玉桃軒酒家 (鱷魚恤中心)

营业中

休息中

餐廳位置係鱷魚恤中心六樓，觀塘地鐵站經apm行幾分鐘就到。酒樓環境十分闊落，裝潢行高貴路線，兩邊都有大電視，可以一路食一路睇劇。片皮鴨&龍蝦四位餐（$888）北京片皮鴨店員直接推原隻片皮鴨係我地面前切片，無諗過有得食之餘仲有表演睇，片皮鴨外脆內軟，肉質鮮嫩，入口充滿鴨油香味，用薄皮、京蔥和青瓜沾上醬汁包住食用，邪惡但十分滿足。時菜豆腐滾鴨湯有附一大碗湯渣，見到有豆腐、白菜仔、豆腐、香菇、大量鴨肉，湯底味道濃郁，飲落好鮮甜，份量足夠，我地四個人每人都飲到兩碗。上湯焗波士頓龍蝦伊面湯汁芝士味濃郁，同時伊面口感唔會過淋，龍蝦肉爽口彈牙，食到有一定鮮味，有適當脫殻，食落淡淡肉。清蒸海花斑海花斑雖然唔算好大條，但魚肉特別幼嫩，肉身特別厚，而魚骨比較少，幾適合俾老人家同小朋友食，伴蒸魚豉油食特別正。蒜茸炒時蔬時蔬有淡淡蒜蓉香味，味道正正常常，食到有鑊氣。精美凍糕四大塊桂花糕，清清甜甜。脆皮蒜香雞半隻（$168）食肉獸既我地叫左脆皮蒜香雞，亦即係炸子雞，個皮食落真係卜卜脆，一咬成口都雞油香味，再加上炸蒜，增加口感之外，味道特別郁味脆口。

同媽咪去食晚飯，一定要揀一間高質素嘅中餐館，因為媽咪對中餐既要求一向都係十分高😆我地就好鍾意去觀塘嘅玉桃軒食餐，喜歡佢地地點夠方便，環境、氣氛、服務態度都好好，而且食物質素連媽咪都覺得唔錯，性價比好高👍🏻今晚我同媽咪同囡囡三個人又嚟食飯，我地叫左⭐片皮鴨自選組合((片皮鴨+一個自選小菜)$388- 片皮鴨足料又吾肥，肉質嫩滑，就算三至四個食都足夠;- 小菜就揀魚香茄子煲，十足份量嘅茄子，夠晒惹味，送飯一流⭐西蘭花野菌帶子$188 - 西蘭花新鮮，帶子夠爽口，係囡囡嘅最愛再白飯兩碗$30見到一家人食得咁開心，就我最滿足嘅時間🥰

之前親戚在這間酒樓為小朋友舉行了百日宴，所以認識了這酒樓，當時已經覺得這間酒樓的菜式很美味，也知道這間餐廳片皮鴨是非常有名氣，於是這天就和家人來這裡試一試。在網上看見片皮鴨非常受歡迎，所以我們訂座時已經說明我們會吃片皮鴨，而且片皮鴨套餐的性價比非常高，配指定小菜只需388，所以我們點了1份黃金蝦球。因為需要吃菜才比較健康，所以我們另外點了海皇雜菜煲，相信已經會很飽，所以我們連白飯都沒有點。最期待的片皮鴨登場了，職員會在我們面前切片皮鴨，總共會切20塊，另外職員亦會問我們想不想吃燒鴨髀，當然想吃了。包著片皮鴨的麽麽皮會有蒸籠蒸著，保持溫度，非常細心，而且片皮鴨非常有光澤，而且皮亦都燒得脆口，又夠香，鴨肉嫩滑，非常高質，配合青瓜，京蔥和醬一同進食，非常滋味。黃金蝦球大大隻，有六件，炸得非常香脆，而且鹹蛋黃味道濃郁，蝦球爽口彈牙，非常新鮮，吃到停不了口。海皇雜菜煲，用料非常豐富，有大大隻蝦乾，帶子，魷魚和蝦仁，全部用料非常豐富，菜的款式也很多，非常鮮甜，而且粉絲索滿了湯汁，非常美味。建議大家如果點這個菜，一定要喝它的湯，非常鮮甜。職員問我們吃不吃糖水，都不知道原來有糖水附送，有紅豆沙和燉奶可

坊間不時有特價皮鴨餐但唔係間間都好食，朋友介唔觀塘玉桃軒，果然唔錯！至尊自選組合最實惠，$388 包括京烤片皮鴨一隻及自選菜式一款，我挑了玉桃軒小炒皇。面前片鴨皮，證明一頭鴨。片下皮及肉，有些脂肪，超大片，抵食，味道好。正常地配海鮮醬、青瓜、大葱及熱辣辣的薄皮。玉桃軒小炒皇係海鮮小炒，帶子、蝦，魷魚、腰果、韭菜、芽菜等大雜會，炒得好，非常豐富，配白飯好夾。另外加了一道金湯鮮茄浸斑球 $198，因為想飲湯、想食魚，魚塊肉厚，湯清甜。送甜品是雙皮奶，香滑。茶錢 $15 ，酸菜/花生 $16。高級酒家環境，光明亮，服務幾好。

同朋友都有一段時間冇食過片皮鴨突然之間好掛住想食！見到觀塘，呢度附近好似係得呢間有！再加上佢哋都好似好多小食咁就去決定去食！呢度最出名就係北京片皮鴨：除咗可以原隻上之外，仲現場親身表演切片皮鴨，均勻有肉有片皮鴨皮、片皮鴨真係超香同埋超飽肚！仲可以有加一食二食選擇！我當然食二食啦！揀咗乾隆鴨崧生菜包、四季豆豬頸肉！生菜包非常之香濃，食落去一啲都唔覺得好油膩！而四季豆豬頸肉除咗香之外！豬頸肉質咁好滑都彈牙！再加上四季豆嘅份量都多！除此之外，呢度都好多小菜可以叫包括咕嚕肉、七味豆腐、三杯雞煲、小炒王、茄子煲、連燒味拼盤、上湯芝士焗龍蝦、沙巴龍躉都好抵食同埋份量好夠!到最後當然要整返碗中式豆沙食！畫上完美嘅句號！玉桂軒觀塘鱷魚恤中心6樓全層

今日約咗朋友行apm，心血來潮想食片皮鴨，因為嚟過幾次都話賣哂🥲，今次訂位時訂埋。呢間嘅片皮鴨真係冇得彈，片皮鴨燒好後職員直接推架車仔喺我D張枱隔離當場切，皮脆肉嫩，用青瓜條鴨肉蔥絲包埋一齊享用，十分滿足，滋味無窮🤤🤤，我哋揀咗佢哋晚飯孖寶$388片皮鴨與小炒王組合，小炒王夠哂鍋氣好惹味，仲叫咗個咕嚕肉和紅燒豆腐煲，咕嚕肉好脆，個紅燒豆腐煲都好滑好正👍環境舒適坐得都好舒服，枱與枱之間空間十足，侍應都好禮貌有禮，同朋友食得好開心好滿足🫶，下次會再嚟😋

上星期嗰個飲食協會會長自己都講香港飲食業服務差，我都唔想再講香港飲食業服務差？！唔好成日話大陸服務好食物好食，香港飲食業服務又貴又衰， 咁呢個真係事實。 觀塘玉桃軒呢間嘢服務不嬲都衰，午市都坐唔爆場， 好似舊年飲完 都已經冇再幫襯， 而家多數去 2樓 ，7樓，同新開咗一 排8樓。今日走咗去六樓玉桃軒，成年都冇去睇下佢服務有冇改變，原來一樣咁衰， 燒賣皇食緊肥豬肉，仲衰過街邊廿蚊四粒燒賣， 陳皮叉燒酥就冇陳皮，叉燒又少 淨係食個酥， 仲13蚊一位茶錢， 呢間嘢咁嘅服務 值13蚊一位茶錢？？ 不過薑汁燉鮮奶就好食，的點心就麻麻地。 唔好食都算都唔想寫落嚟， 埋單畀錢， 邊一個人唔睇收據？？ 畀錢 。 問戴眼鏡女收銀攞收據睇， 就大力掉張收據喺張枱，我食嘢唔洗錢，過嚟攞免費飯呀，不知所謂

話說我到玉桃軒品嚐咗一頓精彩嘅晚市，口感與味道簡直係匠心獨具！🍽️👅💫 片皮鴨嘅外皮脆得嚟不油膩，啖啖凍肉令人回味；肉質與脂肪嘅完美比例，緊緻得嚟juicy，一啖落肚，簡直係鬼馬又滿足！配上京蔥同青瓜，入口即化又唔失彈牙嘅口感，粵語講嘅「爽口」兩個字真係寫晒我心頭上。至於黃金蝦球，喂喂喂，真係好正喎！有咗咸蛋黃嘅黃金外衣筍盤啲蝦球，串燒到啱啱好嘅程度，嘴巴一咬，蝦仁Q彈得黎內裡嘅咸香馬上撲鼻而來，嘩，我諗佢之所以叫做「黃金蝦球」一定係因為呢種寶貴嘅美味啦！腐皮卷呢個小食簡直係宜家個市場拾金不昧嘅發現，脆卜卜嘅外層糅合咗咁多材料，每一啖都係滿足嘅享受。當我試咗啲海皇脆脆腸，啫喱般嘅口感配合哂嗰種微微嘅海鮮清新味，正😋🍤！整體來講，呢間餐廳實陞提供咗一個好正嘅飲食體驗，入面嘅等待就算再長，對於一頓咁滿足嘅晚餐嚟講，都絕對值得！下次有時間，真係要再帶埋班朋友過嚟一試！👍🍴

2023年12月26日 (星期二) 19°C 環境光亮整潔，餐具乾淨。 當天為聖誕節翌日，大部份香港人外遊或北上，故此只得七枱食客，環境反而更寧靜舒適。 侍應上菜非常快，七款菜餚很快已經齊全呈上。 人數：7 人 HK$15XX 家人於 2 天前訂座，酒樓職員會當日早上致電確認。 不用排隊 菠蘿咕嚕肉 - 豬肉肥美，外脆內軟，菠蘿和洋蔥有咬口，茨汁酸酸甜甜，伴飯吃最佳。【推介之選】❤❤❤ 台式三杯雞煲 - 冬季煲仔餸，熱騰騰，帶有少許辣，雞肉不會煮得太老。【推介之選】❤❤❤ 紅燒北菇豆腐煲 - 豆腐出乎意料地滑溜，豐富蛋白質與鈣質，營養又美味！【推介之選】❤❤❤ 香芋油鴨髀煲 - 芋頭綿腍，鴨肉嫩嫩，熱騰騰，吃後身體也暖起來了。 金瑤扒豆苗 - 瑤柱鋪滿大地，幾乎看不見豆苗，哈哈 ... 味道偏鹹。 玉桃軒小炒皇 - 鑊氣小炒，味道正常。 揚州炒飯 - 原本以為叉燒會使炒飯變得鹹，但是結果相反，配搭蝦肉、蛋及瓜粒，味道可口。 蓮子紅豆沙 - 大碗裝，份量多，紅豆軟綿，熱甜美味。【推介之選】❤❤❤《 環 境 》：《 餐 牌 》：【 溫 馨 提 示 】：❶ 接受電話 / 網上訂座❷ 另收加

一個星期前訂咗片皮鴨book咗枱，已經再三打電話去confirm要訂片皮鴨，因為要同朋友慶祝生日，我地都好想試佢哋片皮鴨，酒樓都回覆有幫我地預留。我哋一行6人當晚8:10去到酒樓，酒樓就同我哋講8pm打俾我地，但收唔到我地回覆就已經取消我哋張枱，當時我哋已經好嬲，因為我地當晚係完全無收到酒樓嘅電話。同佢嘈咗一輪之後就話執張枱俾我地，叫我哋等等。入到去準備坐低嘅時候，個女部長就同我哋講片皮鴨唔夠已經賣晒。當時我地6個已經好無奈，搞咗咁耐入去同我講無曬，咁我打電話嚟訂啲咩？仲要同我地講送糖水補償？！糖水周圍都有得食，唔使得登試嚟食啦。重點係我地要同朋友慶祝生日，同埋一心上嚟試佢哋嘅片皮鴨，嚟到話無曬。一個咁簡單嘅要求間酒樓都做唔到，仲要浪費我哋時間，影響我地心情，完全無尊重客人，就算嘢食有幾好食都無用，真係唔明點解可以有咁多好評，絕對唔會再幫襯！

一星期前，我哋預訂咗烤鴨，而且明確同職員講我哋有六個人，係為朋友慶生。但係當我哋到達餐廳嘅時候，然後坐低之後，職員竟然同我哋講當日烤鴨唔夠無曬，唔可以提供比我哋…然後話送糖水俾我地補償…我真係好嬲同埋好失望。我哋提前預訂，而且清楚咁告訴佢地我哋嘅需求，但係餐廳就冇履行佢哋嘅承諾。呢個唔單止係一個小錯誤，而係對我哋時間同計劃嘅嚴重唔尊重。我哋六個人選擇嚟呢間餐廳，係因為我哋好想試佢哋嘅烤鴨同埋為朋友慶生。但係佢哋咁無責任咁同我哋講佢哋冇得提供我哋預訂嘅菜式。呢種缺乏專業態度同埋對客戶嘅冷漠，令我對呢間餐廳嘅形象大打折扣。我會寫篇評論係想呼籲大家唔好再光顧呢間餐廳。尤其重要日子，一家大細過黎食團年飯真係好掃興…最後我地六人無奈離開，再搵其他餐廳…佢哋唔止對我哋呢次用餐嘅體驗毫無負責任，仲對客戶嘅需求完全唔理會。佢哋嘅行為令我好失望，對佢哋嘅服務質素大大懷疑。我哋係消費者，應該喺呢啲唔負責任嘅行為面前發聲。我哋應該揀選那啲重視客戶需求，提供優質服務嘅餐廳。我希望呢篇評論可以提醒大家，唔好再浪費時間同金錢喺呢間唔負責任嘅餐廳度。

是次對這間餐廳的體驗感到非常可怕，十分後悔訂購這間餐廳本人在一個星期前已經致電到該餐廳預約並預訂了一隻片皮鴨。但是當天我到餐廳時候餐廳職員跟我說他有打電話給我，但我沒有回覆所以故事有機會取消了我的預訂，但我手機來電記錄完全無發現有任何有關該餐廳職員的致電。然後當我跟我朋友成功就坐座位，並準備吃生日飯時職員突然間告知我因為來貨問題無法供應片皮鴨。但我們看見周圍的桌子上也有片皮鴨，此時餐廳職員只是一直在跟我們推介其他點心以及送糖水給我們補償，我感到十分荒謬。此時是已經是晚上的8:30，然後我離開餐廳後致電給餐廳員工要求找經理投訴，職員就跟我說他們可以跟樓上借一隻片皮鴨回來給我們。但我已經對貴餐廳的即時處理方法表示失望並不會再到該餐廳。我亦會建議身邊的朋友在預訂餐廳時避免預約間餐廳。

放大假就最鍾意周圍同屋企人去飲茶。鱷魚恤中心其實有好多選擇，但係唔知點解屋企人成日都會諗起呢間。我個人就鍾意去啲潮州酒家飲茶，因為可以食啲打冷嘢。屋企人就比較鍾意去啲中式嘅。平日唔爆場，選擇就比較少啲。食咗咁多樣嘢比較有驚喜嘅係個豉油王炒麵，炒得好乾身又唔怕肥淋淋。亦都有我最鍾意食嘅炸鮮奶，但係而家啲師傅用塊麵包捲起來炸，唔似得以前會落脆漿，個奶又唔會溝蜜瓜汁落去，不過呢間都算做得唔錯。起碼識落睇落都係用新鮮油。糯米飯都好軟糯。比較遜色少少嘅話就係個叉燒酥雖然個皮做得好好大個餡實在太少喇，個珍珠雞仲要冇蛋黃嘅添，呢啲都係比較扣分嘅位置。另外如果粒蝦餃佢會有少少麻油調味，帶番起出蝦嘅味道就好啦。燒腩卷都唔錯，唔會太肥。

星期日約咗朋友去觀塘玉桃軒酒樓飲茶，上到去好多人排隊但好有顺序，啲職員好有禮貌笑容安排我啲坐窗邊位，我哋叫咗蝦蛟、燒賣、叉燒酥、瑤柱蛋白炒飯、菠蘿咕嚕肉⋯⋯食完後感覺呢間酒樓質素整體幾好，首先一出𨋢見到門口前台擺咗好靚嘅枱花，同埋職員好笑容相迎，再行入大堂見到一大扎火百合鮮花，睇到心情格外開心啲點心都好有賣相，特別係蝦蛟晶瑩剔透好好味，燒賣好新鮮好大粒，我哋叫咗個小菜菠蘿咕嚕肉酸酸甜甜好開胃，咕嚕肉應該係即炸即起，個皮好脆好好味

服務差，叫距俾多張凳，距即刻黑面咁款；叫距加熱水，距拎走個壺好耐都唔俾翻黎，要自己拎翻；食咗成千蚊嘢，排隊埋單先話無停車票無免費，好聲好氣問距，距不耐煩咁趕住處理下一個客。總之我覺得好差，又貴又無免停車，嘢食又一般般