牧羊少年咖啡館 (香港單車館)

营业中

休息中

今日同妹妹黎到位於單車館嘅餐廳午餐呢度地方超大超闊落！餐牌都算多選擇好適合大家喺度hea返半日我同妹妹分別揀左兩個午餐連餐飲餐茶用上外國品牌teapig，味道唔錯意粉份量不算太多女仔都飽肚味道都正常櫻花蝦幾香口，大蝦爽口菠菜意粉幾清爽素食之選！

【牧羊少年咖啡館】是一家以旅遊為主題的咖啡餐室，2012年10月於太子開幕。多年來，牧羊少年主力於文化集中地駐紮，在政府文化場館及K11藝術廊開設分店。牧羊少年曾多次參與罷工、將漂書收益捐至612人道基金，亦曾於沙田遊行中派發手調咖啡予同路人。將軍澳分店在2017年3月登陸香港單車館。五一長假期沿將軍澳海傍散步，順道來支持一下。單車館分店樓底極高，空間感十足。加上嚴守《預防及控制疾病（規定及指示）（業務及處所）規例》，枱與枱之間相隔多於1.5米距離，感覺非常休閒舒適。為了芝士薯角而點了厚切豬扒意大利包，預先調味的香辣薯角炸起來特別脆口，咸香中帶微辛。芝士醬香滑濃郁，令人吃不停口。豬扒雖是厚切仍保持軟嫰，醃得入味又不會過鹹。意大利包加入沙律菜、蕃茄及沙律醬，整體清新又飽肚。明太子鮮蝦意大利粉加入大量櫻花蝦，賣相與氣味俱住。鮮蝦有4、5隻，新鮮味美。意粉不過不失，如果口感可以彈牙一點，會更美味。午餐加$12可選藍莓奶酪，飲品甜度適中，大大杯的喝下冰涼清新，炎夏來一杯暑氣全消。

呢間餐廳係港九新界都有分店，近近地去將軍澳單車館店試試：推介菜式正宗英式早餐⭐️⭐️⭐️⭐️⭐️ （Max : 5⭐️）素菜黃金脆魚柳⭐️⭐️⭐️⭐️推薦指數👍🏻👍🏻👍🏻👍🏻👍🏻 （Max :5👍🏻)-正宗英式早餐。唔好睇小佢簡簡單單，真係跟足我地大英祖國既煮法架，同出面既Brunch 唔同除左賣相出眾，味道都唔錯。清清淡淡黎十分健康，加上隻黑松露滑蛋非常足料。份量夠成人份量！-素菜炸黃金脆魚柳，絕對令人食指大動，金黃色既內外殼，脆內軟簡直黃到發光，絕對黃色食店首屈一指既一道菜。素菜係指魚柳聯同紫菜一同去炸。除左一般咸咸地既味道仲有一浸絲絲紫菜味架。時間炸得岩岩好，內裡魚肉入口即溶。-將軍澳店位於單車館內，岩曬一家大細同樂日完，入黎嘆番個靚茶食個靚下午茶。家長們又可以係餐廳內望到小朋友係外面草地玩，同場單車館外有一大草地可以比大家玩，仲有櫻花睇添🌸🌸🌸🌸🌸！！！-店員態度良好，覆餐快靚正，請好多後生手足幫手做待應。-環境舒適優美，十分寛躺岩曬大家嘆個靚茶傾番一個下晝。人均:$118

5🤚🏻1☝🏻黃金週嘅早餐當然要去屋企附近食「牧羊少年加啡館」La~ 5🤚🏻1☝🏻黃金週Wor😬大約9:30am-9:45am行到去，排隊等入坐，因為仲早，排隊只係用左1-2分鐘左右就坐低✌🏻我地叫左早餐D及早餐F，早餐D：漢堡配薯餅、炒滑蛋、火腿、牛角包；而早餐F  -  黑椒雞扒配炒滑蛋、火腿、牛角包。兩份早餐嘅蛋都炒得唔錯，而雞扒嘅整得唔錯，整體兩份早餐都😋😋😋跟餐加＄叫左「花生🥜風暴🌪」同埋「玫瑰🌹朱古力🍫」。「花生🥜風暴🌪」- 花生迷必飲，濃郁花生配上朱古力醬😋😋😋😋「玫瑰🌹朱古力🍫」- 濃濃朱古力配對女生有益嘅玫瑰花😋😋😋😋

牧羊少年咖啡館 The Alchemist Café+西式+All Day Breakfast+咖啡店+ chill 可以任座 無限時+ 原來單車館有隱世美食M1 厚切豬扒意大利包配芝士薯角 $72好食指數：⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️👍🏻醬汁幾好食 豬扒極厚 好飽肚👍🏻薯角乾脆 好食 芝士味濃厚🧐豬扒厚切 但是太乾身沒薯角乾脆汁🧐薯角略嫌過鹹
跟餐 冰果茶好食指數⭐️⭐️⭐️打卡指數：⭐️⭐️⭐️大份指數：⭐️⭐️⭐️抵食指數：⭐️⭐️⭐️👍🏻味道正常順帶一提 飲管是環保物料 浸得耐會斷
將軍澳寶康路105-107號香港單車館地下G53號舖Shop G53, G/F, Hong Kong Velodrome, 105-107 Po Hong Road, Tseung Kwan O星期一至五11:30 - 22:00星期一至五11:30 - 22:00電話號碼26327107喜歡我的文章，可以關注我及讚好以作鼓勵

疫情嚴峻，帶愛寵遠離鬧市，去單車館此處午膳，下着雨，應該清靜點，去到竟然差不多滿座，因為有限聚令，1.5米距離，枱自然少咗，我們剛剛坐低，門口就人等位。發現裝修過，燈光較光亮而柔和，櫈都換咗，加咗2架單車裝置，配合館之主旨。黑椒香蒜鴨胸意大利粉$78，鴨胸微燻，肉質有彈性，並非超级市場那種，意粉彈牙乾身，黑椒及蒜不那麼濃烈，剛剛好，食到底好多油，意粉面上有幾條紅絲，好似藏红花，食懵你呀，幾十元套餐，有此高檔料？，食出應該紅燈籠椒絲。厚切豬扒意大利包芝士薯角$82，包似江蘇餅，又無佢那樣散，有些煙靱質，豬扒不是炸，煎焗，不太香口，可用爽口及齊整形容，斜紋清晰，無豬肉味，味道及格，我的主角當然薯角，炸脆脆地有少少蒜香，佐以稠撻撻橙色車打芝士，我覺唔點都好味。食完愛寵要去sheshe,單車館厠所都關了，要跨過公園另一邊公廁，下着雨，幾狼狽!

知道咗單車館開咗餐廳之後，一直都好想試，最近終於有機會試啦！試咗感覺都唔錯，環境好 relaxing，放假得閒嘅話好值得去。首先想講下呢杯泡沫蜂蜜綠茶，口感好似奶蓋綠茶，不過一啲都唔膩，因為佢其實只係一啲泡，冇加牛奶。甜甜地，但又唔會過甜，幾清新。其實抹茶拿鐵嘅賣相都唔錯，不過我就覺得味道麻麻哋。其實好唔好味見仁見智，不過身為抹茶控嘅我就覺得抹茶應該茶味要濃啲，呢杯算偏甜，唔太啱我嘅口味。第一個主食係煙三文魚小漢堡。個包幾脆，有啲香草味。整體口感 ok，不過就唔係個個小漢堡都有足夠嘅蜜糖芥末醬，可以再多啲。可惜煙三文魚唔夠鮮，口感唔夠滑，仲會偏腥。接住落嚟係小食拼盤，有波波腸，八爪魚丸，炸雞翼同炸薯條。波波腸同八爪魚丸口感好好，雞翼熱辣辣，炸得好脆。薯條係幼薯條，食落去係冇粗薯條咁正嘅。同埋佢本身無落鹽調味，食嘅時候可以加鹽帶出薯味。最後一個，亦都係最好食嘅主食就係雞扒漢堡啦。呢次係我第一次食竹炭包，原來味道同普通漢堡包冇分別，仲比較香。我要讚下塊雞扒，烤得好香，雞扒仲好嫩滑添！你個漢堡嘅口感好好，而且因為佢係雞肉，而唔係牛肉，所以唔會咁膩。薯條嘅評價上面講咗喇，呢度就唔講啦。最後，我

去過唔同分店的牧羊少年咖啡館，最中意都係將軍澳呢間，附近係將軍澳單車館，環境較清靜舒適，適合同朋友坐低嘆個下午茶。酥炸雞翼即叫即炸，色澤金黃，每件脹卜卜，腌得好入味，外脆內嫩，肉汁豐富，帶點微微辛辣，就算唔點醬汁都食得好滋味。唔想飲咖啡，就想試其它特色飲品，揀左我好中意既抹茶拿鐵，其實好多地方未必整得好飲，有d茶味太濃好少奶，有d反而太milky，牧羊少年的抹茶拿鐵拉花超級精美，入口幼滑順口，苦澀的茶味同香滑牛奶的比例配合得很好，甜度亦調教得好好，呷完一啖心情即時好起來。

喺香港打正旗號用旅遊做主題嘅食肆非常少，若干年前仲有間喺美荷樓嘅 Full Cup，到咗今時今日，怕且就剩返呢間，雖然佢嘅旅遊元素而家都所剩無幾🥺。Cafe 嘅前身係長沙灣嘅秘密花園 1981，當年我都算經常光顧，除咗食物質素 ok 之外，更加喜歡佢係一間有故事有感情嘅 cafe。到咗太子嘅牧羊少年，最初我都有幫襯，亦都參與過旅遊講座同 “以書換啡”，不過，隨住佢嘅食客愈來愈多，旅遊元素愈來愈少，我就好幾年都冇再幫襯。今次來到單車館入面呢間分店，嗰種久違嘅 cozy 同 lay back 感覺又再湧現😃，店內地方寬敞，食客不多，有部份座位仲擺放咗梳化，感覺舒服。叫咗一客晚市套餐，包括蘑菇汁澳洲牛肉漢堡配珍珠飯，泡沫蜂蜜綠茶同熱情果芝士餅。飲品同甜品屬正常水準，主菜份量就非常多，漢堡扒煎得比較硬同乾身，幸好蘑菇汁調味不俗，撈埋一齊食還算不錯。牧羊少年近幾年開嘅分店主要係喺政府文娛場地，我相信租金壓力細咗，老闆就可以花多啲心思同資源去打造 cafe 嘅風格。 所以如果想幫襯牧羊少年，我建議最佳選擇都係單車館呢間。

將軍澳呢度有一間連鎖cafe最近試咗都唔錯👍🏽 呢度環境都幾好，出面就係單車公園，放假食個lunch散下步都幾寫意☺️Lunch menu有幾款意粉、漢堡包同all day breakfast，價錢中規中矩🤪 叫咗芝士鮮蝦意大利麵試下，味道正常，啲蝦都幾大隻😋 芝士醬就冇咩芝士味，有啲可惜😢 食落creamy嘅，但唔會覺得好膩😌 我哋每人都嗌左杯咖啡飲，個拉花都幾靚🤣 呢間鋪幾大間，可以坐耐啲唔使趕住走，慢慢嘆杯咖啡傾下計😛▫️車打芝士鮮蝦意大利粉 $68▪️Latte 跟餐+$15

星期日提早同女朋友慶祝生日，係牧羊少年留咗個位食晚飯，去到環境裝修得好靚，心情已經好開心，女朋友都好滿意個環境！坐低咗之後，我同女朋友一人點咗個晚飯套餐加炸雞翼！開餐前，飲返杯花茶開開胃，都十分好好喇，講返菜色，我點咗個星加坡海鮮米粉，海鮮分量十分足，湯底都唔錯好有新加坡風味女朋友點咗個牛肉漢堡，牛肉肉汁豐富，配搭芝士十分好食，相當滿足，薯片炸到岩岩好，仲有少少脆口，食完後仲有個雞翼，都十分好食，雞翼炸到外脆內軟，唔會冇哂肉汁2個人食完都話會再去，試試其他嘢食

喺TKO食Lunch，搵到單車館入面呢間好神秘嘅Cafe價錢合理，半自助方式，水到調味料同餐具等可自取而且係黃色小店環境好Chill，坐低食嘢好舒服落大玻璃窗對住單車館湖景不過，建議千其唔好由單車館入面過去喺單車館門口左邊條小路兜去後面門口入單車館入面要兜勁耐先搵到餐廳但出面條路1-2mins就到意大利蕃茄蓉煙三文魚意大利粉 $68等得比較耐少少，但味道比其他好好重蕃茄味，酸酸甜甜好醒神仲混有煙三文魚，好香而上面芝士亦唔膩意粉充份吸收蕃茄蓉，好入味TEA 大盞出前一丁 $48簡餐可以試試，而且包嘢飲，可以揀當日嘅特飲只係簡單公仔麵，加上腸仔蛋蟹柳仲有漢堡扒同煙三文魚煙三文魚偏鹹，其實未必適合放本身就鹹嘅公仔麵不過落煙三文魚就感覺抵食啲蜂蜜蜜桃冰茶食完主食再飲返杯特飲，凍冰冰好爽唔算太甜，剛剛好藍莓芝士餅 $35試咗多件cheese cake正常cheese cake感覺芝士味都OK，藍莓味就係中間啲藍莓醬比例都可以藍莓酸甜味解咗芝士膩感

新一年同朋友聚一聚，黎到單車館入面的牧羊少年咖啡館位置較偏僻，亦都唔易搵到平日晚上唔會好多人，環境比較筍暗，可以享受一個寧靜的晚餐一人可以選擇精緻晚餐，有主食、甜品同飲品多人的話可以叫大吃四方，選擇都幾豐富蘋果玉桂茶 (餐飲)套茶具簡單得黎好靚，搞到我都想買返一套哩隻茶的味道都幾特別，好似將蘋果批變成茶咁開頭飲覺得怪怪地，飲飲下就覺得幾舒服😌是日特飲 - 蘋果蜜桃綠茶梳打 (餐飲)味道唔太特別，正正常常，夏天飲會爽好多磨菇汁澳洲牛肉漢堡配珍珠飯 - $108望落都幾頹廢牛肉漢堡扒的肉味好濃郁，但就有啲難咬成個飯都好正常，不過就好似茶餐廳飯，唔值哩個價錢厚切烤雞扒漢堡配薯條 - $108漢堡包比預期大個好多，而且包係黑色的，賣相好突出雞扒都好大塊，味道不錯，但就凍左少少蔬菜新鮮，成個漢堡都好好食，不足之處係唔夠熱至於薯條，每一條都係脆脆的，喜歡硬脆的人可以一試，同樣問題都係唔夠熱藍莓芝士餅芝士餅細細件，質素都唔錯，藍莓唔會搶左芝士的味道

今日來到位於將軍澳單車公園的牧羊少年餐廳吃個午餐，平日不太多人，之前來過這間店是比較自助式的，自己去收銀點餐丶去找座位和去取調味等...所以我簡稱今日做個自助文青午餐點左意式蕃茄蓉煙三文魚意粉，平日星期一至五會包一杯普通飲品，今日就揀左杯凍利賓立，因為之前食過佢嘅芝士薯條，覺得幾好味，所以追加埋芝士薯條一次客。意式蕃茄蓉煙三文魚意式就第一次試，味道好不錯，酸酸甜甜的，意粉內有既煙三文魚就爭少少，味道一般而且三文魚片較碎，稍為扣分，整體不錯，價錢不算太抵食，但就坐得幾舒服，可以渡過一個悠閑的下午

食物質數垃圾，價格與食物質素不乎，餐牌選擇過於單一，未必能乎合大眾口味，飲品方面隨了咖啡外，其餘飲品甜味不足（注意：*喜歡飲甜些小的人須留意*）係比較健康無錯，個人比較喜歡甜些小，小許便可，另外所謂窩夫，口感過軟，唔脆身，味道太淡，靠兩糕雪糕，醬汁搭夠環境好一般cafe，座位不舒適，枱櫈偏矮，店舖衞生程度麻麻，店內不設洗手間，客人須要到餐廳外的單車館洗手間，加上本身餐廳位置小小偏僻侍應服務質素次奉，大部分須客人自助餐形式，落餐須到收銀處落餐總結：整體感覺好一般，以上是個人小小意見，視乎本身個人口味，去前請三思