狸小路北海道涮涮鍋、壽喜燒、和牛專門店

营业中

休息中

全場滿座，可先選擇要壽喜燒定係涮涮鍋，而涮涮鍋要選湯底，六選一見到有海膽高湯咁正，就諗住試試，好驚喜有好多海膽，海膽鮮甜無腥味都係加58蚊，將啲配料同肉加落去勁香嘅海膽味可以選擇牛肉或者豚肉，仲可以加錢追加肉/蔬菜/烏冬套餐本身就包咗前菜，蔬菜拼盤，烏冬/飯/拉麵，甜品成個套餐都好精緻，而且夠飽如果食牛肉唔想食太肥，建議叫赤身最好嘅係佢每款肉都簡單介紹，令人更容易選擇適合選擇想食嘅肉每款肉都係新鮮，客人order廚師在喺廚房拎出嚟切肉再送上客人面前，性價比真係高而壽喜燒想食濃味一定係加壽喜燒汁最後食烏冬或者蔬菜嘅時候建議用返昆布高湯未食過第一次食嘅完全唔使擔心唔知點樣操作，因為佢會俾咗張卡仔有指示點樣食，真係好貼心食完之後店員都好自動自覺地送上甜品，當天係咖啡味卷蛋

愛壽喜燒的我今次來到呢間除左壽喜燒仲有涮涮鍋❤️都係採用一人一鍋既座位，當天全場爆滿，睇得出佢既質素唔差有三款牛肉，兩款豚肉可以選擇，分別可以選擇130克或者190克既份量唔夠食嘅話仲可以加錢追加套餐如果係壽喜燒就配搭咗前菜，蔬菜拼盤，北海道蛋，北海道米飯成拉面，甜品涮涮鍋前菜.蔬菜拼盤、北海道米飯或拉面、甜品，兩款沾酱涮涮鍋有六款唔同味道嘅湯底，今次我加咗$58試佢嘅北海道海膽高湯，最出色真係見到好多海膽，店員仲會幫我哋將海膽變成溶，成個湯底都滿滿海膽味壽喜燒就同出面其他地方食冇分別，一樣咁好味出色，食牛用壽喜燒絕對冇得輸，無論係赤身，霜降定西冷都咁好食🤤甜品竟然係日本嘅卷蛋蛋糕，當天係咖啡味，味道都唔錯

喺希雲街嘅新餐廳，好容易就搵到。間餐廳有壽喜燒同打邊爐選擇。打邊爐有唔同嘅湯底，我今日就揀咗海膽湯底。佢仲有另外加配唔同種類嘅肉，有A5和牛，豬肉，仲有蔬菜盤，每一個套餐都come with 一個飯或者烏冬。個牛肉好好味呀，我哋忍唔住另外加多一份都係$50 ，赤身牛肉質素好高，比出邊嗰啲性價比高。呢度可以簡簡單單食一個壽喜燒。只需要百幾蚊，就食到和牛級數嘅牛肉。唔需要去嗰啲貴價餐廳，就可以caucally食一個性價比高嘅壽喜燒午餐。 朋友食海膽湯底，入邊真係有真嘅海膽！好濃郁，侍應好有耐性同我哋講解每一道餸嘅煮法。赤身牛肉擺落去海膽湯入邊，入口即溶。同個味道好夾。我另外追加豬腩肉，原來豬都好好食。下次一定會再嚟試埋佢其他唔同嘅湯底！

我朋友啱啱喺日本返嚟話好掛住壽喜燒跟住上網search搵到呢間狸小路。一入到間餐廳氣氛好好光猛，員工啲招呼都好好安排咗我哋喺個窗邊卡位好有私隱度。餐牌款式唔算好多，但係我一心諗住食壽喜燒決定試一試。另外仲見到個有海膽湯底嘅邊爐從來未見過，即刻嗌咗個試下。牛肉有三款肉可以揀，赤身或者霜降或者西冷。我哋揀咗赤身同西冷仲附送一個蔬菜盤。兩份肉都極高質素，赤身肉味濃，西冷油脂分佈好靚。一放入口即刻融化。食完呢兩份忍唔住追加多份霜降牛肉另外蔬菜都好新鮮，同出面嗰啲任食壽喜燒完全唔同。同埋每張枱有支壽喜燒汁加支湯食得出都係有誠意。濃味得嚟又有啲餘韻，層次好豐富唔係死鹹。食咗兩份肉都好似仲係唔夠忍唔住試埋佢個豚肉。又係另一個驚喜，肥瘦比例啱啱好唔輸蝕畀牛肉。強烈建議大家食壽喜燒一定要試下呢間

之前見好多人介紹依間新開嘅一人鍋壽喜燒主打親民價就食到北海道和牛即刻去試下！🐂 霜降牛 x 壽喜燒湯底霜降牛肉脂肪分佈均勻但我依碟有啲未解凍咁😅食落都冇話好特別壽喜燒湯底甜醬油自行調味湯底濃厚好好味餐牌有壽喜燒教學煮法比大家不過未夠正宗 冇加糖嗰part可能本身夠味就冇需要掛蔬菜set份量ok都算新鮮套餐可揀拉麵或飯我揀左拉麵份量偏小男仔可能食唔飽～🐷 豚五花 x 咖哩湯底咖哩湯底偏清淡豚五花靚過牛🤣但脂肪比例正常味道正常海鹽白桃梳打 & 可爾必思梳打正常味道冇咩特別如果想食記得要預留時間排隊～始終都比較多人食～另外覺得服務一般🤣而且份牛有啲失望～

店員睇住你走都唔會主動上埋個甜品畀你, 睇到你食完曬, 走去埋單, 都唔會講你仲有個甜品未食. 個邏輯好簡單, 唔通過壽喜燒煲同埋個嗰碟牛肉豬肉, 又要你明明落咗單你又要開聲吹一次先至送嚟???

今日白色情人節另一半特登book左呢間慶祝下環境：好細 我右手邊係吧台 設計上好唔方便伸手既位都無 食野好唔舒服服務：有人吧枱入坐時 掃到我地枱上既汁 倒到一身都係（地方太細）重點係：工作人員完全無幫忙/扮下野問有無事都無雖然無收加一 都唔係敢呀食物：除左海膽湯係好味 其他都好普通（海膽湯係另加$58）我地叫西冷同霜降（每碟190g)勸大家除左西冷有牛味 其他牛都唔需要食 好「鞋」講真 貴就唔算貴 但唔值。同埋男士去食都一定唔飽份量好小 好失望🫠

[ 狸小路 ]最近係銅鑼灣發現呢間新開主打精緻一人鍋涮涮鍋/壽喜燒專門店，有「高質北海道十勝產黑毛和牛」及「北海道米豚 」，仲提供5款每日新鮮製作地道北海道高湯鍋底😍😍。涮涮鍋套餐包含：前菜、蔬菜拼盤、北海道米飯或拉面、甜品、兩款沾醬北海道十勝產黑毛和牛🇯🇵（和牛套餐）✿ 頂級西冷A5 190g $298北海道海膽高湯 +$58黑毛和牛油脂分佈平均，食落牛味香濃🐮🐮推介必點北海道海膽高場，店員會幫忙用海膽煮溶成湯底，用嚟煮烏冬/拉面，非常掛汁🤤💛，湯頭鮮美。北海道米豚🐷🐷（米豚套餐）✿ 豚肩 190g $188北海道特選3.6牛乳湯 北海道米豚肉質細嫩，豚肩🐽位置帶點脂肪👍🏻👍🏻配合北海道特選3.6牛乳湯 ，非常重奶香味🍼🥛。✿ 抹茶拿鐵 $38✿ 巨峰葡萄梳打 $32餐廳提供多款飲料選擇，有特色雞尾酒、燒酒、日本生啤、汽水等🍹🥤。總結🫦只需要$158起就可以食到北海道產和牛/米豚，而且全日餐牌不設加一，性價比高🙌🏻🙌🏻。一間餐廳可以食到涮涮鍋或者壽喜燒，啱晒有唔同需要嘅朋友😚。宜家做緊新店開張優惠，做齊以下3個步驟即送 生啤/汽水/杯墊（3選1）1. 成功落單同時加入「狸小路TANU

新店進駐銅鑼灣，提供北海道一人鍋或壽喜燒$178起北海道和牛套餐，限量黃金海膽湯底‼️每日新鮮烹調「一番出汁」湯膽，採用高級昆布和秋鮭魚等製作，湯底層次豐富，展現正宗北海道風味。北海道海膽高湯涮鍋每日限量，嚴選三款時令海膽烹調，另外仲有4款北海道風格湯底，包括牡蠣高湯、傳統咖喱、3.6牛乳湯及昆布柴魚湯，使用本地新鮮食材，同樣高品質北海道十勝產黑毛和牛，肉質大理石花紋，口感清爽，菜單亦提供多款A4+及A5和牛選擇。

車爸爸工作時間由下午至夜晚！所以晚餐通常我也是跟朋友又或者一個人的浪漫地開餐，坦白講一個人晚餐選擇真的不太多，近來於銅鑼灣開了間北海道涮涮鍋壽、喜燒、和牛專門店，除了有靚和牛還有靚豚肉品質高之餘價錢還非常親民。新店位於銅鑼灣希雲街Tanukikoji 狸小路，主打北海道優質濃郁湯底和上乘食材，精緻得來味道亦非常不錯很值得介紹給大家。座位分別有高身吧檯、街景長檯及少量二至四人檯，座位不多好適合一個人的浪漫。餐廳供應五款北海道風味的湯底！分別是北海道海膽高湯、北海道牡蠣高湯、北海道傳統湯咖喱、北海道特選3.6牛乳湯和北海道昆布柴魚湯，另外更有關西風的壽喜燒可選。店家收到落單後才於凍櫃內取出靚肉即時刨出送給客人，保證大家吃到最新鮮的北海道和牛及豚肉。新店剛開業酒牌仍未到手那便點些特飲來開心一番。車爸爸選上海鹽白桃梳打$32！香甜桃味帶上點點海鹽的刺激，加上氣泡口感豐富非常甜美。而我則選了這杯巨峰葡萄梳打$32！這杯梳打出來的漸變紫色非常美麗，熟悉的提子味道同樣甜美可人。每位客人必須點選一份涮涮鍋或壽喜燒套餐！價錢由由$158起內裏已包括有自選份量的牛肉或豚肉、前菜及蔬菜拼盤，於北海道米飯、烏

舖頭環境乾淨，服務非常好，非常貼心有張圖教你食壽喜燒嘅步驟，店員見客人第一次食都會主動幫忙同埋教你一次除咗壽喜燒套餐之外，仲有其他唔同口味涮涮鍋～今次就直接點咗壽喜燒(霜降A4 130g 佢哋嘅自家製壽喜燒汁比較偏鹹少少，但係肉質方面真係冇嘢挑剔，入口即溶嘅感覺～而且份量啱啱好，一啲都唔膩。⭐️⭐️⭐️⭐️⭐️

北海道一人鍋涮涮鍋壽喜燒專門店「狸小路」嚟到香港喇😍仲有6 款招牌湯底，用上北海道挑選高等級嘅利尻昆布、日高昆布，以及利用北海道獨有的秋鮭魚製作而成嘅特別柴魚片每日新鮮自家熬製嘅「一番出汁」喺香港都可以食到「鄉下」日本嘅味道😋和牛同米豚都有超靚大理石花紋油脂分佈平均，食落香濃但唔油膩肉質亦非常鮮嫩柔軟，好味到要追加海膽湯用3款北海道時令海膽熬煮大大塊海膽真係好吸引😍最平$158就可以食到一個大滿足嘅套餐包括前菜、蔬菜拼盤、北海道米飯/拉麵/烏冬及甜品、兩款沾醬🌟6款湯底🌟北海道海膽高湯 (+$58)、北海道牡蠣高湯、北海道傳統湯咖喱、北海道特選3.6牛乳湯、北海道昆布柴魚湯及壽喜燒🌟5款北海道肉類🌟十勝和牛--赤身 A4+、霜降 A4+及頂級 A5 西冷米豚--豚肩、豚五花