玉葉甜品

营业中

休息中

分左兩日食-凍海帶綠豆沙-外賣.海帶勁多,又大片,好爽.味道幾清,幾健康!不過綠豆渣唔多,少到我諗只可以輔個碗底.仲有食到少少冰塊-凍香草綠豆沙-堂食.d臭草味唔係好食聞到.可能係要熱先有味啦.不過大熱天時我唔想好似我隔離果位先生咁,食一啖要得2-3分鐘.不過今次d渣勁多喎,有1/4碗咁多,除左綠豆仲有大粒薏米.不過感覺唔夠起沙.但係overall係好味o既,唔會太甜,食完都唔會guilty呀後記:究竟點解兩次都係凍綠豆沙d渣可以差咁遠呢?係外賣關係定係款式問題呢???

3月14日, 由長洲出番黎中環, 都係九點幾, 就上去soho睇下有乜甜品食~ 喺西式chocolux同中式玉葉之間, 揀咗食玉葉, 兜咗幾個圈先揾到. 嘩好多人, 唔怪之得咁出名啦. 有d係特登揸車黎買外賣…::: 凍紅豆沙::: $7.5紅豆大粒, 好有咬感, 亦都好夠凍, 食落原來唔止紅豆, 仲有百合同果皮, 製作認真, 所以覺得紅豆沙係3樣之中最好. 不過我地都唔係好好果皮, 冇食到…::: 凍海帶綠豆沙::: $7.5嘩, 海帶幾乎係佔咗成碗既2份1, 好多塊海帶, 晶瑩剔透, 薄既好透明, 味道香, 不過有d幾厚既就硬咗d, 質素不一係一個缺點, 同埋真係太多, 有點滯, 我地都冇食晒…反而綠豆好少, 顯得個綠豆沙好稀, 麻麻地~::: 糖不甩::: $7有6粒, 鋪滿晒糖粒花生粒, 好好味, 唔黐牙得黎煙煙韌韌, 我地都差唔多點晒d花生粒, 食得好乾淨~好耐都冇試過坐喺街邊食糖水, 好懷念細個既時候d大排檔大搖大擺咁開晒喺成條街…而價錢就好似十年如一日, 十年前我諗都係差唔多7蚊碗糖水, 真係好抵~ 佢地既豬手麵都好似幾好食, 下次黎到再試~

蛋麵爽, 牛腩腍而冇楂, 牛根都好腍, 柱侯濃度剛好, 送條菜, 不過送果碗九黃大地魚湯就好淡, 唔洗錢就算啦!最掂係埋單$19大元, 我唸平通港九啦! 但有食評話他們水準時高時低, 咁睇你好唔好運喇!

搞好哂公司的Bits and bobs, 屋企打黎話冇飯開, 又一個人在中環等警察告我遊蕩...遊蕩上到荷李活道找到這個經常在電視劇出現的大排檔, 當然要試試啦. 沒有食甜品, 只是食碗雲吞麵, 雲吞的蝦味好香, 食完加多碗水餃, 見到師傅在包雲吞, 新鮮自制, 非常有風味.晚上八點, 一樣人流多. 慕名來的又有, 街坊客又有; 食麵的又有, 食甜品的又有. 我心郁郁想叫個甜哈打包........都係下次先.

同老婆去參觀前荷里活道舊警察宿舍之後，好口渴，所以去玉葉食甜品。我地坐係斜波上的一張台，燥底老闆娘一路都扮見唔到我地，所以我走過去叫。糖不甩($7) - 煙煙un un ，夠椰絲，不過太甜。凍香草綠豆沙($7.5) - 煲到起沙，香草味濃，不過都係太甜。老婆比錢時諗住比$14.5啦，點知個老板娘話「我地唔收毫子架!」咁就唔好定價有毫子啦... 同場加影外國人同老板娘恩仇錄之~ 掟雞蛋落地。

吃完一輪煎炸食物, 對一眾以聲音作奉獻的頌揚人來講, 一定不是好事. 於是係吃完湯圓之後, 再繼續吃甜品, 目標係清熱的綠豆沙. 吃得飽飽, 行上來其實都係幾好的事, 等大家消化一下, 慢慢行上來, 十分鐘就來到.坐係斜坡上吃糖水, 又真係幾浪漫的. 這裡的臺係擺係剛剛好的地方, 不會跌落山坡的. 至於坐係度, 最緊要係保持平衡力, 就唔會有事.綠豆沙$7.5: 8分, 都係吃綠豆了, 清清熱, 等那些煎炸食物的破壞力減到最低. 兩種綠豆, 一人要了一碗分吃. 臭草的其實根本不臭, 食落口仲有點香味, 海帶就大大塊, 其實細塊一點仲容易食. 傳統的做法, 但係做得出色, 自然值得繼續支持.但係態度比之前差了不少, 雖然來這裡吃也不是要求甚麼服務, 但基本的待人處事也不應該有這種相當惡劣的態度吧.越坐人越多, 都係不敢久留了, 讓位給其他等緊位的食客好了.

今次唔食甜品, 主攻正餐! 因為剛放工真係好好好肚餓..... 由公司行左好好好耐. 終於俾我地到左玉葉啦!叫左個牛腩撈面加最愛糖不甩- 個糖不甩又是一灌的水準, 但下次想要求加多點椰絲同砂糖~牛腩味濃, 牛根更係非常入味! 但係就煮得老左, 好鬼"UN" 咬左好耐都咬唔開.....下次都係食甜品算啦~同場加影食環署(民園) 同老板娘恩仇錄~

跟父母到文武廟..順便也要到來一遊叫了芝麻糊x 2牛腩河.. 16元x 2牛腩量多....但吃完好口乾...好多味精..下次要帶父母刊nine kee 2/5芝麻糊一次差過一次...母吃不消..剩下了半碗原因: 如題

玉葉的芝麻糊帶有一陣陣的杏仁味, 反而芝麻味不夠香, 所以一般. 友人不喜歡杏仁, 卻不罵難吃呢.

由於老闆為了多賺錢，所以在斜波上也放了一些桌子。這就是大排檔的特色，但一邊吃，一邊害怕自己會跌下。woody吃椰汁西米露-基本上只有西米和椰汁，我寧願他貴一點，而增加一些芋頭或西米。這樣太稀了!nicole吃綠豆沙-綠豆沙挺好吃的，而且只是數元，在炎炎夏日之下，吃一碗冰凍的綠豆沙，是最好不過了。呵!有機會想嘗試糖不甩和芝麻糊呢。

今次係第二次來這裡食o野!終於可以試o下個芝麻糊,搵到位之後,揮了一陣手,女侍應都看不到我,我就走去檔口同個女人講要兩碗芝麻糊,跟著指向我坐的位置,我都未行返回位,她就大大聲說:『你唔好指呀!我唔知你坐係邊o架!唔好諗住行過o黎會快d呀!你坐番埋位!』,佢仲大大聲重復兩次,佢態度超唔好!其他食客也看著我,令我幾難堪,我跟本就唔係諗住會快d才走過去,只是她經過我附近也看不見我,我才走過去,同檯一對男女叫佢埋單,也被她不禮貌對待雖然佢地D o野好食,但是咁待客,真係好難令客人回頭再吃

看到食評大讚玉葉的糖水，所以快快吃完午飯便來此店吃個飯後甜品。結果令我大失所望：糖不甩($7)：很韌，配料（椰絲、芝麻、糖）沒香味海帶綠豆沙($7)：真正的「糖水」－－糖加水！完全不起沙，太甜，綠豆極少(外賣要加$0.5)其中一個女侍應的態度極差！以後不會再來了！

同男朋友仲有佢個frd去牛記就o係上環兜左陣..我地經過玉葉..我同個frd講話玉葉好似幾出名架..咁就坐低食啦...其實我同男朋友之前都食過一次...我同個frd都叫左西米露..我逼男朋友食綠豆沙...佢食下食下吐左條橡筋出黎...佢話一開始以為係海帶..但越咬越唔對路..平時佢通常都唔理照吞..但唔知點解o個一刻有個衝動想吐返出黎...我唔明點解佢會整到有條橡筋o係碗綠豆沙...呢個問題代表左佢煮食時好似無留意咁..未必有下次啦..

中環食完飯,同個朋友專程黎呢度食碗糖水,紅豆沙2碗&糖不甩1個,"錦上添花"4個字可以形容晒~~~~~good!!!

下午經過想食碗糖水,香草緣豆沙($7)加糖不甩($7),老婆要雲吞麵($15).綠豆沙及糖不甩都幾好尤其係糖不甩好滑又有好多椰絲.雲吞麵就差D,水準好普通.咁多好評大概都並非俾食味,應該係俾風味多D.我個笑面都係.