玉葉甜品

营业中

休息中

食完晚飯，到附近玉葉食糖水。因是街邊檔的關係，衛生招呼都預咗麻麻，但勝在價錢相宜。西米露：好稠好甜，西米煲到差不多溶掉，no good！紅綠兩溝：味道都係略甜，普通啦！

工作關係，日日都係中上環揾飯食。金融海潚關係，身家剩番1/3。不過無論點都好，都係要食。============================玉葉甜品，位於soho之下，皇后大道中之上。店小但有性格，午餐只由十二點九之後先有得供應，有遲冇早。更特別的係，佢名叫甜品，原來麵品仲好食!!一碗單拚麵19大元，撈麵21，不算貴，但質數頗高。除了沒有完全規水味，其牛腩之淋，豬手之入味，亦令人回味。甜品方面，以香草綠豆沙及海帶綠豆沙最掂。更甚者，可以兩溝，今日整左個紅黑，十分特別!紅黑? 咪係紅豆沙溝芝麻糊囉，幾過癮。環境就好一般啦，真正排擋，風味夠。

18-1-09(日)久仰大名，但數次都是撲空。多是因為來得過早，還未開門，有時又因是節日關係。今天終可一試馳名的綠豆沙，可能有點興奮，又不慣那張放於斜路上的小椅，差點將自己掉了落地。叫了香草綠豆沙和海帶綠豆沙各一碗，都是要凍的。吃落覺得綠豆沙再凍些就更好，因為只是微凍的話，就吃熱的吧。香草綠豆沙可能期望過高，感覺一般，而且略稀。海帶綠豆沙反而更香，更合個人口味，不錯不錯。7.5一碗綠豆沙，又可置身電影場景般的風味小店，值得到此一遊。原來還有其他又美味又經濟的美食，改日再來試。

同朋友食完飯,原本去買嘢飲架我心思思就提出去中環食玉葉啦一直以來都好想試下架, 但未有機會今日終於可以一試呀~原來公利同玉葉係咁近架....大排擋,有好多人食叫咗一碗綠豆沙...因為人人都話好食呀...第一啖都己經覺得佢好甜.....好"流"其實真係好一般喳...但勝在夠平囉...."7元喳...." (我都未食過咁平既糖水丫）反而凍既要加5亳添....我唸我試一次就夠了~太甜頂唔順呀....

午餐去到中環見到有香港買少見少既大排檔,當然要試下 ^^v我同bf order 左 :牛根腩米$16=牛根腩勁入又夠鬆化^口^v正 !!!! 水餃麵 $16 =水餃大大隻 ,足料,但有九王唔太夾甘 <--(純屬個人口味 ) 而且價格十分便宜,可惜小小既係d麵有陣皂水味.紅豆沙 熱$7 凍$7.5 = 凍既夠透心涼 ,而且起沙又唔會太甜 + 大大碗 !!!!推介之作服務有善而且細心 ,難得 ^~^

在陳勤記吃過一席潮州住家菜，走到了中上環的玉葉食甜品，這間在斜路上的大排檔，近年常成為電視劇或電影的場景，確是蠻有港式氣味的好地方。甜品的價錢只是約七蚊，便宜得令人難以相信，這晚就來一碗凍椰汁西米露試試吧！如果要精簡地說出這大平賣的糖水味道如何，不用細想便能道出 － 夠甜、夠凍、足料，完全做到了一碗美味椰汁西米露的基本要求。環境氣氛加上抵食糖水，難怪不少名人也慕名而來，一試後亦同意玉葉甜品確是物超所值，算得上是港式街頭小食的代表之一呢！其間發生了一段小插曲，好友問我有否嗜過玉葉的糖不甩，我答沒有，她再問我有否聽過這道甜品呢? 我答有．．．是薜凱琪唱的 ^~^對不起，最近我比較多爛 gag 呢，請見諒！

今日好鬼熱呀, 我仲行左一條好長既樓梯先搕到呢!!!我一去到, 就見到呢度坐滿曬人...我一個人好快有位姐.... 我一坐低即刻點左碗"熱"既芝麻糊 ( $7 ) : 講真~我覺得好難食!!碗芝麻糊稀到好似水錦, 仲甜過龍, 我好努力都係只可以食左 二份一...仲有我覺得似食杏仁露多D囉, D黑芝麻仲係一粒粒, 未磨完錦..... 總結 : 我都唔明點解禁多人黎食糖水 ?? 另外 , 我見到好多人食雲吞撈麵 ( $20 ), 好似好好味錦~~我下次一定要試下~~

十二月初七‧晴 吃飯沒有什麼心水，信步來了荷李活道，見這個排檔仍然人頭湧湧，來吃過腩撈都好。幾好彩，一上來就有個位子，立即坐下。這裡是大露天，秋冬涼快的天時來還可以，熱少少來吃，都幾辛苦。 要了個筋腩撈，落單的大佬手執成十張飛，只見師傅一碗一碟的淥，也真的要等一等至有得吃。麵大大碟，牛腩大大件，總之大堆頭。吃件牛腩，夠色夠味，幾香幾濃，肉質不韌，仍不錯；吃件牛筋，當然是意料中的爽口軟滑。麵爽身，沒鹼水味，索了腩汁及下了點油，夠晒「好撈」。這碟腩撈，吃得飽一飽，只是廿四蚊，十年如一天的抵吃。 至於這裡及對面麵舖的恩怨，不細表了，總之吃了廿年，還是黃師傅的手勢可靠一點。

離開中環前，我們還到了「玉葉甜品」吃糖水。位於伊利近街斜路的玉葉，是我以前的client開的。除了歷史悠久外，傳統的中式糖水還很美味！餐牌簡單不過，只得傳統的糖水，一目了然！一碗冰凍的糖水，只不過是$7.5而已。價錢其實其次，最重要是出品水準高又認真！當你一口口品嚐時，我們欣賞的不只是廚房的手藝，最珍貴的還是舊區的情懷，以及對傳統老店的尊重。有機會的話，記得捧下場！

@07-03-09 於上環行街, 行經玉葉記得此為open rice top 10之食店, so try try第一次食玉葉大約二點半來到, (係食lunch喎) 叫了雲吞河, 牛腩面 及 淨豬手 .雲吞都好食, 蝦都彈 , 算是好味及新鮮.牛腩都個人認為都ok都淋, 只不過honey認為color太深色, 佢認為味道一般啦 .淨豬手 $35, 都有成7,8舊 ，大家都要補一補骨膠原先。味道arn味, 我見個個行過都會望一望我地個淨豬手 . 可能尼個唔多人夠擔食...........驚肥 ^ ^ 食食吓見到 鐘麗淇同2個外國朋友經過 , 都幾靚女 .坐街邊另有一返風味 .

二月二十五日飯後當然要甜品作結.有提議去玉葉甜碞.原來走個街口就到,懷舊的大排檔.一行多人坐下.聽說這裏出名是海帶綠豆沙等自己極不喜歡海帶綠豆沙,因為煮出來變成一種獨特的香味,當然自己由紬過直到現在也不能適應,幸好病了,只能聞到少許~不食主角,唯有轉戰配角椰汁西米露.棷汁不是下得多,變得有點稀,甜味尚可以.西米露幸好煮得粒粒分開,最少看不到貼在一起.七元又的確不貴.不過可能這裏綠豆沙比這個更好,談話中途見到草猛其中一名成員,食友更和它影相.不忙地讓開位,然後抽身離開~

SoHo晚飯後的甜品, 簡單一點, 特式一點, 清涼一點. 就近後面的街邊甜品, 方便至極. 平日中環的夜客不多. 但都坐無虛席. 幸好我們一行9個人. 依然有足夠位子給我們分兩檯. 遲來的一位90年代巨星. 要等位了.上次獨個兒食玉葉的麵, 水準同風味都十足. 今次飯後來, 終嘗一次玉葉的甜品. 聽講這裡的綠豆沙不錯, 陪著新朋友, 總要扮大哥地介紹一下. 這裡的綠豆沙是招牌, 兩位朋友便跟機, 來了個海帶綠豆沙.這兒的綠豆沙比較清, 沙感不重, 或許不是人人喜歡, 海帶爽口. 加上少許意米的綠豆沙, 不太沙, 不太甜. 清涼可口. 另外朋友仔兩個叫了西米露. 不知為何, 自家煮, 一凍了, 總是要食槳糊咁食. 外面食的依然是甜露一碗. 不像酒樓點心的稀如水, 一看落西米同水份成正比. 沒有食但都知是不錯的作品.閒談中, 突然有位老食友來到, 閒吹一番. 我亦向面前兩位新朋友同一名半鬼仔老死介紹呢度係好多電視劇, 電影取景之處, 亦有不少明星到訪. 話未說完, 坐在旁桌的老食友同我打一打眼色. Remus........?! 我們埋單結數後, 讓了位給大明星同其女助手, 我是名草蜢f

在伊利近街斜路下的玉葉,一直比小弟稱之為"人間廢葉".不是他們的水準不好,係覺得個檔口無論內至外,感覺幾頹廢.平日晚上也能找到個位,飯後當然吃甜品,要一碗凍香草綠豆沙,很多人說玉葉的綠豆沙很好,我一直不以為然,還覺得它們的綠豆沙,不夠香兼質感略為稀薄,今次來吃的,也是一樣.再叫一碟糖不甩,沾上砂糖的湯丸,甜中帶軟糯的口感,不錯.玉葉斜落我心寂寞時,萬人共歡亦獨嘗lonely,在這一刻,見到草蜢的蔡一傑,來到與我們一起坐街邊吃糖水.其中一位朋友是草蜢歌迷,即刻走上前與他合照,吃糖水送合照,有本又有利.離開之時,大家在斜路尾,不禁唱著一起森巴舞,撥走不滿...哈哈哈.

2009-02-11這應是舊老闆第一次食玉葉今日十二點半到來，卻可以叫o野食了豬手伊，照舊轉伊加一蚊所以$17豬手兩舊，膠原唔重我反而鍾意。但豬手面有毛，可吃的部分甚至比一般豬手少添好唔飽哩落單人仍是矇o下矇o下，收錢時亦然……今次無食糖水喇。下次玉葉，都是牛腩算了吧……

4點幾同友人專門去試下佢既糖水呢個時間當然係冇咩人啦,個度位姐姐好主動咁問我地要d咩香草綠豆沙:$7.5食第一啖已經聞到d草味~係平時食綠豆沙唔會有既個人覺得幾得意糖不甩:$8個人好中意食佢亦都好多花生粒呀幾好幾好如果要我專登去食多次就唔會喇不過如果路過都可以坐底食下既