田記魚蛋牛腩專門店 (塘尾道)

营业中

休息中

夜晚行過依間野招牌勁搶眼😂就入咗去食啦！首先，抗疫期間，我好注重環境衛生，果日我去，依間都算唔錯，枱枱櫈櫈都算乾淨。是日菜單如下：崩沙牛腩河：個崩沙腩好夠牛肉味，又軟又煙靭，口感不錯呢，重點弓！佢一d都唔黐牙！！！👍🏻👍🏻因為我箍緊牙，好怕牛腩黐牙 牛三寶河粉：有牛腩、牛肚同牛筋，牛筋好林，好入味😍 牛肚都唔差 炸魚皮：我當日個魚皮好脆同新鮮，無咩油膩味👍🏻配左個魚湯 仲好好飲🤣 依個有d估佢唔到當然...一定要有油菜一碟，補充下啲纖維啦😁全日抗疫優惠 😂😂 油菜有半價🤩唔係唔叫呀嘛？！重點疫情下，平平地簡簡單單又一餐已經好幸福嫁啦🥰

次次假期都食得多姿多彩，今次個lunch真係想清淡一下，落吓地食得平凡啲，不外乎都係食吓茶記呀粉麵呀，今餐就呢間啦飲黑豆漿補腎養生先通菜好新鮮，全莖好爽口，唔會難咬，加埋腐乳冇得頂崩沙腩名不虛傳，好爽脆又煙韌，油香好自然河粉唔散易夾又綿，蘿蔔厚度適中呢度另外一個招牌係魚蛋，果然好嫩口，魚片都一樣，另外魚皮餃超大粒，咬落又實淨，唔係好食魚蛋嘅大胃食完一樣叫好雲吞滴滴骰骰，一碗其實都唔少裡面同樣好足料杏仁霜都有得嗌，水吧選擇不乏咁就過咗一個平凡又滿足嘅下晝

星期五我乘坐「港鐵」，從「太子港鐵站」走出來，然後沿着「太子道西」向西徒步前進，直到實際環境相對比較寧靜，汽車跟途人都不算非常多的「塘尾道」，「塘尾道」忽然再次勾起我的回憶。大約是三四年之前，上手手提電話跟上手「開飯喇」戶口仍未停用，我曾經在「太子道西」和「廣東道」一帶漫無目的，四處尋找食店，結果給我誤打誤撞，闖進「塘尾道」這個讓我感到陌生的地區。當時我最後只是光顧了一間小食店，但是我還未趕得及撰寫食評，那間「塘尾道」小食店已經在無聲無息的情況下，忽然宣告結業關門收場，食評也因此被迫作罷。現在我專程從「西貢」轉車趕到「太子」，光顧位於「塘尾道」的潮州粉麵店「田記牛腩魚蛋專門店」。「田記牛腩魚蛋專門店」雖然是有提供「白飯」，有「牛腩飯」可以享用，惟獨欠缺了「雞肉」。所以我放棄享用「金牌牛腩飯」和「崩沙牛腩飯」，改為嘗試享用「田記牛腩魚蛋專門店」裡面的「崩沙牛腩河粉」食品。我不是第一次試食享用「崩沙腩」，所以知道「崩沙腩」的口感相對一般「牛腩」，會更加爽脆。我剛剛進入「田記牛腩魚蛋專門店」，就發現電視正式播放新聞臺跟新聞報導，所以我立刻點了一碗「崩沙牛腩河粉」，另外加一碟「菜芯」，至於飲品

牛腩一直是個人的最愛，差不多每個星期，都會吃兩三次，不過坊間的牛腩，普遍質素偏差，今晚便專程來到一間以牛腩為主打的食肆。崩沙牛腩飯$50， 送紫菜湯。牛腩脂肪分布均勻，牛肉味道濃郁，筋位軟腍，果然是一間以牛腩為主打的食肆，個人十分推介。紫菜湯味道清甜。淨牛丸$31，爽口彈牙，牛肉味道十足，吃得出是自家製的肉丸，是一個不錯的選擇。芥蘭$8、菜心$8，生熟程度適中，份量都不少，只需這個價錢可以追加，實在超值。凍啡$6、凍檸茶$6，甜度適中，味道一點都不會差過茶餐廳。

嗜牛者，愛清湯腩。要享受味甜牛味重香而不膩，不易喔。很沒有吃中式粉面，這店的湯底很棒，以牛骨、牛腩、加上各種香料熬製成，再加入牛腩，長時間慢火燜燉。同是牛癡，吃！牛腩油面軟腍牛腩，根本不會不好吃！這店子的牛腩切件後汆水，加水用慢火煲，牛腩腍軟，牛腩不會變韌。要煮好吃的牛腩不易，棒！重要的，這店的面也好吃，加底份量非常多，不錯呢～要吃喔～炸魚皮炸得好看，吃出是高質魚也油菜有多個選擇，不會沒有喜歡點種類 魚旦 魚片頭 魚皮餃河這個要多點，因為手打魚香，非常吸引，魚旦彈牙口感，魚片頭的魚香亦非常重，濃濃魚！棒喜歡吃店主自家打之魚旦，喜歡飲香豆漿要來喔，不錯呢！

好耐無食過牛腩粉，黎開太子呢邊做嘢就順便喺度覓食下，經過呢間舖頭見到牛腩粉好似幾吸引，就決定喺度食午餐醫肚😆餐廳主打金牌牛腩同埋崩沙牛腩，都有其他丸類食物供應，唔想食粉麵仲有飯揀，一場嚟到，當然要食我最想食嘅牛腩河🤤崩沙牛腩牛丸河粉~一上菜就已經見到好！大！碗！幾十蚊有一碗分量十足嘅粉麵幾抵食，賣相亦不錯，見到有不少嘅配料，白蘿蔔，數塊厚切崩沙牛腩，兩粒大牛丸， 畫面十分豐富🥰葱嘅份量可以自行調校，唔鍾意太多可以唔落晒匙羹上嘅份量，湯底係濃郁嘅腩汁，充滿牛肉香味，白蘿蔔吸收晒湯底精華，淡淡都十分juicy，清甜得來又帶有牛肉香味🤤重點-崩沙牛腩亦沒有令我失望，崩沙牛腩比起傳統牛腩附帶更多筋位，令整體口感更為爽口，帶有少量油脂令整體更富油香，燜煮嘅時間剛剛好，肉質不會過老，反而夠軟諗，筋肉相連口感十分不錯🤤牛丸亦十分彈牙，咬落去十分juicy，手打牛丸嘅感覺同平日喺超級市場買到嘅十分不同~油菜~加咗油菜一碟，估唔到份量都幾多，生菜啱啱烚起仍然保持爽脆口感，加入少少蠔油作調味味道剛剛好，為整頓午餐帶來一點田園氣息☺️凍豆漿~最後以一杯凍豆漿作結，香濃嘅豆味，清清甜甜嘅味道令人心曠神怡☺️

田記是近排食過嘅腩河之最，佢嘅崩沙腩是V仔其中最愛之一。田記雖然離地鐵站較遠少少🤏，但附近住嘅街坊一定要試下。親民價錢，靚腩靚旦。田記開左唔夠半年，因為V仔成都過呢頭尋覓新野食但次次都錯過左。今晚一於決心會一會。牛腩河可說是我對香港本飲食代表，以前舊式大排檔加香辣油是童年回憶，依家好難搵到同樣嘅味道！今早因為遲左起身就連同晚餐一起食。同麗妹叫左兩口河兩個淨丸。好似未食過野咁。隔離台見到都有啲妒忌⋯⋯。因為又第一次食田記，傻左咁叫，又成日無食過野，叫左三寶牛河，崩沙腩河都係三十蚊一電招牌腩河。又想食牛丸同魚旦，所以叫左淨食各一。三寶牛又淋又入味，是十分意外因為價錢是好親民。講最好食一定係崩沙腩，又爽又淋，哈哈，係又爽中有淋多汁。至於魚旦魚片是非常鮮味，牛丸是爆汁嘅。都係不過三十蚊一碗。本以為新開無咩料到，田記有啲驚喜。

聽聞朋友話呢一間嘅牛腩麵好好食😋今日有時間一於拉埋老公去試吓啦👏👏叫左個牛雜三寶撈粗麵～牛腩真係炆得好林好入味👍🏻加上伴左一啲蠔油汁上去真係冇得頂😚😚😚水餃🥟鮮蝦真好彈、鮮味😋分量十足好大隻好抵食👍🏻！！招牌魚片頭～鍾意食魚嘅朋友一定要食😁！蘿蔔湯～蘿蔔入晒味鮮甜美味！魚皮、腐乳通菜！叫到成枱都係，價錢真係好公道、好平！朋友真係冇介紹錯、我家樓下嘅雲吞麵冇得比🤣🤣🤣

星期五晚放工，兩口子想簡單吃餐晚飯，然後抽些時間去逛商場，走到位於太子的田記食碗粉麵。 餐廳在雷生春附近，位置上不太接近港鐵站，若打算由太子站徒步而至的話，建議多預留一點時間。光猛的招牌，乾淨俐落的門面設計，在黑暗中，大概像一直閃閃發亮的螢火蟲吧。顧名思義，餐廳主打菜是牛腩和魚蛋， 所以他點了一碗牛三寶河粉，我則要一碗魚三寶粗麵。魚三寶包括魚片頭、魚蛋和魚皮餃。魚片頭和魚蛋果然是值得成為招牌菜的食物，皆因魚香濃郁之餘，也非常之彈牙。據侍應所講，這些也是他們的師傅自家製，用料選材上乘新鮮。魚皮餃其實也不錯，不過相比之下，沒有魚片頭和魚蛋這般突出。粗麵也好，沒有太過濃烈的鹼水味。牛三寶包括牛腩、牛筋和牛肚，三款餸菜都非常出色，牛筋有豐富骨膠原，牛腩夠入味，牛肚夠層次感。河粉沾上了牛腩汁，非常可口。侍應殷勤地再添加了牛腩汁，整碗三寶牛腩河實在美味。小食是炸魚皮。侍應表示魚皮以黃鱔自製而成，口感會比坊間所買到的略為硬身，建議先浸湯才享用。魚香比坊間所食到的更加濃烈，大概這就是店方選擇使用黃鱔的原因吧。為加纖維，追加了一碟通菜。油菜的選擇，還有生菜、菜心和芥蘭。飲品是熱鴛鴦和熱檸茶蜜。熱鴛鴦加砂

又一個遲起床的星期日，什麼也沒吃，呆呆下就黃昏了，見餓就落街搵下野食。行到雷生春堂果頭，見到對面馬路開了新店食魚蛋河，就入去試試。屋企人也餓了，蒲坐下看見菜單見到牛肉就雙眼發光，失心瘋地點了兩個牛河 - 牛三寶和崩沙牛腩，還有淨牛丸，勢要一次過試晒所有牛類！我則點了淨魚蛋。見到抗疫優惠，跟粉追加小菜只須八蚊。咁我就另加了芥蘭和白蘿蔔。大家share野食，一致認同每一樣食物也超水準。所有牛類也相當入味，唔腥，牛味濃郁。尤其是崩沙牛腩，肥瘦適中，相當煙韌。牛丸也很足料，不是一般河粉店的成舊都係粉。魚蛋和魚片的口感方面非常彈牙又滑嫩。另外腩汁餚製的白蘿蔔也很入味，夠淋。聽老闆娘説，原來所有丸類食材也是每天自家手打。難怪全部食材也很新鮮，又不腥又不過咸。店另外也設外賣生料，來緊天氣凍在家打邊爐，又多一個食材預備的選擇！飲品只須加六蚊，真係好抵，不過我們不好飲料就沒點了。偷聽到隔離枱點凍檸賓只需額外多加一蚊(即是七蚊)，真係抵得太過份了😂這街坊小店，價錢貼地又相當高質。吃得出所有食物也是用心製作。雖然一碗河粉賣得很便宜，但所有細節絕不馬虎。老闆娘告知，原來已開店三個月。因為少行過來所以沒看到。今

今日去咗旺角睇裝修要用嘅門，厠所，浴室用品。行到攰攰哋，又肚仔餓，當然要去搵食啦！經過塘尾道有間田記魚蛋牛腩轉門店。係門口睇過餐牌價錢唔貴呀！所以就入去試吓。疫情關係，每枱都有膠板相隔。再睇吓餐牌先硼砂牛腩米$40。價錢都算平呀！因為其他店食碗硼砂腩都要差不多$50幾的。硼砂腩有6件，每件都有手指咁長的。半肥瘦，又淋又入味，而且肥嘅部位完全唔覺油淋淋，我怕肥，仲有白蘿蔔的。但都食晒。招牌牛腩牛筋 雙拼米$42牛腩牛筋加埋有差不多14件。雖然雙拼，但絕對不會減少其中一樣數量而做雙拼。絕對係重質又重量。牛腩牛筋同樣都係入味又淋。 尤其是牛筋，色澤靚夠吸引再叫一碗淨牛丸$31牛丸有7粒，有菜墊底。牛丸爽口彈牙，好香牛味。 忍唔住買咗半斤返屋企再慢慢嘆另外叫咗杯凍檸賓特別介紹吓田記辣椒油，好香呀！

星期六放工同家人去左太子田記食麵，價錢吾算貴而且選擇又多，所以就order左四碗既主食。金錢牛肚拼崩沙牛腩 幼麵 $40+20：牛肚拼崩沙需要另加二十蚊的。麵底可自己選擇－幼麵口感極彈牙又夠爽口，好推介比大家。金錢牛肚口感林林地，味道夠晒入味，幼幼地方便咀嚼。至於崩沙牛腩直頭系必食推介！崩沙牛腩數量幾大而每一舊既崩沙牛腩都好大舊，口感爽中帶林肉，味道極為入味。爽口牛丸幼麵 $31：喜歡食牛丸既我又忍吾住叫左個牛丸麵黎食！牛丸麵既牛丸共有５粒，牛丸口感果然彈牙～牛味香口之餘，牛汁慢慢滲出，真的好好食！淨招牌魚片頭 $38：由於家人唔食牛既關係叫左魚片頭比佢，魚片頭數量唔少；口感彈牙又帶少少魚鮮味。可惜，味道有點偏咸啊～招牌魚蛋拼雲吞河粉 $28+6：魚蛋係白色無炸過既款式，口感帶點彈牙。雲吞當中既鮮蝦爽口，味道為少少咸味；河粉好滑口，同時又唔易斷。

充滿著人情味的一間小店。無論邊位客人入到來，店員都會打聲招呼，問候一下，是附近街坊的飯堂，聚腳點。專門主打魚蛋，牛腩的店。所以我點了一碗崩沙腩河粉扣底。扣底原來係少河粉意思。是店員教我的...哈哈！扣底之後，河粉仍然不少，好滑溜。崩沙腩肉質軟腍，牛腩邊位有些少筋，增加了嚼口，果然是牛腩中之王者。淨三寶，即魚皮餃，魚蛋，魚片頭。魚蛋，魚片頭好爽彈。魚皮餃大大粒，餡料十足。柑桔蜜非常濃郁，飲後潤喉，最適合而家的秋冬季節飲用。

秋冬好乾躁, 大食妹又想食啲湯湯地嘅野同朋友係太子果頭上完堂後, 走左去附近嘅田記魚蛋牛腩專門店食湯粉<崩沙牛腩河加墨魚丸加紫菜>大食妹嗌左份崩沙牛腩河加墨魚丸加紫菜田記嘅粉麵份量好大, 下面係滿滿嘅河粉, 而上面就鋪滿崩沙牛腩、白蘿蔔、墨魚丸同紫菜裏面仲加左腩汁, 配河粉一流崩沙牛腩係田記嘅招牌菜色, 半肥半瘦, 油脂入口即溶, 大食妹推介墨魚丸足料彈牙, 都唔錯白蘿蔔就水分滿滿, 完全無渣<魚三寶河加雲吞加紫菜>朋友就嗌左魚三寶河加雲吞加紫菜魚三寶分別係魚蛋、魚片頭同魚皮餃朋友仲好貪心咁加埋雲吞同紫菜, 搞到差啲放唔落係一隻碗度魚三寶口感非常彈牙, 俾你一次過滿足三個願望朋友話雲吞都幾好食<腐乳通菜>最後, 我哋仲加多份腐乳通菜share, 咁先夠均衡營養㗎嘛

喺太子行行下好肚餓，突然見到呢間餐廳有牛腩食，就入去試下。金牌牛腩河粉（走青）$32一黎到就見到個湯底充滿啡色，濃濃嘅腩汁，好吸引，一於就試下個湯底先。湯底有五香味，幾好食。牛腩有七八件，半肥瘦，有幾件好有牛味。好食。平時我覺得牛腩河好多時都好細碗，成日都要叫加底。但今次我冇叫加底，啲河粉竟然多到好似加左底咁，好抵食！另外要提下嘅係呢到嘅辣油真係好香，一揭開蓋就聞到好香。所以如果鍾意食辣嘅都可以試下加辣油。金牌牛腩飯 $45有紫菜湯送，都幾多紫菜。牛腩份量比起牛腩河再多幾件，夠送飯食。都係有五香味。入面仲有幾件煮得好入味嘅蘿蔔添！淨魚三寶（魚蛋、魚皮餃、炸片頭）$31入面有啲生菜，三寶每樣都各有三粒。魚蛋好食，充滿魚味，又好彈牙。魚皮餃都好好食，大大粒，一咬落去會爆汁。炸片頭都彈牙。淨鳳城水餃 $28有五六隻，每隻都大大隻。皮薄，入面有蝦、木耳絲、冬菇同埋肉碎。成個組合加埋之後，口感好豐富，味道都好香好夾。可以encore。同埋又係有啲生菜。好鍾意有菜食！另外仲叫左兩碟菜（菜心、生菜），每碟只係$8，份量都唔少，抵食。粉麵店黎講，呢間份量幾足，價錢幾抵。同埋比起其他粉麵店坐得闊落啲，舒