玉桃軒酒家 (鱷魚恤中心)

营业中

休息中

位於觀塘鱷魚恤中心的中菜廳「玉桃軒酒家」於網上口碑不俗，今天帶同爸爸前來享用午餐甫走出電梯可見大量水晶吊燈，極具貴氣；內裡裝潢雅觀企理，面積之大適合作為婚宴場地-🔹鮮蝦菠菜餃菠菜餃晶瑩剔透又非常飽滿，外皮細薄輕韌，菠菜鮮嫩，蝦肉爽甜，調味恰到好處-🔹薑蔥牛柏葉薑蔥比例平衡，加入胡蘿蔔絲令賣相更美觀，也令口感更豐富；牛柏葉輕爽嫩滑，非常入味-🔹清湯牛腩煲佐以鮮嫩蘿蔔，牛腩肥瘦適中，肉質緊實細緻帶啖啖肉香，清湯加入暖胃黑胡椒更飲到輕怡的藥膳味道-🔹滑蛋蝦仁份量十足，蝦仁大隻得體蝦肉爽彈鮮甜，滑蛋蛋香濃郁，加入蔥花及適量調味，滋味又營養滿滿

位於觀塘鱷魚恤中心的食肆多如雲，此酒樓在6樓佔據了一席之地。走進餐廳，是一個寬敞明亮的空間 。整體裝潢富有中式韻味，高聳的天花在華麗的水晶大吊燈映托之下，營造出一個華貴的用餐體驗。無論是朋友樸相聚或家庭聚會都是上佳之選。2點開始下午茶時間，鮑汁炆鳳爪浸泡在濃郁的鮑魚汁中，加入花生元素，非常入味。日本樱花蝦腸粉口感滑溜，加入樱花蝦的環節，既保留了原本的味道又增加了甜美鮮香。鮮蝦波菜餃，餡料飽滿多汁，餡皮薄而Q彈。味道天然沒有過多調料，是健康之選。時菜蒸鯪魚球，一盅三件，搭配上清爽的時令蔬菜，上枱後加入胡椒粉同鼓油增加味覺享受。山竹牛肉球，一盅三件。肉質鮮嫩，淋入醋相得益彰，帶有微酸的山竹香氣。北菇棉花雞，集合雞肉、北菇、魚肚於一身。一盅滿足曬三個願望。姜汁燉鮮奶，份量十足，即叫即燉，溫潤甘甜，甜味適中。

到玉桃軒食晚飯，主要想食佢隻片皮鴨，以前在康怡吃了很多次，覺得好食又大碟，所以今次都揀左玉桃軒食，可惜而家片出嚟鴨肉得半隻，以前鋪滿一個圓大圓碟。成隻鴨未批曬就拿走，鴨肶不能留，加錢才可兩食。最離譜係佢話鴨套餐只加30就有多碟小菜，原來套餐係鴨388+30, 但如果只叫鴨全隻係288, 變相個小菜係130元，埋單先知佢兩張餐紙有取巧之嫌，其如小菜價錢亦很貴。以後食片皮鴨可到樓上星海食，冇咁覺比人取巧搵笨。

上茶樓飲茶食點心是中國人嘅熱門歡聚地方, 更係中國獨特嘅飲食文化。酒家位於觀塘鱷魚恤中心, 點心即叫即蒸, 款式眾多。裝修美輪美奐, 進餐環境優雅, 枱與枱空間感足夠。四寶雞扎大大件用料份量十足, 香滑腐皮包著厚滑魚肚, 火腿和幼滑雞件, 吃起來好有滿足感。上湯鮮竹卷湯底清甜, 鮮竹卷皮香餡料滑溜充實。蟹子燒賣皇燒賣皇餡料豐富, 蝦肉爽脆, 配以蟹子更加可口充實。北菇棉花雞北菇好大隻, 加上厚厚魚肚和香滑雞件, 口感滑溜清香。山竹牛肉球大大粒肉質幼滑, 配以喼汁味道更加鮮味。時菜蒸鯪魚球好有質感, 爽滑有魚味, 配搭胡椒粉最啱。還有香煎蘿蔔糕、七彩炒米粉和潮州蒸粉果, 一邊飲茶一邊吃點心, 休閒寫意, 享受嘆茶樂趣。

尋日去咗玉桃軒酒家嘆茶🫖平日都好多人，滿哂！試下佢哋嘅即叫即蒸點心，真係一個非常滿意嘅體驗。呢度嘅服務非常好，點心即叫即蒸，好快就送到我哋枱上，新鮮熱辣辣，非常好味。首先上枱嘅係玉桃蝦餃皇。蝦餃皮薄透光，內裏包住大大隻鮮蝦，蝦肉鮮甜彈牙，口感非常豐富。薑葱牛栢葉係另一道必試嘅點心。牛栢葉煮得非常入味，薑葱嘅香氣滲入每一絲牛栢葉，口感爽脆。酥炸鯪魚球外脆內嫩又彈牙，每一粒鯪魚球都炸得金黃酥脆。咸菜黑椒豬大腸係一個非常有特色嘅點心。豬大腸煮得非常入味，有黑椒嘅香氣。豬大腸爽脆多汁，配埋咸菜，味道非常獨特。安格斯牛肉腸粉用料非常講究，牛肉嫩滑多汁，腸粉薄而滑溜。牛肉味香濃。最後係古法馬拉糕，呢個傳統甜品非常受歡迎。馬拉糕鬆軟，甜度適中。每一啖都感受到傳統嘅味道。玉桃軒酒家嘅即叫即蒸點心真係非常值得一試。每一道點心都新鮮熱辣，味道好，而且服務亦都好。如果你鐘意食點心，可以試下！

這間海鮮酒家位於觀塘的鱷魚恤中心，主打巧手粵菜及精美點心，店內環境寬敞典雅，特高樓底配搭華麗水晶燈飾，可用作婚宴場地，適合多人聚會。 晚飯超級大優惠至尊自選組合選擇豐富且非常划算。京烤片皮鴨 - $388侍應席前切開每日新鮮出爐的烤鴨，一片片鴨肉軟滑多汁，略帶少許油脂非常香口，鴨皮夠薄身香脆；煙煙韌韌的餅皮充滿彈性，以熱鍋保持著溫度；配搭爽脆的青瓜、京蔥及惹味的京醬提香。菠蘿咕嚕肉經典粵菜，外脆內軟的咕嚕肉毫不油膩，汁醬酸甜醒胃，咬開軟腍多汁，有濃郁的豬香味，還有三色椒、洋蔥及菠蘿等配菜。原隻椰皇響螺燉花膠 - $128/位直接用椰皇當作燉盅，打開散發著濃郁的椰香，爽口的響螺韌中帶脆，鮮甜更勝鮑魚，又有充滿膠質的花膠，入口清甜滋潤。上湯浸唐生菜 - $98清澈不膩的鮮雞湯，鮮美帶淡淡蒜香，唐生菜鮮嫩翠綠帶點爽口感，份量十足。薑汁雙皮奶(送)潔白細嫩的雙皮奶甜而不膩，充滿淡雅的奶香好順滑，又有薑汁的微辣。 

這天晚上我約了朋友去觀塘吃晚飯，經過家人的推薦，我們便決定來到這間酒樓試一試，店內環境樓底高，十分寬敞和清潔衛生，空間感十足，環境很舒適，裝飾設計高貴大方，店內客人非常多，證明食物質素應該有一定的保證，有提供濕紙巾給每位客人鹽焗花生小食十分爽口京烤片皮鴨套餐($388)青瓜條爽口，蔥，鴨餅皮鬆軟和新鮮，溫度夠熱，片皮鴨非常皮脆肉嫩，肉味非常濃，非常新鮮，份量十分多，配上鴨醬玉桃軒小炒王韮菜爽口微彈，蝦乾嚼勁，魷魚爽彈鮮美，帶子軟硬煙靭，非常新鮮，芽菜彈牙，腰果稔香軟彈，份量非常多黃金大蝦球($168)蝦球爽彈鮮美，非常大隻，非常新鮮，用鹹蛋黃調味，外層十分酥脆，賣相非常吸引紅豆沙味道恰到好處，不會太甜，煮得夠淋普洱茶茶濃，水夠熱整體來說，食物的質素非常高，食物的份量非常多，食物的用料非常新鮮，食物的賣相非常吸引，食物的選擇非常多，價錢相對合理，而店員亦有良好的服務態度和積極，所以我認為這間酒樓是值得再去惠顧

有朋自遠方來，今晚聚一聚。我選擇到觀塘食大家都喜愛的北京片皮鴨。餐廳大廳裝修華麗，天花的玻璃吊燈，別具氣派。座位寬敞舒適，空間闊落。餐牌上有“片皮鴨”、“白灼蝦”、“龍躉”、“龍蝦”....等多款超級優惠套餐選擇，我們點了至愛的“北京片皮鴨套餐”，可以另自選一款小菜，加一百元還有“二食”。片皮鴨由服務員推出來，一大隻脹卜卜的烤鴨，外表已經吸引，色澤紅潤，泛著油光。服務員在枱旁以純熟的手法將鴨片切下，有全皮的，有皮肉相連的，整齊地放在碟上，讓客人品嘗不同口感。薄餅更用熱水暖著，保持溫度和柔軟度。把薄餅攤平，放上酥香鴨片，加上青瓜、京蔥和甜醬，然後把薄餅捲起餡料，放入口中，真是啖啖滋味。自選小菜：“菠蘿咕嚕肉”，新鮮炒起，咕嚕肉肥瘦適中，配上新鮮菠蘿及青椒，酸甜爽口，份外開胃。升級二食：“薑蔥炆鴨件”，鴨件炆得入味，加上爆香的薑片、大蔥、蒜頭，滋味醬汁，特別惹味。“蒜蓉炒芥蘭”，翠綠芥蘭，以蒜蓉炒香，爽脆入味。這裏能夠以特惠價錢品嘗正宗北京片皮鴨套餐，而且品質上乘，大家都吃得津津有味。

勁離譜，去到諗住等下午茶，等到佢話拎得咪㩒飛，前邊都有一台等下午茶，跟住直接問我地幾多位，跟住安排咗入座，入到去冇下午茶點心紙就問個部長，個部長就話咦，你依家入咗做唔係下午茶㗎喎，我哋就話我哋頭先拎飛係拎下午茶飛，同埋出邊個reception叫我哋入嚟，之後個部長就話咁你等一陣再拎下午茶點心紙，轉個頭個reception入黎話以為我地係茶市依家未入得，要我地出返去等，好彩有拎飛果張紙，同佢講我地係拎下午茶，拎完就問我地幾多位，我地咪入座，佢堅持話未入得丫，要出去等丫，我就話我地前邊果張都係下午茶架喎，跟住佢就話，係咩，就走左跟住我哋到兩點再問佢拎下午茶點心紙，職員十問9吾應不過都好公道d講，其實一直都有黎飲茶，今次係個別事件，野食都吾差既

父親節的酒樓備選之一，日子快到要盡快做選擇了🙈還是和朋友來打頭陣，先來吃看看片皮鴨的質素如何🤭店員服務蠻好的，面對點餐三心兩意的我們也很有耐心♥️特別是我們去的時候有點晚，還真的不太好意思🫣原隻片皮鴨推到我們面前，即切即上🌟全皮的部份很多，鴨油香氣滿滿🌟皮脆肉香🔥新鮮熱辣～餅皮開蓋後要等蒸氣散一散後，再拿來包鴨片，口感會更Q彈更好吃♥️二食有幾種煮法可選，我們選了惹味的薑蔥炆🌟分量很多～薑蔥味道香濃很下飯♥️鴨件肉質不柴夠香夠軟淋👍🏻朋友大讚的咕嚕肉🌟肉質爽口不柴🔥肉塊大小厚薄適中👍🏻酸甜醬汁開胃好吃～裹滿醬汁的咕嚕肉仍能吃到香脆的口感🔥這可不是所有地方都能做到的🌟確實是好吃的♥️

Yum Nice service Chinese restaurant@Kwun Tong.My friend and I went to a restaurant called “The Graces Restaurant” （玉桃軒酒家）located in 6/F, Crocodile Center, 79 Hoi Yuen Road, Kwun Tong觀塘開源道79號鱷魚恤中心6樓.."Steamed Sabah fish combo"沙巴龍躉自選組合HKD$288the Sabah is fresh and sweet.the fish is flaky.you can taste the Soya sauce used is high quality ones..Salted egg york prawn黃金大蝦..with crispy and crunchy batter .the prawns are jumbo sized.bouncy and springy.the salted egg york added complex salted falvour to

玉桃軒空間寬敞，垂吊著水晶燈飾，地上鋪滿金紅花地氈，更有可供作囍酒的場地。龍蝦伊面波士頓龍蝦頗新鮮香甜，彈牙爽口，伊面浸滿芝士，非常滑口，令人不禁再添幾碗。片皮鴨師傅把一片片鴨皮分拆下來，可配搭薄餅享用，把青瓜丶京蔥、甜鴨醬包在一起，放在口中。鴨脂爆發出濃烈香味，甜醬中和烈味，青瓜、京蒽帶出清香和脆口口感。當紅炸子雞外皮炸得香脆，雞肉嫩滑。清蒸梅花班魚肉嫩滑，一下子滑進喉嚨之中。配搭蒸魚鼓油更提鮮味。時菜豆腐滾鴨湯鴨香味濃郁，帶來暖笠笠的滿足。蒜蓉炒時蔬新鮮爽口。精美涷糕香甜幽香桂花糕。

約左兩老食飯 老人家多數揀酒樓 佢地話想去平時都去開飲茶既玉桃軒一於試試 一坐低俾左花生 過下口癮 原來係孜然花生 幾特別 屋企人食唔停口 睇下餐牌 有特價套餐 好多野揀 都好抵食 星期六日都有 魚 龍蝦 片皮鴨 梗有一樣岩老人家 我地揀左片皮鴨加一個小菜 $388 配左菠蘿咕嚕肉 片皮鴨黎到會係面前切 切既時候仲聽到脆卜卜 切出黎都好多片 4-6 位其實都好夠食 肥瘦既位置都有 我地女士鐘意食偏瘦既 而父親就鍾意食中間偏肥個部份 食落又脆又多汁菠蘿咕嚕肉 估唔到好大碟喎 肉質外脆肉軟又多汁酸酸甜甜 好開胃 二食都只係加$100 又加埋苦瓜炆鴨件 夏天就係食苦瓜既季節 苦瓜好甘香 鴨肉都吸晒d 汁 因為即切即炒呢個送 食落鴨肉特別鮮嫩 彈牙其實三個送都食唔晒要打包 番去番煮仲好好味 食完咸野要食番d 甜野 見到有薑汁撞奶 叫左兩個試下 真材實料 食到有薑粒 欣賞佢唔會好甜 老人家可以放心食 最後父親大人話父親節又要黎食過喎 收到

尋找觀塘美味的中菜，是日約了朋友在觀塘APM，大家都想食中菜，就行吓附近睇吓有啲咩好食，路過鱷魚恤中心「玉桃軒酒家」見到佢哋片皮鴨推出特別優惠，只需要$388就可以享用原隻片皮鴨再加一款自選小菜，真係超級抵食👍🏻🦆片皮鴨套餐（原隻加一款小菜） $ 388▪️京烤片皮鴨片皮鴨席前即切，大大隻足夠三至四人分享，皮脆肉嫩啖啖肉，而且夠入味，配合熱辣辣的餅皮、京蔥、青瓜和甜麵醬，美味又超值👍🏻🧆▪️玉桃軒小炒王香口小炒材料豐富，包括有韭菜花、芽菜、腰果、蝦仁、帶子、魷魚，滿滿口感，配合蠔油醬汁，非常惹味🐠▪️清蒸沙巴龍躉 $ 198中式酒樓最愛的蒸魚，沙巴龍躉蒸至剛熟，香滑的魚皮、肉質嫩滑得來有咬口、配合蔥絲和豉油，好味道

餐廳位置係鱷魚恤中心六樓，觀塘地鐵站經apm行幾分鐘就到。酒樓環境十分闊落，裝潢行高貴路線，兩邊都有大電視，可以一路食一路睇劇。片皮鴨&龍蝦四位餐（$888）北京片皮鴨店員直接推原隻片皮鴨係我地面前切片，無諗過有得食之餘仲有表演睇，片皮鴨外脆內軟，肉質鮮嫩，入口充滿鴨油香味，用薄皮、京蔥和青瓜沾上醬汁包住食用，邪惡但十分滿足。時菜豆腐滾鴨湯有附一大碗湯渣，見到有豆腐、白菜仔、豆腐、香菇、大量鴨肉，湯底味道濃郁，飲落好鮮甜，份量足夠，我地四個人每人都飲到兩碗。上湯焗波士頓龍蝦伊面湯汁芝士味濃郁，同時伊面口感唔會過淋，龍蝦肉爽口彈牙，食到有一定鮮味，有適當脫殻，食落淡淡肉。清蒸海花斑海花斑雖然唔算好大條，但魚肉特別幼嫩，肉身特別厚，而魚骨比較少，幾適合俾老人家同小朋友食，伴蒸魚豉油食特別正。蒜茸炒時蔬時蔬有淡淡蒜蓉香味，味道正正常常，食到有鑊氣。精美凍糕四大塊桂花糕，清清甜甜。脆皮蒜香雞半隻（$168）食肉獸既我地叫左脆皮蒜香雞，亦即係炸子雞，個皮食落真係卜卜脆，一咬成口都雞油香味，再加上炸蒜，增加口感之外，味道特別郁味脆口。