玉葉甜品

营业中

休息中

去完港大校友會食飯點可以無左呢個至重要既節目就係食糖水喇!唔係有人會唔開心架(究竟係邊個?去左黑麥既朋友一定心照啦)中環冇乜地方好揀玉葉似乎係必然之選上次試過紅豆沙溝芝麻糊今次本來打算叫個淨芝麻糊試真d個味但有食家話呢度只有綠豆沙好食於是平日唔食綠豆沙既我都要試下先得叫左個兩溝綠豆沙(即海帶溝香草)面頭有大片大片既海帶入口甜得黎o岩o岩好食到尾時發覺有d一粒粒小小既薏米加上煲到溶既綠豆好有口感連從來只食紅唔食綠既我都話正呀!本來已經好飽,但好味到我竟然食得晒碗糖水!

同mommy經過呢度, 知道都幾出名,所以試下~ 我食o左個芝麻糊~ 都ok啦!唔知係唔係我識欣賞, 定係佢唔係出名芝麻糊呢?所以冇勁好味o既感覺~不過真係好有特別, 係條斜路度食真係好型, wakaka !

very traditional sweet soup. tasty. but don't know why envirnment has four stars. just sit on the street to eat!

今日下午去佷了碗飯後甜品　－　芝麻糊($6.5)。芝麻味夠香，但不是很濃。甜亦不是太甜，所以幾好。不過可能我喜歡食糊，而這裡就欠少少哪。不過都好過好多地方了，最衰就冇凍食。因為今日下午幾熱。

平均都幾好味, 聽過阿姐講傳了幾代, 記得通常只有過年至休息, 不過一休就十日八日。我鍾意食紅豆溝芝麻糊, 或綠豆粥, 每次食都好有早已作古的外婆煮的感覺, 同自己煮的差好遠, 因為我外婆以前通常係煲紅或綠豆粥, 而唔係叫"沙", 係有米的, 食落係暖胃, 而且綠豆的真係會落臭草。當正餐都唔會覺得怪怪地。有一點我都好奇, 唔知佢地用的發泡膠碗係邊到出品, 就算買完幾個字先食仲可以係滾。不過如果個日係著高跟鞋就好難去食, 因為條斜路好斜, "台"椅更斜。

份量綠豆較多, 一d都唔似依緊兩溝.完全冇紅豆味下次都係淨係嗌番綠豆/紅豆穩陣d

萬聖節當晚又落去蘭記,今次主力扮鬼,但礙於太多人,要中場休息,由雲咸街行到呢度,食甜品之餘順便抖抖氣.上次試過香草綠豆沙,今次一於試試西米露,西米露比起其他的較為杰身,西米細細粒,煲得剛剛好,份量都多,椰汁味濃,但稍嫌甜膩了點,若甜度稍為減少一點就更完美了!比錢時忽發奇想,戴回假面具,同阿姐們開了個玩笑!哈!又幾好玩喎!之後再步行回蘭記,繼續扮鬼去也!

今日食完麵之後見仲有時間又咁近於黎呢度試下聞名已久既芝麻糊但見到紅豆沙又想試下於是叫左個兩溝搆埋原來都幾好食喎芝麻糊同紅豆沙都唔會太甜濃度適中唔會話食唔晒成碗合晒我口味呀而且兩溝都唔駛加錢喎雖然要坐街邊但有好野食又有乜所謂呢|???同會女食客叫左個糖不甩但見到咁多椰絲又冇花生真係唔o岩我口味呀下次要試下海帶綠豆沙又或者淨芝麻糊先

蘭桂芳we嘩鬼叫完，跟友天使選擇了僻靜路，上了蘇豪，比預期ｏ既少「鬼」，最終落腳於「玉葉」。叫了冰凍海帶綠豆，甜度適中，大大塊兼超多海帶，食落透心涼，最鍾意食大大粒薏米，煙煙韌韌咁，ｏ趙下趙下，的確過癮。食罷始醒起自己仲咳緊，食寒涼野一定中招，話口未完，咳到番屋企．．．跟友天使歸家一段路仔都未能出一粒聲，這個萬聖節，我真的好「鬼」病。

一樣咁好食.而且比綠豆多渣.食完都係咁透心涼.

係! 我無打錯。係的而且碓係海草綠豆，不是海帶。即是海帶溝香草綠豆沙。這是我的至愛，近乎每次來到都例必食的。個人喜好，就算大熱天都係喜歡食熱的糖水。

一碗熱辣辣的臭草綠豆沙, 竟然可以令人有如此滿足的感覺, 真係奇怪. (味道真係好正)幾位朋友吃芝麻糊, 綠豆紅豆, 紅豆沙及綠豆西米露. 大部份也很好, 只是紅豆沙就比較淡. 價錢亦算平. (每碗6.5 元) 下次有時間, 一定要試試糖不甩.

唔鍾意食臭草既有另一款選擇, 碗糖水好多好多海帶, 好滿足,不過仍然都係甜左少少, 而且綠豆唔多, 如果同意米一樣多番d就好喇.(好貪心)今次試埋糖不甩, 好煙un, 不過唔係咁鍾意椰絲既人(好似我)就唔太鍾意佢\落得太多, 個人認為有花生會好味d

買左一碗熱既外賣, 大半個鐘頭後先食仍然係熱辣辣. 唔知佢個外賣兜用咩材料咁犀利.面頭有一小粒白芝麻響面, 唔知係咪手磨時磨漏左(但芝麻糊唔係用黑芝麻架咩?!), 有一次堂食時聽到兩個亞姐討論佢地個磨. 我諗唔係開粉啦, 但手磨都做到糊狀好好野. 不過見佢地不時就有d特別響個細煲到不一「渴」先再響大煲到不滿佢, 唔知點解呢.食落去時卻有一陣杏仁糊既味道, 好奇怪.

呢度麻麻地，個人喜歡食有糖水、上晒色既糖不甩，有酒樓做得唔錯