甜牙牙煮意

营业中

休息中

旺角出名多嘢食，今日又俾我發掘到一間好正嘅西餐廳🫶🏻餐廳唔算話太多選擇，係基本嘅沙律、小食、主食同甜品都有👍🏻而且每款都特別😍另外我都幾鍾意佢哋嘅裝修，舒服得黎又有少少格調，特別係啲燈光同裝飾，幾唔錯🤭我就叫左呢一個腩肉卡邦尼，因為卡邦尼要做得好，其實好有難度！呢度嘅意粉味道簡單又好味🤤芝士味仲好出添，而且口感濃郁又有獨特嘅咸香，加埋充料嘅腩肉，有肉入口感覺更豐富呀！好味道👍🏻其實仲想試埋佢哋個甜品，不過真係有啲飽，下次同朋友黎食先😳

Happy Friday準時放工出左旺角同朋友食飯，原來甜牙牙呢間創意甜品店開左姊妹店甜牙牙煮意，小店主打西餐，一於今晚試下先🌟檸檬烤雞 ($168/半隻)我揀左佢地既檸檬烤雞，餐廳選用新鮮三黃雞，先用香草醃製兩日，再慢煮40分鐘，雞皮好香脆而雞肉依然保持嫩滑多汁，配上口感清新既檸檬汁，高質👍🏻👍🏻👍🏻🌟麻辣雞肉窩夫配沙津 ($88)朋友食得辣所以就揀左個麻辣雞肉窩夫，呢個配搭好特別，用上重慶香料調製既麻辣汁炒雞肉，再配埋香脆鬆軟既窩夫好perfect💯

今日路過一間西餐廳，比佢門面吸引左🥰入面嘅裝潢設計簡單得黎都好有格調😍而且枱面夠大，坐得亦好舒服👍🏻食物質素有水準😉但因為又約咗朋友有下場，留返下次先挑戰佢哋嘅甜品🍮坐低後員工好有禮貌介紹，問咗佢哋有咩招牌就推介呢個👇🏻香草奶油煮花蛤：超級好食，超級推薦😍首先勁多花蛤，完全舖滿成個碟，隻隻仲要勁鮮美，一粒沙都無🫶🏻然後個香草🌿奶油係勁香勁滑😋完全好夾！而啲意粉🍝唔會煮得好淋，保持到彈牙口感，總之成個意粉都好好食🤤

有日行過冇意中發現呢間小店，座位唔多，但光線十足，一開始以為係甜品店，但望真菜單先知原來有提供主食，選擇仲要幾多，包括有烤雞、意粉、沙律，連油封鴨肶都有，都幾surprise🤩仲有意粉套餐，可以要餐湯或沙律，價錢包埋配菜、飲品同甜品🍮-🍝慢煮檸檬刁草三文魚配青醬 $128意粉可以要扁意粉或長通粉，我就要扁意粉，青醬係自家製，雖然顏色唔太綠色，但羅勒味好出好濃，配搭三文魚真係好夾❤️三文魚煎得好出色，好過好多高級餐廳，皮脆肉嫩，講就容易但好講火喉控制，2小時慢煮，肉質好滑，真係好想問下廚師到底係點整🤣

💖 甜牙牙煮意 (旺角)✨旺角煙廠街33B號朗廷軒地舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️今日同朋友嚟咗呢一間餐廳度食飯，我以前以為甜牙牙淨係食甜品添😂真係大鄉里啦，原來有咁多西餐開食！-腩肉卡邦尼🍝卡邦尼意粉當中加入左譚仔姐姐最愛嘅腩肉的確唔錯，腩肉同意粉嘅份量剛好。腩肉比較有咬口，但相比起煙肉冇咁油，所以都ok！意粉條條分明，每條都好掛汁。成個卡邦尼醬汁好香好Creamy，搞到我好快食哂🤩兩個人share食都好夠飽！-火箭菜帕馬森芝士油醋沙律🥗賣相很ok，足以增加食慾。火箭菜平時我唔係咁鍾意食㗎 ！因為覺得有浸味，但係今次覺得餐廳嘅廚師處理得幾好，加咗芝士同埋油醋嘅關係，所以冇咗嗰浸草青味👍🏻沙律中加入左車厘茄酸酸，甜甜好開胃。我自己幾鍾意食呢一個沙律🤭。

聽朋友介紹呢一間餐廳已經聽過幾次🥰今日終於可以同朋友一齊去試吓啦🤫呢度嘅環境都幾乾淨！牆身有少少星球裝飾嘅設計，感覺好似去咗外太空咁😳喺我印象之中甜牙牙好似都係用粉紅色作設計，今次有少少驚喜。✨慢煮檸檬刁草三文魚配青醬 Oh my god!我冇諗過三文魚，竟然同我隻碟一樣咁大！好彩我同朋友冇叫多一個意粉，如果唔係兩個女仔真係驚食唔晒😂三文魚好重刁草嘅香味，我自己幾鍾意！而且加埋檸檬，所以有少少酸酸甜甜嘅味道能夠為三文魚提鮮，經過慢煮嘅三文魚唔會散肉，仍然係好結實。下面嘅青醬同三文魚好夾，而且好Creamy ，每一條意粉都沾滿醬汁😚

🍛忌廉奶油燉豬腩賣相評分:🔟/🔟，呢個燉豬腩肉，我自己覺得都幾邪惡！一上到枱未影相就已經好想食！太吸引🤭味道評分:🔟/🔟，真係幾好味，可以話又睇得又食得。豬腩肉有肥有瘦！唔會話獨孤一味👍🏻分量十足，兩個人食都好夠！我自己最鍾意就係佢旁邊嘅忌廉奶油醬汁，每切一細舊我都會沾上少少醬汁作調味😳食落口仲帶有少少鹹香味，同埋奶香味。豬腩肉可能因為用咗「燉」呢一種烹調手法，所以肉質比較嫩同埋腍身。總括黎講，我覺得餐廳嘅食物質素唔錯，有機會嘅話會再次光顧！如果大家都有興趣嘅話，記得跟住我一齊搵好嘢食❤️

男朋友今日帶我食呢一間位於旺角嘅甜牙牙餐廳，我初頭以為呢間餐廳淨係食甜品，點不知原來仲有其他小食同埋主菜！今次我就分享一個我自己幾鍾意食嘅菜式俾大家。🌈檸檬烤雞平時我屋企人都會整檸檬烤雞翼，我每一次都食得好滋味，食到舔舔脷。今次睇餐牌嘅時候無意中比我發現有檸檬烤雞！係成隻雞都係用檸檬烤焗🍋所以會勁入味！旁邊仲有少量配菜分別係：西蘭花、甘筍條同埋粟米芯。成隻雞咁樣食，真係好鬼飽😳講返隻雞先！我自己覺得呢隻烤雞肉質比較有咬口，但係一啲都唔係鞋口個種。一食落口仲有滿滿嘅雞油😚太Juice了❤️愛了

-蒜味大蝦🦐.ᐟ‪‪.ᐟ呢一個蒜香味十足嘅大蝦，真係不得了💯果然係我心目中拎咗100分嘅菜式🙈，我冇諗過蒜香味係可以咁入味！🦐 蝦肉嘅份量都幾多，而且冇改錯名，真係每一隻都好大隻😍已經剝左殼方便食用！旁邊仲有蒜蓉包，餐廳職員話俾我知係可以撈埋啲蝦同埋蒜蓉一齊食！味道會更加香口更加惹味！果然冇錯🤩真係勁爆正-10年陳醋意式沙律🥗人生有幾多個10年🤭呢一支拎嚟做沙律嘅陳醋就有10年歷史，感覺上真係好似你平時嗰啲塵醋酸少少🤣唔知係咪心理作用呢！成個沙律嘅賣相好靚，好吸引，真係有少少唔捨得食😍呢一個沙律，酸酸地甜甜地，都幾開胃😚建議大家一定要試吓！

作為旺角地膽，周不時都去試唔同餐廳，但範圍真係太大試極都食唔晒😂 偏愛西餐嘅我今日就同朋友試吓呢間甜牙牙煮意😄意粉係屋企都成日煮，出去食西餐一定食肉！因為冇焗爐嘅我真係好難整到靚肉🥲🥲香草油封鴨肶超正，烤到外皮乾身脆卜卜，入面鴨肉實淨得來都好滑，一切開鴨油咇出嚟，滋潤左放喺隔離嘅薯菜🤭 成碟都有灑啲香草碎喺上面增添風味😍檸檬烤雞半隻雞但係勁大隻，漲卜卜好靚，外皮金黃色，肉嫩多汁，就算雞胸部份都唔鞋口👍🏻

朋友聚餐最岩就約旺角，多選擇返屋企又方便，上網搵就搵到呢間餐廳，睇相好似唔錯，重點有我最愛既窩夫🧇味道多多，有朱古力、抹茶、焦糖芒果、肉桂蘋果，款款都好想試😻.蒜味大蝦係西班牙小食之一，大量蒜油、辣到、菇一齊煮，配上多士一齊食，黎到香氣四溢，極為惹味，! 鮮味十足蝦，仲有濃郁蒜頭香，真係好好食😽檸檬烤雞烤得好靚😻全都是檸檬、迷迭香味道，仲有洋葱塊和蒜頭，雞皮香肉嫩，切開滿滿肉汁，勁juicy😸配菜西蘭花同粟米都好好食，有烤過香氣，簡單加鹽、黑椒都夠飲品叫左花茶，有蠟燭助熱，唔會怕凍哂，呢個價錢有呢個質素，性價比真係幾高😺

旺角搵食最方便，中餐、西餐、日本野咩都有，今次就揀左呢間係煙廠街甜牙牙煮意，上網睇過menu，佢d甜品超吸引😍😍有鬆餅同窩夫系列，價錢$100以下，以同區來說唔算貴，一定要留肚叫先得‼️.忌廉奶油燉豬腩｜$168外表睇落有點似焗豬🤣上檯個時超香，用左西班牙豬腩條，兩邊都煎得金黃，有少少焦面，豬腩好腍，油脂感十足，有蔬菜平衡一下👍🏻漁人碼頭｜$128個名好得意，叫漁人碼頭🤣一開始都唔知係咩黎，原來係魷魚、蝦同蜆扁意粉，蝦好爽口，兩隻大大隻，蜆份量都幾多，冇沙幾鮮甜，同埋我幾喜歡扁意粉口感，唔會過硬，但又有點咬口👍🏻食完主食都好飽，甜品要留返下一次先食🙈

旺角開咗間新餐廳，原來係好出名嘅甜品舖甜牙牙新開嘅， 喺正對面，地點好容易搵。入到去好驚喜，本身以為都係食甜品，點知原來係食西餐。 😳.叫咗個蝦頭湯炒大蝦，有三種唔同嘅意粉可以揀，最令人驚喜嘅係個湯係佢哋自家製蝦頭油湯，而且仲落足料一啲都唔馬虎，總共有六隻蝦咁多，啲蝦配埋啲湯汁真係好好味好鮮甜， 食完真係好滿足。👍🏻.另外好中意呢度嘅環境，裝修得好靚，有大電視播住音樂，有啲裝飾仲好似影樓咁，求其影都出到影樓出黎嘅水準😂回頭率極高，下次要試埋其他野食😋😋😋😋

同朋友經過咁岩見到黎一間舖頭 應該係新開嘅🤣 門面好光猛好靚 仲要播住K Pop 岩晒我🤩 一於晚餐就簡黎到啦😛🍀 蒜片乾辣椒意粉蒜片乾辣椒意粉好有驚喜 🍝 上面鋪滿鍾意大量嘅蒜片同埋乾辣椒🌶️ 加埋橄欖油 好香 配夾好好 好有驚喜好好味😋 同埋好似話可以簡自己鍾意嘅辣度添🤭🍀蒜味大蝦朋友叫左依份主菜 擺設好靚 未送到上枱都聞到好香嘅蒜味😉 白麵包點上香濃嘅蒜油味再配合大蝦🍤 簡直係味蕾一大享受😎 我黎個朋友唔太食澱粉質架 但係佢居然3塊麵包都食晒😳 可想而知真係好高質🤣黎間餐廳環境好好 野食都好有驚喜👍🏽 最緊要係價錢唔貴 好似學生仲有折頭🤭 下次一於再試埋其他野🥰

好耐冇出街啦，疫情之下成日困係屋企溫書，真係人都癲，趁住而家都叫緩和咗嘅時間，梗係要出去飲飲食食啦。 我朋友推介話呢一間係新開嘅西餐廳，係窩夫好出名嘅甜牙牙店新開，咁就梗係要一試喇。 我叫咗呢個係忌廉奶油燉豬腩，真心係超級超級好食，未嚟到已經係有好香嘅奶油味，最緊要係啲豬腩條完全唔覺得肥，唔覺得有罪惡感，佢雖然製作需時，但完全值得，嗰個忌廉奶油汁真係好好味，有個小秘密就係我係唔鍾意食粟米，但係呢個汁配埋啲粟米係真係超好食，我係全部都食晒，我想而知呢個質素係幾咁高！ 值得大大推介👍 另外我朋友嗌咗杯凍飲， 不過我驚太多唔係太好， 就叫咗杯熱水果茶， 好驚喜呀！杯茶好靚，仲要有蠟燭座熱住， 欣賞餐廳好細心👏👏👏