犇殿台灣火鍋 (德福廣場1期)

营业中

休息中

之前食過幾次覺得OK，今次再幫襯，午餐選擇最貴M9和牛放題，一開始來左三碟，之後就QR cord 落單，一開始叫兩碟來一碟，第二次叫四碟來一碟，第三次都係叫四碟來一碟，食左50分鐘總共叫左12碟牛，最後來得四碟，叫經理兩次(一開始話客多來唔切切肉，但係一眼望落都仲有一半吉臺😂😂)，每次拿多兩碟，話會跟進加返時間，時間係加左，但係都係無牛到🤬🤬最後計返總共落左24碟牛，淨係來左十碟，仲要不斷搵經理先有，d肉仲要越來越薄越來越差，其實唔想出肉就咪鬼做放題啦，最後都已經放棄了。小食難食三個人第一次食放題係食唔飽仲要一肚氣，不會再有下次

之前曾經食過佢嘅外賣火鍋套餐，今次試吓堂食。我地係週末下午去到，見到佢有60分鐘嘅午市套餐，不過週末要加10蚊，另外除咗公眾假期外，時間會免費延長到75分鐘。我地嗌咗兩個套餐，牛肉質素不過不失，任食嘅打邊爐配料，例如菜呀，丸呀都係正常發揮，反而想講吓佢啲熟食，係意外嘅好食！個鹵肉飯非常入味，鹵豬手鹵到好稔，連炸鮮奶都好好食，搞到我地後期已經主攻熟食。另外佢有兩款自製茶飲，值得一提嘅係荔枝紅茶，有淡淡荔枝香味但係又唔甜，打邊爐一流！

【觀塘區】【犇殿台灣火鍋】家中遭逢巨變，所以呢排都未必太有 mood 打到好好嘅 post，咩 post 會令我自己滿意？我覺得係要好笑得嚟，大家有嘢睇到，而且更加有自己感受出到嚟。我覺得自己都只係極少部分能夠做到，不過做唔到全部嘅，做到一兩樣都好。亦都由於係咁，所以我未來花費都會更加保守，可能遲啲做埋平食、劣食 foodie 都未定。不過好似我呢種情感主導嘅人，心情喜歡大起大跌，可能之後又逾越理性去不停花費喺吃喝玩樂度都未定。唔想隻回力鏢打得自己太痛，戴咗頭盔先。所以今次有朋友邀請我去打邊爐，其實就係上次一齊去粉嶺賢河食放題食到一肚氣嗰位。咁我見都好耐都冇同佢食嘢，以前都食得幾密吓，所以可能今次做個終結啦，以後都唔太想食得太貴。即係好似呢啲兩舊至五舊一餐嘅就可免則免喇，五舊以上直頭唔去。我以為一人揀一個湯底，點知佢淨係要一個喎，咁我就求其要咗個「滋補養生人參鍋」，話雖如此，佢清清哋都唔錯。套餐我哋要「牛胸腹板肉晚餐」，係最平嗰款嚟，七點前離座再有得平。呢啲設定就啱晒起身未食嘢嘅我喇，價錢掛帥。首先大家最關心嘅當然係肉類，「牛胸腹板肉」係牛啦，不過肥咗少少，煮咗就縮到綠箭香口膠咁大片，

前果排經過都幾多人等，今次去早啲拎飛，以為要等到9點後，未到8點就入到去，同埋已經無咩人等位首先環境幾好，都算闊落，而且安排咗係自助區隔離，算方便點選澳洲牛set，湯底揀咗酸菜白肉湯底好夠味，初初淥牛肉唔需要沾豉油都可以app點餐，唔算多選擇，大部分都係出面拎牛類4款，上選牛、澳洲牛、牛板健、牛胸爽第一輪啲牛係好食啲，外觀都算唔錯然後食食下，食唔返第一輪食果隻既味道後半段點選澳洲牛，黎到啲肉有一點點黑色斑點，咁就再點多次，都一樣咁唔知黑點有無問題，就點返上選牛，而個湯底越食越咸蝦唔算新鮮，蝦肉唔爽口最後要埋單果下先知原來已經夠鐘，無提示係last order，我地都唔記得可以食到幾點於是比完錢就走咗價錢方面，可以去食更好既

本身對任食火鍋唔會有太大期望，但犇殿令我徹底改變呢個睇法。自取食物選擇多，除咗丸類，單係蔬菜都有唔少款式。小食好吸晴，有現烤台灣香腸，炸芋頭丸等炸物，最驚喜有炸鮮奶，好好味😋 我揀左最貴嘅餐$388一位任食，台灣美食類有11款小食，比第二貴套餐多咗炸魚皮。肉類方面共有9款，多兩款包括澳洲M9和牛及美國極佳牛肩胛肉。海鮮類方面共有7款，多了海斑片及墨魚滑。呢個餐比起其他餐最特別之處，就係奉送神仙牛肉及東港海鮮盤一客，但質素一點都唔馬虎！神仙牛肉相比起澳洲M9和牛，少了一點油膩感但肉味香濃，個人比較喜歡，可惜只得一碟，貴精不貴多。至於澳洲M9和牛，性價比高，唔會話頭一碟好靚，往後比嘅肉好明顯差。海鮮類也很不錯，東港海鮮盤幾新鮮。食咗咁多肉，緊係要食我最愛嘅Haagen Dazs雪糕做結尾啦！美中不足係藥膳紅燒牛骨鍋同麻辣湯底都偏鹹，而後者沒有麻的感覺。由於牛肉質素同有好多小食選擇，我會心思思想再食過呢😋

🤞🏻喺德福行街見到犇殿多人排，就決定試吓入座前已經揀好食咩餐同湯底～ 👉🏻澳洲M9和牛・美濃牛肉套餐 $388@👉🏻桃膠土雞美人鍋 x 御膳麻辣鍋（有8款揀，有選擇困難症嘅人要留意）呢個Set 已經可以叫晒店提供嘅所有肉類/ 海鮮/ 小食～ 仲可以去自己吧位拎丸類、蔬菜、甜品同飲品等等。一坐低店員已經拎咗澳洲M9和牛同送嘅神仙牛肉+東港海鮮過嚟～ 等緊湯底滾嘅時候就出咗去醬料區，亦都有唔同嘅醬同配料，例如蔥同炸蒜蒜等等。到湯底一滾起，就可以即刻開始食。神仙牛肉用木架掛起，淥幾秒就可以食，入口重油香。同屬高級牛肉嘅澳洲M9和牛肉味濃郁而且脂肪分佈均勻，夾少少蔥蒜食都一流！東港海鮮盤有海蝦、扇貝、鮑魚、蠔同蜆，全部都好新鮮～ 自助區就有唔同嘅蔬菜、丸類等等。台式小食就有台灣香腸、香芋地瓜圓同小籠包呢啲地道台灣小食。就算係滷豆腐同埋魚蛋都有。飲品區除咗可樂、無糖可樂、冬瓜茶等等之外，最令人俾驚喜嘅係佢哋有自家製嘅冷泡茶，呢一個用嚟配火鍋食，健康得嚟解膩又清爽。甜品區都有仙草凍同埋芋圓，而雪糕櫃嘅雪糕雪條都幾多種類～ Overall 呢個台式邊係幾吸引🤟🏻唔怪之得門口成日有人排

今日中午同老婆食火鍋放題，諗住簡簡單單食個最普通既餐，應該有牛豬羊雞肉及其他一般火鍋放題有既食物，點知呢鋪真係中伏。牛豬羊雞肉正常質素，但會跟人數俾，2人每盒最多3片肉(有時得2片)，但肉既大小都算可以，所以要不斷叫。中伏位黎喇，因為除左自助吧食物外，其餘食物都要用app落。我地食最平既$158餐，除左上面既肉外，個app可以叫“免費”同收費食物。所謂“免費”大概只有5、6種，有2種售罄，其餘食物當我點時顯示要俾錢，咁我就問侍應係咪有錯，佢就同我講因為我係叫最平既餐，所以呢d“免費”食物係要收錢。大佬呀，既然要收錢，點解唔係放係收費食物入面呀，如果其他人無留意落左單，埋單時咪大X鑊？我個人覺得你都收得$158，連埋加一都要$170，係咪要咁小家？我去牛大人或牛驛，人地都係差唔多價錢，都可以叫好多非肉類食物如鴨血、燕餃等等，所以我地成餐只係叫肉同食自助吧既少量食物如丸、菜、小食及甜品等大概10零款食物。總括黎講，中午放題性價比好低，食物及飲品種類少，唯一可幸係可以1315前離座有7折，埋單每人大概$125，叫做心理好過d啦。經過今次後，我唔會再幫襯呢間野，以後都係去番牛大人或牛驛算喇。

琴日同朋友約好咗嚟呢間台灣火鍋試吓，大概六點幾唔使等好耐就有得入啦，門口個姐姐好細心咁介紹完餐牌，我哋喺門口揀完餐同湯底就入去。星期六嚟講都算好彩唔使等太耐，食物質素ok環境都算舒服，不過就有啲焗，可能我哋坐得比較入多人唔透氣啦。但個湯底嚟咗之後冇耐就有個西裝女人過嚟加湯，我哋一班人都覺得好奇怪感覺唔係咁好，點解個湯我哋咩都未煮就要加湯呢。出面菜吧嘅菜色都幾多下，重有啲即食小食好香口，可以等湯滾起嘅時候食住等，雪糕甜品都算係多款式，食90分鐘都食到幾飽下，食物方面就冇乜大問題中規中矩啦。其實食放題都預咗冇乜服務㗎喇，不過個西裝女人冇乜禮貌黑晒口面咁，咁嘅服務態度真係令人唔多舒服囉！我哋都唔知係咪做咗啲咩得罪佢。同另一個女侍應比較，個女侍應態度就好好多。食物同埋牛肉唔算話特別出色但呢個價錢咁嘅服務就⋯⋯賣單重有+10%，每位三百幾嘅價錢，朋友都覺得應該就冇下次㗎啦。

早前誤打誤撞俾我哋發現到呢個promotion 啲相都影咗一排㗎啦 不過都想同大家分享返 台式小食勁多選擇原來平時食性價比都幾高❣️日本JA全農和牛嘉年華 - 日本一鹿兒島黑牛套餐 $598/兩位我哋揀咗藥膳湯底 藥材紅棗肉塊越煮越入味 養生得嚟仲要冇平時嗰啲咁熱氣開波之前每人都忍唔到飲咗兩碗🥢鹿兒島黑和牛人頭一碟 一份有10片 都幾大塊下 我哋就係比呢個吸引咗入嚟㗎咋淥一淥就食入口即溶好綿好正 逐少逐少食慢慢享受 可以幻想自己置身日本 🥢肉類食完重點之後 仲可以狂嗌肉㗎而且選擇都幾多 分別有美國極佳牛肩胛肉 澳洲特選牛肉 上選安格斯牛肉 美國牛板腱 牛胸爽 美國豬梅花 紐西蘭羊肉袋 阿嬤燒酒雞🐥我哋第一次試牛胸爽果然物如其名 煮咗好耐好長時間依然保持爽口🙈因為我哋係藥膳湯底嘅關係 嗌咗燒酒雞加落去試試 果然幾入味 藥材味中帶點酒香 十分唔錯🥢海鮮呢個價錢有得食埋海鮮真心唔錯 海班片 鯛魚片 墨魚仔 海蝦🦐 海蜆 墨魚滑 魚青滑 任嗌任食超推海班片非常嫩滑 另外魚滑煮耐左唔記得撈起咬時依然彈牙鍾意食嘅朋友真係可以食多幾份 海

澳洲M9和牛 - 加送神仙牛肉及東港海鮮盤刈菜蚵仔鍋好耐之前食過，今次行過見到唔係好多人又再試多次。今次食左刈菜蚵仔鍋+澳洲M9和牛套餐，價錢388+10%雖然佢改左m9和牛，不過落單其實都係寫m7，所以應該都係m7黎🥲套餐送埋神仙牛肉同東港海鮮盤，仲有自助嘅台灣夜市小吃區和飲品同雪糕，真係好抵食！餐廳採用QR code點餐方式，方便社恐的人類 🙂湯底以清燉的湯頭煮熟刈菜、蚵仔、蛤蜊等海鮮，配以蔬菜🥗、豆腐等食材一起享用。湯頭清爽，唔會過於油膩，吃起來好開胃，懶健康咁減低少少食放題嘅罪疚感。🥘神仙牛肉一份有6塊，啲肉係好嫩好滑，一咬落去就會化哂，口感真係好好！而且呢個和牛肉嘅油花都好細，食落去好有層次感，味道好濃郁。M9和牛就比較有咬口，但唔會太硬咬唔爛，好有牛味，好飽滿。台灣小食食左台式滷味同古早香腸。台式滷味有各種蔬菜和肉類在滷水中燉煮，口感鮮嫩，特別係蘿蔔好腍好入味，不過都啲有咸。古早香腸：經典的台灣肉製品，口感彈牙而且有肉香。犇殿台灣火鍋 (德福廣場一期)地址: 九龍灣偉業街33號德福廣場一期1樓F1號舖

主打高質台灣火鍋，多款特色湯底：麻辣鍋、酸菜白肉鍋、桃膠土雞美人鍋、沙茶鍋、美人鍋、牛骨鍋等台式麻辣湯底麻辣濃郁、多種食材的搭配。傳統的火鍋材料鴨血、豆腐等。此外，台式麻辣火鍋的湯底通常選用多種辣椒和花椒，秘製的調料，讓湯底更加濃郁美味。台式麻辣火鍋還會加入一些特色食材，比如滷牛三寶。美國牛肩胛口感的肉質和獨特的味道。由於肩胛部位的肉質較為緊實，脂肪含量較高，肉質鮮嫩多汁。豚肉牛白肉，脂香撲鼻，口感爽脆。更設仼食配料自助區火鍋配料選擇亦很多：手工蛋餃、屏東水蓮菜、炸魚皮。炸魚皮，金黃香脆，丸類等雪糕更有多種選擇，Häagen-Dazs勁高質，係仼食啊，韓國雪條。 📍犇殿台灣火鍋（九龍灣）

見到「犇」呢個字一直都唔識讀，直至我去咗九龍灣犇殿台灣火鍋 ，問下店員，原來讀作「奔」，意思係奔跑嘅牛😂火鍋門口已經放咗好多唔同放題選擇, 價錢就因應唔同嘅牛肉為定價，想食邊款就揀邊款，全部都係90分鐘任食放題，我就揀咗美國極佳牛肩胛肉晚餐$298一位。湯底有八個款式，今日我就選擇鴛鴦鍋御膳麻辣鍋+美白凝膚牛乳鍋，麻辣喎香氣撲人，傳統台灣麻辣湯底，內裏仲有百頁豆腐，辣椒及鴨血。牛乳鍋滿滿牛奶味，再加上杞子，好滋潤的感覺。有個QR code 自選落單選擇你喜歡嘅肉類之外，仲有海鮮及其他。而外面有不同類型嘅蔬菜，粉面，熟食，飲品及雪糕雪條。。。選擇極之多。落完order送餐服務非常快，值得一讚，員工非常有禮，令我聯想起去台灣旅行時食麻辣火鍋的感覺😄犇殿放題性價比非常之高，而且環境乾淨企理，食物新鮮。

呢排又凍返，好想食啲暖笠笠嘅嘢，一於打邊爐🤪 上次食咗最到嘅套餐，今次推介比大家一軟要叫最貴個餐，價錢相差唔遠，好抵食！呢度以QR code下單牛肉、雞肉羊肉豬肉、海鮮等等入座前先選湯底，一共有8款湯底我哋揀咗 藥膳紅燒牛骨鍋 🍖❇️澳洲M9和牛•美濃牛肉 $399加送神仙牛肉及東港海鮮盤🍖神仙牛肉以木架掛起，脂肪分佈超靚入口即化牛味香濃不得了🤩 神仙牛肉一共有6塊，呢6塊喺呢個套餐最值🤪 🍖澳洲M9和牛牛味濃郁質感軟腍，入座後即時下單☺️🦐東港海鮮盤包括有鮑魚、生蠔、海蜆、扇貝、海蝦，鮑魚爽口彈牙，生蠔一啲都唔腥、扇貝同蜆都好鮮甜！🐙海鮮類有海班片、鯛魚片、墨魚仔、海蝦、海蜆、墨魚滑、魚青滑🍥點少得台灣鴨血、逢甲米血糕、老街蜂巢豆腐、百頁豆腐！豆腐吸收哂湯底味道好濃都！仲有我最鐘意嘅響鈴卷😍自助區位置超大，自行夾菜類！當日見到有紫色嘅羽衣甘藍💜皇帝菜🥬台灣芝心丸、貢丸、花生芽，最鐘意羽衣甘藍超爽口好正☺️🫘甜品區有雪糕、雪條、仲有仙草芋圓紅豆！想食幾多自己斟😚飲品區有自家製作冷泡茶，我揀咗玫瑰紅茶仲有大量台灣罐裝飲品、汽水🥤台灣啤酒🍻茶包等等如果想食呢間，一定揀澳洲M9和牛餐😋

德福商場有間台式火鍋店，經常擠滿人，一直想試，今夜終於有空可以試吓。有四種價格可以揀，我揀咗極上選安格斯牛肉，比較相宜，90分鐘，包湯底一款，自選套餐，台式小食同自助蔬菜吧。入埸先選湯底再揀位，環境乾淨衛生。指定食品要手機點餐，自助區有火鍋配料，地道小食，甜品和飲品區。一應俱全。湯底湯底有八款任揀，好有台灣特色，我揀咗烏龍茶菌王湯，清清地，唔會肥膩，仲係全新湯底，值得推介。自選套餐有安格斯牛肉，豬梅花、羊肉卷同燒酒雞，海鮮有海蝦、魚滑和墨魚仔，仲有多款台灣美食可以揀。特別推介係安格斯牛，肉質靚好新鮮，上枱速度快，而豬梅花都好嫩滑，放耐咗都唔會覺得韌。豆腐種類多，例如有老街蜂巢豆腐，百頁豆腐，手工蛋餃同福建燕餃，都好外面比較少食，而大蝦好隻新鮮鮮甜。自助蔬菜吧有菜，瓜、菇、丸子、腸、麵類好多款式，多款手工面都好特別。台灣地道小食好似去咗台灣夜市咁，例如有腸，台式滷味、地瓜球、台式豆腐，蔥餅等。甜品區除咗雪糕雪條，仲有台式芋圓糖水可以自行調配，有紅豆蓉，小丸子，涼粉，雜果等等可以炮製出自己啱口味的甜品。既幾好玩又好食。飲品區好多元化，仲有自家製清潤飲品添。

天氣又轉涼就好想打邊爐，係九龍灣行街經過見到呢間台式火鍋店，見到價錢相宜就入去試下！大概等左15分鐘左右就有位，餐廳座位舒適寬敞，環境唔錯！今次選左上選安格斯牛肉自助火鍋套餐，大人$258！湯底選左桃膠土雞美人鍋，濃濃雞湯味，仲要有一隻大大雞髀，雞肉嫩滑可口！呢個套餐的肉包括有上選安格斯牛肉、美國豬梅花、紐西蘭羊肉卷同阿嬤燒酒雞！安格斯牛肉牛味幾出，脂肪比例岩岩好，入口鬆軟！羊肉卷好好食，羊味重但唔會騷，推薦！豬肉同雞肉就不過不失！除左肉當然有其他配菜，應有盡有！當中值得推介係鴨血同百頁豆腐，鴨血好嫩滑好鮮，唔會有血腥味！而百頁豆腐吸收哂湯底精華，口感綿密，好特別！除左打邊爐，餐廳都會供應唔同的台式小食，有我最愛的鹽酥雞、台灣香腸、豬手、地瓜球同台式滷味等等等！全部都好台式風味，仲要係好味道！當然唔少得飲品同甜品，飲品推薦梔子花綠茶，甜度岩岩好，又會有一陣陣花香味，解油膩一流！甜品就有我最愛的韓國雪條，如果有綠色蜜瓜味就完美了！