玉葉甜品

营业中

休息中

隔左一排無黎到, 唯一唔同既就係前面既民園好多人, 不過都幾熱鬧既~個人一向認為熱既糖水始終較好味, 但無奈太熱, 所以都叫左碗凍既香草綠豆沙, 凍得剛剛好, 唔知係咪夏天既關係, 感覺好似無以前咁多豆(呂仔記夏天既糖水都會稀d, 較易入口), 不過都好正, 食完涼晒, 而且坐o係街邊食實在夠地道, 相信無太多地方係咁, 我鍾意^^

我叫左碗凍綠豆沙同埋糖不甩...超正...綠弄沙唔會過甜,岩岩好...又起晒沙...糖不甩仲正....加埋椰絲...正...好好食...

哩度既嬸嬸好nice呀~我要左一碗凍既海帶綠豆沙,綠豆唔多,冇起沙,其實起沙係咪真係好食d就係好見人見智~絕讚既係海帶,有超多呀,又大塊wo~成碗糖水唔太甜,o岩哂我呀!

芝麻糊==> -______- 杏仁糊味?西米露==> -_________- 只得仲衰過壽星公煉奶陣味平? 咁難食$5 都貴！點解咁斜都仲有人坐得落

一向對"懷舊"事物有興趣, 一於搵日食完飯黎試下!未食糖水,先食feel,在斜路上的一張椅一個座位, 著住老西的我大刺刺地坐響度, 叫左碗芝麻糊~糖水本身, 老實講, 我覺得只係一般, 不夠滑, 入面亦有粒粒的芝麻, 同埋好似米的物体, 家中的長輩話這不是靚野...我心諗會唔會係唔同地方有唔同做法?但到底同我吃過最好吃的芝麻糊有一段距離.

星期六一心去蘭芳園飲奶茶，點知超多人，男友見到又嘈又迫，即刻黑晒面，基於這樣，便諗住同佢來這兒食糖水潤番o下。 坐下後，先要了芝麻糊和綠豆沙，依然好正，不過今次甜o左好多，但綠豆沙o既香草味真係冇得頂，勁過婆婆o係屋企自己煲，跟男友多要了一碟糖不甩，男友說好味過地茂館，大量芝麻令本來無味的湯丸顯得額外香口，他說我冇介紹錯，笑番晒，真係要多謝玉葉整咁有家庭feel o既甜品。

之前黎呢度食過,糊既稀濃度適中,亦幾滑, 唯不夠芝麻香,紅豆沙尚ok.

尋日行開呢頭，心血來潮想食呢度既綠豆沙。所以外賣兩碗熱綠豆沙，未食已經聞到香味，因為搭地鐵時都聞到好濃烈既香味。返到屋企，整番熱d綠豆沙先食。食落算係稀的，但個人黎講都覺得唔錯。綠豆沙入面都有好多渣，好有咬口，有別於平時o係街食到果d。不過個人覺得甜左少少，可能雪凍會冇咁甜。就連媽咪都話好香好食，不過佢嫌唔夠豆。外賣七蚊碗，大大碗又足料，十分超值。

今日o係呢頭食完飯本來想買兩碗糖水孝敬daddy mummy但去到先知佢地年十三先再開大家千祈要留意呀唔好好似我咁傻更更去到摸門釘呀!

沿著荷李活道走便會找到伊近利街，一到達，頓時有種時光倒流的感覺，斜斜的街道兩旁是舊式的鐵皮攤檔，全部掃上綠色的，很有規格。甜品店是在街頭的第二檔，檔子並不大，只有老闆娘一位在鎮守，檔子內放上了幾個煲在煮糖水，而在路邊只擺放了三張摺檯，其中一張更是放在斜斜的路邊，坐下時要加倍小心才行。糖水的選擇不多，只有紅豆沙、綠豆沙、芝麻糊、香草綠豆沙、西米露等，還有另一種甜品為糖不甩，特別推介這裡的芝麻糊及糖不甩，芝麻糊很滑，真的很滑，吃了一口忍不住說了一句：「好滑呀！」肯定不是開粉煮的。熱辣辣的糖不甩，灑上了椰絲，煙韌有口感，不黐牙，雖然沒有餡，但也很好味。價錢更令人驚訝，糖水每碗也只是$6.5，比起「大X八記」或「松X糖水」更抵吃。坐在這個大牌檔式的坐位上，不但沒有一點不舒服，想吃完便走的感覺，反而被這裡的一種舊區風味吸引了我，很想慢慢的吃，感受一下寧靜的氣息。身處這裡有點謝賢、呂奇粵語片時代的感覺，也有點像澳門的舊區感覺，吃畢後沿著斜路向上行，感覺有點陌生，但這種陌生是喜悅的，原來中環也可以這麼舒服、寧靜，原來相隔兩條街，對比可以相差這麼遠！

今次食左紅黑,我覺得好過上次碗香草綠豆,食埋個菠蘿包當lunch 岩岩好~!ps 本來想買樂香園菠蘿包,點知買錯蘭芳園,仲要5蚊1個...

放棄來多客豬手撈、牛腩撈、郊外油菜．．．，只因一切為了追這片「玉葉」。買了外賣，黑紅混雜跟糖不甩；雖然過了一段時間才吃，依然還是熱的，個人口味不喜歡「混雜式」，總覺得破壞了原味的味道，這個黑紅混雜，黑芝麻給紅豆的陳皮味蓋過了，看一看，果真一大塊陳皮喎，但始終覺得「黑還黑」、「紅還紅」獨立個體好味得多；糖不甩，對於一個幾忌椰絲又怕甜的我來說，果真有點卻步；椰絲芝麻撈成的一粒粒煙煙韌韌粉糰較為甜（一粒粒獨立個體不太粘，非一般一patpat貨式），基於暖笠笠一小粒，我也吃不少。這個冬天不太懶，行上伊利嘆一嘆！

叫左香草綠豆沙,覺得ok,唔太甜~but香草味冇咩,可能我唔識欣賞,呢度唔係我最鍾意果隻糖水style 啦,不過男友就幾鍾意~會再試其他~!p.s. 呀姐真係幾cool,叫左2次,佢明明聽酊都唔應下我>______<

食左個海帶臭草綠豆沙$6.5....起哂沙又唔會太甜....果然名不虛傳....P.S. 亞姐好COOL...

吃完港大校友會,之後當然要吃甜味啦!像艾文妮說:唔係有人會唔開心架.....哈哈來了這裡吃臭草海帶綠豆沙(附近好像沒有什麼好選擇), 綠豆沙還是這麼好吃,是我最喜歡的;而且價錢還只是6.5元,實在太好了.又平又靚,那裡找呢!