琼姐泰式私房菜 (已結業)

生日都唔知去邊度食, 自己既另一半亦冇諗過帶我去邊度食, 唯有我自己提議。當日去完海洋公園遊玩一番之後, 就去左呢度食~ 冇book檯好彩都剛剛仲有2個位。2個人叫左4樣野:1) 炸蝦餅 - 好多件, 好好味, 好熱!!2) 生蝦刺身 - 好多隻, 辣得黎好過癮, 可惜唔夠凍3) 青咖哩雞 - 其實冇乜點食呢個, 不過好多舊肉, 平時果d得三幾件架咋嘛4) 泰式炒通菜 - 又係好大碟~ 埋單$200左右, 其實價錢唔係勁平, 但就好大碟, 好好味, 大件夾抵食~多d人既話就可以好抵囉!不過話時話, 好彩佢個窗有少少佈置同埋我有張卡片, 如果唔係點會搵得到?! 上到去, 我都猶豫左一陣, 好彩有個泰文既超細招牌....其實點解唔可以揚d呢?

想吃泰菜，銅鑼灣選擇其實不少，除了較出名的泰簡單及金不換泰國餐廳之外，位於時代廣場附近的登龍街也有一些平民廉價泰菜，其中泰成餐廳一向都人來人往的，不想等位大可行多兩步，步入唐樓上一層，就會到達位置隱祕的琼姐泰式私房菜。 <琼姐> 格局是絕對的私房，沒有華麗的裝修，只有簡單的餐桌布置，感覺跟食住家飯差不多。是晚胃口不太好，就來一客柚子沙律及泰式炒金邊粉填肚算了。先來的是泰式炒金邊粉，賣相一點也不考究，材料包括鮮蝦、肉絲、蛋絲、豆腐粒、芽菜等基本配搭，金邊粉炒得相當乾身，沒有出現油淋淋情況，平實中的惹味，是這道菜的驚喜。將整碟炒粉清掉後，即叫即做的柚子沙律終於登場，大大只鮮蝦已經相當吸引，想不到急凍的沙律出來的味道甚為濃郁，柚子粒更是相當 juicy，一入口水份就立即爆出，想不到在這名不經傳的泰式私房菜，找到了目前為止最令我印象深刻的泰式沙律。看見鄰桌的爐燒魚，不禁想起當日在深水涉泰食得相當痛快的街邊檔窮鬼局，不知琼姐水準如何，或者搵一日跟好友來這裡再大吃一頓吧！

星期六 六點半上去，因為之前打定電話問多唔多人book 位, 上到去唔使等位~GOOD!老板娘同我講唔怕, 因為d 人多數book 左七點半八點呢d 時間~~兩個人叫左三餸一湯+一碟白飯生蝦刺身 - very good, 值得推介炒肉碎(辣) - 唔錯, 送飯好好味冬蔭功湯 - 我同朋友都覺得唔錯, 唔似D 人講得咁差~柚子沙律 - 差唔多食完其他野先上，有D 失望....唔係太吸引~唔好期望環境有幾好，不過整體黎講我覺得唔錯~~上菜速度都ok(除左個沙律)我會為左個生蝦刺身再黎呢間食~~~不過驚要等位的人，可以之前打電話去問下先~老板娘好nice ga~~

朋友帶來食晚飯, 時間大約20:45 - 21:00到 , 有兩張大枱可以坐7-8個人, 兩張4人枱及一張2-3人枱, 環境同衛生都勉強合格, 上菜速度必須盡快改善了~!!!

昨晚和d朋友去試下啦, 睇過亞視黃麗梅節目介紹, 上到來openrice 的食評又唔差但係, 真係冇想像咁好囉~~不過不失首先, 環境雖然冇乜裝潢, 但我覺得可以接受至於冷氣, 真係好熱, 果度有二部冷氣, 但開到只肯開一部, 要坐滿人先開第二部, 仲要佢其中一部係家用果種分體機, 冷氣真係好了弱, 加上泰國菜都係辣架啦, 一路食一路標汗~~~服務, 唔多好, 果個上菜/樓面姐姐, 塊面勁黑至於食物, 佢的粉量好細, 一放低一人一塊已經冇曬, 所以叫佢好多野都食極唔飽, 所以我建議來食, 以4-5個人最好, 有7-8個, 真係樣樣試一件, 完全 唔覺有野落肚, 加上佢上菜速度很慢, 相隔成15-20分鐘先上碟菜, 呢種情況, 真係食極都唔飽~~~ 至於味道, 其實係ok的, 很多款都幾野味, 好香口, 但係味很濃~~且而可能我地叫很太多款野, 發現有部份菜式係相同味的, 但材類唔一樣, 例如, 生蝦個汁, 同好多款菜的汁都係一樣~~所以, 感覺好似食來食去都係果d野咁~~~至於好多人推薦的海南雞, 真係麻麻地咋喎, 首先雞唔滑(都唔係鞋果隻種), 隻雞好肥, 皮下層油好勁~~~味道唔夠

之前OPENRICE顯示呢間私房菜係無得預約留位, 唯有6點幾收工就即刻去攞位, 點知去到一個人都無, 同個老闆講話OPENRICE度無SHOW佢地既電話, 無得BOOK位, 點知今日上黎OPENRICE睇下, 就發現加左電話啦! good!我地兩個人, 叫左辣生蝦, 海鮮炒菜, 冬蔭公湯 & 蚝餅, 3"送"一湯個生蝦D汁好辣, 好野味海鮮炒菜 = 蝦炒菜冬蔭公湯就稀左D, 似冬蔭公滾湯蚝餅好味, 好大碟, 兩個人食唔晒由於3個菜都係蝦, 全蝦宴咁, 個湯既蝦無炒菜D蝦咁好味, 可能煲過湯啦總括黎講味道都係OK既, 環境係差少少, 直頭係住家變餐廳, 無裝修, 陰暗, D枱大大張, 同隔籬枱好近, 食到7點幾都有5枱客, 個個傾計都幾嘈. 勝在唔算好貴, $50起一個菜, 兩個人食左210元. 因為聽到D人打去留位會留埋牛腩, 下次會搵多幾個朋友黎試多幾款!

很久前在有線看到亞蘇介紹, 但無地址, 於是到此網站搜尋, 竟然找到, openrice 果然利害. 網友食評不錯 (通常可信度非常高), 於是欲欲一試, 等了個多月, 終於在今個星期一同朋友去試食. 上到樓, 門面都有少許嚇人, 環境似去找一樓一, 但好彩, 那兒沒有黃色招牌, 條街全是食肆, 應不會給人誤會. 入到去環境好似屋企, 去探朋友咁樣, 大約七點半去到, 裏面有約五張分別可坐5-7人的枱, 大部分已坐滿, 好彩還有一張, 我想如果是黃金時間或人多去, 都是先訂枱比較穩妥.點了3個餸, 烤烏頭魚, 炸蝦餅, 炒菜, 不過不失, 沒有亞蘇說得那麼吸引, 但都好抵食, $189埋單, 不過我見隔離枱點的食物不錯, 那個咖哩很香, 又有職員介紹的聖子, 看來不錯, 早知聽她介紹, 我相信那食店每日應有一些當日比較好吃的餸, 看她買了什麼, 她也介紹我們吃柚了沙律, 可惜轉頭已說沒有了. 所以不防點菜時問問那小妹妹今天有什麼好吃.上菜不太快, 我見到只有一位女士在煮食, 應是原因之一, 但正好可以慢慢吃, 不似一般銅鑼灣食肆, 趕頭趕命, 吃完要找另一地方談天, 感覺好似在家

抄雜菜-椰菜,粟米芯,甘荀片,秀珍菇,椰菜花抄芥蘭-炒得好淋,有'獲'氣,仲有秀珍菇冬蔭公(大)-番料落得好足,不過材料唔多,得d蝦仔同埋秀珍菇-係6-7個人的portion炸蝦餅-普通炸春卷-普通粉絲抄律-粉絲唔多,又係有秀珍菇,有魷魚圈,大蝦,生洋蔥,ok fresh鹽焗鳥頭-唔係整得太鞋,啱啱好.條魚有成個碟咁長,個dip係有少少蒜蓉味的醋蝦刺身-13隻,有一片蒜片o係每隻蝦上,個dip同魚果個一樣,感覺係同日式o既唔同o既..青咖哩雞-唔似青咖喱,不過d雞都新鮮,咖哩唔係太滑,較稀,好似水咁蒜蓉包(5片)-無蒜蓉的牛油烘法包service唔係太差,又有電視睇,係地方唔係太乾淨,冷氣唔係太夠,菜上得唔係太快,不過慢慢食都ok丫..又抵食.不過menu係無價錢的...唯一有係蒜蓉包$15

我和女友都很喜歡吃泰國菜,而早前經朋友推介, 便和女友試試。我們大概九點半到達, 一如朋友所講, 很多人, 我們等了大約九個字才有位。入到去覺得有少少迫,裝修一般。不過可以接受。我們是次叫了:-1.)生蝦刺身--很新鮮,不腥,汁很好味。不過如果可以辣少少會更好。(我和女友都很吃得辣)2.)冬陰公-- 不過不失。味道幾香同埋幾多蝦3.)炸蝦餅-- 好好味!! 好香蝦味,新鮮炸起好脆,粉又唔厚。點的醬汁很醒胃(一定要試)4.)蠔仔粥-- 名不乎實!! 因為粥入面個d絶對唔係蠔仔,好大隻,而且好多!!! 味道又好。$35 仲抵過打冷5.)鳳爪沙律-- 有水準6.)黃咖哩配蒜蓉飽(因沒有薄餅)-- 咖哩可以,雞幾滑很遺憾試不到招牌的海南雞飯,因為沽清。食咁多野埋單都係$210 超抵....其實仲有好多野想食,不過我地得兩個人,唯有下次來過。已相約朋友於星期五再食。最後好想講下負責招呼的那位女仔,好多網友都話佢態度差, 黑口黑面, 我覺得大家要體量下佢, 因為全場得佢一個, 落單,傳菜,執野,加水等.... 佢既招呼都唔太差。

海南雞飯的雞肉好嫩,又有雞味,第一次食到咁好味既海南雞飯,好好味.不過招呼實在太差,個女侍應黑口黑面,要檢討一下.

很難想像過這是一間食肆。由大廈門口那道黑色鐵閘，轉上一樓到達門口，若不是門鐘旁那幾個泰文字，實在沒有勇氣推門而入。這是我所認識之中最民居的私房菜。一看餐牌，心想這次可以狂嗌了…冬蔭公(小辣)﹑炒大蜆﹑咸魚芥蘭﹑泰式蠔餅﹑蒸烏頭爐魚﹑燒豬頸肉﹑柚子沙律﹑青咖哩雞﹑蝦刺身﹑蒜蓉飽…四個女仔，叫以上10 樣菜，份量都算多，但又完全掃清光，真係又佩服自己，又佩服阿琼姐。(但一路都未見到邊個似係琼姐，有一個後生女，應該似係之前的食評所提及的太子女，因為見她態度真的不是太友善…去廁所必經廚房見一男人，應該是大廚…)我最喜歡「蝦刺身」，其他地方食過很多次，有時會覺得腥，又怕不乾淨…但今次感覺最美味，酸酸辣辣，加上一片蒜頭，好味到不得了。但辣味會過兩分鐘後忽然一湧而上…我相信不會有問題，起碼我現在三個小時後肚子仍沒有事。第二最愛「蒸烏頭爐魚」，平時我不是太喜歡吃，總覺得那些肉很”鞋”，但今次由肉到汁都很濃味，不禁把魚肉及湯都一一幹掉。喪叫喪吃一輪，埋單竟然不用HK$500，可能比去泰國食更平，實在無話可說，決定有機會再搵多些人全個Menu叫哂。

I went with my family on Saturday and we had a great time! We ordered 12 dishes and food was excellent and portion is quite big. Their food is very authentic.Only disappointment is Garlic Bread and Hainese chicken. Garlic bread is dry and almost no garlic and butter. Hainese Chicken was microwaved...Service is good. Felt sorry for the only waitress in the entire place! But she tried to help as much as she can.But all in all, we had a great time and definitely will go again!

星期五晚6:45沒有預約上到去，老板娘稱8時要交枱.因為兩周前d熟客已經訂曬.她女兒負責接待，黑口黑面態度幾差!叫了蝦餅、生菜包、泰式金邊粉、黃咖哩雞、她女兒建議加一客蒜蓉包撈汁.等食物上來的時間都幾長，人客一堆堆也上來! 差不多7:50d野才黎曬，嘩覺得比個女老點，兩個女仔根本食不曬呢?!?而且上枱沒有先後次序，份量頗大，d人客都看著我們表現，咖哩雞幾滑，不過骨多過肉，生菜包-d菜很新鮮，d朱肉咸咸定必生菜同吃;蝦餅一羅八件-單食蝦餅都飽左(不過炸得幾好味)，7:35來了金邊粉係超大牒並勁多芽菜(粉與料不均勻)，7:45來既蒜蓉包最求其，明顯蒜蓉點落包的位置是"係敢椅"但超大舊(並不是一片片)，有幾舊是白色的oh?!總括來說，味道一般，沒有什麼驚喜! 味精幾重，食完強烈飲水感.

無可否認，題目中2種事都可一齊於這裏進行。but：體量吓la！一個煮、一個執碼、另一個要招呼(最忙時有21個客)！ 消滅了：冬蔭公湯(大辣)對自己來說不夠勁！肉碎生菜包：味道幾香，最好是有足夠的菜片給客人包肉碎吃。鹽焗鳥頭；有少少黃油，肚子內有很多肥膏。湯河；無牛肉、無鷄肉，只好將就要豬肉la。送來時有肉片跟自製肉丸，不過味精就多了點。最後來生蝦刺身，14隻！太太食到差點噴火，不停說：好辣、好辣、好辣！！！！！！！！！自己就覺得剛剛好。2coke 2beer$305.00OK LA！

大約一個月前有個朋友睇openrice發現呢間泰國餐廳, 第一次去真係覺得佢吔好慢,不過之後去第二、第三次都OK,因為第二、三次我地10個人已經唔洗睇MENU都知叫乜,一O黎就狂叫。不過唔知係唔係物漲船高,第二去已經發覺佢加O左價(每碟大約加O左$5)。必食之選:海南雞飯(D飯好正, D雞又好鬼嫩)生蝦(記住食理塊蒜頭)鳳爪(本人至愛)木瓜沙律(酸酸甜甜,好好味)豬頸肉(肉質鮮嫩)Sorry 本人真係唔記得幾多錢因為我地狂食狂飲, 每人只不過係2百幾蚊。記得係狂食狂飲.....