甘味讚岐手打烏冬 (已結業)

遲放工o既星期六 , 媽媽早就o係沙田甘味搵好位, 佢話我知o係一田o個邊樓下o個層有間食烏冬o既 , 原來就係講緊甘味 , 我有聽過但一直都無食過 ~呢間手打烏冬店都幾大 , 環境唔錯 , 星期六午市一直有人群在外等位 , 人手都幾足 , 服務都唔錯 星期六無套餐 , 我地一人一客烏冬同 share 一份小食1, 鰻魚柳川讚岐手打烏冬~ 呢個係媽媽叫o既 , 我去到o既時候佢己經食左一半無見到上枱時賣相有無跟圖一樣面有沾上滑蛋o既鰻魚試食兩三口 , 味道相當不俗 , 湯底好香日式醬油味 , 甜甜的帶有鰻魚及紫菜o既香味 , 烏冬口感亦很軟韌2. 天婦羅蝦青檸冷讚岐手打烏冬~ 整個賣相很唯美 , 跟日式蕎麥面一樣 , 冷面汁另上烏冬果然係 menu 所講o既 , 格外幼細及柔滑 , 烏冬上有一片葉子, 葉子上面係柚子醬茸及胡椒醬茸既清甜又有微微辛口 , 我將佢地放左入冷面汁拌勻烏冬放落去拎返上黎會沾起兩種醬茸 , 味道好清新加上新鮮青檸汁o既酸澀 , 好有夏天o既感覺 , 而天婦羅蝦係新鮮炸起 , 好香脆 , 點冷面汁好夾 ^^3. 錫紙焗魷魚拌黑松露醬~ 的確係有少少黑松露濃香o既味

同老公普通食個晏，老公點咗牛肉烏冬(ok la)，我點鰻魚二十穀釜飯；基本上我老公食完碗烏冬，我碗飯都未到… 無問題，釜飯按我認知係要時候準備嘅到我碗飯到喇，well,個鐵兜凍既；咁個木架好明顯純裝飾；到於我碗二十穀？數極都係得白米加紅米~ 係~ 我都算喇，當自己被揾笨。到我地叫咗埋單；突然有個侍應話我個餐有miso soup+沙律（粟米加沙律汁）然後就放响我哋抬面… 之後轉身就走… 我同老公對望無奈~ 第一次嚟，都會係最後一次！

今天約了朋友到沙田食飯敘舊 ，友人提議到甘味食日本餐。平時在家得閒會自己煮下烏冬，所以出到街不是特別想食烏冬。於是，做了一個愚蠢的決定，叫一份鰻魚飯。在餐牌上看似頗抵食，65蚊有個飯，還送個麵豉湯同沙律。我心想，在日本餐廳食鰻魚飯應該不會太差。點不知。。。鰻魚的汁咸得嚇人，就算將它反過來把汁HAI 到飯上，還是超咸。魚本身離譜地多骨，食到最後朋友也勸我投降放棄舊魚。魚下面墊了一塊煎得頗老的蛋。再講送的湯同沙律，所謂沙律，是幾粒粟米，麵豉湯好差，好似在超市買的廉價麵豉湯粉沖出來，從來未試過食日本餐送的湯咁難飲！！我知道價錢不是太高，但食物質素唔駛咁差呀嘛，真寧願收貴D但好食D。朋友的照燒雞扒烏冬就無咁離譜，不過做多只可以話OK，lee 個價錢算唔錯。看來下次如果要再來，最好叫返烏冬，始終都是它的拿手菜。不過個人以後有得選擇的話，都不會再去。

好多時行開沙田都想試吓呢間嘢…但次次夜晚去都好多人排隊…(有無真係咁好食啊…)今次下午去到，無咩人，大把檯…2丁人叫咗：豬軟骨烏冬、雞扒烏冬、菠菜煙肉餅豬軟骨：幾焾，唔錯…雞扒：普通…菠菜煙肉餅：下午茶特價$15所以叫咗，後悔…煙肉只發現一兩粒，菠菜少量，大大大量可能係薯仔+粉…一啲煙肉味都無…菠菜更加無味…應該叫"薯仔餅"一次夠啦…甘味88…

同朋友去到沙田新城市廣場, 諗住去 food court 坐下, 點知搵極都搵唔到個 food court ...又問人又剩, 兜兜轉轉都係搵唔到..... -_-.... 行到黎呢度, 見到呢間烏冬, 當時下午三點幾, 冇乜人, 就入去坐下啦, 見到 d 下午茶好抵, 好似廿幾蚊 (唔記得添) 一個烏冬餐咁, 又幾靚無啦啦又好想食刺身, 於是叫左隻船, 本來諗住呢 d 主打烏冬的舖頭, d 刺身應該一般, 點知又唔係喎, 又新鮮又好味, 質素好過各大連鎖壽司舖果 d 魚呀, 好有魚味的~ 不過個海膽就削左少少...另外個叫左個雞扒烏冬下午茶餐, 都好好味, 烏冬好彈牙 (我唔識分咩讚岐啊...) 剩係知幾好味, d 雞扒同湯底都好好味~個烏冬餐好似係廿幾蚊, 本來係好抵食, 只係我地叫左隻船所以成件事先貴哂! 但我都唔記得隻船幾錢, 應該係 $19x 咁上下..... 另外我記得餐牌都有好多款壽司可以叫, 價錢係元x咁上下, 另外有魚生飯好似七八十蚊咁..... 同埋仲有好多好多款小食, 花多眼亂, 樣樣都想食因為平日下午冇乜人的關係, 我地坐左成個幾兩個鐘, d 侍應都不停幫我地

兩個人叫左兩個烏冬同兩個小食 ( 雞軟骨餃子同薯角)。先講雞軟骨棒餃子，原以為個餃子會煎得好香好脆口，點知一黎到，見到個鐵板成堆油，好核突。一食落口，塊皮好似比油浸到林晒，好似冇煎過咁，而且餃子一夾就散開。雖然味道還好，但外皮令我地極之失望。 再講薯角，薯角係配上煙肉絲，脆口，味道不錯。最後講主菜，一個烏冬係牛扒鮮茄湯烏冬。湯底既蕃茄味唔太夠濃，太甜，個味有d 似開粉煮，唔似齋用蕃茄同茄膏開成，麻麻。牛扒煎得太熟，好乾，冇肉汁，同埋好un ，唔好食。 另外一個係吉列豬扒蕃茄湯烏冬，今次既吉列豬扒炸到好乾同好窿，d 肉un 到好似犀牛皮咁，唔好味。 今次比前兩次難食左，可能因為公眾假期多人，煮得好求其，建議想試既朋友們揀唔太多人既日子先好幫襯。

我和男朋友日長水遠帶弟弟到沙田石門領獎後，到新城市廣場覓食。三人行，十二時半左右便到達。不過我還未餓，但兩位男仕已餓了！於是要選擇一間合口味，又較舒適的地方進餐！甘味門外並不算多人，而且弟弟被門外廚窗的燒牛肉飯吸引著；於是便登記入座；約十分鐘左右便被安排入座（侍應很有趣地帶我們繞過一大個圈才到座位；但其實門口一直行入便到）兩位男仕分別點了以下兩款：（1）照燒雞扒飯（日本珍珠米）﹣有麵豉湯及粟米沙律﹣本來是標榜二十穀健康米，但弟弟較喜歡吃白飯，於是轉為珍珠米﹣照燒雞扒表面較乾身，但內裡的肉也不錯﹣燒汁少了點，但味道很香（弟弟不停說：好味好味！）﹣飯的份量頗多，但弟弟也吃掉99﹪﹣如果燒汁份量多點，配以珍珠米同吃，會更美味！（2）生薑豚肉飯（二十穀米）﹣有麵豉湯（他說：喝到最底部時很鹹）及粟米沙律（沙律醬不會太多！適中）﹣生薑豚肉以小型鐵板形式上菜（落單時，侍應說：豚肉會偏油；我們覺得很搞笑，但此意見頗特別）﹣二十穀米是一碗份量，比（1）的份量少﹣生薑豚肉不算過油，有點汁；而且有不同配菜：苦瓜片、紅蘿蔔絲等﹣豚肉味道不錯，都很嫰滑﹣二十穀米不會太乾或太硬，應該是混合了一些普通珍珠米(但有待

自從星期日（二月二十六日）在此店吃過後，念念不忘，於是今日再來一次，並和媽媽一起來。我叫了：加大手打烏冬，加海帶及天婦羅蝦一隻。媽媽叫了：雜錦炒飯及麵鼓湯一碗。最後亦叫了三文魚籽及三文魚壽司手打烏冬及海帶和天婦羅蝦好正，手打烏冬好彈牙，而海帶亦好健康，好好味！天婦羅亦好正！媽媽的雜錦炒飯好好味，ｄ料好正！不錯！三文魚籽壽司及三文魚壽司亦好正，三文魚籽亦口中好得意，好好味！不錯，雖然三文魚籽係好腥，但我就是愛這個味道！服務態度很好，不錯！

本人好喜愛吃手打烏冬，所以本人今天決定吃手打烏冬，由於我今天決定到沙田的一田買我最喜愛的打麵，想起一田一樓有一間專吃手打烏冬，所以本人決定又再在吃一次。我叫了：天婦羅炸蝦蟹柳烏冬好好吃，烏冬好彈牙，好好味，外面是賣不到這麼好吃的手打烏冬！三文魚子壽司好好味呀，ｄ三文魚子係口中好得意！服務態度很好，不錯，佢地會主動幫你，又會提醒你小心熱水！很好！

在人山人海的新城市廣場，差不多每家食店也要等位，輪侯時間非我們能想像。「甘味讚岐手打烏冬」人不多，等了一會兒就有位子。對於這類連鎖烏冬店，我們也沒有什麼期望，但求有地方坐吃得飽飽。蕃茄牛肉手打烏冬：湯底很紅，但蕃茄蓉卻很少，肥牛也沒有鮮味。牛肋骨湯烏冬：牛肋骨超硬，我跟男朋友一樣咬不開。烏冬只是普通，不夠滑不彈牙。三文魚卷：三文魚不新鮮，但賣相大大舊，算是大件夾抵食。日式燒餅：超薄的餅底，然後胡亂灑上 toppings，好求其啊！（重覆）蕃茄湯底的手打烏冬，只能推薦何文田的鳴門魚湯麵亭。

是日同太太去一田血拼完,就去咗甘味食讚岐手打烏冬,其實好耐之前都想食,但次次都無經開或忘記佢既存在,今曰買完野經過見到,終於可以一試,,由於有大公司減價中,全部食肆都好多人等位,呢間餐廳算大間,枱可靈活調動,人流去得比較快!太太叫咗個天婦羅蝦拼蟹柳讚岐手打烏冬,自己就叫咗個雜錦讚岐手打烏冬鍋天婦羅蝦拼蟹柳讚岐手打烏冬>>賣相不錯啊!份量亦不少,烏冬超彈牙煙韌,正]雜錦讚岐手打烏冬鍋>>賣相幾好,有一隻天婦羅蝦,日式叉燒,竹輪卷,鳴門卷等,多料,同樣烏冬彈牙及煙韌,啺味道幾好,值得一試!

1:30pm到達便要等位..唯有等啦..真係幾多人.....相信一定係呢間分店的質素好,所以次次黎親都要等位..等左15min左右便可入座~但我地入左去之後,望餐廳門口已經無晒人等位..唉.....雖然叫1左我地入餐廳,但桌上的東西未拾好,我地企0係桌前等左5min, 我地一坐低就order食物,咁都唔算隔好耐就上菜,而我order左清湯牛肉鍋二十穀米飯(而我轉左要珍珠飯)下次都係揀返二十穀米飯較為好吃~加上又係呢道o既招牌,又更加健康!!呢個鍋幾大,幾多牛肉,半肥牛瘦~再加上一大磚o既豆腐,個鍋內有蛋白,部份已熟透~但可惜個蛋黃係熟透了 ....應該半熟用來撈飯,加上用來打散後,令牛肉更加惹味,這樣才是最好吃呢 至於湯底也是味精較為重,無特別可言~配麵豉湯我見麵豉湯出菜時,我見職員要用熱水加熱,相信用麵豉湯粉再加熱水吧,真的很熱~飲左少少~環境較為西式化,有吊燈,唔重正宗日本風味的裝修~店內職員非常busy,佢地一次過扲好多好多食物~臂力很強!!而且幾專業~ service態度不錯,經理又主動巡查有無客人的杯子無水,就加水俾客人

今日同朋友食飯聚舊, 由於想食烏冬, 之前又聽人講呢間餐廳既烏冬幾好食, 於是就選擇左呢間喇.之前打電話問過, 無 book 位服務, 一定係walk in, 我同朋友就約左食18:00 .黎到咁岩見到, 員工食飯時間: 16:45-18:00剛剛好開門, 於是位都唔駛等, 真好!!我叫左個麵豉湯牛肉鳥冬, 呢個湯底唔夠味, 我覺得一般.另外, 朋友叫左個蕃茄湯雞扒烏冬, 蕃茄湯味香濃, 幾好!!小食叫左個鹽燒牛舌串, 呢個都好好味, 可以一試~

星期日 6點多 去到 等左一陣位叫左個咖哩雞扒飯 + 蕃茄麵豉燒雞扒烏冬 炸墨魚咀加$12蚊 叫埋3文魚手卷 , 加州卷炸墨魚咀好快就到了蕃茄麵豉燒雞扒烏冬 分開上既好濃蕃茄味 d烏冬都唔會”林”唔錯麵豉燒雞扒係無麵豉味既 , D雞細舊左少少咖哩雞扒飯 有d甜啊 仲有個麵豉湯 同粟米沙津 無特別3文魚手卷 , 加州卷都同平時個d差不多炸墨魚咀夠熱 不過好少下雖然好多人 不過服務都唔會話好差

今日去完一田掃貨後, 又累又餓, 想找一間店歇歇腳, 剛巧這店位於電梯位置附近, 故不思不考便選擇了在此進餐!原來已是晚上九時多, 怪不得大約等了不到五分鐘便有位了, 我和皇妹各點了蕃茄吉列豬扒湯烏冬、蕎麥冷麵、三文魚手卷。蕃茄吉列豬扒湯烏冬: 蕃茄湯好濃, 烏冬很煙韌彈牙, 但那塊吉列豬扒簡直是敗筆之作, 平時一夾就散大多形容壽司飯很散的時候用, 我今次竟然可以用在豬扒上, 看似很香脆的豬扒, 肉質本身又乾又薄, 夾上手時竟然肉與外層完全分離, 這個只可說為吉列粉皮與厚豬肉, 並非吉列豬扒!蕎麥冷麵: 麵的份量很多, 冷麵配以冷麵汁一起吃, 感覺清新!三文魚手卷: 三文魚的份量小得可憐, 只得卷面的三分一, 而且唔新鮮, 用作包手卷的紫菜已經受潮變軟!後感: 本應在又累又餓的時候, 吃的東西都分不清好與壞, 但被那塊該死的吉豬令我食慾大減, 你們能看到那張牛油紙有多油膩嗎?