甜入心 (已結業)

在太子吃完「餃掂」後, 雖然已經頗飽, 但之前資料搜集過, 發現行十分鐘左右, 就可以去到深水埗「甜入心」吃甜品, 而那裡的甜品又幾特別, 於是也就順道去吃了。「甜入心」的地點偏離旺區, 比較靜, 平日晚上的人也不多, 不用等位。 甜字影不出來 第一頁的甜品比較特別, 第二頁就比較普通我們初次來到, 當然食鎮店之寶, 店員推介: 1.) 焦糖布甸椰皇子$36 和 2.)出浴椰皇子$30, 其實兩者的內容相似, 都是椰青水啫喱和布甸, 只是前者連椰皇殼上, 後者是玻璃容器上, 店員說, 後者會有較多椰青水啫喱, 而我們想吃椰皇肉, 就叫了焦糖布甸椰皇子。 店內有英式淡果茶可以自取, 淡果茶名符其實, 無論茶味和果味都十分清淡, 當它是有少少味的水喝就可以, 這正好配甜品, 吃甜品有時感到膩, 會想喝點水清清口腔。旁邊有朱古力噴泉玩, 有些小小的棉花糖粒, 可淋上朱古力醬食。見到店內的兩款鎮店之寶, 一早整好了, 放在雪櫃, 拿出來就可以, 另外還有一些外賣版本的。 焦糖布甸椰皇子$36布甸軟滑, 有蛋香味, 下層是很香的椰汁, 最後是椰青水啫喱, 因為太好吃, 所以只影了一張相

放工想食甜品⋯原本打算到常去的尖沙咀/旺角⋯朋友一句「試下深水埗拉!」就決定深水埗⋯這間甜品店感覺很整潔,可能是以白色為主入門口旁就有朱古力噴泉,配綿花糖,還有淡果茶都是免費的⋯我試了果茶,淡淡的,帶少少香味但menu的選擇比較少,大概a3 paper 的雙面見價錢比想像中平,就點了「風花雪」有芒果,雪米磁,椰汁和凍豆腐花雪米磁是雲呢拿雪糕⋯軟硬度岩好芒果有5塊,但較厚⋯有少少甜味,可惜感覺不太新鮮,食落甜味有點怪豆腐花⋯第一口已覺得完全不滑,更像食普通豆腐,幸好有椰汁⋯蓋了那單獨食卻有點怪味的豆腐花

每次行過，都想幫襯，可惜一係冇時間，一係就剛剛食到飽晒，這天刻意地去，五點九左右到達，不太多人，可以靜靜地嘆甜品，一邊欣賞牆上的食物畫像：看餐牌揀選甜品：『椰皇肉粒藏於啫喱中，焦糖布甸椰皇子的失散弟弟...』餐牌形容得這麼有趣！先吃焦糖布甸，口感香滑，蛋味濃郁！啫喱用椰子汁製成，十分爽口，附帶有椰皇肉，用盡食材，不致浪費，見盡心思。賣相討好，四件心型窩夫，伴朱古力雪糕球，橫切香蕉，一分為二，加上深粉紅色匙羹，盛著的榛子味朱古力醬，擺放及排列都別出心裁！香蕉沾朱古力雪糕，原來也很對味！朱古力榛子醬，個人覺得味道太濃。窩夫外脆內軟，蛋香豐富，撒了一些糖粉，本身已很夠味道，由於體積不大，及質地軟熟，用叉來吃便可，不需要用刀切。免費自助英式淡果茶：最欣賞這項服務，任斟任飲，不另收費！淡果茶味道清淡得來，帶些甘甜，足以解渴，及洗滌口腔中的滯留甜味，再去品嚐其他甜品時，吃得出其真確的味道！自助朱古力噴泉，又一小玩意：吃了窩夫，已經很飽，貪得意，食番幾粒朱古力棉花糖仔！很週到的設備，乾淨衛生！有得食之餘，仲有得飲，有得玩，確係抵！積分咭，每光顧$50，有一個蓋印。店外櫥窗，存放了很多椰皇子。

深水埗嘅甜入心唔經唔覺都開咗成年幾，雖然位處暗街，唔及松記、綠林晌大街位，但生意及評語都不俗，門外有唔少等位或等外賣嘅客人。之前已經嚟過，對其焦糖布甸椰皇子念念不忘，喺必食之選，今次同朋友再到訪，發覺多咗好多新嘢。環境無乜點變，白色牆身掛有好多食物照，感覺就似乎窄咗，可能生意好，枱都放多三幾張。是晚嚟到，座無虛席，足證人氣依然。未點甜品前，先介紹朋友試吓佢啲自家製嘅英式淡果茶，果茶就放晌門口，隨意自斟自飲，免費唔收錢；而傍邊仲有個小型朱古力噴泉，一小粒一小粒以竹籤拮好，又喺自助隨意，綽頭定喺心思？無論邊樣，都喺店方嘅小小心意。原來啲果茶目的唔單止讓大家稍稍解渴，更重要喺洗滌口中甜味，務求試每一道甜品都能認真細味。有半張枱大細嘅巨型餐牌，羅列超個40款甜品及數款飲品，翻一轉你就會發現唔少甜品個名都幾得意，如「衣香鬢影」、「重口味」、「龍顏大怒」、「出浴椰皇子」……；而好多人氣嘅「入心」推介依然晌度，例如：「焦糖布甸椰皇子」、「公主出巡」、「風花雪」……；不過，有啲之前食過嘅甜品就唔見咗，例如：「招牌楊枝金露」、「黑馬王子」、「杏仁布甸」、「香檳果凍」等等。焦糖布甸椰皇子 $36採用中型泰

上星期日去深水埗同親戚食完飯，去左呢間甜品鋪食甜品。一坐低見到餐牌d相已經好吸引，仲見到我最鐘意食既焦糖布甸，即刻嗌左個黎試。我覺得個布甸滑得黎蛋香味都好濃，而且唔算好甜，唔會話好漏。另外，楊枝金露入面都好多柚子肉同西米，味道不過不失，OK，不過係略嫌有D酸。

大約9點去到 一去到就有位今次見到有新野 就立即order 試下先叫左松露雪糕椰子皇一聞就已經有一陣好香松露味但食落口就無咩味 大概也是落香精的不過雪糕的口感很好 很怕 出外食雪糕 食到有一陣油油的質感而這個雪糕不會但外加的椰汁 搶了松露的味 落少一些會更好

前幾天收到電訊公司來電, 提醒我電話上台合約快到期, 新的合約大幅加價, 加上最近有部新的台灣牌子手機, 千幾蚊有4G, 5吋Mon, 有新的攝影功能, 對於手機先食一族來講是相當吸引, 所以便到黃金商場走一轉, 之後便順道到風評唔錯的甜入心試一試。甜入心的位置實在不起眼, 位於福榮街和南昌街交界, 由黃金商場大約要步行幾分鐘才到, 店鋪面積唔算太大，只可以坐二十幾至三十人左右，店内的裝修是非常簡單，店外貼了一些雜誌和報章的報導。看看餐牌，選擇不是太多, 只有大約十幾款甜品, 大部份都是西式甜品，價錢方面也相當合理，都是三十幾至四十幾蚊就有交易, 考慮了一陣便選擇了芒果小丸椰皇子。芒果小丸椰皇子是以椰皇作為容器，最上層是一排大芒果肉，而藏在下面的是椰皇啫喱，椰皇內面的底層是一堆啫喱, 啫喱是用椰子水製作而成的, 再加好幾粒白色的小丸子。芒果肉份量相當多, 有成十塊之多, 每塊芒果肉是太太的, 入口清甜新鮮, 質感都唔錯, 啫喱口感是滑溜的，配合椰子水的清爽味道, 的確是好吃, 一般甜品店很小有用椰皇水製成啫喱的做法, 算是小小的創新。白色的小丸子食落煙煙韌韌, 口感唔錯, 食完整個甜品

經過「甜入心」見到店員咁hard-sell所以都要試下的 哈哈榴槤小皇子名字大約是這樣吧有一股好強勁的榴槤味是新鮮的榴槤 口感不錯配上西米露 還有椰子肉喜歡榴槤的朋友可以一試芒果丸子小皇子芒果是甜的是新鮮的小丸子的質感都不錯而且這個甜品不太甜食完這個甜品後還有椰子肉可以食會再想encore的甜品

差咗好多😣😣上次嚟喺5月31日， 因為平常食開松記，因為那邊比較就腳，亦有好多間可以輪着食。我在2月的時候發現這一間甜入心，食過一次覺得幾好食，我記得我第一次係食心太軟，覺得幾好食，所以之後，每星期都去食一次，直到5月31日就是我上一次去，每一次的水準也是keep住做得OK的幾好。椰皇子賣相同以往一樣，靚嘅椰子啫喱味道比之前淡左，面層的奶不夠香可以入口普通啦！只係味道淡咗，唔算係難食 朱古力雪花冰，感覺上比較懶惰， 朱古力脆筒同餅乾，都是用現成的這個是朋友叫的，我食左少少 雪花冰的味道，還可以，不算太甜，也有朱古力味普普通通咁，朱古力味不夠濃 朱古力心太軟，因為之前多數食椰王子同拿破崙， 今次係第二次食心太軟， 我同第一次一樣，我問職員，雪糕有冇得揀味道，職員回答我有得揀味道，我話要朱古力味，兩次都係要朱古力雪糕係俾咗雲尼拿味我， 上次我照食左，今次呢個職員，主動即幫我換， 所以換返朱古力味這個職員ok，但是食物質素差左好多所以都係要俾朱古力味雪糕，口感可以，唔差但個心太軟就差左好多，外層沒有口感，沒有朱古力味道，內裡的朱古力有流心的效果，但是味道很差，食得出用既朱古力級數好差，沒有朱

晚飯過後，總愛食個糖水才算是一個完美的飯局。剛好那天在深水埗吃過晚飯，朋友介紹之下去了位於福榮街的甜入心。在深水埗一帶，甜品的選擇相當之多，老字號的松記糖水對大家來說一點都不陌生，但是今次的甜入心別於一貫的舊式糖水，對我來說相當有驚喜。 福榮街有「玩具街」之稱，入夜後店舖關閉，街道隨之變得冷清，但仍有一間糖水店依然人山人海，充滿人群吵鬧聲，甚有氣氛。那就是－－甜入心。當日大概等了五分鐘就被安排入座，後期超多人的，店舖唯有在門口多加幾張枱櫈讓客人安座。店舖沒有太多的佈置，但簡潔的環境更顯得甜入心的甜品在眾眾的甜品店中顯得不平凡。門口擺放了英式淡果茶，以水代替淡果茶的效果，淡淡的味道沖淡上一道甜品殘留在口腔的味道，來清清喉嚨準備下一道甜品就最適合不過了。而旁邊擺放的朱古力噴泉，也符合香港人的口味。平時在自助餐常見的朱古力噴泉，一向很少在甜品店出現，而甜入心就購入朱古力噴泉，並擺放生果和棉花糖串，客人也可以隨時玩玩，小朋友就對這個朱古力噴泉最感興趣了！而剛剛所講的英式淡果茶和朱古力噴泉都是以免費自助模式。可是，位置的問題未能來個近鏡。黑松露雪山($55) 是最新推出的甜品，感覺新鮮，所以決定

深水埗的橫街內一間很年青的甜品店。我點了以下兩款甜品:1) 黑松露雪山: 近期流行的台味甜品, 她的麵包烤得剛剛好, 不會太乾太硬, 不俗。2) 榴槤飄香椰皇子: 完全冇諗過榴槤同椰子係咁match。翻兜指數: 4分 (滿分為5分)

食物的質素很好，皇牌的椰汁布甸更加是無可挑剔！但食完一次真系好嬲！唔知系咪因為 10點多才去，椰汁布甸好像已經所剩不多，於是即可order！木糠布甸來得很快，食完過了15分鐘見椰汁布甸還沒上，於是催一催服務員……然之後再等等等，等了15分鐘仍不上，再催……最後是食完木糠布甸後等了將近45分鐘的時間才等到……再好味的甜品也沒多心情食了=.=下次去會選擇少人的時段去……

食完晚飯搵甜品食～大約9點鐘，好彩唔洗等位～睇餐牌見有新野～一於試下先～落單叫咗e兩個～試下個松露雪糕～椰皇因為係雪櫃拎出黎就得，所以好快送到～好好食～布甸甜度適中，椰奶下面係用椰皇水做果凍，無浪費～清清地，食落不會太濟等咗15分鐘左右，松露雪山終於到啦～賣相都幾吸引～外面4塊係脆多士～烘得好鬆脆～淋上焦糖醬同吉士一齊食，好正不過由於兩樣醬都比較甜，所以每次我都點少少食就夠～中間個圓球就係松露雪粒糕，松露味同奶味都幾重，質感較為黏口～有少少似吉士既感覺而且無一般雪糕甘凍，我覺得味道可以接受，但友人試後唔太喜歡～幾鐘意e間糖水舖～因為比較有特色～下次會再去食～

第三次食甜入心啦，這個椰王燉鮮奶加湯丸真係好正，要大力推介~~~上次黎已經係半年前，今次黎到Menu換左好多新甜品，但我仍固執專一地選了椰王燉鮮奶，無計，和愛情一樣，遇上自己愛的，就不想再試其他了..... （吃甜品也要說人生道理嗎）椰王燉鮮奶加湯丸熱食的，店內冷氣蠻大，熱食也不怕。面層是細細粒的蔴蓉湯丸，不會太甜，煙煙韌韌；下面是燉鮮奶，加了椰汁好香好好味，甜而不膩，正呀）））椰汁黑松露雪糕布丁其實唔記得全名係咩啦，總之有上面三樣野啦。雪糕有好濃烈的黑松露味，我自問就頂唔順！布丁同大菜糕就頗為普通，總之整個甜品充滿黑松露味，吃不出其他味道啦...兩個都用椰子裝住，咁椰殻入面d椰似又食唔食到呢？當然....得啦...如果你有心機出盡奶力地刮。基於無聊；基於好奇，我倆努力刮d椰肉黎食，好似前世未食過椰肉咁，其中一個仲刮得好完整！至於味道呢...麻麻地啦，無乜椰子味，咬幾啖已經好滯了 （嘿 無聊的孩子）。

其實已經食過幾次，初初係俾佢個榴槤pancake吸引，因為又大舊又多肉! 之後黎食就開始試其他新野。好欣賞呢度成日都有新野出，起碼唔會食黎食去好快好厭先! 次次都同屋企人黎食，每人揀一樣就可以試好多款。誠意推介"龍顏大怒"!! 賣相一定冇其他色彩繽紛甜品咁吸引，但勝在又清又解喝! 椰汁底本身已經好香，加上龍眼肉同椰子啫哩，仲有超冰凍o既雪糕o係上面慢慢溶，簡直係夏天o既恩物呀!!另一最愛就係椰子皇布甸，蕉糖布甸夠滑，椰皇又新鮮，食過幾次都冇失水準~今次就試o左幾款新野，比較飽肚o既甜品~ 朱古力窩夫同芒果吐司山!吐司山係因為開頭係見到隔離台叫，又大堆又吸引! 呢個甜品真係冇得頂，又睇得又食得!味道好特別, 芒果醬少少酸味配上吐司好match! 不過建議人多先好叫，因為好飽同埋食得多會濟!食完再買多個榴槤pancake番屋企, 哈哈!