玉葉甜品

营业中

休息中

昨天晚上才因為元宵要應節,走到北角吃湯圓去~想不到男朋友這個晚上吃罷晚飯提議外出逛逛..原來就是帶我來這間我曾經嚷著要試試看的玉葉吃甜品去 :]那個時候已經是十時的事了=)我地就坐起斜斜的馬路上既一張檯*就係好勵害啦? 咁斜既路都可以定住張檯同凳起度!@.@"不過一定要坐高個邊,面向低個邊..如果唔係就會感覺似就和後"線"落去咁架啦男朋友叫左個凍既紅豆沙, 而我就叫左糖不甩(這個當然是熱的)想提提個唔知係咪老闆娘既女人..開頭我對佢既感覺的確不太好..總係覺得佢SERVICE麻麻..後尾先發現原來佢係傻傻地-.-因為佢好似有D撞聾,56K 同冇乜記性叫野係個陣..講左好多次佢先聽到..不停問咩話 0.0!!同佢講完野要比時間佢諗一諗佢先答你XD同埋食完野埋單~ 佢可以找錢行錯去第2檯..仲要行到埋去..個人好驚訝咁望住佢做乜比錢自己//佢先望一望再「咦」一聲才發現自己行錯左 XDDD所以就覺得原來佢真係冇乜點..紅豆沙(凍)其實味道唔錯..不過可能因為係普通既傳統糖水..所以真係沒什麼特別..夠就夠凍 不過唔知係咪因為我食慣熱的..所以總係覺得涼涼的有點怪@@? (不過這是我個人問題

本人是openrice的fans, 但從未寫過食評, 今次終於第一次寫呢個"不得不寫"的食評同大家"分享"吓!! 今晚有機會去試吓呢間勁多好評的玉葉甜品, 一共六個人分別叫了一碗芝麻糊, 兩碗海帶綠豆沙, 三碗西米露 另加兩個糖不甩! 西米露好"傑", 海帶綠豆沙好多海帶, 不過兩款都勁甜, 我們實在吃不慣, 連一位比較嗜甜的友人吃了三份之一都放棄了(我們當中只有一位朋友食哂, 但另外四位就吃了三份之一!! 未幾, 一位細嚐住她的芝麻糊後說味道奇怪, 我們在不相信的情況吓食了一口(因為大家深信這老店冇可能會做 芝麻糊做得唔好食)居然有一大陣"窿"味又並不是杏仁味 (居然呢個係唔甜), 於是同阿姐講, 阿姐都話唔可能, 死死氣地攞比老闆娘話比佢聽, 點知...佢伙計到最後都攞返黎話冇唔"窿"味都唔打算換, 都算...不特止, 遠處已經聽到老闆娘大聲話我地(其實初時冇留心聽到佢鬧我地咩架, 不過聽到話我地"幾蚊雞都呃", 真係火滾, 不過我地冇同佢嘈, 因為伙計都有細細聲同我地話唔好意思!! 糖不甩都ok喇, 我明白點解o甘多外國人去食喇, 除左勁甜啱佢地, 佢地一來都唔識聽個老

星期六特意來這店光顧，叫了椰汁西米露(熱)及糖不甩，兩樣都味道都不過不失，不過糖不甩還是喜歡9龍城某甜品店的多些，哈哈...但是我覺得它的價錢很便宜，大家去中環時不防一試。

專程同老公行上山搵玉葉, 次次都認不出路呢!我仍是叫芝麻糊, 貪它加了杏仁夠特別, 雖不滑但很喜歡. 老公叫了香草綠豆沙, 不過這不夠香草味, 偏甜. 埋單每碗只$7, 能夠吃到舊風味, 那裡找?

吃了玉葉(+民園)十幾年每次都愛坐係斜路條街到食, 好鬼過癮又涼爽佢o的麵同糖水真係平靚正次次都食兩碗今次碗西米露更尤其SWEET十幾年真係有感情架希望政府都珍惜, 唔好咁易拆o野啦~

離開了Culture Club Gallery，往山下走，睇見玉葉，又係時候祭下五藏廟。e次要左(眾食友推介的)牛筋牛腩撈伊，芝麻糊同綠豆沙。伊太諗淡口，牛腩入味較瘦少韌，係牛筋對板，無筋又諗又入味。芝麻糊同綠豆沙太潮式，水還水，渣還渣，而且較甜，唔係我杯茶… 但渣唔少，真材實料。成餐都係三十幾伩，好扺食呢﹗

依個食評11月去食但依家先得閒寫前排去開中環好辛苦先搵到依間野，行到索晒氣先搵到依間都幾出名紙皮屋，依到甜品較出名。真係覺得同依碗牛腩麵相逢恨晚，我覺得好食過九記好多，雖然九記係清湯腩好難比較，但我鐘意食依度牛腩河多d，牛腩夠淋湯好濃係可粉唔夠滑者，依度伊麵唔洗加錢九記要，仲要依道抵食好多每碗$16撈麵$19。甜品芝麻糊係自己磨仲要無隔渣，仲有好重杏仁味，我覺得ok比較稀的唔太杰只賣$7超抵，仲有紅綠豆沙、西米露以價錢來說真係好唔錯。依度服務都係大排檔咁態度聽度格離台幾個人分開叫會比阿姐鬧要一齊叫好忙阿姐要行來行去應付唔黎，講真黎得大排檔都預左啦！無所謂

吃過餃子，與男友兜落九如坊一帶散步，再行上荷李活道，近伊利近街時，看到久未品嚐的玉葉甜品，二話不說要坐下來一碗生磨芝麻糊。水準依舊，甜度適中，雖然不滑，但芝麻味甚濃。金融海嘯下以 $7 可以吃到一碗真材實料的芝麻糊，煞是感恩。

夜晚八點幾行過見到，都係貪平所以試下。路邊檔的感覺很有趣，坐係最斜既枱，連碗麵都會係枱面＂跣＂走。試左雲吞河同牛腩麵($16)，雲吞河不過不失，但牛腩麵就超水準。牛腩好入味，夠腍，份量又足，腩汁仲好香濃。想唔到今時今日$16都仲可以食到咁好味的牛腩麵，真難得，希望呢D路邊檔會保留得到啦!下次再來試$7大大碗的糖水啦，（雖然唔知好唔好味，都支持下啦），今晚先過隔離公利食龜苓膏。

佢係著名既民園麵家對面，但係似乎佢既生意仲多，可能係香港人仲懷念食大牌檔既日子! 我地叫左一個牛腩河($16)、雲吞麵($16)再加一個糖不甩($7/6粒)，係斜路上面好平衡既檯上面食，真係好有地道風味! 個牛腩河個腩汁好濃，但係d牛腩就唔夠腍，同埋d粉就少d，算係過得去咋。相反佢既糖不甩熱辣辣，好有薑味，果然係招牌菜!其實好多人都好鐘意大牌檔既風味，希望政府可以珍惜呢種本土文化，唔好再拆哂d大裨檔!

午飯無所事事亂逛，竟走到伊利近街？﹗見玉葉好多人等，不如試試。因時間關係，最好都係買走，但都等左十五分鐘…二十大元的雲吞撈麵，好大盒，有五粒雲吞，重有幾條菜。雲吞不算大粒，但皮薄亦鮮甜。菜全部係根位，唔老，正﹗麵爽口，梘水味少，但撈豉油汁偏淡，加上辣椒油會更可口。抵食又好味，一定再幫襯﹗

食了綠豆沙+芝麻糊+牛腩麵，味道ok，不過個亞姐態度真係極差，眼見對任何一位食客都毫不客氣，好似全世界人都得罪佢。食物並非超好，所以完全不值得俾人串又受人氣去交換一餐，何況我地要俾錢......如果真係唔收錢o既話我都唔會再去，試過一次就算。

2008-11-14弊弊弊，竟然遇上比九記更好的牛腩當日十二點多少少去到，但要十二點九先開，提供麵食周圍行，都係打發唔到時間，就叫佢開檯俾我o地睇住o野食兼吹水一路開始多人，我o地早o黎有檯，如果遲o既就要坐斜路檯……要注意唔小心就會俾個阿姐客氣地串「外賣唔可以快，趕時間o既就過對面，唔係對面會執o架」「改o野要再排過」「未有麵呀你等o下先啦」$16 一碗牛腩麵，加$1 變伊份量非常足夠，牛腩亦算同九記同級，伊麵亦只係加$1，整體亦比九記平要埋糖水，天氣熱所以要凍o野，凍西米露，$7.5(熱$7)但就真係幾一般總之啦，如果唔係特別要咖哩腩，我以後都會搵玉葉

吃過Goodluck House, 同事們意猶未盡,要去食甜品這間我倆想試了很久,但因為之前天氣太熱,所以一直都無試我倆同時都吃了芝麻糊,跟平日吃到的截然不同,竟然有老公仔的死敵...杏仁味...糊裡有一粒粒的芝麻,對是真材實料的,不過我地唔Buy...而且個芝麻糊很稀呢我地又吃了糖不甩,正宗的,無餡,都算唔錯...其他同事吃了海帶綠豆沙,西米露...從他們的眼神,都知道不太滿意這一餐...

中上環美食之旅第四站朋友不知在那裡看到這裡的甜品介紹, 今次經過便試一試。這裡環境幾有風味, 在斜路的路邊。我們要了凍紅豆沙 (7.5 元) , 凍綠豆沙(7.5 元), 熱芝麻糊(7 元)樣樣都很甜, 豆不是煮爛的, 是弄爛的。芝麻糊 : 我在超級市場買的多多即溶芝麻糊比它還好味。為了補償, 晚上回到家沖了一包多多芝麻糊嘆嘆 (2 元一包)