珍煮丹 (已結業)

今日經過銅鑼灣諗起淨係係台北飲過珍煮丹 未試過香港呢間 就決定過去飲番杯😆由於天氣太過炎熱 我地唔想飲奶類飲品 想飲d fresh d既解下喝消消暑😚 所以我地就揀左呢杯黑糖檸檬珍珠🍋 我地今次就叫左少甜少冰啦 因為黑糖珍珠本身有甜味 所以飲落覺得岩岩好😋 第一啖飲落去既時候好似食緊超酸糖咁 💥💥 飲到好濃既檸檬酸味 然之後就食埋黑糖珍珠就飲到黑糖既甜味 兩者好balance好特別 整體幾開胃好fresh 夏天絕對推介😆.

奧 利 珍 ◐‿◑ ($40)Oreo Brown Sugar Boba Milk.超級推薦！個人暫時在香港喝過最好味嘅台式黑糖飲品😍.奧利珍，即係oreo黑糖珍珠鮮奶。茶底係招牌黑糖珍珠鮮奶，上面加左最新研製嘅厚奶霜，面層仲有原塊oreo同oreo碎！.本身冇咩期望，因為市面上嘅oreo飲品本身已經五花八門，好難脱穎而出，冇諗過味道出黎咁豐富🍭.店方提供左飲用秘訣，就係插入飲管一攪，餅乾下沉時用力吸一口....wow，果然每層嘅味道都出到，好似同時飲緊oreo 木槺同黑糖鮮奶，而互相又唔會搶左味喎💞.之前覺得珍煮丹嘅奶味唔夠重，今次加左厚奶霜即刻順滑咗，濃厚嘅奶霜同黑糖嘅甜配合得恰到好處😍😍 難怪比喜茶大熱嘅波波茶更勝一籌😛.

熱潮過左唔洗排隊當老虎堂同幸福堂前面依舊人山人海milksha同珍煮丹就可以好輕鬆買到.黑糖珍珠仙草鮮奶🥛🖤$30難得黑糖珍珠鮮奶系列全部都一樣價梗係要試多隻料 好貪心啊哈哈珍珠煮得好入味 超濃黑糖味淋得黎又夠煙韌 不過個人認為太甜仙草就有另一種口感 不錯喔鮮奶就正常 唔會太甜/太假

之前開業果時飲過珍煮丹，飲果下真係幾震撼味蕾，珍珠真係極重黑糖味同煙韌，曾經雄霸一時，不過一剎那嘅光輝並唔代表永恆 (希望我講完之後唔會翻唔到身)，係冇保持水準嘅情況底下，據傳聞話差左好多，今次黎到銅鑼灣，就順手試一試，不過今次就試珍珠奶茶去製作我嘅全新系列 😛 #珍珠伯爵拿鐵 $28，當初以為係普通珍珠，原來係用黑糖珍珠，但係黑糖個味勁薄弱，大不如前，啲珍珠咬落又硬，真係好劣 🤡 而個奶茶底係係用伯爵茶，理當應該好正，好可惜，個奶茶真係淡到一個點，唔講以為做 lab 淨化過嘅奶茶出到黎變左做伯爵水，淡到一個點，不過淡黎又有種伯爵清香味，平平地 $28 買黎做香水撻哂落全身岩哂，餵下蚊都好，外用好過內服，難得一見 ❤️❤️❤️

近年好多台灣茶飲店進駐香港 真係多到數唔哂黑糖珍珠鮮奶既熱潮唔知又由幾時開始風靡香港人人手渣一杯 好似先叫做潮😎繼老虎堂後又一期待既黑糖奶飲品 珍煮丹喺台灣都炒到熱腔腔 驟眼睇以為叫“珍父母”🤣🤣☆ 黑糖珍珠厚鮮奶▪珍珠形狀有大有細 質地尚算煙韌▪黑糖味過甜 已經叫左少甜都係頂唔順▪無乜奶味 得個甜字▪真係唔知如果全份甜會點 汗……😥完！全！敗！北！飲前滿心期待 但飲後滿肚失望💔所以飲左半杯就無飲啦……sosad😭😭

我喺香港一直都好少飲台式飲品 但自從喺加拿大飲咗幾次之後 返到香港就心思思想飲台式飲品😝嗰日去剪頭髮經過珍煮丹同埋迷客夏 見珍煮丹多人買喎 於是就去排隊 由落單到拎飲品大約10多分鐘 等候時間係OK嘅⠀⠀⠀⠀⠀⠀⠀⠀⠀我冇叫黑糖珍珠鮮奶 (雖然好多人都推介呢杯飲品) 只係叫咗杯檸檬綠茶加珍珠(飲品得一個size 加埋珍珠價錢合共HKD29) 我覺得算係抵飲 珍珠份量比起我之前飲過某幾間嘅飲品店多 珍珠份量多唔係一個重點 口感夠煙韌先係令我最滿意嘅 下次我應該會再幫襯

自己算係珍珠奶茶fans! 中學到大學都經常飲。😄台灣過江龍珍煮丹黎到香港開分店，一定要試下！身邊好多朋友都話珍煮丹係最好飲既，今次一試最推介的黑糖珍珠厚鮮奶。自己都算係怕太甜既人， 叫左少糖少冰，結果都係超級甜😅太甜了 , 女士飲一定要半糖以下呢。

食完飯飲返杯台式飲品係常識吧~ 老虎糖就飲得多啦今次諗住試吓新野，見到銅鑼灣有珍煮丹，上次去台灣因為大排長龍飲唔到，今次見無咩人咁就梗係試吓啦<黑糖珍珠鮮奶$30>叫咗個三分甜嘅黑糖珍珠鮮奶，可能因為三分甜的關系黑糖味唔夠出，鮮奶真係用真鮮奶唔係奶精，好飲不過珍珠就爭少少，太硬明顯唔夠淋 珍珠份量都幾多，大概三份一杯，粒粒都有黑糖包住，但因為太硬，最後都飲唔晒咬到牙都軟<黑糖仙草鮮奶$28>濃濃嘅黑糖包住軟滑嘅仙草, 配上厚薄適中嘅鮮奶, 既解渴又好飲。七分糖少冰恰到好處, 唔會太甜外, 黑糖味又好出色, 大推！

小編平時好鍾意食零食，識小編嘅人都知道小編鍾意食甜野。前排一堆台灣過江龍黎到香港開野飲舖，主打黑糖珍珠奶。之前試左另一間，朋友幫手買，買到返黎先知自己冇睇清楚啲介紹，以為係奶茶黎😂 原來係就咁黑糖溝奶。果然不出所料，好鬼甜 甜到小編都接受唔到。嗰間做唔到少冰少甜，啲冰融哂都仲咁甜。有日喺銅鑼灣經過珍煮丹，又係好出名，就諗住俾多次機會黑糖珍珠奶。排左十五分鐘隊落單，呢度可以嗌少冰少甜，希望會好啲。之後等多左幾分鐘拎野飲。一飲入口，哇甜到嗌哂救命 直頭可以話係味蕾受到破壞基本上係甜到飲唔到奶同黑糖味，只覺得啖啖都係糖水🌚 黑糖珍珠奶真係可一不可再，飲得多要入醫院

經過見到間舖個名珍煮丹幾得意，又好似有好多款揀，所以就浪費下增肥quota，點左兩杯野飲，天氣忽冷忽熱，又唔想飲凍飲，所以就揀左黑糖珍珠桂紅薑母茶同黑糖桂紅薑母茶撞奶，熱飲杯外型呃唔到like 黑糖珍珠桂紅薑母茶薑味超重，寒底人飲完覺得可以驅風，有d似飲蕃薯糖水，而且難得熱飲d珍珠都無淋哂，質地仲好QQ，而且珍珠份量都幾多，另一杯薑母茶撞奶就一般，薑味淡d，兩樣野溝埋一齊唔係好夾，不過台飲店黎講，呢間價錢就比較偏貴。

我試過很多間台式飲品既招牌黑糖珍珠鮮奶，珍煮丹確是數一數二好飲的！其他台式店的珍珠不是很軟就是黑糖珍珠不入味，但珍煮丹的珍珠有咬口之餘，還能食出滿滿黑糖味的珍珠！奶味都是非常出色的！咁好飲搞到我係一個星期之內飲左3次，仲要特登由荔枝角放工去銅鑼灣買🙈另一樣要讚的是飲品可以選擇甜度和冰度。微甜的甜度剛剛好，冰亦不致於溶哂會溝淡飲品。有很多黑糖飲品如老xx等都不能選擇甜度，說是預設了，但我就覺得太甜所以飲左一次就無再飲了。

#蓋世不知春 $32芝士奶蓋上次已經講過喇今日要講嘅係不知春茶😆不知春即四季春 飲落有啲似綠茶茶比較清有回甘 仲有啲花香建議大家揀微糖因為今次小編揀咗微糖覺得啱啱好👍🏻飲得多烏龍同綠茶嘅朋友們 可以試吓新野呀😆評分:8/10

三日前路經希慎, 剛剛睇見呢間珍珠奶茶開張, 仲有幾個藝人剪綵🎊, 已經心郁郁想試, 今日就趁lunch time 同飯腳們過嚟銅鑼灣趁下熱鬧先🤗十二點半到達目的地, 已經有十幾人排緊隊, 帶備左風扇仔進入作戰狀態🤣超認真mode 😎等左二十分鐘左右, 終於排到俾錢, 等多五分鐘終於有得飲喇! 😋茶味ok的, 因為店員力sell 半糖味道會有影響, 所以叫左少甜, 甜度尚可接受, 值得讚嘅係珍珠好有咬口, 煙煙韌韌, 正!! 又唔黐牙, good!!!

聽我朋友說珍煮丹好好飲，今日路經銅鑼灣就去試下。前面都幾多人排隊，等左約15分鐘就到，叫左杯黑糖珍珠厚鮮奶，黑糖味好濃郁，珍珠煙靭，不過可能係因為黑糖的原因，太甜，但勝在夠珍珠有咬口。藝世不知春 - 另外叫左一杯清清地的茶，入口係淡淡的芝士味，再飲落去就係淡淡的茶味，齒頰留香，十分清甜，值得再飲。

行經銅鑼灣，行過呢間飲品舖，見到未試過 😂又好似幾多人排隊😂又好似幾出名咁😂就諗住試吓佢嘅招牌黑糖珍珠奶茶😬😬😬但係見到有個黑糖珍珠厚奶，都係$34一杯，咁就決定揀呢個黎試😬😬好彩而家都唔算好多人排隊，都只係排咗5分鐘就到我買，但係要等拎真係等左15分鐘🤦🏻‍♀️🤦🏻‍♀️🤦🏻‍♀️好啦終於杯野拎到啦😋😋又係時候試吓佢嘅真章😎😎珍珠同奶嘅比例都幾好👍🏻👍🏻啲珍珠咬落好彈牙🙆🏻🙆🏻但又唔會太硬，亦都好有黑糖味😎😎佢嘅珍珠係做得幾出色嘅👍🏻👍🏻反之佢嘅厚奶太重忌廉味，蓋過左佢本身嘅奶味，所以覺得可能，黑糖珍珠鮮奶會比黑糖珍珠厚奶更加好味😯😯