珍煮丹 (已結業)

係香港既台式飲品舖頭愈黎愈多，自己都見一間試一間，有一日同朋友行銅鑼灣，佢就介紹我飲連台灣朋友也介紹的珍煮丹話説是古早味道的，建立此品牌的名稱是為了取其諧音''祖母''的味道，因為平時偏向鍾意飲熱飲，熱的選擇不多所以選擇了熱的黑糖珍珠微甜，但本身我怕甜所以都覺得味道偏甜，珍珠份量不是太多，不過不失吧，不過我是台灣fans所以都覺得有機會可以再試多d其他款

珍煮丹新出既芋芋系列值唔值得試？答案係值得既！好過一芳個種死甜，不過要我比較既話，我仍然係會死守迷客夏既大甲芋奶！【黑糖芋芋鮮奶🥛 (微糖)$34】食到綿密既芋泥之餘仲食到芋泥塊，而且飲到尾有陣陣既芋頭味！至於黑糖方面，我個人覺得珍煮丹可以剔走佢😂反正冇乜黑糖味，而且本身芋泥都甜，若果唔嗌微糖，可能成杯野就過甜架啦！總結係芋頭迷可以一試，不過應該冇第二次啦~.芋頭鮮奶/奶綠排行榜:1️⃣迷客夏(鮮奶, 固定糖度)2️⃣天仁茗茶(奶綠, 無糖)3️⃣沐白小農(鮮奶, 固定糖度)4️⃣珍煮丹 (鮮奶, 微糖)5️⃣一芳(鮮奶, 無糖)6️⃣丸茶手作(鮮奶, 固定糖度)7️⃣籠町茶番(鮮奶, 無糖)8️⃣歇腳亭(鮮奶, 固定糖度)9️⃣良辰吉時(鮮奶, 固定糖度)

銅記真係好多野食，啲飲品店間間都揀係銅記插旗，對於居住係大西北既牛真係表示好羨慕🥺所以每次岀銅記一定要試新既珍珠奶茶鋪😛今次試珍煮丹，呢條街，連續幾間飲品店開埋一齊，競爭真係好大😂其實煙韌控都只係志在咬珍珠，所以左揀右揀，最後都係揀返珍珠奶茶😂黑糖珍珠鮮奶。半糖呢個半糖岩岩好，平時飲個啲黑糖實在太甜珍珠QQ der，好有咬口，每一粒都好軟糯。肥仔男友問我，飲甘多間，咪又係珍珠奶茶，你飲得岀每一間既分別咩🤔就好似男人分唔到唇膏顏色一樣，對於你黎講可能真係無分別既🤭

行過銅鑼灣見到珍煮丹唔駛排隊，唔係唔試下呀蓋世不知春個名好搞笑，蓋世係指芝士奶蓋，而不知春係台灣一種茶既名店員話呢隻茶比較清香，所以試試鹹香既芝士奶蓋好濃厚，久久不散，配上清香既不知春，兩者互相暉影，清清既茶中和左芝士奶蓋既膩黑糖珍珠奶茶叫左少甜，因為黑糖本身已經好甜，再唔少甜就不得了珍珠幾煙un,粒粒都裹有黑糖，好夠味，配埋淳厚既鮮奶，正不過，員工既態度可以有改善空間，因為大家都面無表情，問野都唔係好想回應

我最中意飲珍奶而家既珍奶開到成行成市, 邊間多人就去邊道跟隊啦位置係正hyson 隔離好易搵環境好光鮮, 有個大招牌, 珍煮丹, 好架勢架我叫左: 黑糖珍珠厚鮮奶 (右）啲珍珠好煙un 黑糖味好重 珍奶啊珍奶, 真係為左你肥幾磅都底上面有層鮮奶蓋,  奶味重 厚道都ok, 唔厚唔薄 唔會太漏, 好似冇咁罪惡感由於朋友成日諗唔到野, 我要幫佢做決定所以我幫朋友叫左個: 蓋世系列嘅蓋世不知春（左）蓋世不知春~~~~~春春春~ ~ 真心我地都唔知係"咩春", 職員同我地講其實就係淡茶, 唔中意濃茶的要試下. 不知春ge 茶底好清香, 上層奶蓋都係好light, 飲到最尾搞拌就變台式奶茶, 得左! 

黑糖熱潮真係好勁 周圍都排哂長龍買黑糖珍珠鮮奶 銅鑼灣開咗十間八間 今次就去咗台灣過江龍珍珠丹trytry! 排咗一陣 唔洗等好耐～都係決定試佢地既招牌黑糖奶！😍🌟黑糖珍珠鮮奶 $30我個人唔太好甜所以只係嗌咗半糖～ 黑糖掛杯 相機飲先😂 即使係半糖 黑糖甜度好夠好香 鮮奶唔太濃太淡 有奶香 啱啱好 珍珠好煙韌有口感 被黑糖包圍住 濃濃黑糖味 我鐘意😋 最重要係有得自選甜度 自己決定 唔洗驚會過甜！可以嗌少冰防止奶味變淡❤️❤️❤️

珍煮丹呢間過江龍喺香港插旗已經有一段時間，不過業佢主打嘅黑糖珍珠奶茶並唔太感興趣，因為自己麻麻地珍珠奶茶，所以即使佢人氣高企，但係自己都冇幫襯過，不過最近見到佢新出左芋頭系列，仲要係配上黑糖，吸引到我，所以今日經過銅鑼灣行過去試試！🥤《黑糖芋芋鮮奶》(微糖)芋泥份量都幾多，佔整杯三分一。因為黑糖同芋頭有甜味，所以嗌左微糖，甜度岩岩好👍🏻店員建議攪勻再飲，否則會啜唔到d芋泥😚芋泥味道天然，唔太甜，質感唔算太綿密，飲落無禁濟禁膩，個人認為咁樣更好👍🏻除此之外幾乎每啖都可以飲到芋頭粒，飲既同時仲可以食👍🏻不過黑糖味就唔夠突出，可能因為我嗌微糖的關係？🙈 本來一心只飲芋頭系列，但見到芝士茶都好吸引所以就嗌多杯😆 🥤《蓋世伯爵紅》$30 （少甜）好似好少茶飲店有賣伯爵茶，估唔到有驚喜，茶底好清澈，茶味好濃郁同埋香醇，少甜後更有輕微既回甘，十分不錯！而芝士奶蓋有鹹香，帶淡淡既芝士味，令茶味更顯香濃，不過如果奶蓋稠身返少少就完美👍🏻 兩杯飲品都幾滿意，開左一段時間仍能保持到好質素真係好難得，期待下款新品！

近排忙到甩轆，連飯都冇時間食，為左俾自己抖一抖，就落左公司樓下嘅珍煮丹買杯野飲🍹「珍煮丹」嘅好處，就係有得選擇少糖，邪惡得黎又冇咁大罪惡感😝而且staff都對自攜杯友善，唔會留難人，仲好welcome自攜杯tim~黑糖珍珠厚鮮奶($30)講返正題先，奶味幾濃，珍珠黏韌，唯獨黑糖味唔算濃，我叫左少甜，但甜度已經好夠，一杯已經夠飽肚，適合OL快速叉個電😝我黎到嘅時候大約13:30，唔多人排隊，大約5分鐘就有得飲🥰 又或者係因為黑糖熱潮已經減弱左，下次要試下蓋世系列先~!

去銅鑼灣行街 忽然間想飲黑糖珍珠 所以買左杯珍煮丹飲🙈-黑糖珍珠厚鮮奶 $34啲珍珠好有咬口 又好重黑糖味 食極唔厭珍珠份量亦都好足 飲到尾仲剩低好多鮮奶方面 奶味好重 但略嫌唔夠厚 買果陣問過 店員話無得少冰 但我覺得本身冰既份量唔算多 飲到尾既時候味道都無變淡🥳雖然佢無其他黑糖珍珠鮮奶咁 有靚靚仔仔既黑糖紋但整體黎講 內涵已經贏曬🤤

「老虎堂」，「幸福堂」，「珍煮丹」的名字已聽過很多遍，但每次到銅鑼灣都就唔啱時間去試試。今日在利園附近lunch便到位於利園山道的珍煮丹看看排隊狀況。可能熱潮之過，或這些珍珠奶茶店已開得成行成市，只有大約10多人在店外等待，所以決定一試！快速看過餐牌後，還是決定隱陣起見叫招牌黑糖珍珠鮮奶，微冰半糖。有些珍珠奶茶店的黑糖比列是固定的，幸好這裡可以自由選擇！等了大約8-10分鐘便有，賣相很吸引，第一層是鮮奶，然後是黑糖掛杯和珍珠在底。店員提醒倒勻後才飲用。珍珠比平常的細粒，但份量頗多，質感也不錯，很煙韌，每粒珍珠也能嘗到黑糖味。鮮奶味也頗香濃。雖然叫了少甜但個人覺得整杯感覺還是頗甜，可以叫微糖或會更佳。Overall 我覺得一般，但如果不用排長龍的話可以一試！

珍煮丹🔥銅鑼灣希慎行過去時代經過一條橫街見到有堆人企響度原來有幾間連鎖台式飲品😮今次叫左珍煮丹嘅泰泰珍奶✨微糖少冰泰式奶茶入口好順滑～有茶香雖然微糖，依然好甜下次都係叫翻無糖🎗黑糖珍珠size比其他品牌細粒😮?!我就幾鐘意!!而且黑糖味都好重💜總括而言，我個人buy泰泰奶茶多過黑糖鮮奶😌—-另外有加分點就係Staff有禮貌❗️飲品制作速度都快✨我等左5分鐘就拎得啦😌！放心 我1定會Encore ❗️我最驚就係嗰d擺到明拖慢黎做～仲要眼啤啤🤷🏻‍♀️要等成半個鐘都拎唔到嘅舖頭🤦🏻‍♀️幾好味都唔會幫襯🤮🤮

|  珍煮丹| .其實我麻麻黑糖珍珠 因爲好甜但夜晚10點無人排 都係試下我地偏偏唔點黑糖珍珠鮮奶反而叫左抹茶珍珠同泰泰珍珠抹茶味都出 好彩叫左少甜 依然係超甜fd飲泰泰珍珠 即泰式奶茶黑糖糖漿包裹住珍珠 黑糖珍珠好qq 煙韌———————————————— .  🌟珍煮丹  銅鑼灣利園山道15號地舖 ————————————————

假日下午挺多人買，不過幸好不用等太久。👍🏻黑糖的甜度和冰的多少都可以自己選擇。我選了少甜，雖然黑糖味會減少但我覺得甜度剛好。珍珠比較細粒而且份量多，要咬很久，但是珍珠黑糖味突出。個人覺得整體不錯，比鄰近的店好飲。

平日禮拜一二完全唔使排隊， 而且排隊落單攞埋嘢飲嘅時間夾埋都唔使10分鐘👍🏻叫咗杯黑糖珍珠鮮奶落單嗰時服務員都好好咁問需唔需要教甜度同埋冰度仲會好好咁比建議你， 服務態度好過咁多間台式飲品店，杯野嘅珍珠唔太甜啱啱好而且過咗一陣飲啲珍珠都唔會變硬好有咬口，$30一杯唔特別貴，雖然黑糖嘅紋冇整得咁細緻同埋靚但味道方面真係抵讚👍🏻

珍煮丹 (English name: Jenjudan) is another brown sugar milk tea shop from Taipei that has opened up in the Causeway Bay area. It seems this place is now the mecca of bubble tea places with so many choices within walking distance.  But this place does more than the normal brown sugar milk tea. They do brown sugar combinations of everything. Even adding it to a drink with pudding?A take away stand that is next to Hysan Place, there isn't as long as line as Tiger Sugar (the grand winner of them all).