珍煮丹 (已結業)

🇹🇼 台灣人氣茶飲店「珍煮丹」以黑糖及珍珠為主打！黑糖可算近年台式茶飲店的熱賣主打，而珍珠一向都是台式飲料的最受歡迎食材！珍煮丹的珍珠在店內現煮，不會過硬或太軟，且口感 Q 軟及入味。.我是 oreo控 ，呢杯新品 奧利珍 好岩飲！層次極豐富！有oreo碎粒，芝士奶蓋，加埋一齊鹹鹹香香甜甜，好正！仲有原塊Oreo, 雖然oreo唔係咩珍品，但浸埋落呢個奧利珍絕對將味道升格，一👅一浸，絕對好味過浸牛奶食！(因為唔想整污糟手指，於是我就用飲管拮碎個oreo，諗住啜著食，點知好Fail，好難吸！好後悔呀！ 要好努力幫我整到最碎最碎！).珍煮丹 在甜度、冰塊方面提供多種選擇👍🏻，於甜度上有正常、少糖、半糖、微糖、無糖共五種選擇，而於冰塊上更有正常、少冰、微冰、常溫、溫飲、熱飲共六種選擇，足以滿足不同顧客的喜好需要。但呢杯奧利珍就指定甜度，對oreo lover係完美甜度！

珍珠奶茶都飲過好幾間，好味嘅又未算好好味，但係呢一間就真係難飲之中嘅極品。黑糖珍珠布丁鮮奶，又話係鮮奶，一啲都唔似囉。我飲到嘅只係奶精味，好似飲緊煉奶溝水咁🤷🏻‍♀️布丁亦都係非常之失望，完全諗到嘅係大陸cheap cheap 嘅化學布丁啫哩，我仲以為係台灣嗰種即製嘅新鮮布丁，唉😪 珍珠亦係我食過最難食嘅，糖精味，好難咬，唔知想點。黑糖味完全欠奉，直頭係覺得冇落過。可能去完沖繩返嚟對黑糖嘅要求比較高，但係我的確喺香港飲過好飲嘅黑糖喎，咁請問珍煮丹係發生咩事呢？究竟係台灣品牌定係大陸開架？點解我好似去咗深圳飲咁嘅？blacklist!

高分數的黑糖冬瓜檸檬珍珠$30, 適逢珍煮丹開左係香港一週年,只要身份証有8/3字就減3蚊,如果好似老虎咁有8又有3就可以減8蚊,如果你係8月3吮出世更加係買1送1。優惠期至本月15號。講返杯野飲珍珠超超超超超有咬水,珍珠既黑糖味突出,份量有成1/3杯。冬瓜檸檬味道比例完美,拼埋黑糖珍珠,甜甜酸酸好合口味。CWB咁多珍珠奶茶店選擇,佢既黑糖珍珠令我留下幾深既好印像珍煮丹整體評分 9.0 /10推介: N/A(五分滿)老虎回頭率：🐯🐯🐯🐯🐯

叫咗個茉莉奶綠加珍珠（ 走冰同微糖），茉莉味幾香，甜度剛剛好。加$6就有珍珠，珍珠黑糖味都幾突出，而且份量都幾多，好Q彈有咬口。店員服務態度幾好，有耐心解釋佢哋鋪頭有咩招牌飲品。大約等左5-10分鐘到就拎得飲品喇。

最近為慶祝登陸香港一周年就搞左個優惠,凡身份證號碼有3️⃣或者8️⃣既就可以減$3, 如果兩個數字都有既就減$8, 8️⃣月3️⃣日出世就買一送一,優惠期至31/8 黑糖珍珠鮮奶🥛($30)真係真係極力推薦佢既黑糖珍珠,真係好好食呀🤤黑糖味好濃而且口感超好,軟綿綿得黎又帶有少少煙韌既口感再加上份量足, 飲每一啖濃厚既鮮奶都食到珍珠😍珍珠控表示十分讚👍🏿

適逢佢喺香港一週年。身份證有3或8字就會有discount。不過一定要出示身份證俾收銀check。1個字可以減$3。2個減$8。3同8都有就買一送一。收銀姐姐態度好好。好用心每個客人都講解一次。聽到佢係咁講係咁解釋都覺得辛苦。叫左黑糖芋芋豆漿半糖少冰。$30-$3。豆漿好天真以為係新鮮豆漿。原來係綠色盒裝豆漿。味道偏似豆奶。半糖甜度足夠。不過飲唔到黑糖香味值得一讚佢係碎冰。凍得會平均啲。芋頭份量足。食到一舊舊芋頭。口感係有。不過味道唔夠香甜。整體味道不過不失。都係覺得深圳名店好飲啲。

今次係第三次飲依杯黑糖珍珠厚鮮奶，因為真係好好味😋 成日心思思諗起佢，想再去飲多次。每次飲都有好多好多的黑糖珍珠。啲珍珠細細粒，好chewy, 又好有黑糖味。而厚鮮奶好香，好濃厚，有少少似芝士奶蓋。👍🏼今日落住大雨，所以舖頭唔算多人，等左幾分鐘就有得飲。每次去都覺得店員幾有禮貌。又會提醒客人搖均先好飲🤗下次再幫襯要試下其他飲品先。事關我實在比較專一，食過或飲過覺得好味，就每次都會叫返同一款，唔願去試新野😛

平日下午時間三點左右，諗住可能過咗食晏時間所以冇咩人，真係一個人都冇................點知原來係伏所以冇人..............點了一杯烏龍拿鐵，少冰少糖............烏龍茶完全冇烏龍茶香味，奶又冇乜奶香味，成柸都好淡😭😭😭😭，飲落好似冇味奶水咁飲左幾啖就掉左了真係好難飲..........................從來冇飲過咁難飲嘅烏龍奶茶囉😭😭😭😭

來自台灣既珍煮丹黎到香港未飲過既我緊係想試下🤩❤️朱古力珍珠拿鐵價錢$30今次試既係朱古力珍珠拿鐵🍫因為成日飲珍珠奶茶都想試其他飲品值得一讚既係佢既朱古力味好濃郁👍🏻唔會太甜而且飲落好香🤤珍珠比其他店細粒少少但咬落都係好煙韌😍而且珍珠既味道甜甜地😋同唔太甜既朱古力好夾👍🏻👍🏻👍🏻喜歡飲朱古力既朋友仔可以去試下😜

📍 珍煮丹 奧利珍 @ $40其實我並唔鍾意食oreo，但唔知點解加左oreo既野食，我又非常鍾意，好似cookies and cream，oreo奶茶，配搭奶製品更出色! 珍煮丹又推出返奧利珍，要成$40一杯，其實都幾貴下。鑑於上午冇試到，今年佢出返就試下啦！-店員同我講奧利珍其實係甜品黎，唔可以調整甜度。有黑糖珍珠、鮮奶及奶蓋，表面有 Oreo 餅碎及一塊 Oreo 。Oreo既口感係酥脆，濃厚奶蓋帶有淡淡的芝士咸香，口感係好滑順，仲有啲甜甜地。同奶蓋攪勻左之後，個口感即刻好creamy好rich，飲到最尾都真係幾漏下。黑糖珍珠口感適中，黑糖味十足，整體對我來黎講有少少過甜。-地址：銅鑼灣利園山道15號地下-推介指數👍🏻👍🏻👍🏻👍🏻抵食指數👍🏻👍🏻👍🏻(5個👍🏻為滿分)

黑糖珍珠鮮奶風氣盛行，試過咁多間，最鍾意都係珍煮丹但今次唔試呢個嚕～要試下新出既飲品。今次新推出既飲品係芋頭系列，但芋頭鮮奶其實迷ＸＸ最好飲，但係珍煮丹芋頭系列都唔差。叫左微糖走冰，少少黑糖漿帶出甜味，芋泥煮得好軟綿綿，有少少顆粒，有唔同口感層次。但成杯飲品入面飲到好輕微既茉莉香令到佢冇咁＂溜＂，而且牛奶口感厚重，好飲，成杯飲完真心飽飽～～不過芋泥最好飲都係迷ＸＸ，黑糖珍珠鮮奶先係佢招牌碎冰底，好特別。

對比起銅鑼灣另外幾間黑糖珍珠鮮奶店我最欣賞珍煮丹既地方就係佢可以比客人調甜度 因為好多時飲到既都太甜而且唔比你調冰度甜度而且珍煮丹既珍珠係比較彈牙個種 唔會煮得太淋 口感唔錯 牛奶方面 可能因為我選左少糖 所以牛奶味幾出 唔錯

珍珠奶茶舖開到周街都係，我本身唔好都搞到成日想飲😂😂呢間味道幾好，飲到黑糖同鮮奶，啲奶都好滑，一定要搖得好匀先飲，我搖咗幾下就飲，開頭好甜，飲到最後就奶味重，無咩糖，珍煮丹珍珠比較軟身，我鐘意啲彈牙嘢多啲，黑糖味唔多，所以咁講黑糖我就鐘意珍煮丹，但綜合，就另一間好飲啲，睇你鐘意飲咩，呢啲好講個人口味。啲人話珍煮丹冰溶咗，會溝淡，我有覺得唔會喎，我懷疑個啲人都無搖到好匀，飲哂食哂啲黑糖梗係無味架。

試過禁多間黑糖珍珠鮮奶其實間間既優點都有d 唔同珍煮丹就係禁多間入面我認為珍珠做得最出色個間珍珠好好咬口每次飲台式飲品其實我都係為左食入面d 珍珠黑糖味需要唔係勁濃但五會有太甜既感覺反而有種好香既滑鮮奶味加埋有咬口既珍珠令人想再飲

天氣炎熱，有時都會成日買珍珠奶茶黎消下暑。本身自己都鍾意飲厚鮮奶，因為奶味比一般超級市場賣既奶會更加濃同埋滑，所以今次就選擇左呢一間係銅鑼灣開既珍煮丹。之前係台灣旅行果時聽過佢個名，但一直都無試到。返到黎香港反而咁岩行過見到所以買左杯試下，味道比想像中既好好多，比起我之前飲過唔同珍珠奶茶鋪既黑糖珍珠鮮奶好飲。  首先，佢個甜度係恰到好處，唔係一味死甜，因為好多時因為無得自己叫甜度既關係所以唔鍾意飲野太甜既我會覺得飲到一半已經唔想飲，想飲水中和返，但係呢杯奶茶滑得黎又唔會太過甜，可以飲曬成杯都OK。 其次， 我覺得杯野奶味較黑糖味重，所以我認為杯奶既味唔會比黑糖既甜所遮蓋左。總括黎講，呢杯係一杯值得一試既黑糖珍珠鮮奶。 順帶一提，女店員既服務都好NICE 好親切 ，當我想知道唔同款式既分別果時，佢都好詳細同有耐性咁講到比我知每隻野飲既分別。