犇殿台灣火鍋 (德福廣場1期)

营业中

休息中

近排開多了不少火鍋店，而台式火鍋店也有很多，今次我來到這間就是「犇殿」台灣火鍋，聽個名都知牛是特別出色啦！而且也是Mr. Steak 的副線當然是信心保證。套餐有幾款選擇，之後選擇好湯底店員會帶我們入座。見到有個全新湯底「刈菜蚵仔鍋」，那我們就點這個而套餐就點「澳洲黑毛牛肩胛肉」。飲品配料甜品自助形式，喜歡什麼配料自己選擇，另外話明是台式火鍋，當然有台式香腸、台式滷肉、肉燥飯、皮蛋豆腐等。肉類、海鮮可以用二維碼落單非常方便。🦪刈菜蚵仔鍋這個湯底非常清新鮮甜而且很養生，因為材料有蚵仔菜疏還有秋葵。🐃澳洲黑毛牛肩胛肉 +美國特選極佳牛肉 ＋美國牛板腱 ＋上選安格斯 ＋牛胸爽牛肩胛肉非常嫩肉牛味濃，輕輕滾幾秒就可以吃，肉質均勻，每款牛肉都各具特色，一次可以吃幾款上等牛，不是間間火鍋店可以吃到的。🐂十三香滷三寶這款熱薰很出色滷水很入味，牛腩牛筋非常腍身味道很好。🦐新鮮海蝦 +東港海班片 ＋海蜆海鮮有海蝦、班片和蜆，海蝦大隻彈牙，海班片鮮甜爽彈，蜆肉新鮮甜美。🐔阿嬤燒酒雞 ＋百頁豆腐 ＋墨魚滑 ＋響玲卷 ＋台式魚餃阿嬤燒酒雞也是必吃，酒味濃郁煮後仍保留酒香味雞件嫩滑，台式魚餃也很有特

#小秘書小編 每次路過 Telford Plaza 德福廣場 樓上間 犇殿 古早味台灣火鍋，門口總係人山人海，雖然好想試吓係乜東東，不過總係無咩動去排隊🤔 呢個月正好係朋友仔嘅 #生日🥳 咁啱佢又係「好牛」之人，正好比自己一個理由去大刷一餐啦🤤因為要就我跳舞嘅時間，#小秘書 去到 #犇殿 門口已經差唔多八點，好在朋友仔早到排隊，服務員好快就幫我哋安排入座。因為放題（任食）時間只有90分鐘，為爭取時間，我哋先叫咗個 #刈菜蚵仔煱 做湯底，再分頭行事，朋友仔負責手機落單，我就負責出去攞啲 #小食 同 #飲品。各式各樣嘅飲品，再加上眼前各種 #台式食物，未落肚都已經口水流🤤 今次除咗為朋友慶祝生日，亦係為佢哋嘅 #黑毛牛肩胛 嚟朝聖。#黑毛牛肩胛肉 肉味好濃、好有口感🤤 除此之外，面前嘅 #安格斯牛肉、#牛板腱… 肉身上嘅脂肪比例亦都非常吸睛👀 放落熱辣辣嘅湯底灼大概十秒左右就放入口，唔需要任何醬汁已經好夠味道🤤 湯底裡面嘅 #蚵仔 再配合埋啲 #海蝦，啖湯真係甜到不得了🤤 用我至愛嘅 #台式肉丸、#鴨血 放湯，又係另一種懷念🤤 最後加埋啲 #皇帝菜 一齊食，真係飽到上心口。

近年越來越多以牛肉火鍋放題為主打開的食肆，今晚便挑選一間台灣火鍋放題。選擇了澳洲M7純和牛$358，任食以下指定肉類：澳洲M7純和牛、手切琵琶牛肉、澳洲黑毛牛肩胛肉、美國牛板腱、美國特週極佳牛肉、牛胸爽、上選安格斯牛肉、豬梅花、羊肉卷、阿嬤燒酒雞，其中以澳洲M7純和牛的牛肉和脂肪分布最為均勻，肉味鮮甜可口。湯底挑選了台式麻辣拼酸菜白肉，台式麻辣的香辣味度十足之餘，亦很有藥材味道。酸菜白肉，酸味適中，用來吃牛肉就非常適合。加送神仙牛肉一份，脂肪豐富，肉質鮮嫩，可惜只有一碟，不過已經回味無窮。另外贈送海鮮盤一下，包括有海蝦、魷魚、帶子、海班片、生蠔、鯛魚片、鮑魚、海蜆、墨魚滑。當中以鮑魚最為鮮甜彈牙。飲品方面：有汽水、果汁和自家製花茶。台灣美食方面有台灣鴨血、逢甲米血糕、厚切午餐肉、十三香滷三簣、老街蜂巢豆腐、百頁豆腐、手工蛋餃、炸魚皮、台式魚餃、福建燕餃、響鉿卷。蔬菜和丸類有數十款，都是自取的。雪糕方面：有MÖVENPICK、Cocoberry 和雪條，可能由於吃完火鍋，差不多已經九點，所以喜愛的款式已經俾人挑選了，不過詢問店員之後，他們追加了喜愛的種類，實在太好了。甜品有芋圓、紅豆、椰

📍犇殿位於九龍灣既犇殿開業以黎一直都keep住咁高既人氣，以台式火鍋吃到飽既犇殿無論係食物質素、環境衛生同埋服務態度都有唔少好評，難得天氣轉涼，今日就黎試下呢間人氣火鍋店～👅上選安格斯牛肉 晚市90分鐘吃到飽放題 $258/人首先湯底都有好多種，今次就揀左新出既刈菜蚵仔鍋同埋美白凝膚牛乳鍋🤤蚵仔數量都唔少，開頭食覺得味道偏淡，但食到中間加埋海鮮一齊煮就慢慢食到鮮甜味，整體都幾特別。而牛乳就水準之上，湯底好清甜，啱哂怕濃味既朋友們～肉類方面基本豬牛羊雞都有，牛肉係上選安格斯牛肉，肉味都算濃，肉質亦唔會韌，最特別係呢間台式火鍋店嘅肉比出面其他火鍋店既肉切得大片，上枱唔會雪到硬掘掘，呢個好值得讚👍🏻海蝦都彈牙，整體都新鮮，成晚既肉類都無漏單，叫幾多比足幾多。另外出面都有唔少火鍋配料、台式小食同埋雪糕甜品任拎，絕對係食到攬住個肚番歸🤤

最近天氣涼涼地，約咗朋友喺九龍灣shopping晚飯小聚，喺德福廣場食肆都多選擇，我哋就揀咗一間任食既犇殿台灣火鍋入去慢慢嘆！入到餐廳裝修非常整潔，環境舒適寬敞，裝修以淺色木色為主，非常有格調。我同朋友選擇左美國極黑牛三叉餐，睇到牛已經開心，湯底還可以選擇藥膳紅燒牛骨鍋，湯底紅燒牛骨鍋味道非常濃烈，簡直係正！牛肉十分多選擇，有黑毛牛肩胛肉，美國牛空腹板肉，美國極黑牛三叉，美國牛板，安格斯小牛牌同埋豬梅花等等……每一塊牛肉都佈滿雪花，非常之新鮮同色澤鮮嫩，輕輕滾一滾啲牛肉味出晒嚟，牛肉汁啲味重非常之突出！仲有好多其他配料有好多款嘅海鮮，包括海斑片，魷魚，大大隻嘅蝦，魚滑，仲有好多唔同嘅蔬菜類，例如皇帝菜，台式蜂巢豆腐，仲有鹽酥雞，仲有前菜，另外仲有任飲，打邊爐梗係唔少得冬瓜茶！甜品方面有雪糕雪條，仲有芋圓仙草凍作為甜品，食完火鍋也可以講一降溫😂埋單價錢非常便宜合理，！

香港人對天氣變化真係好敏感，天氣轉涼咗少少，大家不約而同湊熱鬧去吃自助火鍋放題。近期大熱嘅「犇殿」就是今晚目標。晚市90分鐘吃到飽放題👉🏻 「澳洲M7純和牛」級別，就可以任吃一系列靚牛肉😍 啱晒一衆食肉獸😋揀了「藥膳紅燒牛骨鍋」啱晒剛轉涼嘅天氣。藥材味道配合牛骨湯，味道很濃郁。🌟澳洲M7純和牛🌟最富油香，肉質柔軟，encore 系列😍🌟澳洲黑毛牛肩胛肉🌟油脂平均，肉味最濃👍🏻🌟美國特選極佳牛肉🌟較有嚼勁。🌟上選安格斯牛肉🌟肥膏部份較多，依然有肉香。🌟美國牛板腱🌟偶有筋腱位，牛肉味道正常發揮🌟 牛胸爽🌟質地特別，好爽脆嘅「牛油」，咬落滿口油香😋•🌟紐西蘭羊肉卷🌟採用紐西蘭嘅羊肉成本特高，肉質夠滑唔羶。另送「飛天牛肉」，同屬牛肩胛部位，肉質更滑入口軟稔！「東港海鮮盤」有齊多款精選海鮮，鮑魚鮮味彈牙，生蠔勁大隻，新鮮肥美😋 大蝦肉質夠爽！除此以外，另一邊還有蔬菜吧和各款台式小食，未出發旅行嘅就感受吓台灣地道夜市先😋🌟炸物有炸餃子，韭菜餡包，香芋丸。比較喜歡香芋丸，外皮軟糯，芋蓉香甜，餃子皮則較硬。另一邊有台灣香腸，藥膳雞腳，仲有炒烏冬和一系列滷水小食~自助蔬菜區和丸類有勁多款式。記得試吓呢個

呢幾日天氣轉涼，有咩好得過打邊爐？今日揀咗德福嘅犇殿台灣火鍋。一睇個名就知出名食牛啦。原來係Mr Steak集團，睇嚟質素都有保證。呢度有四個唔同嘅套餐，我哋揀咗一個中價位嘅試吓先— 美國特選極佳牛肉，價錢$295/位。90分鐘吃到飽。入到去環境都幾舒服。同隔離座位又有距離，空間感唔錯。呢度係用QR code落單嘅。落單後通常3分鐘內就會上菜，職員都幾快手。食物選擇非常之多：-🥣藥膳紅燒牛骨鍋呢個係一個唔辣的選擇。雖然係紅燒，但係湯底都算清澈，一啲都唔油膩。飲落嘅時候，有淡淡的藥材味。牛肉味都算濃郁。鍾意食牛嘅朋友可以試吓呢個湯底。🥩肉類 肉類選擇好多，基本豬牛雞羊都有。🐖🐃🐓🐏 我最鍾意食嘅係美國特選極佳牛肉，有少少雪花，滑嫩多肉汁💦 。另外我都推介阿嬤燒酒雞。雞件厚身，酒味好濃郁。🦐海鮮海鮮方面有蜆、蝦、鯛魚片、魚青滑同墨魚仔。蝦肉都幾彈牙。蜆肉都洗得幾乾淨，沒有砂粒。🥠台灣叫得台灣火鍋，梗係要點啲台灣特有嘅美食。我試咗逢甲米血糕，口感有啲似糯米飯，煙靭煙靭。另外重試左老街蜂巢豆腐，索晒湯汁好美味。仲有手工蛋餃，雞蛋皮包住豬肉，口感都幾得意。最後仲試咗十三香滷三寶—牛肚、牛筋、牛腱

每次經過德福商場，這家台式火鍋都很多人排隊，趁今日時間還早不用等很久，就和媽媽品嚐一下吧~原來裏面已坐滿了人，門口附近位置放了一些食材，主要都是丸類蔬菜類，還有一些台灣小吃， 炸物，熟食和飲品，雪糕等。落單也是使用QR code，操作簡單，方便又環保。 值得一讚的是每枱會先提供一隻碟去夾外面的食物，這隻碟就能重用，節省很多洗碗人力資源。 今次我選擇了90分鐘的美國極黑牛三叉，加錢配鴛鴦湯底（桃膠土雞美人鍋&美白凝膚牛乳鍋）， 比較之下，我和媽媽都認為牛乳鍋味道比土雞鍋濃郁，土雞鍋比較清淡，我比較喜歡牛三叉，肉質比較韌，較少脂肪，很適合火鍋。 牛板腱，牛肉味較濃厚，有口感又不太過結實。 除了肉類，還有蝦和蜆選擇，蜆肉脹卜卜沒有沙， 蝦肉還算爽口，份量都是兩隻兩隻的呈上，不用擔心浪費。 火鍋當然少不了鴨血，尤其是台式火鍋，口感滑嫩，火鍋絕配。 火鍋前吃了一點放外面的台式特色小吃，有些炸物挺特別的。 火鍋放題最不能缺的就是雪糕甜品， 有我最愛的Movenpick和 Haagen Dazs 糕，但這些都是數量有限，要食就快手了，搶不到也不用擔心，還有其他雪糕雪條可選擇， 到時美味可口的哦。

同2個朋友叫左雪花牛放題 點左牛乳湯同藥膳牛骨湯兩個湯都比較淡無咩味Staff收盤速度好快 同姐姐們都好有禮貌💕飲品比午市黎既時候多左兩款自家既冷泡茶玫瑰紅茶是正常茶包既味道 白桃烏龍係人造白桃糖水既味道 有點難入口 同朋友飲左一口之後都覺得飲唔到落去🤣🤣無諗到系台灣小食區拎到既腸 唔系台灣腸而系廚師腸🤣🤣性價比偏低 唯一好處系唔太多人 6點左右到步唔洗排隊雪糕得coco berry 選擇很少也是略失望甜品芋圓一般般

好耐冇去九龍灣行街心血來潮想食打邊爐，打開OpenRice睇吓有咩建議見到呢間犇啲食評寫得唔錯，一於入去試吓。我哋揀咗中價既黑毛牛肩胛肉$285，湯底揀美白凝膚牛乳鍋，養顏嘛😅😅飲品有四個大雪櫃咁多，任君選擇，呢度係手機自助落單，十分方便，仲有我最愛嘅百香果蜜😍😍我揀黑毛牛肩胛肉，你可以選擇埋比佢低價既牛肉款式，先黎用apps點3款唔同牛先，有黑牛三叉、黑毛牛肩胛肉、牛胸腹板肉。三款牛肉都好夠牛味，黑牛三叉就比較爽口，牛胸腹板肉就肥美D，我最愛都係牛肩胛肉，唔駛大大塊夠嫩滑，唔使碌太耐，肉汁Juice。仲有款安格斯小牛排，都唔錯再選埋羊肉，我至愛羊肉的羶味👍🏻墨魚滑夠彈牙，自己調教大細份量放落鍋，玩得開心😂另外海鮮都係任點的，一份有齊蝦、蜆、脆肉鯇魚、東風螺，我地仲試埋鴨血，第一次食，感覺同豬紅差不多😅。仲有醉雞、蜂巢豆腐、連貴價既羽衣甘藍，黑目耳都有，仲有好多不同種類蔬菜。熱食都唔少，台式小香腸、餃子、雞翼、十三香滷三寶，有牛根，牛肚，大腸，滷水夠入味，很少任食火鍋有埋地道台式小食👍🏻種類多元化。食完仲有幾款不同雪糕、雪條任君選擇，我揀左牛奶味既雪條，味道清新牛奶味十足。其實仲有好多

今日叫左桃膠土雞美人窩，其實冇乜味，澳洲黑毛牛肩胛肉，$298，叫左澳洲黑毛牛肩胛肉，好味，海班片，可以，美國特選極佳牛肉，不肥，上選安格斯牛肉，夠大夠薄，美國牛板腱，唔錯，海蝦，叫左兩次都冇送泥，牛胸爽，可以，海蜆，少少沙，墨魚滑，可以，完全冇食過台式野，台灣鴨血，手工蛋餃，逢甲米血糕，我同朋友都冇興趣，炸魚皮，唔太脆

臨近中秋, 放工同太太食餐好, 假日經過德福呢間台式火鍋放題餐廳, 經常都出現人群排隊, 可見人氣, BOOK定檯今晚盡情大飲大食!四款套餐價錢選擇. 揀咗---澳洲黑毛牛肩押肉套餐, 而湯底就8選1, 揀咗一品酸菜白肉鍋。入座起計90分鐘無限任飲任食, 肉類同部份火鍋配料以SCAN QR code落單, 餐廳一個角落設自助區, 整齊放著多款火鍋配料, 包括有丸類、蔬菜類、醬料, 仲有台灣小食自助區, 供應台灣特定小食, 例如地瓜丸、台灣腸、台式甜品(DIY芋圓仙草)等等….飲品方面就有幾個大雪櫃, 除了有罐裝汽水、果汁, 仲有冷泡茶, 岩哂放題打邊爐清下熱。湯底極速上檯, 一品酸菜白肉鍋內有幾片豬肉片, 湯底酸味味, 令人胃口大開。我地呢個套餐有齊豬、牛、羊、雞, 第一round當然點哂所有款嘅牛試試。澳洲黑毛牛肩押肉: 切得大大片, 油花唔算多, 但分佈均勻, 肉質軟嫩中富有彈性美國特選極佳牛肉: 油花分佈較為集中, 肉味相對重一d上選安格斯牛肉: 呢款牛係呢間餐廳最basic嘅款式, 當然油花紋理冇咁吸引, 質素相對黑毛牛當然比不上。牛胸爽: 熟後超爽滑, 好食不過易令人覺得得膩

我在九龍灣返工打躉多年, 午餐晚餐真系食盡德福廣場.  今日放工同事又約我去食火鍋放題, 犇殿台灣火鍋, 店名糸三個  字疊起, 必有靚牛肉食.自助放題任食, 價錢及時段收費不同.   我們選了  90 分鐘.  $358/位.   加送 神仙牛肉,  及東港海鮮拼盤一客.入座時先訂好湯鍋底, 侍應姐姐安排了座位, 我們點的鴛鴦湯底已送到, 檯上電磁爐立即啓動,  桃膠土雞了美人鍋  及   美白凝膚牛乳鍋. 大家快快手用 QR code 點餐.  很有效率, 食品火速送上.  桃膠土雞美人鍋, 有 1/4 隻雞, 冬菇和藥材.湯底十分清甜,   有我喜愛的桃膠,  好足料.    選擇了的食物, 逐一送上. 特選和牛, 牛板腱, 美國豬梅花.  阿嬤燒酒雞, 墨魚滑,  炸魚皮, 好豐富, 好開心呀. 澳洲黑毛牛肩胛肉,  肉質鮮紅,  油脂與肉形成美麗的圖案, 分佈均勻, 澳洲 M7 純和牛,   顏色鮮嫩, 脂肪分佈平均,  肉質鮮美, 和牛糸我們至愛,  牛肉灼至剛熟即起, 吃起來肉質焾滑,  鮮嫩牛味豐富, 整口滿滿的牛肉香味, 相當好吃, 味道出色.上選安格斯牛肉, 美