甘味讚岐手打烏冬 (已結業)

終於等到位啦!永遠的一條長龍,三點至六點又唔開.今晚難得等到第＋九張弄都不消半個鍾,唔係啲人唔等走咗,係佢地嘅運作太有係统,快手快腳,翻枱又快.個個都話烏冬好味,梗係試烏冬先.真係名不虛傳,餸就一般,但這個價錢和品質及地點是可以的.天婦羅軟殼蠏鳥冬 - 粉醬略厚什綿烏冬 - 可以

呢排節食，晚餐一切從簡，所以就去左食烏冬喇﹗唔洗等位，一坐低我就點左個海苔牛肉烏冬，而工友就要個牛肩湯烏冬﹗再加多碟炒菜大家share﹗烏冬又軟又煙韌是我經常來呢度既原因，說實以前我並不鍾意食烏冬的，不過自從來左呢間野試左手打烏冬後就自此愛上，那種入口軟糯細膩綿綿的質感，其他粉麵類真係帶唔出呢種感受﹗牛肉都幾多，半肥瘦的味道最是誘人，未算很香很濃，合格﹗我的湯頭是麵豉湯，味道香濃不嗆喉，有誠意之作﹔工友的清湯味鮮而清晰，嚐到肉類的精華甜美，正﹗另外要讚的是工友那碗的牛肩，特別貴成六十幾蚊一碗，牛肩件吃得出烤香，以黑椒海鹽伴燒，牛味相當濃郁，呢個要記存，下次再食多次﹗

安 排 坐 的 位 置 問 題 ?!有 隻 飛 飛 係 咁 飛 來 飛 去 =[]="點 了"吉 列 豬 扒 蕃 茄 湯 烏 冬 ..有 蕃 茄 味 的 唷 .. 旦 個 人 覺 得 略 鹹 了 些 。豬 扒 好 味 唷.. 唔 覺 佢 油 ..滑 蛋 蟹 籽 蟹 柳 手 打 烏 冬 ..食 完 蕃 茄 食 呢 個 會 覺 得 呢 個 有 d 甜 的 =p好 味 唷 ,, 不 論 係 蟹 柳 定 蛋 蛋 .. yummy 的* 剌 身"叫 了 剌 身 另 加 北 寄 貝 .. 普 普 通 通 ^^ 飲 品 .."凍 奶 茶 ,, 好 飲 .. 比 平 時 果 d 好 飲 @@富士apple蜜 ,, 熱 飲 黎 .. 估 唔 到 的 好 飲 " 又 夠 潤 喉 .. 仲 有 apple 粒 粒 的 正 哦 =]服 務 都 唔 錯

星期五晚黎到叫左吉列豬扒蕃茄湯烏冬同滑蛋豬扒飯 吉列豬扒肉很薄 , 雖然脆 , 但粉太多 , 肉乾 蕃茄湯相信有不少的味精 , 無蕃茄的鮮味 烏冬就稍為可以豬扒飯 的豬扒也是不行 , 入面D洋蔥淡而無味 , 蛋又太老

同三位女性朋友一齊黎食烏冬~(其實食過好多次)以往我多數叫豬軟骨烏冬(正!)而今次試新野，叫左呢個"滑蛋蟹子巨形蟹柳烏冬" $42umm...除左烏冬之外就唔太得...蟹柳普通貨，蛋無蛋味，又唔係滑蛋，蟹子又少反而洋蔥就有好多...而且仲唔係全熟既洋蔥...唔合格>_< 我今次俾OK樣！！下次都係叫返豬軟骨烏冬算~~

朋友麥兜 今日首天過這環頭上班, 大家第一次一起出去食午餐.佢地話事, 又係揀了食烏冬!12點幾來到, 唔洗等位, 馬上坐下來先.眼見隔離檯的牛柳便當好似幾正, 都係50蚊, 咁一試啦! 七味牛柳粒便當有幾片壽司的, 都係三文及蟹柳; 味不錯, 三文等都算新鮮了.漬物有兩片, 都係我喜愛的, 味爽!飯係高纖的紅米, 味ok. 但食食吓發覺有幾粒係勁硬的, 好像未熟咁.. 但都只係幾粒.牛柳一夾起已知有問題, 係好淋的, 擺落口- 果然係牛腩!唔制呀 俾返牛柳我呀....時間關係, 唔叫佢換啦...味一般啦. 七味其實係乜我食唔出...服務很好.都主動幫我們加茶4 , 5 次. 一讚.但冇牛柳, 變左牛腩, 唔制呀...睇在朋友的烏冬好味, 今次我唔喊, 哼!

今晚去試咗呢間手打烏冬, 去到都幾多人, 不過等咗一陣就有位兩個人叫咗:三文魚莿身 - 味道ok加州反卷 - 一般牛肉海台烏冬 - 呢個無食, 不過個樣ok手打烏冬 - 呢個吾錯, 食落都幾清, 烏冬好彈牙餃子 - 油咗少少, 味道一般墨魚餅千島泡菜沙拉 - 呢個吾錯, 墨魚缾好好味, 少少spicy

周三晚心血來潮個口好痕，所以來左呢度o趙彈牙烏冬﹗9:00pm先來到，等左都唔洗兩分鐘已經有位坐喇，仲要係四人枱，岩哂我呢0的歐陸身型人士﹗第二次來吃，工友點左我上次叫的親子蟹柳烏冬，我就一向貪心地點左雜錦烏冬﹗先談小吃，今次試左炸蝦薯餅，跟餐$15有兩件，以薯仔絲加上大量香蔥、蘿蔔絲及蝦粒炸成，熱辣辣的香脆，味道有點像薯餅只是以薯仔絲炸成更加脆口，最愛係佢有好多蔥，惹味﹗再來的是香炸雞皮，好老實講呢個真係超不健康的食物，係人都教唔好食雞皮，仲要用佢來炸，膽固醇反式脂肪倍升，不過老饕必會明白雞皮正是雞的靈魂所在，特別是雞翼，沒有皮我寧願不吃﹗炸得十分之香脆可口，食得出雞皮油份的豐膄，雖然工友食到第二塊已經有罪惡感產生，我依然故我都係一塊接一塊放入口，如果有杯冰凍既麒麟啤在手，應會更加享受﹗工友的烏冬上次品評過今次不談，如要資料可睇番對上一次的食評，只想說味道沒變﹗我的雜錦烏冬有豬軟骨、雞扒、日式魚旦、菜、冬菇、炸蝦及蟹柳等，其實吃的重點是烏冬，彈牙結實而順滑，四十幾蚊可以吃到好吃的真的令人滿足﹗每次叫完雜錦食物都會後悔，唔係話佢唔好食，而係最慘係吃到好食的就只係得一塊，像呢次既烏冬，豬

黑色星期五黎左呢度.....之前一直都想試....點知漏單!做飲食業大忌係漏單......又唔係炒場....咁都漏....叫左個野菜蕃茄湯烏冬.....一般啦....有D同學個番茄湯好酸好杰....有D就岩岩好....我覺得佢調D味道好逑其......quality參差.....40蚊無野飲.....一個咁既LUNCH真係好唔扺......一定無下次!有個 waiter仲係樓面咬手指..... d 人勁得閒都唔會幫你加水law

朋友2人食午餐, 今天又係出了新城.12點半, 只係等3張檯, 都好快.時間無多, 人生苦短....馬上叫了吉列豬扒蕃茄湯烏冬; 朋友則叫了蟹柳烏冬.都好快有得食. 5分鐘倒~我個茄湯都好咸... 飲了一口算了.豬扒炸得好, 幾脆皮, 肉唔乾, 不錯呢.d烏冬好彈牙, 水準保持.朋友的蟹柳最初我仲以為係一般蟹柳, 但看上去又幾真味正常, 其實幾好咬口~回家一看, 原來蟹柳烏冬真的好多人讚架服務一般.都係唔再叫茄湯底了..... 太咸....

專登黎呢間食烏冬叫左個人氣ge 牛柳粒烏冬蕃茄湯底牛柳粒夠腍!烏冬好滑~~湯底幾好飲$48 一碗,但份量少左d.......d小食普通啦...不過又係少左d.....但壽司真係唔得好似o係supermarket買果d咁仲要好細件......細normal 1/3 啦....

平時都大排長龍架, 琴日好早6:30PM就去左食DINNER, 唔使等!我地點左滑蛋蟹籽蟹柳手打烏冬D蟹柳好大舊架同埋我好LIKE D滑旦, 如果可以多D就好了D烏冬彈牙好有口感什菌手打烏冬D SOUP 好清如果係有多幾種菌就會係"什菌"D芝士年糕好好味.暖暖咁一口咬落去.就會成口CHEESE咁~仲好CRISPY TIM~D SERVICE 都幾好.雖然有人等緊位.都唔會好似想趕你走咁.仲會ALWAYS 幫加水.

話說減肥都要食飯，自己煮得多都會厭之下我地都周圍搵下有咩輕量健怡晚餐。呢日就來左呢度喇﹗新地市既甘味，聽說味道很不錯，個名就衰0的，九點幾來到都仲有成埋人等位﹗好在等左十分鐘左右就到我地喇﹗沒有耐性的我已經嘈亂巴閉﹗呢度主打既係讚岐手打烏冬，仲有咩日本二十穀米，米就無興趣喇，今日同食家來是為了烏冬﹗打開餐牌超多野食，又有刺身又有小食又有壽司等等﹗本來個心真係好想叫0的咩炸軟殼蟹呀、一口餃子呀、燒墨魚片呀又或者係鴨胸等等等等﹗不過最後理性都蓋過了感性，經過成十分鐘既掙扎之後﹗兩個肥人都係叫左$20一碟的炒雜菜﹗炒得好乾身喎﹗無咩油，岩哂我呢0的健美人士﹗我點了蟹子蛋蟹柳烏冬，食家話網上好多人讚呢﹗$40﹗湯底睇落好清，飲落卻異常清香鮮甜，飲完亦不渴喉，好味道﹗蟹柳亦不是十蚊排0個0的平價貨，蟹味濃郁份量很多，配合炒蛋增加香味，食落更有層次感﹗最重要係呢度0的烏冬，質感細膩滑溜，食落煙韌彈牙，帶有小麥味香，相當之有水準，幾十蚊就食到，佢賣$80我都肯食﹗食家吃的是鐵板牛柳粒蕃茄烏冬﹗$48湯底蕃茄味道濃烈，再配上炸蒜提鮮，呢個配搭令鮮味更出更吸引，怪不得呢碗野係呢度最有人氣既烏冬啦﹗個鐵板

今晚同男朋友出去沙田苦惱食咩之際諗起一田樓下"甘味" 好多人等位不如一試 ... 鳥冬就真係幾好味，幾 q湯底都好味 ... 仲叫左個 " 芝士年糕 " ... ( 因為男朋友鐘意食芝士 )不過又真係幾 ok，但要快快手放入口，如果唔係 d 芝士會硬左冇咁好味刺身就差 d ... 但都可以的 ... p.s. 不過佢漏左落單，試唔到軟殼蟹烏冬

７：１５ｐｍ等位等左一陣就有蕃茄牛柳粒湯烏冬－唔錯～個湯好濃豬頸肉湯烏冬－豬頸肉脆，醬汁甜度岩岩好，份量都足夠另外叫左碟炒野菜－最特別之處係ｄ木魚郁黎郁去，幾爽但係冇味仲有個大烏冬～加埋岩岩好飽曬～各侍應生既服務都唔錯～