牧羊少年咖啡館 (香港單車館)

营业中

休息中

牧羊少年咖啡館☕️🌍🚴‍♀️The Alchemist Café隱藏於單車館內的某一角落，有一間以「旅遊」為主題的咖啡店 。店內除了提供各種西式美食、甜品和咖啡，還收集了不同國家的旅遊書和雜誌，絕對是旅行愛好者休閒的場地！👅💓🍴「未來的信」✔️放慢生活的步伐，你可一邊品嚐咖啡，一邊寫下當刻的心情，然後讓店員會在未來指定的時間寄給你/朋友。📝💌📫「漂書」✔️家中有舊書該如何處理？你可選擇將舊書捐給咖啡店來換取優惠券，讓更多人明白閱讀的樂趣。📚📖📒𝙎𝙖𝙩 𝙣𝙚𝙖𝙧 𝙩𝙝𝙚 𝙘𝙤𝙧𝙣𝙚𝙧 𝙖𝙩 𝙑𝙚𝙡𝙤𝙙𝙧𝙤𝙢𝙚 𝙋𝙖𝙧𝙠, 𝙩𝙝𝙚𝙧𝙚 𝙞𝙨 𝙖 𝙩𝙧𝙖𝙫𝙚𝙡-𝙩𝙝𝙚𝙢𝙚𝙙 𝙘𝙖𝙛𝙚 𝙩𝙝𝙖𝙩 𝙤𝙛𝙛𝙚𝙧𝙨 𝙢𝙤𝙧𝙚 𝙩𝙝𝙖𝙣 𝙟𝙪𝙨𝙩 𝙛𝙤𝙤𝙙, 𝙘𝙤𝙛𝙛𝙚𝙚 𝙖𝙣𝙙 𝙙𝙚𝙨𝙨𝙚𝙧𝙩𝙨, 𝙗𝙪𝙩 𝙢𝙤𝙧𝙚 𝙞𝙢𝙥𝙤𝙧𝙩𝙖𝙣𝙩𝙡𝙮, 𝙖 𝙨𝙚𝙣𝙨𝙚 𝙤𝙛 𝙚𝙭𝙥𝙡𝙤𝙧𝙖𝙩𝙞𝙤𝙣 𝙖𝙗𝙤𝙪𝙩 𝙩𝙝𝙚 𝙬𝙤𝙧𝙡𝙙. 𝙏𝙧𝙖𝙫𝙚𝙡 𝙗𝙤𝙤𝙠𝙨 𝙖𝙣𝙙 𝙥𝙤𝙨𝙩𝙘𝙖𝙧𝙙𝙨 𝙖𝙧𝙚 𝙨𝙩𝙧𝙪𝙣𝙜 𝙤𝙪𝙩 𝙚𝙫𝙚𝙧𝙮𝙬𝙝𝙚𝙧𝙚 𝙛𝙤𝙧 𝙮𝙤𝙪 𝙩𝙤 𝙜𝙧𝙖𝙗 𝙨𝙤𝙢𝙚 𝙘𝙤𝙛𝙛𝙚𝙚, 𝙧𝙚𝙖𝙙 𝙖𝙣𝙙 𝙧𝙚𝙡𝙖

牧羊少年咖啡館 The Alchemist Café+西式+咖啡店+將軍澳黃店🏠環境:+ chill 可以任座 無限時+ 環境舒服，樓底高，空間感大+ 原來單車館有隱世美食‼️ 日落巴黎 $98好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ waffle 熱辣辣 外脆內軟 一流 ✅ 有朱古力醬 可以淋...... 有朱古力✅overdose 一口waffle 一口cream 一口香蕉 一啖雪糕咁食最正‼️ 凍玫瑰可可朱古力 $48好食指數：⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️抵食指數：⭐️⭐️⭐️✅ 玫瑰味重 但同朱古力味唔太夾📍將軍澳寶康路105-107號香港單車館地下G53號舖Shop G53, G/F, Hong Kong Velodrome, 105-107 Po Hong Road, Tseung Kwan O⏰星期一至五11:00 - 22:00☎️ 電話號碼 26327107📩喜歡我的文章，可以關注我及讚好以作鼓勵

今日去咗單車館打球，打完之後就去咗牧羊少年咖啡館到食晚餐。叫咗個 三文魚意大利粉再加個好好食嘅甜品同埋明太子鮮蝦意大利粉，好香明太子味，意粉質感好好檸檬利賓納冰水果茶

去完單車館一身汗，已經唔想周圍走，竟然俾我發現有間cafe係館內✌️仲要一入到去落地玻璃，樓底仲幾高下，感覺好舒服好休閒🌞🌱。可能係疫情既關係，都幾多人係平日下午既時間帶住電腦👨‍💻WORK FROM RESTAURANT。講左咁耐，呢間cafe就係「牧羊少年咖啡」。✨Special: 落地玻璃望住個湖，鄰近單車徑，好岩一家大細黎。💓黑椒香蒜煙鴨胸意大利粉：食落好香口，煙鴨胸又唔會覺得過咸，蒜香味都算幾重，不過份量略嫌少。💓鮮忌廉野菌煙三文魚意大利粉：食落幾creamy，唔會覺得好乾身，材料都幾足，不過整個份量略嫌少🤤💓芝士薯角：由於唔夠喉既關係，另外加左＄38要左份芝士薯角，個芝士醬好濃香，但食幾多條時，覺得有點膩，所以最後我都係點返茄汁。不過薯角真係整得好香脆🤗🍟我呢d愛🍟之人，完全抗拒唔到！🌸假期比較多人於單車館內外出沒，故位置比較FULL。

太耐冇同friend一齊食嘢，就決定喺近少少嘅地方，搵間食物質素唔差又可以傾偈嘅餐廳。見到好多人介紹牧羊少年，咁就一於試吓。佢有唔同嘅包，小食，Pizza，飯同意粉。食物選擇都算好多。帆立貝意粉 - 有兩粒大大粒嘅帆立貝   而意粉嘅忌廉汁都好好食      ($ 72)厚雞扒意大利包拼芝士薯條 - 麵包唔係平時食開嘅方包  呢隻比較有咬口  而雞扒都好厚  同多汁      ($ 82)雞肉pizza - 唔係太過特別  但味道唔差     ($ 108) 個人看得海鮮Pizza更好食。藍莓芝士餅 - 芝士味唔算太濃  而且餅底有少少散  （$45）我哋五個人order左4個set，1個pizza，同兩份甜品，套餐包埋嘢飲，我哋都食到好飽。但因為太餓所以有啲嘢食冇影到。而且都幾多人，所以如果想食最好預早Book位先，咁就唔洗等。

避開煩忙時間黎到呢間牧羊少年咖啡館，係唔多人嘅環境下，叫左簡單嘅意粉同一杯檸檬茶一路望住出面個靚景，再慢慢品嚐眼前嘅食物瞬間感到心靈嘅慰藉😂呢間店嘅waffle 更好食可惜食完先記得要影相🤣

將軍澳嘅黃店💛🎗因為近嘅關係，其實已經食過好幾次了個環境幾舒服，鍾意佢樓底高，空間感大，唔會話同隔離檯好近咁☺️☺️·✨鮮忌廉野菌煙三文魚意粉 $78好滿意呀😍黃店都要好食㗎👍🏻佢三文魚好多，野菌好多，汁又夠creamy，意粉份量都好多🥳有啲cafe味道唔差但份量少真係好扣分，呢間就啱哂大食嘅我🤪·✨意式蕃茄豬排拼香煎魚柳珍珠飯 $78如圖所見，有四舊豬一舊魚，魚柳嘅比例會唔會少咗啲😂😂咁啱冇哂魚定咩🧐個蕃茄汁ok唔酸，豬排同魚柳都正常呀，而個飯都比餐牌所示嘅多👍🏻·✨Latte☕️ (+$12)幾濃，有少少苦澀✨冰果茶🍹 （跟餐）好好好甜，記住叫少甜😂

今日同fd剪完頭髮之後 介紹黎呢間食😃支持黃店系列😄門口要系單車館入去 呢到座位闊落 位同位隔到好開 我同fd都系叫M5鮮忌廉野菌帆立貝意大利粉 $72 野飲 我叫凍嘅檸檬利賓納朋友叫cappucino 要加$12 個意粉好食 有兩大粒帆立貝👍🏻上面加左芝士 意大利粉系粗面 煮到岩岩好 面硬 岩哂我口感嘢飲就冇乜特別 不過朋友話佢杯咖啡好飲個泡打得密 拉花都靚 以加$12黎講 CP值高我地望住個單車公園食飯 景色一流👍🏻另外呢間餐飯系唔收加一架🥳

今日閒日同屋企人去單車館食午餐上網睇呢間咖啡室好吸引😍😍😍個環境望落好舒適 餐廳外嘅風景一流🤪🤪晏晝有lunch set 2:30打後有Tea set但係我哋今次想食意粉🍝分別叫咗個黑松露雜菌意粉😋😋同埋野菌帆立貝意粉😋😋真係即叫即做 都等咗大約10分鐘左右😶好重忌廉味 個面真係好好味 唔會話好淋個餐可以加$12飲cappuccino😋😋😋有拉花好好飲呀 抵過去間咖啡店而水果茶都好好飲之後仲可以加$28要甜品我哋叫咗蜂蜜蛋糕同埋芝士蛋糕🍰蜂蜜蛋糕有啲甜但好好味芝士蛋糕就正常

牧羊少年喺單車館打完羽毛球就去咗隔離牧羊少年食lunch，呢間牧羊少年好文青🐽，個景好靚🏖，又唔會好多人食👍🏻。.🔥黑松露雜菇意粉配橙汁$68分量唔算好大份但係黑松露都算濃郁😋😋， 而且菇嘅份量都好多，仲配埋橙汁唔使加錢👍🏻呢個價錢來講都算唔錯😭😭😭❤.🔥午市套餐加配炸薯角$29炸薯角就相對冇咁好食，雖然好大份但係比較淋身，所以最後都係食唔晒🤣🤣.但係呢間個景同埋feel實在太好，相信好快就會去多次❤❤❤❤

呢間餐廳好得意，佢係開係單車館入面，原本對呢啲無乜信心，點知原來佢既食物質素係做得好好！-小食拼盤，乜都有啲，岩哂啲咩都想試下既人，佢所有野都係即製，全部都卜卜脆架！-荷蘭醬豬肉排，出面餐廳好少食到，佢既汁好特別，有啲似蛋黃沙律醬，但又吾係沙律醬，夾起試黎既味道好特別-千島海鮮批，好好食！蝦又大隻，個薄餅皮仲焗得好脆，啲醬又岩岩好，吾會太多又吾會太少！正過pizza hut!-鮮忌廉黑松露野菌意大利粉，佢啲忌廉味好濃郁，每條意粉都有濃濃既忌廉味，吾會話意粉同啲忌廉味分開哂，做得好好！好香！

終於開學，不過只係返半日，唔想煮，放學就同2隻小怪獸出嚟食埋lunch先返去啦～嚟左單車館間牧羊少年，裝修左之後靚左好多～餐牌都轉晒～主菜叫左個拿破崙蕃茄煙豬腿肉長通粉，豬腿肉夠腍，小朋友易咬👍🏻仲有鮮忌廉黑松露醬雜菌意大利粉，黑松露醬夠香唔膩，意粉煮得岩岩好👍🏻 2碟粉既汁都好足料，一上枱相都未影得切已經俾2隻小怪獸搶住食🤣另外主菜加$38可以配個芝士薯角～今次芝士醬分開上，非常好👍🏻想食幾多就點幾多，之前係一大pat pat係薯條上面，太多太膩我就食個煙三文魚凱撒沙律，沙律好新鮮，麵包粒夠脆，沙律菜夠爽😋睇嚟裝修完之後呢度都會繼續係我地既「飯堂」🤣🤣

天陰陰又落雨，一心等停雨之後再踩下單車就走咗入去食嘢。叫咗個午餐，加小食。見係$38貴貴地，一心以為係燒八爪魚丸，章魚燒之類嘅嘢，只不過係燒汁加墨魚丸。咩料？無下次。

這間咖啡館見網上獲好評甚高，適逢天氣晴朗， 又困咗屋企太耐，一於约好友一起去聚下。咖啡館就在將軍澳坑口單車館裏面，一入去， 感覺好開揚， 環境亦舒適，地方都寬敞， 真係有一番文青feel呀。打開menu睇睇，價錢好公道喎 ， 一個餐加配一杯飲品都係大約$80左右， 非常親民。鮮忌廉野菌煙三文魚意大利粉意大利粉口感唔錯， 硬度適中不太淋， 煙三文魚配意粉本人覺得係最佳拍檔。意式蕃茄豬扒拼香煎魚柳珍珠飯豬扒肉質鬆軟，外脆肉嫩， 味道都唔錯唔會太鹹， 分量也不少。明太子鮮蝦意大利粉這個有點失望 ， 鮮蝦冇乜鲜味，普普通通， 亦沒有任何醬汁，比較有點乾， 冇乜味道。蘑菇雞扒意大利包拼芝士薯角 雞扒煎得好香口，好juicy ， 塊雞扒都好厚， 食落啖啖肉， 意大利包鬆軟， 唔太硬，好食。大家都過咗個好開心嘅聚會， 已經約定下次要再嚟聚聚。

好耐好耐都冇咩點出黎食野嚕，晚上就去左牧羊少年同左好耐冇見既朋友相聚。呢到既裝潢幾舒服，燈光昏暗之下更加有情調。因為太耐冇出黎食野，見到好多野都想試，我地就點左好多野黎試：荷蘭汁豬扒份量都幾多，豬扒既厚度都幾厚，食落口都唔算鞋，有咬口得黎都軟滑。個荷蘭汁味道偏淡，令到整體味道都偏淡。香腸拼盤有好多唔同特色既香腸，有雞肉豬肉既口味。份量尚算可以，食落去味道都唔錯，但食得耐再加埋個醬就令到味道好鹹。士拉差炸雞翼個炸雞翼炸得唔錯，一啲都唔油，味道有小小辣，但唔係辣到頂唔順個隻。雞肉炸得岩岩好，好嫩滑，值得一試。黑椒牛肉粒牛肉粒粒粒都好大件，食落去肉味濃郁，幾有咬口。只可惜味道太鹹，鹹到要飲好多水先沖啖。忌廉磨菇三文魚意粉忌廉好香滑，意粉煮得岩岩好，再加埋三文魚同磨菇增添更多既香味同層次，食落去都唔算太油膩。總括而言，食落去唔錯，但實在太鹹！