琼姐泰式私房菜 (已結業)

今個月頭和幾個舊同事吃生日飯，又是本著試新店的心態，卒之去呢間泰式私房菜，店舖位於登龍街樓上舖，講真店舖外觀內在都有點簡陋，很住家FEEL，店內只有5張檯，我相信是可以自由組合的，可大好小的。食物質素平均，價錢便宜，4個人叫了9樣食物，也只是$415.00，而且部份食物又有分大小SIZE，好USER FRIENDLY，我會給她三粒星，但8時後開始多人客，現場便較嘈吵，並且上菜較慢。生蝦刺身(14隻- 約$55)OK LA豬蝦餅併蝦春卷(好味不過好熱氣)頸肉木瓜沙律$45 - 沙律又酸又辣，麻麻地好味泰式蠔餅$35 (好大隻蠔仔，好香口)冬陰公湯(小) $40 - 夠4小碗(好好味) 小辣盬焗烏頭$60 (同事話好鮮味，我就覺得淡了一點點)黃咖喱雞(點麵包必選)咸魚炒芥蘭$30 (好麻麻)蒜蓉包$15 (6件)

27 April 2007 (Fri) - Birthday Dinner (13)同best friend 既生日只係差四日，所以大家約埋一齊食飯補祝大家既生日！兩個女子叫咗泰式生蝦，蠔仔粥，木瓜沙律，炒蟶子同扎肉碎肉河！呢度既生蝦真係辣到唔係人咁品，勁辣，初初食係唔覺，食到咁上下先黎料，害我係咁飲水！蠔仔粥既蠔一啲都唔’仔’，非常大隻下，都好新鮮，好味！木瓜沙律都好正，酸酸辣辣咁，好鬼開胃！炒蟶子就麻麻，冇乜味，而且有啲生又有啲熟，炒得唔太均勻！扎肉碎肉河都唔錯，但係又係淡味，要落酸汁同魚露，咁就好好味啦！呢度人人黎到都當係自己屋企咁，好隨便，自己攞水，斟水，攞冰，攞menu，好好笑，真有家的感覺，我哋張枱仲要係特登開出黎，自成一角咁，都幾正架！就坐喺水機隔離，又係自己斟水，正！總括食物係唔錯，但係佢太忙啦，無閒招呼客人，不過我對佢既炒蟶子係失望架，諗住會正架嘛．．．價錢係合理又唔錯既！

如果唔係search過openrice一定都唔知登龍街有第3間泰國菜...星期六晚7時多上來都唔多人..2個人叫左咸魚炒芥蘭; 原本叫炒聖子無就轉左炒大蜆及燒烏頭...其實佢地d食物味道都唔錯架..可惜等食既時間太長..佢地似做下熟客生意...樓下既門牌都係用泰文寫...真係幾難搵...不過最欣賞算係燒魚..燒得岩岩好唔會太乾身..烏頭本身無泥味唔錯...只係如果急就千奇唔好來此店啦.

其實成個感覺都幾得意. 好似係屋企咁. 入到門口自己招待自己. 問佢攞MENU, 其他食客會幫你酙水, 酙哂住屋.都幾得意, 如果你不要求任何SERVICE的話。不過唔怪得佢地.全店得2個人, 連埋煮O個個. 　我覺得想試下新野, 可以去. 但係, 你話係未特別好味, 唔係Law. 係咪特別平, 都唔係law. 可以地道. 但係, 我會去泰宝. 起碼正常d. 最唔建議一大班人去, 因為人手問題, 可能有排都未有得食. 我2 個人, 叫3 樣. 蝦餅可以係食哂所有野先到. 吹都吹咗 3 次. 大概等個半鐘. 如果你hungry, 就死!

呢個星期六又同男友來這裡開餐~~2個人叫左4個菜:蝦餅拚春卷及雞翼: 蝦餅依舊彈牙爽口, 不過春卷淋左少少蝦刺身: 十個正, 今次璟姐將d spicy source 淋左落去, 食到噴火, 好過癮!泰式金邊粉: 水準依舊, bf 一個人都可以清碟冬蔭公(細): 其實細的tom yum 都夠4個人分, 有成6隻大蝦, 酸辣程度剛好~~唯一美中不足係0個度裝修緊, 冇左個玻璃窗, 好涷呀, 好似野餐咁, 不過璟姐話差不多整好喇埋單$180, 平到笑

OH, 我搵左好耐先知璟姐原來已經登記左~~這間樓上店我幫襯左年幾, 第一次去係原本想去泰成, 但太多人, 無意中見到有棟大廈門口貼左D相, 好奇下走上去, 朋友都話我大膽, 哈哈!講番正題, 呢度特別之處係平靚正, 如果只得2個人來, 你可以同璟姐講叫佢整細D份量($當然平D), 試多幾樣菜式~~呢D係出面冇可能做到, 有時佢見我地人多, 會炒大碟D 架~~必試菜式有:蝦餅:一客有5大件, 一半切開碟即有10件~超彈牙+鮮甜, 每次叫2碟呀生蝦刺身: 又係抵食夾大件之作, 一碟好似有10-12 隻都係5,60元左右咋~~PHAD THAI (唔知係咪咁串): 呢度做得幾好, 蛋汁夠, 有D酸汁加埋, 正!冬蔭公: 有細同大之分, 細好似30蚊, 但係都好大碗, 女仔4個都夠分炸雞翼,春卷:基本上呢度所有炸野都係推介, 因為全部即叫即炸, 超香口, 連D拍肥的女仔朋友都狂掃~有時餐廳有2柗人以上, 上菜會慢, 所以通常上去前最好打俾璟姐落定ORDER 先, 去度再叫D咁就唔駛等咁耐~璟姐好好人架, 會出來同我地吹水,教下泰文, 上次0係度攪B DAY PARTY, 請佢地食旦糕, 佢就