甘味讚岐手打烏冬 (已結業)

在沙田留了大半天,最後又回到了一田地下吃晚飯.朋友選了這間總是有很多人在等位的烏冬店.之前吃過一次,印象不深,但想是不差的,也不抗拒了.等了大概10分鐘就有位了.除了湯烏冬,冷烏冬和撈烏冬,這裡還有供應刺身,壽司和數款飯類.不過到此還是該試一下它的招牌烏冬,不想太多便落單了.芝麻三文魚他他手卷($12),三文魚乏味,點點芝麻也加不了多少吸引力.飯溫度太高,厚身紫菜都被倒汗水弄軟了,韌韌的很難咬開.醋飯的味不太夠.朋友要了豬軟骨讚岐手打烏冬($40),椰菜作伴,豬軟骨有不少,分了一件來吃,煮得夠入味,豐腴肥美,入口滑溜,算是不錯.我選的雜錦讚岐手打烏冬鍋($54),以鍋作盛器,內容有生雞蛋,魚肉,叉燒,鳴門卷,炸蝦天婦羅,竹輪魚蛋,紅羅白絲,冬菇和青豆.Menu上的照片可是漂亮多.湯底微咸帶甜,不似下了許多味精.烏冬軟滑帶韌性,果然不俗.天婦羅蝦淋透但蝦肉尚爽口,鳴門卷和竹輪不太淋,叉燒肉質比較乾.魚肉其實是一層薄薄的魚皮帶點點肉,軟得不討好.眾食材中,蛋迷最愛還是生雞蛋,以烏冬蘸蛋醬吃最合心.侍應工作效率甚高,但感覺都不太友善,加上人客多環境顯得有點侷促,吃完也不敢坐太久.但價錢比起相

母親節, 但母親去了旅行不在港, 其他屋企成員又未起身, 自己個肚又鬼不停打鼓只好一個人去醫肚其實想去這間食已經很久, 但每次都不自覺地走去附近的藏人今次難得無走錯路, 咁早又唔駛等位, 一定要食啦要了一個蕃茄湯牛肉烏冬 + 咖哩薯餅其實好耐之前既我, 除左茄汁外, 係唔LIKE食蕃茄的食品的不知是那時開始唔抗拒, 到而家已喜愛上雖則說是湯, 不過也很像汁很濃味, 很好喝, 起碼喝完喉嚨也不感到乾渴烏冬也很好, 有彈牙既質地, 煮得剛好, 只是覺得份量是少了點牛肉是肥牛, 係MENU內的是半生熟肥牛, 但來時已經全熟, 食落還是"UN"的而咖哩薯餅呢, 如果沒有咖哩汁淋面, 會好好多囉吉列薯餅入面的薯茸已是咖哩味, 但淋面的咖哩返而甜味較重但無得避, 只好將其放左蕃茄湯內沖一沖味最後變成了蕃茄咖哩薯餅, 而味道居然的是更加好味可惜的, 這間是沒有LUNCH SET, 一定要一樣樣咁叫所以都無叫到飲品, 因為已有綠茶供應

早排，約咗朋友行沙田，沙田貫穿多個商場，實在好大！ 我最記得係連城廣場及沙田新城市廣場以前噴水池位置，其餘地方我都唔係好認得.....行到大約 7:00 ，快啲搵嘢食，大家又唔想食咁貴，建議嚟甘味食烏冬。雞扒蕃茄湯烏冬蕃茄湯烏冬總令人回味！係我必然之選！ 雞扒 - 尚算 juicy，蕃茄湯 cover 到雪藏味；蕃茄湯 - 賣相吸引、令人醒胃！唔太油，夠味，酸得嚟咸咸地略帶甜味。烏冬 - 用上讚岐手打烏冬，煙韌彈牙！最緊要無酸味！ 配菜 - 荷蘭豆，又脆又青綠！豬軟骨烏冬 ( 朋友的選擇 )豬軟骨份量不少！總算夠腍又入味！OK 呀！以椰菜作點綴！ 湯底比較蕃茄湯遜色，咸味中略帶甜，驟眼看好似牛腩湯。 蟹籽沙律蟹籽算多！有幾條蟹柳絲，大部分係青瓜絲，呢個沙律比較淡口！牡丹蝦 ( 朋友的選擇 )因為，我腸胃差唔多食生嘢，朋友話牡丹蝦 OK 喎！

3點多4 點, 走到沙田一田, 想吃下午茶又不想去food court, 就走到地下一層吃甘味的番茄烏冬, 注意要4:30pm 5 pm 前要進囉, 否則他們會有中場休息到晚市的!!來到又是點了每次必吃的番茄烏冬, 連湯都喝光了.. 哈哈.. 這次美中不足是朋友的牛柳番茄烏冬, 不知道是不是待應漏單還是什麼原因, 等了很久, 甚至連廚房內的師傅從玻璃內看到我們等得太久都問待應我們點的是什麼.... 朋友第一次來吃, 不過就有點打了折扣囉....

呢排都好鐘意食手打烏冬貪佢夠滑夠彈牙假日黎到沙田真係多人到爆平時都會選擇下去ikea食不過今次去街街前做定research 見到新城市有間手打烏冬喎　一於試下啦等左幾張枱就有位打開menu心思思有幾樣野都想食最後order左「自稱」人氣既滑蛋蟹子巨型蟹柳讚岐手打烏冬嘩,不得了 係難食到不得了首先一飲湯底 大獲!淡而無味不特止個湯仲要係暖既好啦個巨型蟹柳又真係比起平時食既巨型 不過一夾就散 而且無乜鮮蟹柳味蟹子細粒而又有腥味 滑蛋一點都不滑 似煮過龍總之面頭既料應該係一早煮好 等有一order就直接舖係面奇怪係有青椒絲 勁格格不入好彩烏冬都仲滑滑地同少少彈牙不過成碗野 一個字可以總結:「差」至於個小食燒八爪魚餅 都係普通貨色應該係雪藏野 要燒返熱(我懷疑只係煎返熱)唉 真係請我都唔食喇下次

唔想浪費時間等位，呢度午飯時間有得BOOK枱，可以舒舒服服撐枱腳！知道這裡蕃茄湯出名，先叫咗一個煎雞扒蕃茄湯烏冬LUNCH SET，再加一個鰻魚麵豉湯烏冬LUNCH SET SHARE食。跟餐飲熱柚子蜜，加＄１４要多個咖哩野菜薯餅。　煎雞扒蕃茄湯烏冬　－　蕃茄湯一如以往香濃，烏冬既滑身又彈牙，而且吸晒蕃茄湯Ｄ味。雞扒則非常乾且有少少燶，一定要浸一浸蕃茄湯才吞得落。　鰻魚麵豉湯烏冬　－　麵豉湯跟烏冬是絕配。烏冬加了滑蛋吊味，食落去感覺唔會太單調。鰻魚份量不多，只有三兩片，都浸在麵豉湯裡，冇晒鰻魚燒汁味道，好像差點什麼的。　咖哩野菜薯餅　－　薯餅本身混入了咖哩，再淋上日式咖哩汁。薯餅炸得幾香脆，不過入面除咗薯茸之外就冇其他餡料。這裡的服務都算有效率，繁忙時間上菜及埋單速度都挺快。最大好處係可以ＢＯＯＫ位，啱晒趕時間嘅打工仔。可惜呢度比較熱鬧，傾計都傾得幾吃力。已經嚟過呢度好多次了，還會繼續幫襯。

同表姐行完街, 之後就 2 個人去食烏冬 免治雞肉冬菇釜飯 $42 - 唔錯, 夠汁夠味...鐵板牛柳粒蕃茄湯烏冬 $48 - 蕃茄湯底 good, 麵質都 ok雞軟骨餃子棒 $26 - 好味, 又夠咬口燒八爪魚餅 $20 - 唔錯.不過硬了少少西京燒比目魚 $42 - 魚好滑, 煎得幾好木魚燒茄子 $22 - 呢個就一般味道价錢真係唔錯. 下次可以再黎

個個都話佢GE烏冬彈牙，反正唔洗等位，入去試試...壽司︰唔記得係乜，一夾即散....花之戀︰普通野。鰻魚飯︰友人話好味。牛肋骨烏冬︰又話烏冬彈牙GE？淋PET PET... 一D都唔彈呀大佬... 牛肋骨咸到喊，究竟落咗咩醬咁勁？咖哩薯餅︰好味，好脆，咖哩汁味道剛好。個個都話烏冬正.... 咁係咪我唔好彩呢？

前晚星期一, 同朋友去左沙田新城市食手打烏東, 間野叫讚岐.好彩之前朋友已經等緊位, 去到等左10幾分中就入得去.我就叫左蟹子蛋蟹柳烏冬, 40個大洋~佢既蟹柳同蛋都幾多下, 蟹柳唔係平時打邊邊個d, 好有蟹味~佢個炒蛋都幾好食.到佢既烏東~, 食落好彈牙而且好煙韌, 個湯底又好清甜仲冇咩味精, 40$絕對抵食, 係美心食個飯而家都唔止啦~叻外偷左朋友既牛柳粒食, 好好味, 唔似牙, 好嫩, 下次我會試佢個隻.

是日來到新城市廣場吃晚飯,在商場內逛著逛著, 決定選此店, 原因是被門外的餐單吸引，此店提供日本菜, 也有特色飲品，而且價錢已是很經濟及實惠。餐廳環境是一般茶餐廳格局，但坐的舒服．我要的肉粒蛋炒飯有胡椒和蔥花, 味道不錯．我愛清淡，炒飯的油不多，我挺喜歡。朋友要的蕃茄湯烏冬, 湯底味道香濃，烏冬彈牙，好吃!飯餐附送蟹子沙律,份量多,抵吃! 另配麵豉湯一碗, 是熱上的,有豆腐粒, 但味道太咸了飲品要了涼粉冰，涼粉冰甜度適中，算是不錯吧！味道不太甜，朋友要了木瓜奶，後者味道不太甜，很好啊!這兒的服務態度很好,上菜速度頗快,餐廳座無虛席,最高興是如一位食家所言：終於唔洗等位都可以有得食

生日最後一站就係...."甘味讚岐手打烏冬", 由於晚上好多人, 我地都等了一個鐘先有位我地 order 了 以下食物 :芝麻雞翼 $24 - 整得好好味, 雞翼好入味. 芝麻在雞翼上面好 match 平貝 $18 - 雖然平貝好薄. 不過壽司飯真係好好味, 粒粒都似日本米 軟骨餃子棒 $26 - 餃子入面啲雞肉幾好味. 而且煎得唔太濃, 燒八爪魚餅 $20 - 味道淡了少許, 不過整得幾好. 唔太硬 or 實. 燒頂級美國牛脊讚岐手打烏冬 $58 - 牛脊 ok. 好林身. 不過啲烏冬就冇咩野特別. 同我在街市買果啲烏冬差不多 咖哩雞扒二十穀米釜飯 $42 - 呢個係全場最好食嘅. "二十穀米釜飯"感覺幾好. 唔太硬及唔太林. 雞扒都好滑又夠汁, 真係唔錯鐵板炒雜菜 $26 - 啲茶炒得幾好. 不過汁就多咗少許, 而且居然有九菜及多芽菜仔. 真係 so good原粒紅豆汁 $18 - 雖然原粒. 不過同大 c 樂好似冇分別 不過總括黎講都 ok...可以再食

經過門口，見人潮未出現，又不想去「飯堂」吃中午飯，便走進去以前曾光顧過，對他們的鮮茄濃湯烏冬有好的印象，雞扒亦煎得外脆肉嫩。另見到門外宣傳，下午五時前結帳全單九折 (連加一)結果點了這個，套餐亦附上一杯飲品 - 我點了咖啡一上菜......天啊.....這是日式的烏冬嗎！？幹嗎給我非洲雞扒一塊！？而且，雞扒亦挺肥，膏多肉少，又煎得乾！看...雞皮和肥膏至於主體烏冬...雖吃得出是日本烏冬，但品質極差，又不夠滑，湯底更不在話下，只見一片紅海，茄味？不太覺...咖啡.....非常難飲..=================總括而言，整體水準大大降低，物非所值本人認為，某日式連鎖快餐廳的早餐，味道、品質勝過此出品！如果打算光顧的朋友，建議考慮清楚，同等價錢的和x更好 (品質、服務)

一句講晒, 超嬲! 二百幾蚊食d咁嘅嘢? 本來都知呢間嘢只係普通港式日本嘢, 冇乜期望, 只求是但食飽就算, 點知埋單要成二百幾蚊, 同樣價錢早知去Pokka Café, 好過佢100倍! 係新城市同樣價錢好過呢間嘢多多聲嘅有大把, 平過又好過嘅亦有大把, 早知去 “譚仔記” 或 “唯一麵家” 都好過佢好多倍! 最貴係嗰兩碟壽司 ($70), 質素同超市幾蚊件冇分別, 同樣價錢早知上樓上食 “蜂壽司” 好過佢多多聲! 主打嘅烏冬同超市$10有4包嗰d冇分別, 我自己求其煮都好食過佢; 杯柚子蜜求其到暈, $16杯都唔係話平, 你都俾d誠意搞均下杯嘢, 求其到 “不”咗匙嘢就放人清水上枱就算? 洗咗二百幾蚊仲要食唔飽, 離晒譜!我好鍾意食, 都唔敢話識食, 只是對食有d要求同心得, 平時都好懶寫食評, 今次真係嬲到唔寫對唔住大家稍為對食有d要求嘅朋友, 市面大把選擇, 真係唔洗去呢間, 大家留番個幾會俾嗰d真係有多少誠意同心機嘅食肆啦; 呢間烏冬店就算睇到我呢個食評都唔洗點改進喇, 你自有你嘅捧場客, 但呢嗰一定唔會再係我同我d朋友及家人囉, 因為我地稍為對食有d要求嘅人跟本就唔係

算叫俾”萬豚”寵壞了，在家在外食慣熱飲水要熱(像婆婆)…在甘味之前食過一兩次，很快被冷氣吹凍…咁今次我就叫了一個熱鍋泡菜牛肉烏冬試試又如何。泡菜牛肉烏冬—烏冬係就係唔稔較韌，不過質感不嫩滑。kimchi都係與出面的一樣，湯底與一丁湯粉包一樣，五十零蚊我冇意見，係食到最後都ok熱就算。反而唯一個蕃茄餃子係較好。其實不算全素，都係蕃茄混肉餡，口感整體較濕口，平日食慣日式煎餃子我就覺得肉餡較漏較肥，這個都係煎小肥咁啦！我接受到。專程再食我又未必會，揀無可揀我都會ok。服務都中上。

想食烏冬~又唔想等吉野家個下午茶SET就去呢間試下好多人下~等左30MINS左右先入到去~係門口已經睇下想食咩~故此好快就落ORDER我地一個叫豬軟骨烏冬，一個叫吉列豬扒鳥冬(呢個佢話要得15MINS)另外仲叩左個18蚊既原粒紅豆冰同埋23蚊既溫室青蘋果爆爆珠SODA等左都係十多分鐘先上豬軟骨烏冬，湯唔夠熱~不過舊豬軟骨幾好食又大舊到我個吉列豬扒鳥冬~唉~塊野細過照片中既~而且有D UN烏冬係OK既~ 不過個豉油湯好淡下~我落左好多七味粉先食得曬~飲品都幾搵笨~特別係個原粒紅豆冰好似飲緊奶水咁~無落過椰汁~=.=OVERALL 唔會再黎~ 但都希望佢有進步