玉葉甜品

营业中

休息中

久仰大名, 今日終於可以一試.第一啖, 感覺甜左少少, 而且太少綠豆.不過味道真係好正, 臭草陣味好適中.食完有透心涼既感覺。

今晚食友又聚，一於採取LIFO方法，由尾寫番上頭，最後來宵夜的是呢度。十六個人，坐滿了三張檯，令本來空空如也的玉葉變得高朋滿座。選擇還是離不開那幾樣，綠豆紅豆芝麻糊，加糖不甩。今晚吃了海帶綠豆糖水，另一食友honey說她那碗太稀，我卻嫌我那碗太杰，早知同她調轉食；糖不甩是少有的不「六神合體」的，粒粒清清楚楚，亦飽滿煙韌，醮上白糖及椰絲，幾有水準。一人不用十蚊，抵！有段小插曲，有路人說我講電話聲線太大，足證香港也有不少人皮質純是偏高的；又因為我們在校方會已吃得飽飽的，但食友之一美食焚化爐卻不吃糖水，往民園叫了淨豬手來吃，果真「食」力非凡，令人嘆為觀止　。

呢度的糖水真係幾好架，非常足料，仲好抵食添。糖不甩一碟6粒，上面舖滿晒花生椰絲，岩晒我呢隻糯米怪，所以雖然好熱好熱，都忍唔住一粒接一粒~ 芝麻糊亦都好食，夠味但唔會糊口，兩樣加埋都不過係10幾蚊~不過坐的時候要小心一d，因為都幾斜下，個人好似就跌跌咁，d糖水好似就跣就跣咁，不過又設計得岩岩好唔會跌又唔會跣，難道經過特別構造？另外回應KC：係呀，真係幾乎次次吃完一間都吃另一間，所以我o地叫呢2間鋪做"金枝玉葉"~~ ^^

民園同玉葉係孖公仔，通常食得一間就會食埋第二間，今次也不例外。要了海帶綠豆糖水同糖不甩，海帶綠豆糖水照例的好足料，海帶、臭草及薏米都落足，種種跡象皆顯示有益又好食，甜度剛好，仍然是高質數。賣六個半是超值，當然要計埋坐街邊的代價。糖不甩依舊是「六神合體」，幾難分開一粒一粒的吃，自家口感更煙韌。仍然是會一路幫襯的糖水舖。

糖不甩同糖水唔係太甜, 味道o岩o岩好, 大大婉好好味, 價錢亦算平, 抵食!

唔見有亞婆, 只得兩姑姑, 叫個芝麻糊, "成"惠六塊半, 色澤似墨寶, 竟有糊"楂"伴, 多口問亞姑, 椰絲放入碗? 姑聲眼厲道, 豈非芝麻糊? 不恥再下問, 此乃食之道! 正經d評句, 味足少甜底食, 食完飲水坐車過埋大海口中仍有陣淡淡的芝麻糊味道.

去開中環呢頭都會o黎食番碗自家糖水，最好味梗係綠豆沙同糖不甩啦！糖不甩跟地茂館不相伯仲添！

下午食完飯，冇地方去，所以就來這裡食凍綠豆沙。這裡的綠豆沙，有好好不好。好是煲到起沙，不是太甜。不好是太多臭草，海帶，而且落米煲。講真不是人人鐘意食咁多臭草和海帶，另落米只是想烋糖水有糊狀。但總括來講算好了，起碼平先。

外賣熱綠豆沙，再返去雪凍佢。七蚊大大盒，比屋企附近十蚊既多最少三份一，質數仲立見高下。真才實料，火候又夠，唔會水還水、豆還豆，但亦冇糊仔咁杰tar tar。清甜唔漏，一陣香草味，食落透心涼、超哂班，食哂成盒重有d覺唔夠喉，真係包裝同質數冇直接闕係。

凍綠豆糖水好正，加左薏米、臭草，好香甜，又冰涼！唯一美中不足係我覺得佢甜左少少。我試過自己返屋企有樣學樣，都煲唔出咁0既水準……哈哈。糖不甩都幾好，好煙韌，不過又係太甜……個人口味問題~

買左兩碗熱綠豆同一碗熱紅豆返公司做晏，其中兩碗係請同事食的。0岩0岩食完，幾香，味道都OK，綠豆真係煲到半溶化。開頭我以為有落米落去，頭先睇番之前的comment，先知係薏米，哈哈。。。。。不過我食食下，好似有D酸酸地的味，唔知關唔關事呢？？？

食完麵後指定動作食糖水，好鐘意依度d糖水。因為d糖水真材實料，又會好甜。海帶綠豆勁多海帶及薏米，真係好清熱去濕。我d同事食凍紅豆沙，都話好味唔錯。

thank so much for your help. i think i know where it is now.

每逢冬季午市，都會千里迢迢黎哩度食番碗腩河／豬手麵，跟住幫襯埋隔離檔甜品。之前都不大留意兩間街舖仔叫乜名，只知好食咋！（英雄莫問出處罷），今日走去幫襯，特登留意舖名，原來先知叫做‘民園麵家’同‘玉葉甜品’，諗住公諸同好啦！民園o的腩汁真係好正o架（病左幾日食野都冇味冇道，唯獨今日試到少少腩汁咋！），豬手麵亦係例牌菜；玉葉o的黑、綠、紅更加一絕！我最愛熱芝麻糊，好滑好香；海帶綠豆透心涼（若要凍的話），紅豆沙真的起沙呀！糖不甩不妨一試～天寒地凍係街邊咁食法，別有一番風味！<br />飽餐完，我仲走埋去泰昌買沙翁、紙包蛋糕、合桃酥添！我哩個路盲只係識係泰昌果條路，朝著上環方向直行，過幾條馬路仔，見到KC兄提公利竹蔗水，再行，見到間舊式賣米雜貨舖，再過少少係條斜路仔，就係佢地喇！（隔離左右好似有工程）希望大家搵到呢！

玉葉應不算在伊利近街，反而更近荷李活道，沿荷李活道向上環方向行，過左半山行人電梯，再經過公利竹蔗水，下個街口會見倒間大排檔麵舖叫民園，佢隔離的檔口就係玉葉。