逢到佢生日嘅日子，當然要搵間好少少嘅餐廳食飯啦。 好彩原來其實都唔係好難搵。喺地鐵站附近就搵到呢間食西餐鋸扒嘅餐廳，質素高服務好之餘又抵食值得推介。 餐廳其實都係一間酒吧嚟嘅平時都有好多球賽睇，如果係當晚有英超，西甲等賽事我諗我哋都好難搵到位。 畢打奧套餐有多款嘅選擇，唔鍾意食牛扒嘅有其他選擇例如魚扒，意粉，焗飯等等。 我哋咁大食同咁鍾意食扒當然要揀佢最出名嘅牛仔骨同埋肉眼扒啦。 套餐包咗呢款餐包，食落好鬆軟，新鮮焗製，加埋牛油美味可口。 叫左款前菜焗法國田螺，田螺肉質彈牙而味道香濃，係必食推介。我地仲升級左2款酥皮湯品，海鮮湯同龍蝦湯。 龍蝦湯味道香濃，飲得出係用好多龍蝦頭經過多個鐘頭嘅淆製而成，味道甘甘地帶濃香龍蝦味。超正。 海鮮湯雖然冇龍蝦湯咁香濃，但係非常足料，入邊有好多海鮮配料，食落口感味道並重，適合一啲飲唔到咁濃湯嘅人。 主菜叫咗呢款美國肉眼扒，肉眼扒份量非常足，五成熟嘅肉眼扒，肉質非常軟淋口感充滿油脂， 而且牛肉味濃，又夠香。 再加多隻大海蝦， 海蝦新鮮，肉質彈牙， 食畢後非常滿足。嚟到呢度不得不叫嘅一道主菜，就係厚切牛仔骨。 呢個肉質同肉眼扒相比，更勝一籌

今天去了一間懷舊扒房，裏面有很多懷舊的裝飾品，一進到門口已感覺到古色古香的氣味，燈光暗暗的，有一種浪漫的效果，他的座位數目非常多，枱之間的距離都非常合適我們三五知己或男女朋友去談天，晚上還可以和朋友一起去睇波剝花生飲啤酒。我們進店後餐牌上有很多選擇，有的是扒類、意粉類、飯類、還有送啤酒的小食類。我們兩點到有下午茶當中包括以下：意粉一碟****飯一碟****甜品沙律和水果****還有魚塊配薯條*****田螺配薯蓉*****飲品點了一杯熱檸水和凍檸茶5*最喜愛

聽朋友講呢間開左好多年都冇入去，就同佢地一齊入去試試。環境唔錯，幾個朋友就算唔食野，入黎飲返杯吹下水玩下啤牌都幾好。我地叫左德國豬手、西冷牛扒、畢打奧沙律、卡邦尼闊條麵同焗田螺（最後兩樣唔記得左影相）。另外每人叫左杯啤酒啤啤佢，我就叫左Hoegaarden Rosee。個人覺得最正既係德國豬手，皮夠脆，正，佢配既嗰個意粉都好味（可揀薯菜）！西冷叫左五成熟，熟度岩，但最衰有條筋，如果唔係都幾好。呢個沙律咩都有d，火雞、燒牛肉、好似午餐肉既肉，仲有一d一般沙律都有既薯仔之類。火雞肉唔鞋，燒牛肉唔韌，但”午餐肉”朋友話咸。闊條麵都好食，成日覺得卡邦尼share食最好，因為一個人食一碟卡邦尼真心漏田螺我就唔食既，但朋友就讚既。所以整體野食都唔錯，入開黎搵佢地都可以返兜下

呢間位於上水的舊式酒吧餐廳,次次經過都好多人,今次終於有機會來試下,呢到氣氛非常好,懷舊既感覺令人放慢腳步,好放鬆!！因為是中午的關係,點了一個二人下午茶餐,賣相非常精美可愛,好適合女生來這邊談談天,打下卡放上網,食物種類有很多,兩個主菜,有飯和意粉,小食都有幾款,我最喜歡都是炸魚薯條,炸得剛剛好,外脆內軟的,竟然還有甜品,是個士多啤利蛋糕,精緻得捨不得吃,蛋糕不會太甜很鬆軟,還有兩杯飲品,這麼豐富都只是$119,非常抵!!