瑞記咖啡

营业中

休息中

星期日我一瞓醒已經係下午了,由於星期日上環有好多餐廳都無開, 媽咪就提議去上環街市熟食中心,我地去左瑞記, 果度個叔叔好串架.你叫慢D佢就走左去架啦!不過佢地d野食真係唔錯,我地叫左西多, 蛋牛包, 牛面, 樽裝奶茶西多同出面既做法好唔同,呢度件西多係白色, 加左好多煉奶.唔會好似出面果d一口油, 好味!本人唔鐘意飲太甜, 所以覺得樽裝奶茶偏甜左.蛋牛包加左蔥, 香好多牛面係用出前一丁, 所以係丁面味

因為由細到大都係九龍人,好少少會過嚟香港呢邊,所以唔會點認識香港島既老牌食店,但近年多咗九龍香港兩邊走就開始留意吓啲好評既店舖而瑞記可以話係去得最多既一間.雖然瑞記已經入咗街市內,但每一次去既感覺都有啲返番去70,80年代大排檔既感覺.香滑既奶茶,咖啡,簡單而好食既食物,正正就係瑞記既寫照.而家已經好少飲奶茶,畢竟好難搵到心中既奶茶,有茶味可能又唔滑,滑可能又冇茶味,最壞就硬係又鞋又冇茶味.瑞記既奶茶雖然未完全做到十足十,但每次我都會叫番一樽試試,其實應該係叫熱奶茶可以更深入咁試到,但佢嗰樽奶茶實在太吸引.唔會太甜,滑,茶味是欠決少少,但可以滿足我既味蕾已經足夠了. 另外叫了蛋牛飽加蔥.我本人是很喜歡蔥.蔥這個東西有些人很討厭,但喜歡的人就愛死了.麵包係烘得香香脆脆的,蛋混合著碎牛,加埋我最愛既蔥,簡單的食物但非常好吃.我和我女人要一人一個才夠呢.每次去瑞記的時候已經是午飯過後的時間,所以人不算是多,雖然人不算多,但其實都要等一段時間先有嘢食.所以去瑞記要享受嗰種閒情逸緻既心情就要等佢少人既時候去會好啲.睇吓老闆既爸爸悠閒工作,老闆同街坊閒話家常又可以消磨個多小時,感受一下小店既可愛之

17-5-2013(五）是日是佛誕，下午做乖乖女，約了媽媽在中環逛遊。上午，我一個人先出來中、上環逛遊，影下街景相。今天天氣甚熱，那就先去喝一支已多年沒喝過的冰凍奶茶 --- 就是 瑞記咖啡 的樽仔奶茶了！賣相可愛！運用玉泉汽水樽裝著奶茶，一早放入雪櫃，無須加入任何的冰塊，取出來也是很冰凍。喝下一口，口感順滑，茶味濃，奶味重，又夠冰凍，能驅走一下初夏的熱氣，正！

一直都想去瑞記嘗嘗遠近馳名的奶茶同蛋牛包，今天終於有機會啦！ 早早的起來，去瑞記吃了一頓豐富的早餐，一來到瑞記，可能是時間較早的緣故，所以比較少人。抬頭一看，就看到寫著舊式數字的餐牌，枱凳，很有懷舊的感覺。向老闆點了馳名的樽仔奶茶同蛋牛包，老闆便馬上進廚房弄，不消一會，就拿了奶茶出來，與之前平時喝凍奶茶不同，它用汽水樽裝著，沒有加冰，飲下去有種涼快的感覺，順滑之餘又有茶香，甜度適中，最重要是夠凍，good taste! 極力推介！O(∩_∩)O過了一會，蛋牛包來了，熱乎乎的，與平時吃的不同，它是用熱狗包做的，而且是烘過的，格外鬆脆。打開一看便聞到陣陣蔥香，配上炒蛋同咸牛肉，很有新鮮感，味道也很夾 吃完之後很撐呢！(可以挨到很晚才吃飯，呵呵) 快吃完的時候，我輕悄悄地走過去窗口八卦一下，看到阿姐將熱乎乎的奶茶倒落一枝枝汽水樽里，準備拿去雪藏，事事親力親為。=] 我想：這就是吸引顧客的原因吧！

2012年對於我暫時來說是最不好的一年，回想以前自己至會係係度打食評，周圍去行下影下相！所以2013年，身為素食者的我，決定以２３年自身素食經驗以及Outgoing 四圍搵四圍食的精神以「素食達人」自居！由面書專頁－素食達人之專頁　　開始給自己一個目標！以小小之力推廣素食！希望各位Blog友會支持我喇！以後我會Openrice 同Facebook兩邊一齊食！一齊寫！說回正題，上環，我多數放學後去太平山街個邊行下，因為個邊有好多特色小店，而且小店多賣一些非主流品牌的衣品；仲有個頭的Coffee Shop亦好好！例如茶家！「瑞記咖啡」其實來過兩次。今次係同一班同學來；老闆整的呢個「西多」就同平時係茶餐廳食的不同！呢度的西多係用旦漿煎起，再配以鍊奶食用！感覺無咁肥無咁油！而且無咁溜！配埋餐廳的「樽仔奶茶」，一個簡單的港式下午茶！不妨去試試丫！

今天大年初五，適逢西方情人節，在下謹祝天下間有情人終成眷屬，快快拉埋天窗，在下也希望能夠與饞餵妹，結束愛情長跑，組織二人家庭。經過兩天與饞餵妹一起逛街，今天她要上班了，只有在下一人走到上環覓食，並到一早安排好的食店。今天既然有目標，就軀身而來，到上環的市政大廈。然而在下一直有一種感覺，就是市政大廈的衛生問題，一向都是麻麻地的，可是有一次當在下行市政大廈的熟食中心，發覺到熟食中心的衛生已經改善了不少，也令在下從此改觀不少。今天人在上環市政大廈的熟食中心，就要放下身段，到瑞記吃一個滿足的早餐。雖然昨天也有打算到來造訪，可是在下還是覺得昨天仍然是假期，也許未有這麼早啟市，所以就安排了今天。在下還沒坐下來，便點選了樽仔奶茶及蛋牛包。不消一會，蛋牛包上桌，單看外表，已經知道是好好味，麵包採用了熱狗麵包，夾雜著豐富的蛋牛。拿起手來，麵包熱呼呼的，吃一口蛋牛包，滿口都是洋溢著幸福的感覺，皆因麵包烘得很脆，外脆內軟，而且蛋牛配合著蔥，令口感更豐富，而且很熱呢！奶茶用汽水樽盛載著，並沒有冰塊在奶茶內，加上奶和茶調校完美，使茶味溢出，也品嚐到茶的原味，而且茶也十分之滑，而且是水準之上。上個月在下曾經在下午

瑞記的招牌凍奶茶，先將奶茶注入汽水樽，再雪凍。奶茶夠冰涼，而且茶味很香濃，飲起來很順滑，簡直一流檸茶送來前已經預先加了糖，另外茶味唔錯同一般的西多士不同，瑞記的西多士是煎的，而且用煉奶取代糖漿。由於西多士要一個一個煎出來，因此要等較長的時間。多士很鬆化，而且散發着蛋香味，配上煉奶，正！芝麻包輕微地烘過，因此表面是脆脆的。入面夾着鹹牛肉炒蛋，蛋牛很滑，帶有一陣鹹香的味道，而且在蛋內還加入了蔥花，吃起來有一陣蔥香味，令整個包的味道更出眾

一般啦!!! 有少少失望囉!!1:30去到, 等到 1:55 先有得吃!!!!點了鮮牛米, 一般味道囉!!!! 但枝奶茶真是幾好飲嫁因為趕時間, 唔知要等甘奈 所以等了五個字, 吃得一個字!! 大排檔地方就唔會預好乾淨, 但呢間,我吃的时候有隻很小的小強係wall上爬下爬下………………………………..呢度落單方法都要改善下, 因為果度無落單的程序, 單憑老勢記憶落單, 容易流單, 和無分先後次序!!!lol 老勢淨係拎住碗野黎話: ‘邊個叫左牛肉麵?’舉手舉得快就係你嫁囉!!未試egg 牛包!!! 應該會再幫襯!!

一支公走過來上環揾食。事先已鎖定目標 --- 首先到市政大廈內"端記"喝樽仔奶茶加蛋牛包；接看便到旁邊"聯興"來碟沙嗲牛河，這一頓飯就功德圓滿，很令人滿足了。怎知原來"聯興"週一是休息的，白白摸了門釘，真是掃興。最後只好先到瑞記喝茶吃包....跟年邁的老闆下了單，他就馬上將芝蔴軟豬放入焗爐烘熱，再慢慢用罐頭刀開了鹹牛肉罐頭後再溝蛋下熱鑊去炒，未食已先流定口水....店自慢的樽仔奶茶是冷喝的，用了玉泉忌亷樽裝起來是懷舊味十足。不過嗒落卻是有欠茶香及甘味之餘韻。唯一的妙著是冰得夠凍之外甜度是調得頗合個人心意的....另一招牌作蛋牛包的包皮經焗爐烘熱後變得卜卜脆，包身極軟綿，熱呼呼的擺入口當然是人間美味；鹹牛肉炒蛋雖不算很滑但好味之關鍵在於牛肉的鹹香以及大量蔥花在炒過之後飄來的香氣。令人不自覺食啊食，轉眼間就將整個包KO...只是一包一茶固之然未夠喉，既然與沙嗲牛河今日無緣，唯有轉戰別處再行吃喝好了...

前一次特地來吃結果吃了閉門羹, 今次先打電話問營業時間才去吃~去到3點多, 有幾台人, 入去諗住叫野食, 老細話坐多陣先. 因為仲整緊其它, 所以連落ORDER都未落得. 如是坐係度等左10分鐘度, 終於叫得野食啦~要左樽仔奶茶, 蛋牛包同西多士.再等一陣, 凍冰冰既奶茶同熱LA LA既蛋牛包西多士黎啦!奶茶個味好濃茶味, 加上樽仔做型~ 讚!蛋牛包內裡豐富, 每一啖都有碎肉同蛋, 咸味適中. 仲有葱, D葱既味令到個包增色不少仲有個包HON過, 所以脆脆地, 唔會因為D餡LUMP左.仲有西多士, D煉奶多到~ 看落去以為會好油, 但食落完全無油或者肥的感覺, 仲有蛋香味~ 有好輕微既脆, 唔會好似出面D西多咁咬都要用力. LUMP得黎KEEP番西多既風味!平時個D西多, 女士們一定食幾啖就算, 但呢個食左一啖一定無法抗拒繼續食落去!

已經連續幾次下午茶嚟咗瑞記食, 都唔錯~ 所以寫番個食評都好應該。。。都係嗰句: 2013, 為食貓我唔好咁鬼懶!!! 寫多幾篇都好應該啦, honey帶你食咁多好嘢! 幾次嚟都係3點幾咁啱洗地, 成地泡泡, 所以唔喜歡者要早少少又或者遲啲啲至好嚟, 因為都真係"好大陣丈"...講番食物先, 我哋叫咗蛋牛包加蔥, 佢嚟咗兩個都唔記得加, 咁我哋又無食lunch, 所以re-order多一個, 幸好終於記得落蔥, 始終加咗係香好多, 包就好食, 暖暖的, 並唔係烘到皮脆脆的做法, 但我鍾意呀~ 可能先入為主, 我覺得依家咁係佢個style, 總之食入口, 係覺得特別好食同抵食; 再配埋支樽仔凍啡, 又厚身又滑, 飲得多嘅... '睇相'都得出嘅, 真係幾得呀! Honey支凍奶茶唔駛問啦, 如果'唔得'你都唔駛旨意佢再嚟再叫啦, 所以用呢個準則, 即係'得嘅'! 煎西多士係啱啱今次去食影嘅, 心機之作, 依家出面茶記一般都係成件炸..."阿水"得閒用pan慢煎俾你咩?! 嘥多幾倍時間都出唔到俾個客喎....瑞記就仲肯做呢啲功夫嘢, 你肯等, 佢慢慢煎靚佢至出俾你,

慕名而來，一直以為瑞記如其他名食店般，任何時間都人頭湧湧，怎料我們到達時卻水靜鵝飛。事先做足功課，點了大受歡迎的蛋牛包、西多士，由於不喝奶茶的關係，這部份品評交由摯友代勞，我則要了一杯熱唂咕。落單之後出現一些外賣客，店方會先處理他們的柯打，所以我們等了頗久方有食物。蛋牛包份量不賴，麵包輕輕烘過但仍欠熱力，更遑論能出現外脆內軟的效果。細嚼時感到濃烈的燶味，打開麵包一看，看見有些位置黑黑的，明顯是煎得過火，而這厭惡的味道亦掩蓋了食物應有的美味。蛋不是十分極嫰滑那種，但不會乾巴巴，配合鹹牛肉和葱花，是家庭式的風味。西多士不像坊間般以滾油炸成，而是把麵包沾上蛋汁後用鑊慢煎，整體上油份較少，但外層同樣有香口的蛋漿，近邊位更會脆口。夾層沒有任何醬料，只有薄薄的牛油，另以煉奶代替糖漿，但同樣甜美。聞名的樽仔奶茶不能獲得老友歡心，她說茶味及奶味均不夠，所以只喝了半支便卻步。我叫的熱唂咕反而不錯，味道香濃，只嫌甜了一點。走的時候，朋友說附近的皇后街街市有更好的食物，期待日後有機會一試。

和同事食下午茶，就試下上環街市嘅瑞記茶餐廰剛上到去洗緊地，大多食市都關了門, 不過瑞記有開不特止，還滿坐，等咗兩三分鐘有得搭抬忌谦樽裝凍奶茶，味道唔會太甜，夠凍正牛肉米，普通西多士，怕肥唔好食，唔怕肥就係極品，包唔係炸到金蔩色那一種，似係煎出来，唔係用糖膠改用煉奶，老细落咗好多煉奶，超好食蛋牛包用熱狗包, 蛋牛煎得好又係正老细不停入奶茶落樽價錢平, 好食一定有下次

常常覺得住在上環西環一帶的人都很有口福, 因為正當霸團逐漸吞併港九市區變成周街都是亳無特色水準的連鎖餐廳之際, 這區幸好尚未受影響, 內裡仍有不少隱世食店值得特地前來, 每次來到這裡吃完都滿足到喊. 說我誇張? 當你住的附近只有大型商場, 重重被連鎖店包圍著, 連一間像樣的粉面小店都沒有的時候, 就能完全體會到我的心情.今天又來到這裡找吃, 目的很簡單, 就是要嚐嚐馳名的'樽仔奶茶'!這家瑞記也算是老字號, 座落在上環街市的熟食中心內. 假日下午三時多來到, 正好遇著洗地, 弄得滿地都是滑滑的泡沫, 街坊可能都知道時候吧, 所以店內人不多只有4,5個食客.店子員工不多, 厨房只有一位阿姐在煲茶煎包, 店面就只有個年上七,八旬的老伯伯在忙, 由落單, 捧餐都是一腳踢. 看到如此情境我們也不好要他來服侍, 就自行找個位子隨便坐坐好了.餐牌就是一大個的掛在牆上, 食物其實不算多, 都是些簡單的三文治, 多士, 想飽肚一點的也有餐/旦/牛等基本配料粉面選擇. 這也算是合理, 畢竟厨房內阿姐只有一位, 總不能要求太複雜的菜式吧. 價格大都在十到二十元不等, 收費算是相宜.我們午餐吃得飽, 淺嘗一

跟Oli食完午餐，時間許可，便走到瑞記飲杯奶茶。坐下，不其然的叫了西多、奶茶，都好啦，吃點甜都冇壞。柯打東西後，抬頭望望，竟又遇見識人，去打個招呼。西多不是炸得金黃的那款，是用上蛋包，有幾分像赤柱泗益的出品，吃起來有蛋香，邊位脆，加入煉奶代替糖漿，同樣甜美，是做得出色的。奶茶是用汽水瓶裝的，茶味奶味均濃郁，喝到尾也不會變淡，值得一試的。飽到晚飯也不用吃了。