生記粥麵

营业中

休息中

因為粥舖喺公司付近食物水準又穩定所以間唔中都會幫襯每次都係魚腩粥食極都唔厭今日唔例外都買左個魚腩粥返公司食比錢果陣$43 加左價雖然係貴左但真係好正碗夠大碗魚腩都唔少喜歡食魚嘅朋友一定要試包你食過返尋味

午餐時間，也想要個窩心朋友伴著共進！一約就成事更是幸福！粥粉麵飯？定快餐？決定追索上次去錯粥店的故事！由公司一點出發去，幾分鐘就到了！看到店內客人滿滿。店外數人排隊，原來等外賣的。和朋友不到兩分鐘被安排入座了！坐位椅子有點壞掉了，大家要注意喔！點餐了！我立刻叫炸兩吧!但原來沒有的！朋友很快叫到油炸鬼加齋腸粉，說加起來就是炸兩！哈。油炸鬼$11。凍了及有點干身。齋腸粉$15。質地幼滑，熱辣椒。店員也細心詢問需要什麼醬料！再來白粥$11，沒有特別。煎鯪魚餅，加了香蔥，質地彈牙。炒米粉$15，加了肉碎，炸菜，椰菜絲，紅羅白絲。第一口起下材料豐富，但再吃感覺味道欠奉。飽飽了。本想好友覺得好食！原來大家也覺得名气過大了！反而我們也喜歡上次去錯的粥店！談心慢步回去！分享小事身邊事！聽到您說風吹來真舒服，我心情也歡欣！

和男朋友在屋企附近已經差不多餐餐食到嘔了，係諗唔到仲有咩好食之下靈機一觸，想到了食粥而男朋友食過一間覺的幾好食的，就是位於鰂魚涌呢間生記粥麵。我們趁佢未關門之前立即即興地走出去試。在八時多的時候，店入面都有唔少客人。但是仍然有空位的，所以的地不用排隊。坐低咗之後，我地好快就揀好要食咩，店員便為我們點餐。除了粥，我們還點了腸粉。啲醬吱得好靚好整齊，賣相十分吸引！味道亦與賣相一樣相當的好，腸粉十分幼滑，每一層皮都好薄，食落去柔軟又彈牙，口感及味道都做的十分好。登登登櫈，我的豬潤雞粥（小）＄36 終於到了啲百潤多到突哂出來，而且每一塊都好大舊同厚身。旁邊有佢比的豉油（影得唔清楚＞＜），加了薑和蔥，可以用來點雞同豬潤食嘅。豬潤每一舊都有返咁上下 size，份量十足。咬落去爽口，不會好像一啲店鋪的豬潤般太冧，食落去好快就溶哂咁。雞的話建議大家一定要點豉油，味道會提升到令一層次，亦能帶出鮮味。呢到啲雞應該新鮮雞，一點冰鮮的味道都冇，而且咬落嫩滑唔粗糙，非常好味除此之外，粥都做得十分好！綿綿的粥又夾雜住配料的味道，十分香同滑，口感也是厚身的～我好快就食完一碗了，感覺仲不夠喉添：）整體來說呢間粥係的食

今日無咩胃口，lunch 就決定清清地黎生記食翻碗粥。其實價錢唔算太平，但次次經過都見到咁多人食，就決定試下啦。果然一分錢一分貨呀！今次要左碗豬潤粥，從未喺街食過d咁大塊咁厚既豬潤，重點係好爽口！豬潤分量好多，每一啖粥都有。跟粥有一碗薑蔥豉油，將一半薑蔥絲放入粥到，另一半就用黎點豬潤。豬潤加上甜甜地既豉油更好味。個粥底本身都好綿滑，相信配其他配料都一樣好食！其實有時唔一定要病左先可以食粥吖，食到碗咁好食既粥都係一個享受！

今日lunch time 買左個魚腩粥外賣，12:30黎到都要排隊等位。夏天熱辣辣都有咁多人食粥食麵老實講粥舖我食過好幾間，我諗生記係我心目中排第一生記門口有好多相每次經過都好多人食，粥款式又多，果然係粥品專家每次幫襯都係魚腩粥，因為本身好鐘意食魚，碗粥又大碗同埋真係好多料簡直超級無敵，食極都唔厭$41就可以食到咁大碗粥，好抵總結: 粥就幫襯得多，會想試下佢嘅腸粉或粉麵

翻咗黎咁耐我都仲未食過生記所以趁住唔煮飯就落黎食生記啦因為我都好掛住呢度既牛肚河牛肉粥因為一向我都唔算大食係牛肚河同牛肉粥之間我唸咗好耐叫咩食好最後我都係簡咗牛肚河如果你叫牛肚河 中間個牛筋正常係冇㗎只係我朋友叫牛筋麵我同佢share㗎咋河粉依舊都係咁滑因為我覺得河粉夠滑係會整體上黎講會好食好多牛肚都保到佢平時既水準牛肚索咗d腩汁落去所以好夠味湯底依然都係咁好飲不過今次我覺得腩汁味再重d每次食牛肚河我都一定要飲哂d湯因為真係好惹味

我覺得這裡的生滾粥是全港數一數二好味的!  但提提大家這裡星期日是休息的!  豬潤粥應該是這裡最受歡迎的粥品, 但見點魚腩粥的顧客也不少。我叫了迷你及第粥加一客油炸鬼。粥底很綿很好味，配料也很多，更愛的是每叫一碗粥均會跟一碗薑蔥豉油，也許是這碗豉油很受歡迎，餐牌指明添加薑蔥豉油是要額外收錢的。看到有很多街坊熟客，很高興香港還有這種地道美食店。但美中不足的是: 油炸鬼不是脆的，我甚至認為是來貨的，如果能有脆的油炸鬼送粥就更好了! 

.魚球豬潤粥(大) $45.最近生病了😷，可能因為新年打得太多通宵麻雀🙈，贏嘅錢都攞晒去睇醫生👱🏻，明知道無胃口但又唔甘心無得食好西，所以特登去揾呢間出名大大碗又多料嘅粥鋪🍲。呢個價錢食碗粥的確會卻步，但佢嘅粥底用上瑤柱、腐竹、豬骨、瘦肉，粥底會非常鮮甜，每一粒都係米花，另外配有蔥絲同薑絲豉油作提鮮。.7/10.其實，一直覺得豬潤嘅感覺好腥，加上有時會有血絲，感覺很嘔心，但唔知幾時開始，佢嘅習慣會變成你嘅習慣，為左唔俾佢知道怕腥、怕內藏，於是放心大膽地陪佢照食，當你見到佢原來有人鐘意食佢鐘意嘅嘢，係會甜笑，慢慢地習慣成自然，之後每次放學後去小巴站旁嘅粥鋪，會好自然咁嗌：「唔該，豬潤肉片。」..講起粥，會好自然諗返起<HANGOVER PART 2>入面，Stu嘅外父去形容什麼叫做「粥」，話「粥」只係會俾小朋友同老人家食嘅「飯糊」，但我就覺得「粥」要煮得好係一件要花時間花心思嘅事情。一碗粥，從來都唔起眼，依家煮得好嘅粥鋪已經愈來愈少，好多最基本粥底要綿都未煮得好，衷心多謝「粥」帶給我的回憶。.生記粥麵 (鰂魚涌)鰂魚涌英皇道955-957號惠芳閣地下B舖.#explosi

呢間野不嬲都好多人，好在我地去到果時，有一枱岩岩埋單，所以唔洗等就可以成村人入去喇今朝食左個大大份嘅早餐，所以都係叫碗袖珍size嘅及第粥，貪佢夠多料吖嘛，但其實袖珍同單拼嘅size都唔係差好遠，都係咁大碗↓食到底見到好多料呀！有豬心x2﹑豬潤x2﹑豬肚x2﹑豬粉腸x2同埋肉丸x2**個人小癖好，中意留返d餸最尾先食↓每碗粥都會連埋一小碗薑蔥豉油一齊上，同埋每碗粥都一定熱到出煙架！我地12點鬆d去到，已經全滿哂人**繁忙時間需要搭枱

Colleagues brought me here for my first authentic congee meal. Simple and tasty dishes served with no fuss. We had the plain congee with meatballs (meh, but good with the meatballs), the pulled pork congee with century egg (excellent, though probably better without the egg), fried dough, and noodles with radish and beef brisket.

好耐未去過舊式粥舖食早餐，同朋友係北角個邊開完通宵party去生記食返碗粥潤一潤個肝。我地叫左一碗大既及第粥、細既豬潤粥，同埋一條油炸鬼。油炸鬼 $12油炸鬼唔係啱啱炸起，唔脆而且有啲「淋」。及第粥 $36好新鮮而且好足料，分別有豬心、豬肝、豬粉腸。粥底值得一讚，粥底綿滑，白米粥熬到米粒全化。豬潤粥 $28超推介大家食呢個！呢個豬潤粥真係好好食，豬潤好新鮮好爽口完全無苦味唔會起沙！總括嚟講，用幾十蚊可以食到甘就既質素既粥真係物超所值！

一直幫襯開, 不嬲質素一般, 平時都算, 貪近.  今日D麵真係超重梘水味, 只係食左D件牛腩, 無食個麵, 跟住畀錢走,同門口個收銀講, 佢黑口黑面話  :   "食個30蚊野, 食完就走啦"呢間野我一定唔再幫襯. 

我對d 傳統粥店好有興趣，今日經過見到生記有位，就想入去會一會呢間大家都話係老字號既粥店鰂魚涌分店有粥又有麵，不過見大部分人都係食粥跟炸面（油炸鬼）or 炒米，咁我就維持原本既plan laorder 左細肉丸粥同炒米粉（$29+15)呢到既粥真係好貴！正常size 要40/50, 細都要快30一碗，同一般粥店好大分別粥好棉口，有米香；肉丸彈牙，但肉味唔突出炒米出乎意料地arm 口味，$15好大碟，仲有肉粒同炸菜值得為炒米再encore.如果有得豆漿+炒米就好啦

突然想吃牛腩便去拐角生記。平日飯點都多人排隊，我十一點過去，終於不用排隊。要了最簡單的牛腩麵，外賣牛腩入味但可能我運氣不好？只有三四塊而且都很肥。麵條勁道，雖沒什麼驚艷之處，但也算搵到一家平價牛腩地，以後沒什麼吃的便可以來。對於重口味的我來說清湯腩還是太淡，於是加入很多辣椒油才吃得下

東區街坊係本區搵食，不過今晚夜左，生記最出名既魚粥已經冇曬。不過佢其他粥都吾錯，所以冇改地點，今晚叫左一個肉圓粥一個豬潤粥同油炸鬼。料多過粥係佢既特色，所以好化算，食親都好滿足呀！佢配碟鼓油係比你點肉圓同豬潤的，但基本上冇需要，因為肉圓本身就好夠味，夠咸送粥。肉圓係偏廷身既質地，有小小咬口個種，好好味道。豬潤亦都吾腥，冇內臟感覺，奄得入味，咬感吾會太軟。反而個粥底平平無奇，吾綿既。而油炸鬼亦硬得可以拎泥擲人，可能始終都係因為太夜先去食喇。