田記魚蛋牛腩專門店 (塘尾道)

营业中

休息中

平時間唔中都會去食返碗魚蛋米或者牛腩面，勝在價錢親民得嚟又好味，今次係太子既呢間田記都好合我心意，崩沙牛腩好出色！先講呢碗崩沙牛腩面，牛腩牛味重，咬落夠爽軟彈牙，肥瘦適中，唔會痴住層層肥膏，但又唔會乾爭爭～牛腩份量都好多，夠晒滿足，另轉雙併加既兩粒雲吞都唔錯，大大粒，鮮蝦肉質新鮮爽彈～另外一碗叫咗牛三寶米線，有牛腩、牛肚同牛筋，一食就感受出牛腩比起崩沙牛腩無咁軟糯彈牙，但係要一碗米線有三個牛部位就好抵食，牛筋夠軟腍，充滿膠原蛋白，另轉雙併既魚蛋彈牙得嚟鮮味十足～～同朋友share食，叫埋鮮炸魚皮同一碟芥蘭～叫粉面加配飲品加$6就得，抵飲～

剛參觀完活化的雷生春堂，見有點餓就來到了一街之隔的田記。店裡的港式粉麵選擇有很多，食物可以單拼、雙拼，自由配搭，想飽肚亦可轉飯。這次我就點了牛三寶湯河，淨魚三寶，跟餐加配蠔油菜心和一杯凍奶茶。 牛三寶河粉牛三寶包括牛腩、牛肚和牛筋十分足料，三款都煮得軟稔牛味香濃。牛腩不黐牙，牛肚入味，牛筋膠質豐富，牛魔王必點。 淨魚三寶魚三寶即是魚蛋、魚片頭和魚皮餃。魚蛋和魚片頭是用每天用百分百魚肉新鮮手打而成，肉質彈牙。魚皮餃大大隻，外皮煙韌彈牙，肉餡鮮味多汁，實在很滋味。 粉麵可加配油菜，吃得更健康。叫了一碟蠔油菜心， 菜心很新鮮，煮得剛好。

聲明：此文純屬自費性質，並無廣告成份！所有照片及文章全屬本人(Monkey Hin)所有! 謝謝！                                                       我朋友係牛魔王，佢點左凈牛三寶（$125）,當中梗係有牛腩、牛肚、牛筋......，牛腩係招牌野，咁當然就係非常入味，食得出係高質素嘅食材，牛嘅香味喺入口第一啖都已湧現，牛獨特味道十分濃郁，通常咁入味嘅牛腩，一係煮到冇晒味，更糟嘅就係其靱無比。但係呢度又唔會喎，一啲都唔鞋重咬落口有柔軟感。牛筋大大舊，好有嘲頭，完全入味，味道甚為濃郁，滿有骨膠原，咬落好Q彈，牛肚肉質甚幼嫩爽口惹味，最重點係底下嘅白蘿蔔，無渣，索晒腩汁精華，又保留左蘿蔔獨有嘅清甜，同牛製品係絕配，簡直係依盒淨牛三寶嘅精華所在。鮮蝦雲吞麵$28我點左雲吞麵，有時外賣麵食，就算湯分開載，返到公司啲麵都發脹唔好食，但依間就唔會喎，食落可喜嘅好爽口彈牙，又有嚼勁，麵嘅份量十足，雲吞裏面嘅蝦大大隻，而且新鮮，食完無口渴同夠晒飽，我朋友話下次一定會去試佢其他嘅招牌出品！

深水埗荔枝角道呢一帶一向都冇乜食魚蛋粉嘅舖頭，最近終於開咗一間新嘅魚蛋粉店，仲自稱係牛腩嘅專門店，當然要去試吓啦。我哋叫咗一個淨牛腩，一碗魚蛋米，跟餐加$6有一杯凍檸茶，加$15有一份魚皮，另外又可以加$$8要一份油菜。淨牛腩（$90)坊間有啲地方食正牛腩已經要過$100 ，而呢度就只係需要$90 ，價錢都尚算合理，而且份量都幾多。牛腩牛肉味濃郁，口感軟林。下面仲有啲蘿蔔墊底，蘿蔔吸收晒牛腩嘅汁，味道非常唔錯。魚蛋米粉（$28)魚蛋魚味重，口感爽，湯底味道清甜。炸魚皮（$15)炸魚皮夠香脆油菜（$8)

在大角咀附近開工，行過見到有專門食牛腩麵的店，又見剛好到午餐時間，就一於入去試下先~店面非常光猛整潔，予人安心的感覺，而且座位之間的距離都好足夠，在呢D時期真係好緊要。餐牌中既崩沙腩真係好吸引WOR，一於叫個試下先，同行既朋友都係俾佢吸引，所以點左一碗河粉，一碗粗麵。依家為左抗疫，仲有優惠就係食粉麵只需加$8，就有菜一碟了。崩沙腩河$40個牛腩真係非常好食，而且有個件好爽口的皮，肉質又好稔，同時又好入味，麵既湯底都好清，唔會太咸。河粉滑口，粗麵也彈牙。整體呢到既崩沙牛腩粉麵都真係好正。淨食魚三寶$31---另外都想試下呢到既淨食招牌魚片頭，呢個三寶就真係一次過可以食到幾款。魚皮餃比較咸，但魚蛋及魚片頭就真係好正，好爽口呢~任何時間加$6就有飲品，所以我地都加左飲咖啡同凍檸茶先。

好耐冇食傳統牛河，附近搵間平平的食一餐！新開冇耐，啲嘢都新淨，粉麵嚟講都叫多選擇，麵底竟然有伊麵揀！崩沙牛腩河: 牛腩淋身唔鞋，稍嫌唔夠牛味，量頗大，整體係好食嘅！牛三寶飯: 牛腩都係夠味唔鞋，牛肚乾淨唔臭，牛筋燜得夠淋，蘿蔔冇渣夠淋但稍嫌唔夠味！淨魚片頭：話明招牌，當然要試！魚片頭爽口脆身，冇咩腥味，清湯底，仲有啲津白，唔會太漏！總括嚟講，嘢食唔係perfect，但都幾有誠意，份量大價錢適宜，經過可以一試！

太子新開牛腩舖！太子fd報料比我叫我去食，即到！淨牛三寶 $125冇淨牛腩揀只好食淨牛三寶😋有牛筋、牛腩、牛肚，姐姐仲好好人搭左d崩沙腩比我🥰三款都好正好入味❤️仲有清甜蘿蔔，點d秘製辣椒油，一流👍🏻淨雙丸 $31魚蛋超彈牙‼️勁正！牛丸肉汁一咬就爆❗️2款都好正！腐乳通菜 $15份量適中，腐乳偏咸少少🤣豆漿 $10支裝夠衛生👍🏻姐姐好好人，會再黎🥰📍田記魚蛋牛腩專門店 太子塘尾道201號華安樓地舖

今日同爸爸媽媽散步完，倍佢地去田記魚蛋牛腩專門店食牛腩河，爸媽食得好滋味，媽媽話崩沙腩好腍，食落唔覺肥，爸爸話牛三寶都好食，特別係牛根，食得出煮咗好耐好入味。另外媽媽鍾意食魚蛋，叫咗淨魚三寶，有八魚丸八魚片頭魚皮餃。佢哋就同出面D魚蛋唔同，白雪雪，腍D魚味重D，似乎冇加咁多粉，媽媽話個魚片頭好好食，而家抗疫仲有油菜半價，點左腐乳通菜都幾大碟都係$8咋，爸爸話下次散完步再去食。臨走見到佢仲有豬手麵，下次嚟一定要試吓。

#田記魚蛋牛腩專門店 (太子)大概係新店開張，環境餐具各樣野都好整潔新淨。食品種類都幾多，其中睇得出魚蛋牛腩牛丸都係比較鎮店既出品。#牛三寶米線$42 #崩沙腩河粉 $40麵底都係佢自己揀嘅。湯底就簡單清湯加咗腩汁。牛三寶整體非常豐富，有牛肚牛筋牛腩。牛肚牛筋都問得相當腍，入味。牛肚食到麵豉醬嘅味道。牛筋腍得來帶黏口，幾鍾意呢種口感。最鍾意都係牛腩，肉味香濃有少少咬口。崩沙腩比較少食，個人覺得比牛腩更加出色，肉味香連住一塊薄軟膠質，爽爽地，更有咬口。#淨雲吞 $28有7粒，好多蝦肉，分開兩啖食兩啖都食到原隻蝦。幾爽口彈牙。飲品凍檸賓 凍杏霜 都沖得好好飲。夠足料。

好耐無食牛腩麵，今日經過太子呢度見到，心癢癢入嚟試下。坐低聞到隔離好香牛腩味，我又叫返碗「崩沙牛腩河粉」見到menu標榜住*煙靭爽口，牛味濃郁* 果然真係圖文相符，而且大大碗，河粉同牛腩份量都唔少。湯底充斥住香濃牛味，忍唔住飲埋。另外清清地叫咗碗「牛丸雲吞麵」雲吞大大粒，裡面鮮蝦好爽口，食得出係新鮮人手包，足哂料，牛丸都好正。加多碟腐乳通菜仲有優惠價$8, 好抵食，飲咗杯凍利賓納先$6, 埋單$100都唔洗，已經食到好滿足。下次一定再嚟。

想喺太子塘尾道一帶食碗平靚正嘅崩沙腩河粉 而家有好消息 最近開咗間牛腩專門店 兼賣多款手打肉丸 可以買返屋企做火鍋配料-🐂🍜#牛三寶河粉 ($42）一碗粉集齊三個熱門嘅牛魔王選擇 牛腩多而肥瘦均勻 牛肉味濃郁 牛筋粗壯有嚼勁 牛肚炆得軟腍 河粉非常多 抵食又好食-🐟🍜#魚三寶米粉 ($31）魚三寶即係魚蛋魚片頭同魚皮餃 全部自家製 魚蛋用手唧 粒粒爽口彈牙 誠意可嘉 魚皮餃唔腥 帶魚肉豬肉香味-🍡#淨牛丸墨魚丸 ($37）手打牛丸冇加牛筋同黑椒 食純鮮味 墨魚丸加咗少少馬蹄 煙韌得嚟有啲爽口 點啲辣椒油 更加滋味無窮-🥬#腐乳通菜 (追加 每碟加$8）雖然只係追加 菜嘅份量好充足 -🥤#支裝汽水 (追加 每支加$6）可以揀支裝可樂忌廉雪碧或者芬達橙汁 -📍#田記魚蛋牛腩專門店太子塘尾道201號華安樓地下

收晏咗懶得煮，同先生隨便搵間麵鋪醫肚已經成為常態，今晚揀咗呢間望落非常乾淨企理嘅麵店。一般麵店有嘅牛三寶、魚蛋、牛丸、水餃、紫菜之類呢度都有，可以配搭粉麵飯，價錢相當實惠。牛三寶有齊牛肚、牛筋同牛腩，湯底望落清澈，唔會有過多嘅油脂同浮沫，入口味道出奇地鮮濃，食得出落過下苦功。牛肚清洗得好乾淨，一啲腥味都冇，而且非常吸湯，入口軟腍入味。牛筋炆得軟而不爛，入口係充滿骨膠原嘅嫩滑滋味。牛腩亦同樣入味，而且肥瘦適中，唔會有難𡁻嘅筋位。崩沙腩位於牛嘅橫膈膜附近，由於數量稀少所以每日限量，好幸運地晚市仲食到，而且份量頗多，濃郁嘅湯底配上米粉同樣吸引，而且亦比較健康。崩沙腩連住少少筋膜，入口比牛腩爽口彈牙，肥瘦適中，而且牛味鮮濃，好有驚喜！飲品方面點咗凍檸茶同熱柑桔蜜，凍檸茶中規中矩，熱柑桔蜜味道香濃，幾有驚喜。本來諗住頹食所以冇抱太大期望，估唔到誤打誤撞食到咁優質嘅牛腩，無論係湯底定係配料嘅質素都好高，先生更加認為係食過最好食嘅牛腩河！

早前屋企人去田記買過外賣比我食之後, 令我一試愛上田記崩沙腩, 於是今日專程帶朋友去一試!太子分店距離地鐵站都有一段路程, 大約行6分鐘左右, 餐廳內整潔粉麵款式多, 亦可額外加錢雙併, 價錢親民, 全日無加一!【崩沙牛腩河粉】HK$40 雙併+$6 魚皮餃每件崩沙腩都有一少部份充滿膠質薄膜, 爽彈而不硬, 入口有陣陣肉香, 絕對令我食過返尋味!魚皮餃雖然皮有點點厚, 但餡料飽滿鮮甜, 滿足口感同味蕾! 配上滑滑河粉, 正!另外encorn左碗【淨魚皮餃】HK$28, 一共7粒【金錢牛肚麵】HK$32 雙併+$6 牛丸牛肚份量多, 每條都有一定闊度, 非常入味, 一咬有唔少汁滲出。雙拼牛丸口感彈牙, 充滿肉汁, 牛味香口。幼麵爽口彈牙, 朋友都讚口不絕!【淨墨丸魚】HK$31墨丸魚彈牙, 富有墨丸香兼食到墨魚既鮮甜。

在太子見完客，同事提議去食晚餐，經過一間田記魚蛋牛腩專門店，記得公司同事提過呢間牛腩和魚蛋好好味，今晚可以試下！餐廳燈光明亮，地方整潔，店員招呼週到。多種不同粉麵和飯都有。金牌牛腩麵：牛腩肉塊帶有筋、肉、 油花，炆得入味。牛腩入口即融呈一絲絲，牛肉味十分香濃。湯底因為加入了充滿牛肉精華的腩汁，提升了鮮甜味，配幼麵食好爽口。魚三寶粗麵，魚皮餃啖啖肉且口感彈牙，魚蛋爽滑，魚片頭脆而不膩，比傳統魚蛋更香口、更彈牙爽脆，令你回味無窮。粗麵彈牙。豬手河：豬手燜得極其入味且夠腍身，大大件份量十足。河粉幼滑。凈招牌魚片：魚蛋魚片是自家製造，百分百魚肉，日日新鮮製造，爽口彈牙。蘿蔔清甜夠林。份量夠多。加$6有飲品。凍咖啡香濃，豆漿有豆味，甜度適中。

小時侯家人常常帶我去食牛腩粉，但後來家附近唯一賣牛腩粉的店倒閉，就很少會主動買這些來食～～經朋友介紹下，這間新開的餐廳，裏面的牛腩很不錯，所以經過太子就買外賣回家試試😋😋——————————🔹崩沙牛腩 腩汁撈河粉 $48平時食牛腩都希望食到崩沙牛腩這個部份，因為那一塊薄膜，充滿膠質，爽軟不硬😍所以一看到是限量供應，就二話不說叫一個🤪店家毫不客氣，總共給了八大件崩沙牛腩！一放入口有滿滿的牛味，肉質真的很嫩，還有很入味👅而河粉的份量很多，配上濃稠的腩汁，超夾～不過第一啖食很鹹，可能沒有完全撈勻😯而旁邊的蘿蔔值得一讚，完全吃不出苦味，只有冰糖甜味和蘿蔔香😌難怪是限量供應❤️❤️🔸牛三寶米粉 $42牛三寶，顧名思義有牛腩、牛肚和牛筋。這三樣都是我的最愛😋一打開蓋，真的被色澤吸引住，感覺食物做得很乾淨！簡單一看，有至少五塊牛肚，完全滷到變色；牛筋同樣變色，中間有少少透明；牛腩肥瘦均勻，沒有太多肥膏。果然這間店超水準👍🏼👍🏼牛肚不但很入味，而且很軟淋，咬開還保留些滷水汁，只食這個都不會鹹👅牛筋煮到滑溜溜，食完都感覺很有膠質。米粉同樣好多份量，加入湯一起食，真的好滿足。最令我驚喜的是湯底濃郁而不膩，沒有