田記魚蛋牛腩專門店 (塘尾道)

营业中

休息中

星期日放假去左太子行街，好耐無食魚蛋粉，黎左塘尾道見到呢間田記魚蛋牛腩專門店，午膳時間好多街坊幫襯，係門口等左一陣先有位。見到好多客人都食牛腩麵，一於同好友叫幾樣野食試下先。崩沙牛腩粗麵口感軟腍彈牙，爽脆帶韌性，肥瘦適宜，食落細緻多汁。仲附送清甜白蘿蔔，粗麵煙韌。牛三寶幼麵有齊牛腩、牛筋、牛肚，新鮮牛腩燜得軟嫩入味，牛筋晶瑩Q彈好爽滑，配埋爽脆牛肚，正。淨魚三寶有魚蛋、魚皮餃、魚片頭，份量十足，招牌魚蛋爽口彈牙又入味，魚皮餃鮮美絲滑夠爽脆，配埋鮮味十足魚片頭。蠔油芥蘭翠綠爽甜夠新鮮。炸魚皮鮮香爽脆口感酥化。

今日去遠少少食lunch，同事話呢間D牛腩好正喎😂。幾好生意，價格幾實惠👍🏻$28 招牌魚旦河粉魚旦同魚片頭擺入口爽口彈牙，完全唔粉，鮮味十足！$40 崩沙牛腩河見佢餐牌no.1係金牌牛腩河，我地就比多幾蚊試佢既崩沙腩，果然無叫錯！！！牛味極重！入口好香牛脂味，夠腍！再加埋有腩汁既河粉真係絕配！估唔到仲有蘿蔔添！😋$31 淨牛丸有7大粒！真心抵！仲要有牛味、彈牙同有肉汁！$18 炸魚皮炸到金黃色既魚皮，好有口感，唔會一浸落湯就即刻淋哂！好抵食！令人回味既一餐！大推崩沙腩！沿途行返公司都仲讚緊有幾正😌，行遠少少都值呀！

香港雖然只有百多年歷史，但中西合壁造就左唔少特有的歷史同文化，除左有唔少西式的靚靚建築外，港式飲食文化的影響比想像中還要深同遠牛腩河就係其中一樣地道既港式飲食文化雖然牛腩河起源於廣東一帶，但香港人將之發揮光大簡單一道牛腩，卻可以有多種不同的變化~係歷史建築雷生春的對面，就有一間以魚蛋牛腩主打的專門店小店雖然無豪華的裝潢，但光猛整潔合我意放大版既餐牌幾搞笑~呢度既價錢都幾街坊架，魚蛋粉都係28蚊就連麵底都有咁多選擇一心黎呢度食牛腩，當然要個全牛宴崩沙腩河  (限量供應) 牛腩其實只係統稱，牛腩都有細分不同部位而崩沙腩 — 是牛的橫隔膜 , 一 隻牛得一塊橫隔膜咋，所以數量得好少架咋呢度既崩沙腩走掉了頂部根的爽彈口感，但腩肉比起坑腩更淋，肥瘦剛剛好。肥的部份入口即溶，更完全無肥膩的感覺我覺得和A3和牛的口感很相似呀 金牌牛腩都好出名，比街外的牛腩淋得黎又有咬口，仲有好濃的牛味但當和自家店的崩沙腩比較，都立即分出高下崩沙腩的肥比牛腩清，無咁油膩。入口的感覺更強烈，牛腩仲會食到牛的質感，而崩沙腩就去到和牛入口軟棉的感覺值得一讚跟河粉的蘿蔔，透澈亮白入口即溶而無渣。很高質呀~ 呢一個牛三寶，有齊

中午路過塘尾道田記魚蛋牛腩專門店，見到似乎選擇几多於是決定與朋友入去試下。由於我哋到嘅時間尚早，店裏吃飯的人並不多，大廚和服務員們各自忙碌著自己的事，店鋪面積並不算小，桌椅擺放整齊，環境幹凈衛生，感覺几舒服！我哋拣咗招牌崩沙牛腩配烏冬面，看著一塊塊牛腩整齊排列著，綠色蔥花蒜苗和白蘿蔔片飄浮在一條條絲滑的烏冬面上，真的是讓人胃口大開！朋友則選擇招牌牛三寶配幼面，碗裏的牛腩、牛筋、牛肚每種居然有4塊！塊大量足，香味撲鼻，湯足面多，味道濃郁，一碗下肚幸福滿滿！蠔油菜心都係油綠飽滿，入口嫩滑，就連咖啡、奶茶也是香滑細膩。今天雖然我們點的樣數不多，但是食得非常滿足同開心，staff亦都非常nice，非常良心的小店！

今日去了太子找朋友！朋友介紹我去佢公司附近的一間粉麵店！好傳統的的小店！朋友說間好抵食！我們點了淨雲吞 $28嘩！好大粒！有七粒雲吞！仲有生菜！雲吞大大粒～爽口彈牙！淨魚三寶$28有魚片頭、魚蛋、魚皮餃各三粒！仲有生菜，魚蛋爽口彈牙！雲吞炸醬撈麵$34炸醬味道酸酸甜辣，麵質爽口彈牙！三寶牛肉飯$52有牛腩、牛肚、牛筋、入味香濃！牛味濃郁！豆漿 $6好有豆味！支裝乾淨衛生！真的好低食大大碗，價錢親民！👍🏻

現在街邊的清湯腩開得成行成市，可以說是周街都有。要突圍而出，除了坑腩，現在開始盛行崩沙腩，爽腩等更好吃的腩位。招牌就夠大了，但名字不算很特別，田記魚旦牛腩專門店，不過裡面賣的東西卻是禾稈蓋珍珠，有相當實力。假期的下午，也是滿多的人在現場吃飯。至於餐廳的選擇，都是一般清湯腩那些，只是性價比真的高很多食物雲吞魚旦米線＄３４米線滑，湯底清，魚旦彈牙，雲吞皮薄多餡，當然不是最頂級的鮮味，也不是最爽脆的雲吞蝦仁，但＄３４這個質素跟味道還有份量？真的沒有那裡做得到呢崩沙腩＋牛筋河＄６０這崩沙腩真的好吃，橫隔膜部分非常軟稔，入口即溶之餘，味道又濃郁，你說和牛最好吃？我覺得崩沙腩不會輸，而且便宜１０倍，真的是１／１０價錢牛筋也是軟稔，炆很久全入味那種，蘿蔔算甜不會有渣，著實不錯！芥蘭＋＄８這個價錢，清甜也不會多渣，爽口，份量有夠多，我看到份量時還以為是＄２０的份量呢！魚皮＄１８就不算很爽脆，聽說是鱔皮所以比較煙韌，記得早些把他們浸下湯中，感覺是還好，不過不失

今天回家提前慶祝冬至。想起爸爸愛吃牛腩，便去田記魚蛋牛腩專門店買外賣加餸。我叫了一份淨牛三寶，內有牛腩，牛肚和牛筋，還有白蘿蔔。一份大大盒，很足料。牛腩炆得恰到好處，肥瘦得宜，肉味香有咬口，調味適中。牛肚炆得很淋，很好吃，洗得乾淨，沒有異味 。牛筋亦炆得很軟身，吃入口充滿膠質和骨膠原。白蘿蔔片吸了牛腩肉汁也很美味。這份牛三寶雖然索價125元，觀乎質量算物有所值。爸爸吃得很開心。我也買了碗招牌魚蛋河粉。店內宣傳品聲稱魚蛋百份百魚肉，日日新鮮製造。魚蛋和魚片都爽口彈牙，不錯。河粉幾滑。下次可以買些魚蛋魚片回家打邊爐。

今日放假自己一個左太子醫肚仔😙 而呢間粉麵店 環境幾乾淨 價錢都合理 經過試下都係一個唔錯嘅選擇😙•崩沙牛腩河粉($40)緊係要試下呢度嘅主打😼 一上碟就見到擺碟幾好 牛腩排得整整齊齊 份量夠大👍🏻👍🏻 湯底濃郁 牛味好出 蘿蔔吸哂湯嘅精華🤤 又抵又好食😋•淨魚三寶($31)三寶包括係魚蛋，魚片頭，魚皮餃🐟 魚皮餃餡料十足 魚蛋夠哂彈牙同嫩滑😼•芥蘭(+$8)見佢做緊抗疫優惠加$8就可以配菜或蘿蔔 所以就叫左🤣 芥蘭配蠔油簡直無得輸🤩•凍檸茶走甜飲品跟粉麵加$6

趁未夠6點仍可堂食，快快找餐廳食晚飯。經過馬路的時候見到田記招牌明亮，食牛腩河都好喎暖笠笠。.牛三寶河粉 （牛腩牛肚牛筋）$42一次過滿足三個願望，牛肉炆到好入味，牛香濃郁，應爽則爽、應稔則稔。湯底也是牛腩味，互相輝影。河粉好多，食完之後好飽。崩沙牛腩河粉 $40牛腩配上蘿蔔片，排列整齊，在粉面店見到這種賣相令我有少少驚喜。崩沙牛腩層次分別，肥瘦適中，牛味同樣是濃郁，更有入口即溶的感覺，掂。.淨招牌魚蛋/招牌魚蛋河 $28魚蛋都是這家店招牌之一，點了一個淨魚蛋happy share，與魚蛋河一樣都是$28。十分彈牙滑溜，食到好真材實料的魚肉香，不是粉超多的那種質感，很不錯！.配茶咖、汽水、支裝豆漿都是$6。全日抗疫優惠，食粉麵飯可以加$8叫油菜，有菜心、生菜、芥蘭、湯蘿蔔選擇。價錢貼地，是可以一食再食的餐廳。

🔸鮮蝦雲吞麵 $28🔸淨金牌牛腩 $90🔸淨雙丸 $31-夜媽媽收工返屋企懶得煮嘢食，最鍾意就係買碗粉麵加啲餸返去食 ，又方便又快捷。記得之前食過油麻地分店嘅田記，印象中係幾好食，今次近太子分店就決定encore啦！講到港式粉麵，我最鍾意就係細蓉啦，用新鮮豬肉同鮮蝦製成餡料嘅雲吞，配埋鹼水幼麵，再落啲辣椒油簡直係絕配啊～呢度最鎮店嘅牛腩同魚蛋當然都要食啦！金牌牛腩半肥瘦，咬落軟稔亦好有牛香味；淨雙丸裡面有彈牙又真材實料嘅白魚蛋同超級juicy爽口嘅牛丸，非常滿足啊！

今日經過大角咀，見到有間 #田記魚蛋牛腩專門店，裡面好多人食，相信應該唔錯就試下啦。店內乾淨企理，食物有多款選擇，粉麵🍜飯🍚都有。話明 #魚蛋牛腩專門店，我當然要試 #魚蛋 同 #牛腩 啦😆🐂 #崩沙牛腩拼牛肚河粉店員推介我食 #崩沙牛腩，果然與別不同。肥瘦相間的崩沙腩，充滿油脂甘香，牛肉味濃，有口感得來又夠腍😋。#牛肚 同樣炆得軟腍入味，仲有幾片 #湯蘿蔔，清甜無渣正呀👍。河粉口感很滑，吸收晒湯底味道，加上幼身河粉更好味。🐟 #淨魚三寶 （魚蛋、魚片頭、魚皮餃）#魚蛋 同 #魚片頭 真材實料，無加防腐劑、麵粉🙅‍♀️，食落爽口彈牙，有很重魚味。難怪見到好多人外賣魚蛋回家自己煮。#魚皮餃 外皮煙韌有咬口，肉餡豐富。加上每款都有3件，配埋生菜🥬淨食都唔錯。最後加咗碟芥蘭，現在抗疫優惠，加碟油菜只係$8，冇理由唔加姐☺️，而且飲品加$6就有，真係好抵。估唔到俾我搵到間唔錯的小店，下次要再食過！

呢間河粉店價錢公道，河粉份量好多！叫咗兩碗河，分別係牛三河同埋崩沙腩魚蛋河，都好大碗。崩沙腩同牛腩其實有咩分別🤣食落都差唔多，都好腍，牛肚同牛筋就唔算好腍。魚蛋都唔錯，有魚味😆蘿蔔清甜冇渣😝😝叫咗碗淨雲吞，我一向好鍾意食雲吞餃子呢啲嘢☺️另外叫咗份炸魚皮同埋菜，正正常常🙆🏻‍♀️總括就係街坊價嘅牛河呢，幾抵食，我哋今餐乜都叫有，仲叫埋嘢飲，人均都只係70幾蚊。去開嗰頭附近又想食牛河可以一試。

突然間好想食崩沙牛腩搵到呢一間好嘢入去食啲料又多又平真係好正 點咗個崩沙腩撈麵食真係好大碗好多肉包沙腩夠熱但係亦都好淋好易咬湯底入味啲腩汁真係原汁原味另外加八蚊可以有一個菜我就叫咗個蘿蔔湯清湯真係好正蘿蔔非常之清甜好林仲要係冇揸嘅舊舊都好淋好完美重要夠多 真係非常之抵食 其餘嘅通菜都係份量都係好多 感覺所有嘢都好好食店員姐姐都好親切可能因為我夜晚去啦唔係太多人咁個樓面好乾淨好光猛仲有部大電視餐廳好闊落坐得好舒服係舒舒服服可以食本地嘢食嘅一餐 崩沙腩 做到咁好食真係好難得叫多多支持 仲要有平大食夾抵件都真係好少見啦樣樣嘢都係有質素嘅都係用心之作每次去旺角塘尾道嗰頭都要去幫襯下先得 另外我朋友叫咗碗仔 紫菜湯飲下 有菜有肉有麵真係好豐富嘅一餐呀好開心 有驚喜 下次去試埋佢個飯先

屋企附近開咗呢一間牛腩麵專門店都一段時間，今日終於有機會嚟試吓。我哋叫咗一份牛三寶飯、一碗牛腩米粉、一份淨魚蛋，另外仲加咗一份油菜。牛三寶飯送一碗紫菜湯，牛三寶分別係牛腩、牛肚同埋牛筋，對於我哋呢啲每樣都想試吓嘅朋友來講就啱晒啦，一次過可以試到三款牛。呢度驚牛三寶飯牛腩同飯係分開上嘅，牛腩有一大碗汁，可以自己加落去啲飯到，非常正。牛腩米粉嘅牛腩份量非常之多，一數之下有成八件，米粉索晒腩汁嘅味道，可以品嚐到濃濃嘅牛肉味。叫咗牛腩米粉之後，先發現原來有崩沙腩可以叫，下次一定會試吓。呢度嘅魚蛋都係店舖嘅推薦，爽滑彈牙，而且淨魚蛋亦都會跟埋魚片，幾抵食。 餐飲除咗一般嘅檸茶檸水之外，仲可以揀飲豆漿，呢度係採用一品豆漿，仲可以揀黑芝麻豆漿，啱晒健康人士。

今晚到了太子找朋友，之後一齊到落樓下食粉麵，佢介紹這𥚃說好好味，一定啱我。崩沙牛腩粗麵牛腩爽滑，牛味濃，湯底香，粗麵及嫩蘿蔔吸入湯汁，好味，招牌款式之一，d崩沙牛腩有八件一碗，抵食又好味。雙丸河牛丸跟魚蛋，落單姐姐介紹話魚蛋自己做，的確爽滑鮮味。牛丸真係第一次食到咁特別口感，一口咬下去，牛汁爆發，質地冇平時食慣的牛丸咁紮實，爽口得來好似食緊牛腩咁，牛味足，有點驚喜。我哋加咗紫菜，紫菜的份量都好足，紫菜加滑滑河粉一齊食，係我嘅至愛。淨水餃一碗五隻，水餃餡料很足，但可能崩沙腩同雙丸太出色，覺得有啲淡，建議加啲麻油撈餡料，可能會更加香。炸魚皮連帶一碗湯用來浸魚皮，魚皮炸得十分之脆，香口不油膩，每條都很長，就算放入湯一段時間先食，都係脆，不錯的小食。腐乳通菜微辣綿密濃厚腐乳醬，配合爽嫩通菜的確係美食，腐乳令平凡的通菜生色不少，腐乳份量很多，每條菜都能夠均勻的沾上腐乳。總括，除了食物出色，價錢合理外，環境都好乾淨，疫情之下，食得安心。