犇殿台灣火鍋 (德福廣場1期)

营业中

休息中

見到「犇」呢個字一直都唔識讀，直至我去咗九龍灣犇殿台灣火鍋 ，問下店員，原來讀作「奔」，意思係奔跑嘅牛😂火鍋門口已經放咗好多唔同放題選擇, 價錢就因應唔同嘅牛肉為定價，想食邊款就揀邊款，全部都係90分鐘任食放題，我就揀咗美國極佳牛肩胛肉晚餐$298一位。湯底有八個款式，今日我就選擇鴛鴦鍋御膳麻辣鍋+美白凝膚牛乳鍋，麻辣喎香氣撲人，傳統台灣麻辣湯底，內裏仲有百頁豆腐，辣椒及鴨血。牛乳鍋滿滿牛奶味，再加上杞子，好滋潤的感覺。有個QR code 自選落單選擇你喜歡嘅肉類之外，仲有海鮮及其他。而外面有不同類型嘅蔬菜，粉面，熟食，飲品及雪糕雪條。。。選擇極之多。落完order送餐服務非常快，值得一讚，員工非常有禮，令我聯想起去台灣旅行時食麻辣火鍋的感覺😄犇殿放題性價比非常之高，而且環境乾淨企理，食物新鮮。