玉桃軒酒家 (鱷魚恤中心)

营业中

休息中

今日放工約左老公嚟左觀塘食晚飯，我地黎左位於鱷魚恤中心嘅王桃軒酒家。酒家燈光光猛，檯與檯之間嘅距離足夠，坐得好舒服。羊腩煲天氣轉涼，我地叫左個羊腩煲。羊腩煲大大煲，盛惠$338。羊腩好大件，每件都好厚肉，炆到好入味，肉質好淋。而皮嘅位置就好有咬口，爽爽地。另外，配料有有冬菇、筍、馬蹄、枝竹同蔥。冬菇味道香濃，枝竹吸滿湯汁嘅美味。而家食羊腩煲會送唐生一碟。紅燒BB鴿1隻乳鴿即叫即炸，上檯時非常香，油脂感十足。乳鴿好香脆，乳鴿肉好嫩滑，充滿肉質，油香滿滿。翡翠花姿珊瑚蚌我地再叫左疊蔬菜。荷蘭豆好新鮮，條條都脆卜卜，用上左蒜頭炒，香氣十足。花姿蚌同珊瑚蚌大大就，好彈牙。

這家酒樓位於觀塘站附近，交通方便，室內裝修華麗，場地適合舉行婚禮。環境衛生，座位舒適，服務員有笑容。雙冬羊腩煲：份量大，熱辣辣，香氣撲鼻，羊皮彈牙，羊肉嫩滑，羊腩沾點腐乳醬一起吃，十分滋味。枝竹爽口，馬蹄清甜，醬汁濃味。送唐生菜一碟，味道鮮甜。菠蘿咕嚕肉：豬肉外層香口，內層肉嫩多汁，洋葱很甜，菠蘿味道酸甜，青椒爽脆，醬汁味道酸甜。蒜茸油麥菜：油麥菜新鮮，顏色翠綠，蒜茸份量適中，很美味。花生：口感脆，有少少咸味。

羊腩煲湯汁很濃郁，羊肉煮得十分入味，肉質軟嫩，彈牙有嚼勁，佐飯一流。並且搭配了一碟唐生菜，口感清脆口感，配搭鹹鹹地嘅腐乳好夾！另外晚飯組合性價比都幾高，一個價錢就可以有蒸魚+自選1款小菜清蒸沙巴龍躉龍躉不算大條，勝在肉質厚實，口感滑嫩，魚肉鮮美又細膩，蒸得啱啱好，豉油味甜甜地，很開胃，另一半連葱都食埋😆金沙大蝦球即叫即炸，上到枱仲係熱騰騰，金沙即是鹹蛋黃，外皮金黃酥脆，咬下去很濃郁，大大隻蝦球很吸引，蝦肉爽彈，很有鹹香。

天氣開始凍，今日去咗APm玉桃軒食新推出羊腩煲保暖下先。門面極有氣勢。舒服乾淨，食得夠舒服，菜單款式多，樣樣都想食羊腩煲-非常香濃，滾到差不多店員打開煲蓋，嘩香噴噴🥰羊腩多，沒有碎骨，肉質軟腍夠鮮嫩，又不會被湯汁蓋過，羊皮彈口有嚼口，皮下脂肪平均，咬落有3個口感。其他配料方面，馬碲，冬菇，冬筍同支竹，同樣入晒味。另送一碟唐生菜，新鮮，灼一陣已經吸入羊腩精華，真心不錯黃金蝦球-外層炸至黃金酥脆，蝦爽口彈牙，每口充滿了鹹蛋黃香味 ，香氣撲鼻紅豆沙-紅珊煮至軟綿至起沙，味道濃，甜味適中馬豆糕-甜味好，馬豆粒粒美味，不錯

是夜在觀塘收工，老闆興起萬歲，到就近的玉桃軒晚餐！環境亮麗舒適，飲茶晚飯都適合，價格合理。喜灼海生蝦 $288生猛新鮮，肉質鮮甜！肥大肉厚，醺一點豉油，已經好好味，還要是特價，抵食！ 玉桃軒小炒皇 材料豐富，有帶子、銀芽、韮菜花、腰果、鮮魷、蝦仁，送酒伴飯兩相宜😂😂羊腩煲 $338，入冬天最理想的餸菜 😍😍除了肥大羊腩外，配料都不少，有支竹、馬碲、冬菇、冬荀等；還有一大碟西生菜，豐富得很。羊腩肥美，炆得軟腍入味，跟腐乳極配！北京片皮鴨 $288原隻片皮鴨上枱，即席片皮，皮脆肉嫩。包著鴨肉、青瓜絲、韮黃等，加上甜醬，好味道。最後還送上椰汁馬豆糕，味道可媲美收費的，認真慷慨 🥰🥰

天氣開始轉涼 想暖笠笠食個羊腩煲係時候😀「玉桃軒」晚飯提供多款優惠 下次約埋一大班朋友可以試多幾款添🥰錦繡燒味拼盤 配小菜燒味拼盤有叉燒、油雞、鴨胸、木耳 份量慷慨👍🏿叉燒燒得焦食惹味 最得我心❤️小菜有十三款選擇 選了黃金蝦球 蝦球炸得金黃酥脆 咸蛋黃非常邪惡 但很喜歡💕✨雙冬羊腩煲雙冬指冬菇同冬筍 羊腩肥瘦均勻 炆得入味軟腍😋配埋枝竹、馬蹄、生菜🥬吸收晒煲𥚃精粹 食到我地舔舔脷 準備過一個暖笠笠冬天❄️✨紅豆沙店員遞上免費紅豆沙糖水🫘滿足

秋風起，又係食羊腩煲嘅日子，不過坊間好多餐廳都係用羊肉混水摸魚，但就賣緊羊腩嘅價錢今日幫襯呢間觀塘玉桃軒就完全冇呢個情況個羊腩煲上枱，打開蓋已經見到好靚嘅羊皮部份，成煲加埋有廿件，件件都有皮有肉，皮下嘅脂肪係騷味嘅來源，接受唔到就可以咬走，但咁就足以證明係腩位而肉嘅部份就炆到又腍又入味其他配料有支竹馬蹄冬菇同冬筍，同樣都精彩另外加送一份唐生菜，用嘅係最靚芯嘅部位，先灼一灼再上枱，再放入羊腩煲吸味，咁就唔會溝淡咗個汁，反而愈食愈入味，愈食愈停唔到口紅燒乳鴿，上枱時微暖，一隻切四件，用手拎住食最滿足。乳鴿本身嘅調味都夠，點少少醋食就有啲平衡作用。而鴿身都仍然有肉汁，唔會好乾身，係作為前菜嘅一個好選擇咕嚕肉係一個廚師嘅考牌菜，而呢到就做到合格有餘，首先係調味，做到酸甜夠平衡，汁又夠濃稠，完全可以掛哂上件肉到。而炸漿亦唔太厚，最重要係放耐咗再食就仍然脆口，值得一讚

週未去左鱷魚裇中心~玉桃軒~飲返個下午茶。😋酒樓裝修幾靚，都幾多人幫襯。我地坐底已經過兩點下午茶時段，有點野食平啲。冷盤花雕醉嫩雞🐓，雞肉嫩滑多汁，香濃既花雕醬汁香。九制陳皮叉燒酥🥮超酥脆外皮包裹叉燒粒。安蝦咸水角，咬落去熱辣辣，外層軟糯，兩個都好邪惡但好鬼正。韮王鮮蝦腸粉🥟，腸粉薄滑爽口，鮮蝦鮮甜彈牙，令人回味。醬王蒸鳳爪、蟹子燒賣王🦀，都係必點之選。最後，來個招牌蛋黃大蟠桃包🥟，咸蛋黃咸香十足，蓮蓉口感滑身，完美。係度坐下食下又嘆咗兩個鐘茶。🥰

剛剛踏入11月，秋風氣爽，開始掛念久違的羊腩煲，玉桃軒最近推出暖身之選羊腩煲，冷氣地方會有點冷，一於去補一補身。門面極華麗，乾淨舒適，相約朋友長輩來吃飯非常有體面。餐牌：菜品款式多，多吃幾次都不會重覆 。羊腩煲：羊腩煲非常出色，裏面所有都是真羊腩，連一粒碎骨都沒有，食肉獸至愛，而且肉質軟腍鮮嫩，不會被湯汁味道蓋過，羊皮Q彈有嚼勁，皮下脂肪半溶狀態，一啖咬下三種口感 。還有腐乳醬另外用碟上，可根據個人口味而自行蘸取。敬送唐生菜一碟：青綠爽脆，是送的，但是份量也很多。片皮鴨：這隻鴨肥瘦均勻，烤焗到鴨皮十分香脆鬆化，脆到連旁邊的朋友都聽到我吃到「嗦嗦」聲，加上優質的餅皮和配料，包起來吃就是完美。咕嚕肉：咕嚕肉炸得外脆內軟，芡汁的稀杰度適中，配上青椒、紅椒、洋蔥及菠蘿，清甜爽脆；整個菜酸酸甜甜，我另外點了一碗白飯配搭吃很棒。

飲茶食點心是中國人嘅飲食文化, 閒來喜歡和家人茶聚酒家位於觀塘鱷魚恤中心, 裝修高雅, 地方闊落舒適, 點心款式多, 經濟抵食。鳳爪排骨金鳳飯鳳爪滑嫩有嚼勁, 排骨肉質鮮嫩, 米飯粒粒分明, 吸收了肉汁和醬汁的味道, 口感香滑。 銀魚仔肉餅金鳳飯肉餅口感滑嫩, 銀魚仔增添了海鮮的鮮味, 飯粒通常會吸收肉餅和銀魚的鮮味, 充滿香氣。豉油皇炒麵麵條沾滿豉油的香味, 滑溜彈牙, 加上香甜洋蔥, 提升麵條的風味, 香滑可口。芙蓉鮮蝦餃大大隻蝦餃外皮晶瑩剔透, 內餡新鮮蝦仁加上清香爽脆芹菜, 口感鮮嫩豐富◦ 蟹籽燒賣皇餡料有豬肉和蝦仁, 口感鮮嫩脆彈, 加上蟹籽, 增添燒賣的海鮮味和層次感。北菇棉花雞鮮嫩雞肉, 厚香北菇, 加上爽彈魚肚, 令人回味。 還有上湯鮮竹卷、潮州蒸粉果 、山竹牛肉和豉汁煎釀茄子, 吃得好滿足。

一踏入秋季，急不及待一嚐期待期待已久的羊腩煲毗鄰apm及歡地鐵站的高級粵菜食府交通便利特高樓底，華麗水晶燈飾，設計寬敞典雅舒適宴會廳設有靈活的特色舞台佈景、音響配套及隔音屏風，適合各類的商務應酬、婚宴及喜筵等聚會香稔軟嫩的雙冬扣羊腩煲味道濃郁，並附送唐生菜一碟！羊腩用料十足，份量不少，非常有韌勁蟹肉粉絲煲做得乾身不會太油，粉絲盡吸蟹的鮮味，香味四溢芋頭油鴨煲熱呼呼，軟糯又香的荔芋加上油鴨的鹹香，太好送飯

  到觀塘找老友晚飯，過兩天是他牛一。找間口碑好，抵食的酒樓為他預祝。他愛吃中菜尤其是燒腊特別是燒鵝，片皮鴨等。是最愛！[玉桃軒]最近推出的「北京片皮鴨套餐」正合他心意！酒樓環境也很舒服，座位寬敞。片皮鴨套餐 ～片皮鴨一隻+ 一小菜每份388元有十多款小菜供自由選擇，也可選擇片皮鴨二食；韮黃鴨絲羹 ，薑葱醬爆鴨架，乾隆鴨鬆生菜包，炒鴨粒等等。而我們揀選了其他小菜。,, 燒得顏色均勻脹卜卜好靚！睇到好想快些吃到牠！好快！職員用以純熟的刀工將鴨片好整齊地排列在碟上給我們享用。賣相精美令人食指大動！配上的薄餅皮每塊都乾爽柔軟。鴨皮甘香鬆脆，鴨肉嫩滑，配合大蔥，青瓜，甜醬包着一起吃滋味到一個點！因為鴨油香，醬甜，蔥香，所以，真的好好味！套餐小菜選了～秘制蝦米粉絲煲粉絲份量好足！口感爽滑湯汁鮮甜。紅燒北菇豆腐 煲 128元又是大大煲的！這裡的小菜碟頭都是大的。滖燙燙的，豆腐外層焦香内裏嫩滑， 芡汁濃稠度 恰到好處 ，味道也調得 相當鮮味。乾燒伊麵  188 元生日一定要吃長壽麵的！伊麵乾濕度剛好，爽口得來順滑味道又夠鮮。很不錯！這餐晚飯老友很滿意，吃得開心！是個理想的晚飯場所。

星期日同家人飲下午茶，喺觀塘鱷魚恤中心隨意搵咗一間酒樓。👀餐廳環境：唔錯。幾鍾意個落地玻璃位，可以望到觀塘近地鐵站景色，光線十足。推介美食：紅燒BB鴿肉質細緻，炸得啱啱好唔會太燶，保持肉汁，外皮脆脆，新鮮炸起。五式點心拼盆有五件點心大大嚿好抵食，包括蝦餃，粉果，豆苗餃，薑汁糕和合桃包。想讚吓粉果餡料正宗豐富，合桃包也唔會太甜餡料合桃味濃，唔錯。咸菜豬大腸其實邪惡之選，但久唔久食都唔錯，鹹酸菜非常入味。豉汁煎釀茄子有四大嚿，新鮮整起，俾咗蝦餃和魚肉釀成，配合茄子好夾。蜆芥炸鯪魚球鯪魚球炸得鬆化，蜆芥醬好野味。金絲脆蛋散性價比高，好大碟，但橙食得出蛋味配上蜜糖，好味。總括嚟講，點心質素都唔錯，而且有下午茶優惠，假日只係每樣加$3 ，都算抵食。

疫情過後都冇嚟觀塘飲過茶，以前在這區工作時經常到鱷魚恤大廈飲茶食飯，貪呢個商場出名多酒樓選擇，事隔兩三年今次嚟到已經完全變哂，今次約咗老人家嘆早茶，就試吓呢間喇！一入到大廳覺得地方頗為寛敞，座位編排得有點距離，壓迫感不大！我哋四個人就點了七八碟點心：首選一定係腸粉和叉燒酥， 韭黃鮮蝦腸粉係我飲親茶必點嘅，D鮮蝦多到你唔信，彈牙可口，有水準！跟住係九製陳皮叉燒酥，酥皮脆口內餡叉燒濕潤，淡淡的陳皮香味又冇搶走叉燒的鮮味！可惜呢間酒樓冇雞包仔，惟有選擇傳統嘅蜜汁叉燒包，內餡濕潤豐饒，又沒有太多肥肉，絕對有水準。燒味部特價燒腩仔係部長介紹，果然冇介紹錯，皮脆肉腍𠕇囗感，上枱更是熱騰騰的，冇選錯！見到點心紙有款芙蓉鮮蝦餃，又叫多個鮮蝦菠菜餃試吓，兩者分別不大，都係鮮蝦爽口彈牙，前者多咗芙蓉蛋白，後者有菠菜做餡而已！但都十分可口。上湯浸豆苗和蒸鳳爪都係一般水準。最後老人家想食些甜點，結果選咗𣏌子桂花糕，香香甜甜配上淡淡桂花香味，成餐都唔駛百伍蚊一位，超值！

約兩老飲茶，不能隨隨便便因為佢哋行動唔太方便，所以首先要就腳第二要坐得舒服，吾好枱貼枱最好當然要啱大家口味我為佢地精心挑選了和官塘地鐵只有幾分鐘路程「玉桃軒」我對點心絕對又愛又恨廣東點心能𠄘傳至今，當然系好味；連老外黎親香港都話要吃點心。而恨梗系叫得多食得多就會肥。所以點都要適可而止。今次交俾倆老填點心紙，所以絕不留手鮮蝦菠菜餃有份量，餡料多到－咬即爆，味道不重，屬於比較健康的點心。九制陳皮叉燒酥香脆可口，真系食到九制陳皮味，幾特別。韭黃鮮蝦腸粉腸粉皮較厚，餡比例相對不多。上湯浸豆苗豆苗入口冇渣，清湯上冇炒咁油膩，細細碟價錢要百多元（加一後）燒腩仔難得啱啱出爐，乳豬皮堅脆卜卜，半肥瘦部份有溫度，口感不靭，高質。正常發揮的點心還有如下醬皇蒸鳳爪 芙蓉鮮蝦餃蜜汁叉燒包最後甜品杞子桂花糕甜而不膩，清清味蕾之首選。