生記粥麵

营业中

休息中

今日無咩胃口，lunch 就決定清清地黎生記食翻碗粥。其實價錢唔算太平，但次次經過都見到咁多人食，就決定試下啦。果然一分錢一分貨呀！今次要左碗豬潤粥，從未喺街食過d咁大塊咁厚既豬潤，重點係好爽口！豬潤分量好多，每一啖粥都有。跟粥有一碗薑蔥豉油，將一半薑蔥絲放入粥到，另一半就用黎點豬潤。豬潤加上甜甜地既豉油更好味。個粥底本身都好綿滑，相信配其他配料都一樣好食！其實有時唔一定要病左先可以食粥吖，食到碗咁好食既粥都係一個享受！