犇殿台灣火鍋 (德福廣場1期)

营业中

休息中

［九龍灣］人氣90分鐘任食台式美國牛肩邊爐這幾天天氣忽然又凍返，最啱係食咩呢？😌當然港人最愛的打邊爐🍲🥹今晚就食台式火鍋放題🥳，真係好滿足啊！餐廳裝修唔錯😍座位又好闊落，好舒服。入面full house 🏠😂美國極佳牛肩胛肉晚餐$298/each我見到個自助吧，真係好開心🤩，好似去左台灣夜市咁，咩都有。自助醬料區，乾淨企理，而且款式齊全。自助區台式地道小食 ，有熱食和涼拌。有櫻花蝦炒飯，三杯豆芽，藥膳雞腳，烤腸仔，麻辣木耳，台南鹽酥雞等，有鹹同甜，任君選擇。💯自助蔬菜吧+火鍋配料，選擇超級多😍，而且蔬菜好新鮮，有羽衣甘藍，蕃茄，菇類都有幾款，粉絲，丸類，麵款都有好多款😋飲品方面，有三大個雪櫃，有涼茶，汽水，古早味茶，有桂花烏龍，梔子花綠茶等，有糖，無糖，無kcal 都有‼️😆甜品區，有台式地瓜圓，蛋糕，雪糕，仲要有MOVENPICK同Häagen-Dazs😍，同埋其他雪糕雪條款式，仲有，仲有仙草涼粉芋圓🥰。我地揀左桃膠士雞美人鍋，好大隻雞，好足料，桃膠非常養顏😂樣樣都唔錯👍🏻☁️ 美國極佳牛肩胛肉：肉質相對較軟滑，肉色鮮嫩，牛味濃厚☁️上選安格斯牛肉：大理石花紋般的油花☁️ 美國豬梅花：油脂分

今日朋友帶咗我去呢間《犇殿》古早味台灣火鍋店！之前食過都唔錯👍🏻環境濶落，最緊要坐得舒服😌！佢地嘅放題價錢由＄258- ＄388不等，最後我哋選擇咗～澳洲特選牛肉（90分鐘吃到飽放題）火鍋湯底有八款，我哋就點咗（桃膠土雞美人鍋）材料十足，有半隻雞喺鍋入面，土雞一啲都唔韌，煮左好耐都保持到肉質嫩滑，仲有養顏嘅桃膠、紅棗等等．．藥材，所以成個湯底都好夠味👍🏻👍🏻🐮而主角當然係牛肉啦😋 有上選安格斯、美國牛板腱和澳洲特選牛肉，有齊嫩滑、軟腍、定係肉味濃郁既肉質都有😋😋！🐷 美國豬梅花豬肉片肥瘦適中，薄切又快熟，唔會過度乾硬😌！📱用QR code 落單，重有好多火鍋配料、有海蝦、蜆、福州魚青滑、鯛魚片等等．．份量要幾多就點幾多，就連喺台灣經常食嘅蛋餃都有！而自助區就有丸類、蔬菜、甜品和飲品，最特別嘅就係有個台灣地道小食檔攤，地瓜圓、鹽酥雞、台灣腸．．．等等特式小食！

同我熟嘅朋友都知 #小秘書 最鍾意就係 #打邊爐 😉 熱辣辣嘅湯底，配襯各式各樣嘅 #火鍋料，最啱我呢啲把口又話要減肥，但係又鬼咁為食嘅人士🤭 呢晚我約咗 #同事 喺 #德福廣場 食飯，唔使我講… 已經有人幫我喺一樓嘅 #犇殿 book定枱，話啱晒我呢個 #火鍋控 … 其實佢想嚟食 #靚牛肉 就真啦🤭 服務員帶我哋嚟到卡位，剛好就係 #飲品櫃 同放置 #小食、#火鍋料 嘅附近，唔使我哋行嚟行去真係好😄 我哋揀咗 #藥膳紅燒牛骨湯 做 #湯底，而套餐就要 #澳洲特選牛肉 做主食🤤 落好晒單，當然要出去食物枱攞啲 #台灣美食 同 #飲品 返嚟啦🤤飲品種類包羅萬有，而我就獨愛 OOHA 🤭而每次嚟幫襯，我必定食佢哋獨有嘅 #花生芽 食過夠本，入口清甜嘅牙菜身配上有啲咬口嘅花生粒，感覺好特別🤤 講到台灣美食，又點少得 #貢丸、#鴨血、#麻吉燒… 當然仲有 #靚牛肉 啦🤤 肥瘦均勻嘅 #安格斯牛肉、肉質鮮嫩嘅 #梅花豬，再落埋啲 #鮮蝦、#大蜆 同埋馳名嘅 #阿婆燒酒雞 一齊熬湯，令呢煲 #藥膳紅燒牛骨湯 更加鮮味🤤🤤 時間關係，我哋唔使一粒鐘就KO晒枱面上所有食物🤭 飽到上心口

同邊爐之友約會，今次佢揀咗德福廣場裡面的台式火鍋入座之前侍應就叫我哋揀定湯底，好有效率。呢到有好多特色湯底，好似刈菜蚵仔鍋，台式濃香沙茶鍋等等，牛魔王朋友就揀咗藥膳紅燒牛骨鍋，散發著濃郁的藥膳和牛骨香味，補身又暖身四款套餐，選擇了澳洲M9和牛$388每位。先上一碟澳洲M9和牛，此乃澳洲出口的最高級和牛，肉質軟滑， 脂肪分佈平均神仙牛肉，賣相一流，一片片牛肉掛咗木架上，肉味濃郁東港海鮮盤，有海蝦，扇貝，鮑魚，蠔，蜆，樣樣都鮮美枱面有個QR code，掃code落單，我哋差唔多所有肉類都有叫， 例如美國牛肩胛，澳洲特選牛肉安格斯牛肉，美國牛板腱， 牛胸爽，羊片。M9和牛當然有encore，非常滿足，所有肉淥一淥就食得，肉質鮮味還有不同海鮮，貴價的海班片，鯛魚片，蝦都有，全部都好高質又怎麼少得台灣美食鴨血，響鈴，手工蛋餃等等還有很多台式夜市小食可以出去自取，鹽酥雞，滷水豆腐，台灣腸，地瓜丸，唔使去台灣都食到地道小食自取食物還有蔬菜，丸類，菇類麵食等等吃飽再DIY台式芋圓仙草，Häagen-Dazs 同movenpick雪糕，睇見都開心這裡提供不少飲品，還有自家制的冷泡茶。環境舒服，食物質素好

呢間野D職員態度真係麻麻，趕收工，尤其係個便服職員，完全係唔識客戶服務，真心冇下次，走嘅時候仲要見到小強喺D茶包到爬嚟爬去，連衛生都咁差，特別要強調係我地人都未走，仲係坐係度就已經埋枱不停收野，勁冇禮貌！！！

天氣涼涼哋就約埋朋友去謂語德福廣場一期「犇殿台灣火鍋」吃晚膳，那裏環境確實不錯🥰，地方整潔，讓人在裏面用餐感覺很舒服。至於食物方面，除了可自選不同套餐外，套餐中還加設台式自助小食及自助蔬菜吧任食，食物種類豐富👍今晚選了「刈菜呵仔鍋」湯底，簡單又鮮美，與其他食物🥬同鍋，非常配合鮮甜。餐廳分別有自取區，設有蔬菜配料，種類繁多，有瓜菜、菇類🍄、響鈴卷以及粉麵類，當中較為喜歡它的皇帝菜及豆苗，湯裡融合，新鮮美味 。除此之外還有濶條麵，麵質煮熟後軟滑，而且吸了鮮甜的湯底，好味😋！還設有熟食類🍲鹵水蛋、豆腐、蘿蔔、櫻花蝦炒飯、滷水豬手、雲耳、豆芽、鹽酥雞、炸餃子、小籠包及藥膳雞腳…等，食物種類款式很多，當中藥膳雞腳有陣陣當歸味，而且煮得入味夠軟淋，鴨血醮些沙茶醬吃夠惹味，台灣蛋餃🥟餡肉像小籠包餡肉調味，但是以雞蛋造成餃皮，夠特別👍。肉類方面🐂🐖有澳洲特選牛肉、上選安格斯牛肉、美國牛板腱及美國豬梅花，個人較喜歡吃牛板腱，肉質細嫩。豬梅花脂肪比例較少，不太肥腻之餘肉味香。海鮮方面🐟🦐有膠原蛋白含量高的鯛魚、蜆和蝦🦐肉質夠結實，彈牙新鮮😋。

✿╮❤╭✿✿雜感女生   好味日記✿˚*•✰。犇殿．好滋味的台灣火鍋。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤朋友在德福附近上班極力推介最近她迷上的一家台灣餐廳放工之後，與她會合原來是知名的犇殿 (火鍋放題)這也是我一直想吃的餐廳今次有人陪我大開食戒了很好很好  餐廳的格局很大乾淨衛生有甜品部可以自製芋圓冰冰又大量自取的菜子、丸子、菇子還有大量即食台式熟食先拎一埋鹽酥雞、炸餃子、小丸子鹽酥雞是必食的，好香酥脆口帶來身處台灣的感覺極似當地的口感！  簡單先試這個 上選安格斯晚餐  (HKD258/@人)湯底有很多選擇，少見的烏龍菌皇湯、美白凝膚牛乳鍋等今次我聽朋友的選擇，點了桃膠土雞美人鍋來一round 新鮮的牛肉不要少看這是幾款自助放題中最划算的 (即最平的)上來的牛肉是極好的安格斯質素不會過肥，牛肉味香濃，而且多汁爽口加點蒜蔥小米辣，簡直停不下來  而且有美味的美國豬梅花肉片、紐西蘭羊肉片非常適合我們2個食肉秀無限追加，之後上台的都是優質肉肉沒有欺場！  蝦子更是鮮甜美味的，肉

每次經過九龍灣德福花園，都會看到 「牛牛牛」犇殿店門口滿是食客，今晚早收工，天氣凍冰冰，吃火鍋是最好，不過的選擇，於是便特登早點過去打算試一試～(⁎⁍̴̛ᴗ⁍̴̛⁎)我們選了「美國極佳牛肩胛肉 90分鐘吃到飽放題」$298 一位(*ˉ︶ˉ*)桃膠膠土雞美人鍋湯底有我喜歡的桃膠、紅棗、藥材、一隻大雞髀🍗，感覺滋補養顏(≧∇≦)🐮肉類多款肉類，店名叫「牛牛牛」，當然主要吃牛肉🤤牛肉色澤鮮紅，肉味香濃，嫩滑軟腍，品質不錯，值得encore !😋特別點樣稱讚牛肩肉👍🏻油脂分布平均，入口香濃不膩！ 牛板腱肉味濃，每一片厚薄平均。🐟🦐海鮮有多款海鮮，包括蝦、海斑片、魷魚仔🦑、墨魚滑。海蝦新鮮鮮味、墨魚滑彈牙👍🏻🐠必食炸魚皮新鮮脆口、嚮鈴和百葉豆腐吸滿湯汁，真是邪惡之物⁄(⁄ ⁄ ⁄ω⁄ ⁄ ⁄)⁄🥬自助區 （大推）選擇豐富，包括有不同蔬菜、丸類及麵類，擺放整齊，食物新鮮，看到令人食指大動！ 意想不到的是竟然有羽衣甘藍🥬！ 是男朋友的all time fav💕另外亦有冬瓜、蕃茄🍅、皇帝菜、粟米、油麥菜、金菇、蘑菇、蟲草花等(｡ì _ í｡)正啊！ 另外，丸類的選擇也有不少，最愛芝士丸(⁎⁍̴̛ᴗ⁍̴̛⁎)一咬下去已

談到台式火鍋放題相信不少人首先會聯想到牛大人，但事實上現時愈來愈多後起之秀選擇，質素有過之而無不及，其中一間就是犇殿。犇殿到目前為止已經有四間分店，分別位於九龍灣、大角咀、將軍澳及青衣，首次到訪九龍灣德福廣場分店，感覺上環境寬敞明亮而且乾淨舒適。自助區配料以蔬菜及丸類為主，另外亦有多款調味料及醬油可以自由組合。除了廣受大眾喜愛的MÖVENPICK及Häagen-Dazs雪糕杯之外更有其他幾款雪糕或雪條。飲品方面更有桂花烏龍、白桃烏龍、梔子花綠茶及玫瑰紅茶四款冷泡茶。值得一提的是自助區台灣地道小食包羅萬有，例如櫻花蝦炒飯、台式滷豬手、古早香腸、麻油雞等，而當中個人最推薦小籠包及台式焢肉。另外旁邊亦有幾款涼拌及炸物如麻辣雲耳、台南鹽酥雞、地瓜丸等。晚市90分鐘吃到飽放題由每位$258起分為四個套餐，我倆當日所選的澳洲M7純和牛套餐則每位$358，更會加送神仙牛肉及東港海鮮盤一客，神仙牛亦即翼板肉，取自肩胛部位，油花適中故肉味與油香並重，口感柔嫩而富彈性。東港海鮮盤包括鮑魚、帆立貝、海蝦及海蜆，而海蝦及海蜆更可以無限追加，可惜當日海蜆比較多沙。湯底款式別出新意，有刈菜蚵仔鍋、一品酸菜白肉鍋、

之前去過呢間打邊爐🍲熟食同雪糕都有好多款，而且仲好抵食，今次叫咗美國極佳牛肩胛肉➕ 美白凝膚牛乳鍋，個湯底好香甜肉類同埋部分熟食可以用手機QR Code 落單，上菜速度十分快👍🏻牛肉之中，我最喜歡上選安格斯牛肉，牛味好香濃手打墨魚滑真係必叫，口感超香滑墨魚仔、海蝦、響鈴卷、台式魚餃及厚切午餐肉都非常不錯台灣鴨血同埋炸魚皮更加係我每次打邊爐都必叫的，好好味😋熟食嘅十三香浦三寶同上次一樣煮得好入味，好香口自助蔬菜吧🈶多款蔬菜同埋丸類，仲有多款台灣夜市小吃飲品除左有罐裝飲品之外，仲有4️⃣款冷泡茶可供選擇，我試咗玫瑰紅茶，飲落真係好香玫瑰味甜品仲有DIY台式芋圓仙草，本身一黎就想食，最尾竟然唔記咗食呢個🙈🙈下次要試吓雪糕都有好多款👉🏻movenpick、haagen-dazs、韓國雪條等，不過我最愛都係海鹽味雪糕

天氣轉冷，最啱一大班朋友打邊爐🥘🥘🥘見到公司附近有間犇殿台灣火鍋，就去試下，大約等位15min 左右，入面環境舒適，坐位寬躺👍👍👍我哋揀左90分鐘 澳洲特選牛肉 每位$285 超過二十款台灣夜市小吃，有我最愛吃鹽酥雞金黃香脆，獨特的蒜香調味只要吃過都念念不忘，多銷魂又多滿足呀😋😋😋酥炸花枝丸非常彈牙、嚼勁十足，仲有台式香腸、魚蛋、灌湯小籠包、炸餃子🥟 等等等連紅燒牛肉都有得任食，燉到軟嫩，多銷魂又多滿足呀😋😋😋澳洲特選牛肉肉質嫩且油花分佈均勻，入口即溶、肉汁澎湃、肉質細嫩的澳洲和牛，起碼食左十碟😝紐西蘭羊肉卷肉味清香帶甜，羊羶味不太重海蝦。既新鮮又鮮甜。鯛魚片肉質較為紮實鮮甜，同時也沒有土味，打邊爐一流👍台灣鴨血食台灣火鍋點少得台灣鴨血，保留鴨血鮮味及嫩滑口感，不留腥味。 百頁豆腐台灣獨有的百頁豆腐，它吃起來跟一般豆腐不太一樣，綿綿的、口感特別好，吸收晒湯的精華，美味無比。

身為九龍灣人成日都覺得附近無咩好食😂因為好多都食過晒今次竟然搵到間未食過既放題邊爐🍲而且鍾意食牛既你就啱晒😉佢地大多數既牛都好有牛味🐮今期佢地仲搞緊和牛嘉年華 唔同period有唔同款既和牛🙊🍴澳洲M9和牛set($388@1)呢個set可以試晒佢地所有款式既牛😝另外仲試埋佢地今期做緊既鹿兒島黑牛日本一呢個和牛真係唔話得🙈肉質超淋 牛味雖然無M9和牛咁出 但都夠牛味👍🏻而M9和牛🐮牛味真係好出 但食落就相對有咬口除左牛之外 佢地仲有豬肉 羊肉同雞肉提供Set仲包埋一盤海鮮 有蝦🦐扇貝 蜆 鮑魚 蠔同魷魚仔🦑海鮮都算ok 係啲蜆有沙自助區有好多唔同配料😙除左火鍋配料之外 仲要啲台灣小食例如鹽酥雞 滷味 滷肉飯 小籠包等等另外仲設甜品專區 有雪糕雪條外仲有台灣最出名既甜品 芋圓‼️試勻晒全部野真係捧住個肚走🤣🤣

今日我哋兩個去咗九龍灣一間台式火鍋 餐廳名叫做（犇殿台灣火鍋）侍應俾咗個卡位我哋坐 都好寬堂 隨即我哋就選擇湯底 湯底方面呢 好多唔同嘅湯底選擇 咁我哋就揀咗個比較特別 一般火鍋放題好少見到嘅烏龍茶菌皇湯底 呢個湯底幾特別值得推介 跟住我哋就出咗去攞一啲自助嘅熟食包括有呢個花枝丸 非常之鬆脆 炸春卷亦都係非常之足料嘅跟住呢我哋就攞咗啲火鍋嘅材料 生菜 香腸 魚蛋貢丸 款式呢都尚算豐富 咁另外飲品方面呢亦都係種類唔少嘅 烏龍茶啦或者係普洱茶 倒熱水沖熱茶又或者 凍飲品都有一啲韓式嘅汽水 可樂啊 呢啲都會有 最深刻 就係佢地有無限量切片和牛 係非常之鮮甜 又好新鮮 最重要係有牛味 鮮蝦 雞 魷魚粒最後都有幾款嘅雪糕可以比大家去選擇嘅 咁其中我哋揀咗款七彩雪條 亦都令我哋呢係諗返起童年嘅回憶 同埋有任食Häagen-Dazs所以呢一間火鍋呢亦都係性價比較高嘅一間台式火鍋店

呢間差唔多每星期食一次，唔係特別好食，只係貪會夠方便又唔使好似牛陣等位今日21:00入座食，經理有提食到22:00關門，我示意明白。所以都叫定多啲野食，因為21:30截單，其實店員起碼提左5-6次出去拎多啲野食，食左15分鐘就叫即刻埋單，都理解的。但去到22:00，一個略胖戴眼鏡的男侍應行埋黎，用好平淡帶點差的態度講：「夠鐘你地要走喇，我而家要收走枱上的野食」，講完即刻光速拎起個煲，當時我仲淥緊兩隻墨魚仔，我當然拎住兩隻墨魚仔呆左，比佢咁突如其來的舉動嚇親，因為從未試過有間火鍋店係咁樣趕客走。咁的服務態度，以後blacklist

今晚約了位在附近工作的朋友吃飯，見今天天氣有些凍凍地，不如去打下邊爐，平時經過門口，見有特色，巳想入去吃下，就選了這間今晚吃，入到去環境同座位舒服，看了一會餐牌，選了上選安格斯晚餐雙拼湯底御善麻辣少少藥善同辣辣地美白凝膚牛乳滑香牛奶味肉類美國特選極佳牛肉特別香牛味同嫩滑美國豬梅肉濃香豬肉味，爽滑紐西蘭羊肉少少蘇，肉味剛好適中阿嫲燒洒雞雞嫩滑，有濃香酒味海鮮海蝦新鮮鮮蝦味，爽口墨魚仔細細粒，好彈牙墨魚滑滑身墨魚魚香味台灣美食手工蛋餃特别濃蛋香味，口感特別台式魚餃重魚肉味，好彈牙逢甲米血糕少有，軟軟霖霖，味道比較特別厚切午餐肉厚身，香肉味，入口即溶老街蜂巢豆腐甜甜味，有口感福建燕餃一口咬到，比較軟霖配料甜粟米好有粟米香甜味，唰唰聲鮮冬菇，皇帝菜新鮮鮮菜味，好爽脆芝士丸一咬口已有芝士香味魚蛋彈牙同爽滑墨汁花枝丸丸有濃濃墨汁味熟食台南鹽酥雞炸得脆卜卜，雞粒特香鹽酥味宜蘭蔥餡餅煎得脆，入口已有蔥香味夜市小香腸細細條，腸香味不減小籠包嫩滑，流心肉汁地瓜丸波波粒，金黄脆口，好香地瓜蓉味香煎餃子餃子煎得脆，特別香肉味煎堆芝麻同蓮蓉脆滑香.