甘味讚岐手打烏冬 (已結業)

之前星期日經過, 見到人山人海, 都唔想再迫埋去, 於是搵咗平日晚上試試, 好彩未夠六點半去到, 所以都唔駛等位, 但到差不多6:45, 已經開始要排隊................由於佢招牌係烏冬, 所以都係叫咗2個烏冬試試先.............無骨雞翼烏冬 ($38)有4隻已起骨的雞翼, 真係方便............. 但可疑沾上一層厚厚的炸粉................ 即時扣哂分, d粉又厚又冇味, 仲衰過家鄉果d雞.............個湯底係麵豉湯, 味道唔錯, 幾濃味, 再配埋d好彈牙的烏冬..............正...........配菜就有鳴門卷, 肉豆, 粟米等.............豬軟骨烏冬 ($38)豬軟骨太瘦, 所以好鞋口........... 而且炆到散哂, 我淨係食到肉, 食唔到軟骨lor~~ 呢個湯唔係麵豉湯, 我覺得似鹵水汁, 唔知係咪炆豬軟骨果d汁呢?? 好似食緊牛腩麵的感覺..............配菜只有椰菜...............炸雞皮 ($18)原本非常期待, 但最後都係失望...............

我地食完lunch後行沙田,已經諗定今晚食什麼好,決定去甘味吧,記得之前朋友黎過呢間分店,認為這裡的食物質素相比起荃灣好好多,果陣只不過6pm,但已經有好多人排隊等入座了,從而可見人氣很高喔,到6:03pm可以入去,已經係坐滿成間餐廳的三分之二seat, 我地坐到最入的一張卡位,相當之寧靜~很好 我見到隔黎就係刺身counter,有職員在切切切~ 我點左個 $48 鐵板金菇肥牛 配二十穀飯上菜果陣,真係整個鐵板盤盛著金菇肥牛呢,又令我垂涎三尺!! 附2片黃薑,還有少許蔥花, 共6件肥牛金菇,大大片肥牛將金菇包得很好!!比95分!!唔會一夾即散開~入口非常jusicy 鐵板旁盤上仲有紅蘿蔔絲及椰菜,冬菇切片!相對黎講鐵板燒較為高卡路里+油膩點點~非常滿足的日式鐵板 至於二十穀飯, 都幾大碗,我都係食金菇肥牛 為主,因為飯的份量多,所以係左7成左右便算了~飯的味道清香~有珍珠米,紅米同糙米!軟硬適中,口感不錯附 粟米沙律::真係幾清淡~份量較多 附 麵豉湯::夠熱,不斷找豆腐粒..原來係無o既...唔會好咸,good!呢份餐有2款配菜,我認為相對地便宜吧~服務態度:: 很好,上菜夠快

繼續我的 2010年 1月篇今日 1連 3餐都在沙田覓食Dinner... 當然要陪屋企人啦雖然等待時間長但可以食到好味的食物.. 值得的！連小朋友也讚好呢！！！

早前同姑姐食過下午茶姑姐怕被妹妹覺得偏心，所以特意再食多一次下午茶不過今次由妹妹決定食邊間餐廳鹽燒雞翼 : 入口好苦，頗鹹豬軟骨烏冬 : 豬軟骨好林身，不過略厭燶左少少吉列豬扒番茄烏冬: 豬扒好鬆軟，炸得好香口!! 不過比較薄雞排蕃茄烏冬 : 蕃茄湯底要趁熱食，凍左會變酸。 雞扒鮮嫩，不會太乾紫菜炸魷魚鬚 : 炸漿偏厚，但份量多。味道亦不俗

雞扒烏冬 45元, 烏冬是配蕃茄湯底 味道尚可, 雞好味, 但實在太少件數, 只有5塊半.門口有份真實的 "便當" 食物樣本, 當日 "便當" 是68元, 樣本看似很豐富, 包括有 : 4片刺身 4件壽司 5粒燒元貝 2塊炸雜菜 1細碗粟米粒 1碗麵豉湯 1碗二十穀飯真正給客人所食的 "便當" 與樣本相比, 件件都縮細了. 那幾粒細元貝有沙, 一咬即沙沙聲,似食錯炮仗糖. 那碗二十穀飯較硬, 不想浪費, 便自行加入熱水焗軟才能食. 壽司上面那片帶子刺身是超薄, 真是細得可憐. 沙田是方便的食飯地點, 這間甘味及其他近沙田市中心的食肆都要排長隊.這間甘味是取號碼紙, 之後等叫號碼, 門口待應同一時間叫了幾個號碼, 當客人交了號碼紙後,仍然需要站在門口等, 等其他待應整理和擺放餐桌一番, 而那幾組等候的客戶, 號碼紙已經被門口待應收了, 誰先誰後, 難以辨別.其他待應的服務週到, 想他們幫忙取碗 或 加水, 都非常快捷.

等了半小時左右先有位，累死了…小妹都是第一次食呢間!坐下來，看看餐牌!點了一個烏冬、一個飯和二個小食罷了...牛肉蕃茄湯烏冬 - 烏冬煙韌、滑溜彈牙，湯底唔錯!滑蛋豬扒飯 - 份量都ok多~豆腐 - 很滑!入味....不錯~炸雞軟骨 - 不夠脆!有機會都會再去食

唔係話佢少人幫襯，係明知佢一到七點就爆多人等位所以盡早同阿妹一齊衝入去坐低, 霸埋最後一張吉枱今晚同阿妹慶祝佢入到大學，佢依然揀佢好鍾意食既烏冬真係好，幫我慳住荷包今晚叫左 豬頸肉烏冬: 依舊好食，烏冬煙韌，湯底夠味但唔會令人口乾三文魚壽司﹑鰻魚壽司京都炸豆腐呢幾樣都好食但我居然重複犯錯，叫左上次已經覺得唔好食既鹽燒雞翼，食落個面係苦ga....只怪我太耐冇食雞翼...衝動之下叫左.....

今次係第二次去甘味食之前食過大角咀奧海城間分店,味道麻麻不過今次再食,沙田哩間分店真係好味好多我相信我同老公會再黎食老公點左豬扒撈烏冬我食左兩啖,d烏冬好滑不過豬扒皮淋晒,扣分同埋我都想知正宗既撈烏冬係唔係都會有d湯係底?我點左喬麥冷麵 $38雖然係剩麵冇餸,只有少量紫菜絲 + 青瓜絲做配料而且d麵本身係冇咩味但點完佢既冷麵汁再食,真係好味好多,麵好爽身,入口凍凍地,夏天食一流另外仲叫左個炸魷魚 $2x味道一般,好咸而且炸粉多炸到個皮都硬硬地食落似KFC 炸雞

周日的傍晚, 一家到沙田新城市廣場逛逛, 看看手錶, 很快便是晚飯的時間, 為免人多而需等位, 我們很快便來到甘味讚岐手打烏冬店。甘味晚市於傍晚六時才營業, 我們於六時前到達, 發現門外已排了一條長長的人龍, 幸好, 我們仍能輪到座位, 可以吃到頭輪晚飯。我們點了以下食物:滑蛋蟹籽蟹柳讚岐手打烏冬 ($42) 本人首次嚐試的烏冬, 單看餐牌賣相很吸引, 不過吃下去感覺就一般般。豬軟骨湯烏冬 ($38)太太每次到甘味必點的烏冬, 孩子亦很捧場, 豬軟骨炆得很腍, 很惹味。加州卷 ($10)天婦羅蝦雜菜魚餅 ($15)辣汁吞拿魚手卷 ($18)晚市全店爆滿, 但待應工作勤快, 而且多次為我們添加茶水, 服務態度不錯。整個晚餐由入門的一刻到結帳離開只用了半個多小時, 點餐及出菜的效率很高。兩份烏冬及三款小食, 連加一服務費合共 $135.30。 以新城市廣場的消費指數而言, 一家三口可以吃得飽飽的日本菜, 已是很經濟及實惠。

b]呢間舖頭, 經常都有人等位, 所以只食過兩次, 食物及價$一般, 但服務同衛生就麻麻!!呢次小朋友想食烏冬, 一行四人去等位, 攞飛時話人齊入座, 叫Number果位亞姐, 一叫就叫幾個number, 全部都未入得!! 等....算!! 四人枱....話埋緊單, 小朋友好期待入內, 樹不知, 有個亞叔行去同叫number個亞姐講, 叫到幾號, 個亞姐其實就叫凸晒, 個亞姐話叫到26, 個亞叔係24, 我見住呢位亞姐唔理三七廿一, 掉晒D飛.... 不知所措就call人, 個黑色衫大嬸仲搞笑, 走去問26號飛, 想叫人地起返身, 真係crazy!!! 之後仲唔理三七廿一, 就話比我地等緊果張比亞叔 成個過程我睇住, 我問個亞姐: 你做乜比人地呀?? 我地坐邊呢?? 你自己犯嘅錯仲乜要咁呀?? 同埋個亞叔兩個人, 當時得一個人, 宋人齊丫!! 同埋當時根本就無晒位, 仲要係叫我地個number耐過24號個亞叔喎!!果個飛仔亞姐又叫call人囉, 答唔到我囉!!!! ..... 唉!! 不知所謂, 即閃啦, 無下次!!!

第一次跟一班同學來這裡用膳，聽說有很多人等位。當我來到時，依然是有很多人排隊。這裡出名是烏冬，但是我點了個免治雞肉冬菇二十穀飯。我的二十穀飯份量都好多，可能我平時不太習慣多飯，但是，女仔可以一個share食，唯一不好的是，冬菇似乎不太多，2,3粒冬菇，二十穀是否真的有20種不得而知，眼見只有很多紅米，但整體上不過不失，算得上健康，可推介。不過跟餐的面豉湯偏鹹...「沙律」的粟米不太新鮮，有點老，不甜。而烏冬，我則沒有嘗試過，但同學的意見都較正面，尤其是咖哩牛肉，而我覺得那個照燒雞肉過了火，比較燶。食物整體上都還可以，不過服務要改善一下，經常有員工執抬面的碗筷，像趕客一樣，環境不太好，好嘈雜，跟職員說話像大叫一樣...

最近要keep fit 的小儀食多了較健康清淡的湯粉面，但怕悶蛋的我當然不會甘心於日日魚旦粉啦，今次晚餐就和黑豚豬食了日式手打鳥冬~或者小儀本身都頗愛吃有口感的東西，因此再彈的烏冬也接受到~~此次在決心忍口下，2人只點了1份細烏冬和一份吉列豬扒番茄湯烏冬吉列豬扒番茄湯烏冬($40):價錢不平，份量卻小，雖然$40一客也知不能和吉列專門店的感動比美，但那一塊比快餐店早餐中吉列魚柳的份量還細，又硬又油又無味的豬扒實在久誠意得很。所謂蕃茄湯也只有一角蕃茄和一碗明顯是茄膏味的湯底，失望呢~淨鳥冬-細($11)-$11有180g，只有蔥的烏冬，湯底卻有純樸簡單的和式風味，彈牙程度卻始終不及在德福那間，但倒可算價平物美~至於其他食物，雖然沒有點，卻看到旁邊那桌的三文魚壽司十分細件，其他食物也很”行”貨，希望此店會有改善，不會滿足於有人排隧等食便不求上進吧!

尋晚又去沙田食飯想食平少少, 就揀左食烏冬之前有好幾次想食, 因為要等位都冇食到今次終於食到牛柳粒蕃茄烏冬 - 男友說牛柳粒冇味, 但湯底好有蕃茄味面豉燒雞扒蕃茄烏冬 - 雞扒是新鮮燒出來, 但燶左d炸野菜薯餅 - 很油....咸左d八爪魚餅 - 呢個漏了單, 食晒所有野之後仲要等左一陣先有, 但似食面粉, 一點都不彈牙, 更加沒有八爪魚味...所以說, 烏冬店, 好吃的就只有烏冬而且整間餐廳都好嘈, 好像去了街市

係, 又去沙田食lunch, 不過好在新城市都有幾多選擇. 哈! 今次去試下呢間烏冬, 因為想食面~ 見到呢間野應該唔錯掛. 可能12pm, 未到lunch peak hour, 所以一入去就有位, 但遲d就要等喇. 入到去, 發現餐廳都幾大, 裝潢都唔錯, 感覺幾華麗咁. service還好, 都算勤力~佢既lunch menu都有幾多款飯同烏冬選擇, 好似個個都好好味咁, 但最後我同朋友都一人要左個同蕃茄湯底有關既烏冬. 我就要個漢堡扒 (蕃茄湯底) + 烏冬配熱檸茶, 朋友要左個牛扒 (蕃茄湯底) + 烏冬配熱奶茶.我個漢堡扒 (蕃茄湯底) + 烏冬顏色好靚, 好紅, 好吸引, 而且仲有好香既蕃茄味, 酸酸咁, 即時開胃~ 先飲下d湯, 嘩! 好濃既蕃茄味, 酸+甜味非常足夠, 合哂我心意! 個漢堡扒反而被個湯底cover哂, 變得唔特別, 冇野好mention. 不過佢既漢堡扒都幾大塊下, 有d surprised. 好正唔係d鬆散扒, 唔會一咬就散~ 個texture都算係咁. 配菜有我好鐘意既粟米同幾舊蕃茄, 真係幾好~ 咁另一主角, 即烏冬呢, 就... 唔係特別煙韌囉

三月七日(星期日)同老公仔相約在沙田等,要吃個light lunch,快點消化後,再去做gym!我就提議吃甘味,都有一年多沒有吃過了!今日一時多去到,都要等位!可見他都很受歡迎!等了廿多分鐘,終於有位了!在下來,看過menu,我就選定了咖哩豬軟骨撈烏冬,老公仔就點了海鮮雜錦烏冬鍋,上菜很快呢海鮮雜錦烏冬鍋,有雞蛋,蝦天婦羅,等,湯底不錯,而主角烏冬都彈牙,有口感咖哩豬軟骨撈烏冬,份量也不少,咖哩是比較辣的,豬軟骨有三件,都好吃!