玉葉甜品

营业中

休息中

我一位很重要的朋友是是月的壽星公，他最近潛心學習易經，今天便和契媽專程到荷里活道一帶物色我們心中鎖定的禮物 ...... (因他極可能在收到禮物之前會看到此評，故不能於此時揭盎 )尋尋覓覓，終於在依利近街一間古物店找到目標。那店子簡直就是一個寶藏而那對老闆夫婦就是一對活寶，一邊參觀一邊聊天，老闆對易卜和命相頗有研究，更贈咗我們幾句呢! 不經不覺在店中一耽便是三小時，沿著斜路往下走見時到一個只得三四張枱的大排檔，便二話不說即刻坐下來一人一碗涷綠豆沙。一啖冰凍的綠豆沙入口(是真的起晒沙，豆又夠"淋")，那香草幽幽的香氣和綠豆沙的清甜由口腔直衝腦門，感覺好像整個人一下子給cool off! 埋單那位阿姐話15蚊，我還以為她漏計了契媽那碗呢，原來這才是寶物沉歸底呀

o係山頂落返山, 行了一陣蘭桂芳, 又走左去食糖水, 這家糖水雖是街邊貨仔, 但係佢既綠豆沙真係好正!! 平時我唔食綠豆沙, 黎到呢到點都要食返碗!! 因為佢d 綠豆沙真的起沙!! 可惜今晚有點熱, 我點了凍的..... 起沙情況不是太勁。但甜度適中, 又平, 抵呀!!!兩人還叫了糖不甩, 入面無料, 只是一舊粉團, 但都ok。

有一排成日要落中環，食到無野好食，朋友話依度好，所以走左黎。朋友係依度地頭，一路食會一路講好多故仔。原來以前玉葉同隔離上左鋪既民園係兩兄弟開，玉葉做甜品，民園做粉麵。話說因為兩兄弟媳婦不和，成日從中離間，最後兄弟反目，變成今日的局面。依度的海帶祿豆不得了，海帶多到好似食菜，但又滑滑的非常好食。糖水唔杰，我中意。粉麵就唔多得，不過我只係食過一次牛腩河，還不好作決定。但唯一可以肯定係河粉唔掂，免得過就唔好黎食好。

承上評，吃過烏冬，為時已差不多晚上十一時。結果我們乘坐天星回到中環，不知不覺來到玉葉，吃碗西米露糖水，坐在路邊吹吹水。這裡的糖水吃過無數次，也不是真的值得一提。始終，筆者喜歡的只是在那傾斜的石屎路坐在這些大排檔的那種感覺而已。反而，這裡的服務態度就永遠都不知所謂：例如是晚隔離桌坐著幾個 ABC,其一親自下去說要拿兩隻碗仔，對方卻大聲堅持：「一隻夠喇！一隻夠喇！」坐在旁邊的筆者聽見也感刺耳，真的不知所謂！

尋日同阿瓜去左中環, 行到累累地, 就黎左呢度食碗糖水抖下;叫左碗凍嘅海帶綠豆沙同糖不甩, 碗綠豆沙真係幾夠冰凍, 值得一讚, 但個人認為甜左少少不過可以接受;相比之下糖不甩就冇咁好, 糯米團未上晒色, 不過不失啦, 係百物騰貴嘅環境之下有七個半一碗糖水, 仲想食咩丫~

嗰晚同個弟兄逛逛中環, 記得此店comment不俗, 又是有feel老店. 於是乎特登嚟食番碗凍海帶綠豆沙.海帶好大塊好多! 又清涼, 正!同個弟兄吹吹水, 十分舒暢! 加埋d懷舊feel, 呢d咪開心囉!有一種快樂是$推砌不出來的, 大家認為是嗎?不過我諗下晝嚟可能會有d熱.有機實反炒!

在中環工作,放工後行上來食甜品很方便,這個星期已來了兩次,最喜愛這裡的甜品是海帶綠豆沙,前天來食時,海帶很多,又大塊,佔了整碗的三分二,很合我意,因為我主要想食海帶,今天來食,海帶只佔一半,但渣就多了,而且無咁稀,甜度又適中,很好食呢.另外芝蔴糊有杏仁香味,好味.價錢又抵,熱的只是$7,凍的就$7.5,在中環食甜品不需$10真的十分便宜,值得推薦.

食完熱辣辣既茄牛湯後拿拿聲爬完又長又斜既樓梯去玉葉搵降溫方法 - 冰凍綠豆沙同老婆一人叫一人海帶綠豆沙 + 香草綠豆沙食完第一啖 ................. 爽晒 !

久聞之檔的糖水不俗, 是日慕名而至一試海帶綠豆水, 果然不負所望~綠豆水有意米在~增加了口感~不過海帶略嫌有點煮唔透...>.<總括而言, 是可再來的~~最緊要佢又唔係貴~~~同埋, 佢又係果d街邊茶檔仔, 幾有feel XDD

這個食評應該要回到上年暑假做intern時7月11日這天是我和親愛的第八個月, 決定給她小驚喜第一站就係玉葉了, 從鐵筒拿著木筷很有地道的街頭檔口特別之處就係玉葉係位於斜路之上, 飯桌隔離就係馬路因為還有下一站的關係, 只叫了牛根腩撈伊牛根腩的份量是好足的, 牛腩煮得入味非常, 粗粗的牛根很稔滑如果此時就食埋臭草綠豆沙或者糖不甩就一絕了Now, next station is "chocolux"....

食完客家爺爺後，大舉提議食糖水，附近最近就是玉葉。對於這老字號傳統的糖水舖，我不太欣賞，每款糖水實在過份的甜。講求健康的一代，真是很難接受。我的海帶綠豆沙除了海帶外，還有薏米，非常之清熱去濕，而其甜度已比其他的還好，老公的西米露及細妹的紅豆沙真是名副其實的「糖水」，我就比較喜歡媽媽的香草綠豆，除了有臭香外，最仲重要是夠多渣，不似我的海帶綠豆水汪汪。嗜甜的老豆對糖不甩當然沒有抗拒，整碟給他一個人吃光。

4/5/2008 約5:20pm都是朋友的錯,經常忙碌,結果差不多到落畫先睇《Rambo熱去回歸》但朋友沒份兒,改由另一朋友看,還是得多謝Openrice送的戲票之後一起行去中環大會堂的圖書館還書借書悶熱的夏天似乎愈來愈早來到,又有少少肚餓,自然想食冰凍甜品,諗起呢度友人住中環區域,但都唔多識路,我地搵左好耐先搵到,仲要身水身汗斜路上的綠色大排檔,懷舊的東西香港將會慢慢消失,細個西環都經常幫襯大排檔,宜家已經冇哂,所以襯香港仲有就要繼續幫襯,支持它們的存在價值叫了 凍香草綠豆沙($7.5) 同 凍紅豆沙($7.5)綠豆沙完全係正爆,夠凍夠料夠沙夠甜,食完覺得解渴又清熱,值得推介友人的紅豆沙試了一小啖,起沙有陳皮,都ok,但個人認為部份酒樓都做到這樣的水準

熱香草綠豆沙...佢果d係咪真係香草,唔係臭草呀??因為可能今次食熱version,所以聞到d野喎.平時煲綠豆沙放的是臭草,但係我今日食果碗係聞到有香草味.好奇怪呀!!!!除左聞落去唔同,基本上同凍係無分別,如果真係要講有,我會話係d渣煲得難d囉...p.s.真係好熱,熱到條脷痛到而家,足足12個鐘!!!

今次轉攻紅豆沙,當凍紅豆沙奉上時,覺得佢只係綠豆沙的紅色版本.因為糖水真係比平時酒樓食到起沙的紅豆沙稀. 不過各有各好啦.呢碗比較清,健康,食完唔會滯.紅豆渣都算多.好香果皮味.有果皮2-3片,

話說上回食過外帶的凍海帶綠豆沙同堂食的凍香草綠豆沙,發覺兩碗的綠豆渣分量相差勁遠.究竟係堂食與否的問題還是係款式問題呢?今次為左解答呢個問題,專登泥堂食左碗凍海帶綠豆沙.綠豆渣係多過上次外賣,不過真係比香草堂食少.所以我諗海帶的應該係比香草的少渣!不過食次食唔到冰塊了.同樣都係咁清甜.不過又唔係太甜.好出色!!